kknks1996's Profile

小編有朋友喺觀塘新開咗間coffee shop☕️鄰近apm 位置方便食物同飲品種類都算多喺觀塘嘅上班一族不妨朝早喺度買個早餐再精精神神翻工 💪🏾或者tea time買杯咖啡食個包叉叉電💪🏾Matcha Latte (L size) ($43)小編一向去coffe shop或者cafe都會嗌matcha latte🍵呢度嘅matcha latte用咗日本抹茶粉然後再好似日本茶道咁茶筅(茶刷)嚟點茶🍵點茶之後再加冰加奶🧊🥛呢杯係朋友額外加咗份espresso俾我🙈加咗espresso飲落茶味都仲出到嚟唔會話俾espresso冚晒👍🏾成杯野好夾亦都好高質👍🏾👍🏾👍🏾同場推薦越南法包🥖因為小編食咗飯先去所以冇試但現場睇樣都已經流晒口水🤤越南法包入面有扎肉,醃蘿蔔,腩肉,青瓜同埋最重要嘅鵝肝醬蛋醬🤤聽到都覺得吸引🤤要留定個肚下次去食😋營業時間⏰Mon-Fri 08:00-20:00Sat 08:00-17:00Sun 全日休息Breath Mark (觀塘)觀塘觀塘道410號觀點中心1樓03號舖…Read More

Having a birthday meal with friends and we need to book the seat a week before. Even we booked the seat, we still need to wait for a while. As this is my first time to visit this restaurant, I have no idea of what I will have. I just heard of this restaurant only have one menu and we can refill the fries. We called for a medium-rear steak and first severed with bread and salad. And then fill our dish full of fries and the steak came.It’s a great experience to having meal there and celebrate birthday with friends.…Read More

喺紅磡返工要搵平平地嘅lunch食下，飯hub係唔錯嘅選擇。10款飯都好吸引又唔貴，只係36蚊就有個飯。再加下小食都係50蚊內，真係好高性價比。平時買開炸雞飯配蜜糖芥末醬，炸雞係即炸熱辣辣，再淋上蜜糖芥末醬好夾。配菜有半隻溏心蛋同胡蔴醬椰菜，而白飯面仲有飯素，令到個飯冇咁dry。午餐時間好多打工仔排隊買，學生哥都放學嚟買。炸物即叫即炸已經係一大優點，而平，又係另一個優點吸引附近嘅街坊嚟幫襯。平平地又好食嘅一餐…Read More

同女朋友一直想食呢間台式火鍋，但上網睇walk in要等好耐，終於等到荃灣店新開張就book位，book咗6點鐘，食完到8點啱啱好可以行下消化下先翻屋企。當日平日早咗少少去到，職員有問會吾會選擇食到1930平啲，但費事趕住食都係揀翻正常食2個鐘。揀咗238一位嘅安格斯牛。坐位嗌咗邊個價位嘅牛同湯底隔一陣就可以用QR code落單。QR code落單嘅都係啲肉類海鮮同台式食品，而其他平時嘅打邊爐料就可以喺自助區攞。湯底叫咗紅燒牛骨湯底，好夠味，淥完啲肉類可以唔使點醬汁都好好食。醬料區有多款選擇包括平時嘅芫茜蔥蒜仲有蘿蔔蓉甜辣醬沙茶醬。私心推介洋蔥牛肉醬，點海鮮類好好食，而點其他都吾錯。火鍋料正常，但靠個湯底令到佢好好食飲品方面都幾推介佢嘅自家茶類，無糖同埋好飲得出味，當日試咗白桃烏龍同洛神花茶。而罐裝飲品有台灣嘅蘋果西打，仙草汁同一款好飲嘅朱古力，普通汽水都有。食完仲有每人一客movenpick雪糕…Read More

開咗咁耐終於見冇乜人排隊，舖頭收8點，我同朋友7點去堂食就唔使排隊，但見其他人買外賣就要排下。每款甜品嘅外表都好靚好真，但奈何2個人真係試唔到咁多。叫咗牛奶罐同曲奇奶茶。牛奶罐係朱古力外層包住焦糖海鹽奶凍同冧酒蛋糕。奶凍個味正常但冧酒蛋糕太濕唔好食。曲奇奶茶係玩味性質啲，倒完啲奶茶入去個曲奇度就飲翻佢😂奶茶好水，冇茶味，反而曲奇好重牛油又幾好咬口。…Read More

