飯島柔美香's Profile

Hea遊澳門閒逛商場之際，看見這款芫荽雪糕，實在大感好奇，忍不住買一支試試。與一般香濃奶味、口感軟滑的牛奶雪糕不同，這款雪糕只有淡淡芫荽香，口感竟然還有點似雪葩，加上外面灑上乾芫荽碎，令芫荽味十分香濃唯脆筒較薄，遇潮即軟。下次有機會定會試試其他特色產品~~…Read More

近年雞煲非常流行，雞煲食肆比比皆是，只算旺角的已經多不勝數。這次相約友人一起試試爺爺雞煲王。點了一個招牌雞煲，辣是夠辣，但味道一般，香料味亦較輕，略遜於我喜歡的豐富口感。吃完雞煲例必來一個火鍋吧！這次點了一份手切肥牛併牛頸脊，很是驚喜！肥牛爽口、鮮甜、味濃；牛頸脊肉質腍軟，牛味更濃！！正呀！！真不好意思，其實我本人不好雞子(噁), 不過同枱人愛吃，沒辦法！喜愛雞子的朋友們，這裡的雞子巧肥美啊~~ 食雞煲，習慣要不喝汽水，要不喝啤酒。今次飲青島，Cheers…Read More

得知放工要到街市吃泰菜, 本來不抱任何期望, 誰知處處有驚喜。甫入眼簾的是黑白波點枱布&磚紋牆身，街市熟食檔來說, 真算有心思！先點了一份泰式生蝦刺生做頭盤。平日夾蒜片&辣椒粒吃得多，今次再連涼瓜片同吃，口感清新,  而且絲毫不苦！！再來一碟白灼螄蚶 ，很鮮嫩！最特別是那個鉗，一夾，殼已開，食得非常方便！最後冷盤 - 酸辣去骨鳳爪沙律 。味道不錯，平時怕生洋葱的我，今次竟然入到口！鳳爪入味，配菜好易入口，兩者份量平衡，辣味在口裡慢慢累積，讚！！來到熱葷，先來一條鹽燒鰂魚。平日條魚大到幾乎見唔到隻碟家嘛，今日竟然咁細條！不過2個人食，算啦！魚肉勁滑，配泰汁吃固然風味獨到，但我個人有個慣癖，喜歡將魚肉滑過魚肚裡的泰式配料&魚皮上的鹽來吃。微微咸味加上魚肉嫩滑鮮甜，別有一番風味！SEE~~ 看見嗎？嫩粉紅的生魚肉的緊貼住骨，這條魚只是僅僅熟！！ 嫩滑魚肉就是這樣煉成的！！ 大廚勁！最後點了一個豬頸肉生菜包。味道其實OK，不過個人喜歡較惹味的肉碎生菜包！第一次飲泰啤。。。Er... 我覺得好似同平時既啤酒無咩分別咁既。。。 請高人賜教！其實佢係比較濃味既啤酒，食泰國嘢飲泰啤啱feel啲嘛！…Read More

呢排成日經過呢間新開嘅餐廳, 見到門面幾靚, 餐廳裡面幾有情調, 於是單憑感覺, 無做 research 就走咗入去試。咁啱係平日晚上, 6點幾, walk in都好快有得入! 食完先睇到好多朋友仔嘅食評話walk in入唔到, 咁我睇嚟真係幾好彩!呢度特色係自助點餐, 自己serve自己, 所以無加一服務費。人少少點咗個4人份量紐西蘭肉眼牛扒試試。其實, 我都知係慢煮嘅, 但無諗過真係要咁慢, 隔離枱同我哋同步入座, 佢地食完去拍拖, 我都仲未有得食...終於俾我等到, 真係眼前一亮! 擺盤幾靚, 塊扒足足2節手指厚。略煎過嘅表面非常香口, 而裡面既肉絕對係汁多肉嫩! 只有簡單調味, 牛味濃而不騷, 值得一試!唯一令小妹唔太滿意嘅地方係, 食完返屋企要由頭到腳大清洗, 簡直好似食完韓燒咁! 我已經坐得離廚房較遠, 真係辛苦坐近廚房嘅食客同做到滴晒汗嘅師傅!希望油煙方面可以改善一下!…Read More

朋友請食飯，2人漫無目的隨意走咗入呢間餐廳。2個餓鬼完成一朝艱辛工作，瘋狂地叫咗好多野食！最後係食得晒架! omg!推介一下：柚子沙律 - 味道比我想像中味濃，有頗多中型蝦米，喜歡口感層次既朋友應該幾鍾意！鮮果乳酪 - 同朋友試咗士多啤梨味同芒果味，口感creamy, 甜而不膩，唔錯！燒豬頸肉 - 豬頸肉本身已經幾夠味，配個汁酸酸甜甜稀稀的，估唔到又幾夾喎，有d 驚喜！串燒豬肉&雞肉 - 驚喜發現沙嗲醬好濃味，仲有花生粒，配串燒肉一流！可惜只有呢2種肉選擇，如果有牛肉就好啦！…Read More

開心食雪糕~唔開心都係食雪糕~每次經過手作之店都忍唔住買返2球陪我行街！今次試咗冧酒提子同薄荷朱古力雪糕。食一啖冧酒提子雪糕，提子juicy, 滿口淡酒香。再嚐薄荷朱古力雪糕，薄荷清香配上雪硬咗既朱古力釘，口感好滿足呢！雖然雪糕口感並非柔軟綿滑，但亦唔差，呢個咁大眾化既價錢食到咁大球雪糕，性價比非常高！！…Read More