FlorenceSiu's Profile

我有食過旺角同呢間嘅快樂蜂，旺角嗰間好過呢間好多好多，葵涌廣場這間啲雞又鞋又乾，完全係overcook，件雞又比旺角細好多，一路食一路覺得中伏，點解葵涌廣場咁多嘢食，偏偏揀中呢間，食完之後完全覺得不能滿足同唔飽，本身我都好懶唔喜歡寫食評，但實在不吐不快！…Read More

我們一行四人,點了個價值hkd1,548嘅套餐!我們改了少少, 下面嘅餸如下:1)麻辣滷水拼盤: 因為味道一般所以冇人食, 有食剩的情況出現，第一道菜已經食剩了，可想而知味道很一般，而且當中有豬腸，豬腸內有很多的肥膏沒有去淨，我想知道有幾多人願意食肥膏呢?根本就係慳功夫，唔去清理啲肥膏。2)砂鍋雜錦龍躉骨湯:其實即是白菜豆腐魚骨湯，再加少少菇菌，我們完全飲唔到任何鮮甜味，只係飲到胡椒粉味！3)蒜蓉粉絲蒸聖子皇: 每人一隻, 但十分細小。味道偏鹹及油。4)菊子魚, 東星斑 12兩，養魚: 我們覺得應該係雪藏魚，完全沒有甜味和魚味，煮法衹是炸完因為無味, 再用少許柚子蜜加味道, 完全唔好食, 我們還食剩, 你推我讓也不打算再吃。5)原先本應是今次翡翠鳳尾蝦但我們改了黃金蝦: 呢個餸算系比較好的，總共有五隻，四大一小，份量太少了！即每人一隻多少少!6)士多啤梨骨: 得五件，骨大肉少，味道可以！7)金華玉樹雞半隻:是全晚最差啲餸，雞肉鞋口, 無味，完全係一隻雪藏雞，我阿媽在超市買只冰鮮雞都好食過佢, 在街上買一隻冰鮮雞,阿媽話都是30蚊左右,何況佢得半隻，仲要系冇味的雪藏雞，而且嗰啲火腿，食落口完全唔覺得佢係中華火腿，只係覺得佢系街邊一啲無牌嘅無味火腿。8)原本系蟹油銀芽炒麵的，我朋友話想食飯，所以改了個富柱炒飯，你估佢加了我們多少錢，加了我們$130, 我們原先打算食好野，以為個飯會好好味，所以一早再訂臺時，就同意他們用我們的蟹油銀芽炒麵再加百三蚊去更改富柱炒飯:點知個飯來到同豉油炒飯冇乜分別,衹是少許珍珠鮑魚和珍珠瑤柱,幾乎冇餸的情況下嘅炒飯, 但夠鑊氣和少少香, 不過你要接受發來嘅餸好似頭皮那麼細片的, 餸嘅量極之少。9)碧綠炒花枝片: 花枝片得5片左右再加西蘭花和少許薄片紅蘿蔔炒，味道尚可。10)甜品一般看落個餐好似有十樣餸咁多，但每樣得一件左右，而且有啲味道根本難食，食多件都嫌多！再者他們在工廠大廈，本應租金已經較其他食肆地鋪嘅租金平，成本可以放返多啲落食材度, 不過他們沒有這樣做, 環境亦十分一般，空調冷氣更十分差，我們個個都食到好熱！我們覺得呢間鋪食水深之餘，提供的食物及服務根本連一般酒樓都好過佢，我朋友說，這間食肆是她近五年來食過服務及食物最差的一間,我唔會介紹朋友嚟,自己亦都不會再來,我本來都好少寫食評的, 但呢間餐廳, 收得我們呢個價錢, 提供的食物質素, 我估全部夾夾埋埋食物嘅成本都不過二百蚊, 我看不過眼太多食評話佢好食, 我唔想再有第二條水魚好似我們這樣, 所以才公開寫食評!本來今次食飯時和朋友慶祝生日的, 本應諗住食得開開心心會食到好野的, 點知完全沒有驚喜和感覺自己係一條水魚😫😭😒…Read More