今時今日喺尖沙咀要搵到50蚊內嘅快餐少之有少，光榮係其中一間，平得嚟又好食。去過2次，2次都係食晏。而且好多人排隊，証明光榮喺尖沙咀地區都係熱門嘅餐廳。睇相都睇到佢個蛋有幾juice。呢個滑蛋沙嗲牛肉飯性價比高，大大碟，記得好似只係45蚊，而且凍飲係唔使加錢。沙嗲牛好夠味，亦都有好多片牛肉，食到食完個飯都未食哂啲牛。滑蛋加埋沙嗲牛非常好食。之後有一次食過蔥油雞扒飯，雞排煎到好香，再淋埋蔥油上去，絕配。…Read More

一路都以為重慶大廈好雜唔敢入去，但入咗去又唔係印象中咁，只係一個多元文化嘅地方。聽講新徳里喺重慶都幾出名咁就去試下。當日平日晏就大約1點鐘上到去，都唔使排隊，入到去搵位坐低就得。同朋友都吾食得辣所以嗌咗個新德里燴羊肉，芝士烤餅，蒜蓉烤餅同一人一杯乳酪。個燴羊肉唔辣，食落係有啲特別嘅香料味，又少少有咖哩嘅影子，但配埋啲烤餅係好食。芝士烤餅熱辣辣上枱嘅時候係仲可以拉絲同聞落好香芝士味。蒜蓉烤餅又係聞落好香。香蕉乳酪飲落都幾有蕉味同埋都食到有啲蕉蓉。…Read More

店入面全部都係面壁嘅位，同幾個朋友一齊排排坐面壁。入到舖頭要買飛先再搵位，叫到你no.就去攞自己舊牛。今次嗌咗最基本嘅三拍子牛，店員表示係牛肩肉。舊牛整到一成熟再由客人自行決定整到幾熟，面前亦有提示叫唔好咁快切哂啲肉，如果唔係就會太熟唔好食。整體嚟講，牛味正常，又未至於冇，75蚊180g算幾抵食，但食完都仲有少少唔滿足。飯同沙律菜係任食，都可以靠食飯食飽嘅。…Read More

喺中環食完飯想食個甜品，就搵咗呢間食冰嘅舖頭。夜晚9點去，排咗大約10分鐘就入得。坐低嗌咗個草莓special加奶凍，嚟到係視覺上嘅衝擊，好大座冰，面頭淋滿士多啤梨糖漿再有一粒士多啤梨。店員提我地要由頂開始食起，如果唔係就會冧。個冰本身冇味，要靠個糖漿，但啲糖漿係足夠食哂成個冰。最底都有啲紅紅地色嘅糖漿，但食落就唔似係士多啤梨味。…Read More

喺social media睇到有人介紹好似幾好咁就拉埋朋友去港島行一轉順便搵下呢間小店。呢間真係隱世小店，都幾難搵，喺個平台度，好易走漏眼。小店並唔大，得14個位，但唔知係咪因爲冇外開到露天地方。野食嗌咗2份三文治，一個超•幸福三文治同榛子醬香蕉三文治。三文治嘅面包搽咗牛油再烘，內餡都好足料，上枱嘅時候絕對會俾佢吸引咗。唔單止外觀上吸引，味道都絕對唔輸得，又熱辣辣。飲品方面，自己嗌咗凍海鹽焦糖咖啡，外觀上一般，但內裡先係重點。平時凍飲都係加普通嘅冰，但佢有一舊咖啡冰，值得一讚，飲到最後都係濃濃嘅咖啡味。…Read More

