黛肉 のプロフィール

開咗咁耐幫襯過幾次，頭幾次每次都會執漏餸畀我，係每次！今晚再次經過，發現標價平過以前，諗住反正熱辣辣又唔知食乜好就再俾多次機會佢⋯而今次我亦都望清楚佢有冇執漏野，本來滿心歡喜回家食，我錯了，太天真了⋯個冷麵完全冇味，係冇味！好想知道點樣做到呢個效果？你哋小店唔求進步，都唔好退步啊大佬⋯冇生意真係唔好賴經濟，食客會食得出你哋有冇心去做，收呢個價錢俾啲咁嘅貨你哋良心過唔過而得去？真係好失望⋯如果我要食，我會幫襯其他分店都唔會再幫襯呢間！…さらに見る

兩個人order了貴妃雞蠔仔粥、炸兩、腐乳通菜、涼拌皮蛋、鹹肉糭，泰國青檸冰。涼拌皮蛋: 似一早拌好了，而且放了在雪櫃好長時間，完全沒色水可言，味道更不用說。炸兩: 唯一好味的，可惜凍冰冰。椒絲腐乳通菜: 腐乳汁「一係好稀，一係一舊舊」，放入口完全覺得核突。貴妃雞蠔仔粥: 宣傳寫得好好，講到重雞味，只此一家。但是吃落去又稀又淡，完全沒有雞味，而且雞肉好明顯放了一整天。極失望！鹹肉糭: 這個很難整得難食，偏偏真是很難食！泰國青檸冰: 邊忽泰？好嬲。埋單一共$222 ，但我們都不知吃了什麼下肚，完全沒有滿足感。重點來了，我們吃完回家立刻反胃肚痛，一起拉肚子拉得很誇張！ 我明白食肆生意難做，但你這樣的水準完全沒有誠意，客人怎會回頭？第五波以前還算有水準，現在真的完全不行，不會再光顧。…さらに見る

勁肚餓之際見個餐牌好似好吸引，就走入去食叫左個吉列豬扒滑蛋丼，男朋友叫照燒汁雞扒丼。野食黎到已經覺得中伏，滑蛋係碎蛋，雞胸完全冇味，個湯其實係滾水加胡椒粉飲品正價！完全唔抵食！冇下次！…さらに見る