同朋友去食lunch而朋友表示想食burger咁就搵咗海港城嘅BLT Burger,之前成日行過都見好多人排隊，應該都好食嘅。平日晏就去唔使排隊但都大約坐滿咗6,7成枱。餐廳冇set lunch，要單點burger或者嗌佢嘅combo。combo得3款 classic burger, BLT burger同和牛burger。combo就跟咗薯條同飲品。同朋友嗌咗一個classic burger combo同一個BLT burger combo，分別跟薯格同粗條，再加錢將個飲品變做milkshake。先講講個包，好大個！一上枱嚇親，好厚好大個，完全無從入口😂個漢堡扒要咗5成熟，但都少少乾。BLT burger入面冇酸瓜所以就另外配咗半條喺側邊，如果唔食記得提佢走瓜。burger仲配咗一小兜椰菜沙律。粗薯條好夠份量，食到好飽，但覺得唔夠脆，薯格會好食啲。2杯milkshake 都好甜，cookies and cream嗰杯仲有啲咖啡味。…Read More

近排去得紅磡多，聽講呢間冰室嘅老闆好霸氣，梗係要試下。喺午餐時間大概1230左右去到，門口有人排隊亦有人等外賣。小店得大約20個位左右。入到去見到老闆喺度煮野食。去嘅當日午餐有黑椒豬軟骨飯，沙嗲鴛鴦扒飯，紅咖哩雞飯同埋招牌蔥油豬扒飯。小編嗌咗鴛鴦扒飯，由於太肚餓嗌埋多飯，上枱時嚇親自己，個飯真係幾大下。但結果小編都係食哂㗎☺️牛扒豬扒夠味又夠淋，幾好食。沙嗲汁都夠香濃，但唔知係咪嗌咗多飯就略嫌太少汁。但整體都好味。廚房係睇到老闆整野食，透明度夠哂地方細小但唔污糟…Read More

由於住附近，都間唔中會落樓喺附近食晏。平時晏就好少食日本野，今日心血來潮想食魚生飯就去咗山葵。晏就有lunch set，有定食，拉麵同魚生飯。每個餐都配咗前菜同茶碗蒸。自己嗌咗個櫻花魚生飯（$75），有三文魚，劍魚(聽隔離枱姨姨話係)，青瓜同蟹子。飯都算夠食，女仔嘅可能多咗少少。三文魚大大舊，份量都多，食哂啲飯仲有幾舊可以就咁食。魚生新鮮，略嫌壽司飯嘅醋可以落多少少，吾係好夠。小編同媽媽去，而媽媽就嗌咗餃子拉麵（$55），有2隻炸餃，比平常嘅餃子大隻少少，再有2件卷物。成個餐媽媽話正正常咁，冇乜特別。…Read More

放工等人嘅時候口痕想食住野等又行過呢間台灣野。之前lunch time行過排好長隊，依家tea time吾使排梗係試下。佢個setting同某台式餐廳差不多，都係主食4選1，小食8選3。今次揀咗肉躁飯，台式香腸，木魚豆腐，鹽酥雞，再加3蚊要個凍奶茶。肉躁飯面頭得一舊肉，汁係夠嘅。鹽酥雞同木魚豆腐應該係啱啱炸起，熱辣辣，好味。腸仔就好正常。呢度勝在價錢抵，34蚊連普通熱飲。…Read More

同好耐冇見嘅朋友約食飯但又一時諗吾到食咩好就揀咗打邊爐。禮拜日晏就5點半就攞飛，嗰下仲同朋友講咁早攞飛咪好早食，但事實證明我係錯。攞咗飛等咗1個鐘先入到座，真係好多人排隊㗎。入到座，嗌咗179嗰個餐，因為大家都吾係話特別對邊隻牛有意見，平平地都ok。一人一個細鍋，我朋友要咗甘露鍋，即係普通嘅豉油湯底，正正常常。自己嗌咗蕃茄芝士鍋，一上枱都見到有片芝士，但湯滾咗食唔出有芝士味，係正常嘅蕃茄湯底。呢度加湯唔係加水，而係加翻嗰隻湯，呢樣抵讚。配料方面有雞肉，魚蛋，墨丸，芝士魚餅等等。最特別應該係佢有魚柳，平時好少喺呢啲日式火鍋食到魚柳。菜方面都不外乎係唐生菜，娃娃菜等，而麵就有拉麵，烏冬，公仔麵。整體配料選擇都算多。雪糕係哈根大師有脆心花生味，第一次食，好正。整體而言，記得早啲去排隊…Read More