hungryKaMing's Profile

前幾日同朋友行CWB 咁岩見到呢間酒店扒房個set lunch 幾吸引 而且環境舒適幾好坐 適合三五知己聚會黑松露三文魚他他入口已經好濃黑松露味 然後三文魚既油香再滲出來 兩者之間好夾 而且下面配左件脆卜卜面包 食完成件事好清新開胃香燒春雞配烤甜薯 田園蔬菜春雞體型小 不過肉質最為柔軟細膩 燒得恰到好處 鮮嫩多汁 唔會燒到好乾 切開入邊仍然見到好多肉汁流出來 再夾埋烤甜番薯同田園蔬菜一齊食 唔會太膩時令水果碟果盆擺盤好靚 而且有成六款水果 每款都切到大小岩岩好入口 好新鮮 好甜 解膩一流…Read More

元朗鮨文相當受歡迎，週末嘅午市時間，第一輪及第二輪都爆晒場。我就點咗個壽司Omakase - $628：茶碗蒸、15貫壽司、手卷、湯、甜品茶碗蒸加上黑松露，一打開蓋就聞到香氣，蛋夠滑夠香。15貫握壽司：真鯛−係我喜歡嘅白身魚，帶微微甜味，表面加上少許柚子皮，食落更清香。秋刀魚−肉質鮮美，油脂豐富，表面加上姜蔥。網燒新鮮希靈魚−呢件都係第一次食，同我原先嘅印象好唔同，估唔到食落咁淋身。甜蝦−經過簡單的處理已經食得出甜蝦獨有嘅甜味。醬油漬赤身−經醬油漬處理過，食落更滑更淋，呢件係我當日認為嘅mvp。北海道鱈魚−肉質鮮嫩，油脂感好豐富。岩手縣活帶子−食落係有一梳梳嘅口感，又甜又好食。鱈魚白子−質地綿密軟滑，入口即化，微微火炙過，食落係有濃郁奶香味道。中拖羅−表面用熱水燙過，食落帶出兩種口感。網燒呑拿魚面頰−經過網燒後呈烤焦外皮，肉質唔係入口即化嗰種，但係愈食愈濃郁。牧丹蝦−新鮮帶甜，口感帶少許膠質感。香霜蟹−外觀好靚，一啖食晒蟹肉蟹膏，非常滿足嘅一貫壽司。活赤貝−鮮甜爽口，食之前先拍打過，令肉質更爽彈。三文魚籽−師傅自己醃漬，冇平時食嘅咁鹹。海膽−非常慷慨咁比咗成行海膽！好甜好creamy，食完好想食多幾件。最後嘅右口魚手卷係爆油脂！一路食一路滴油好誇張。午市嚟講價錢屬中等，但份量比起其他同價位嘅鮨店多！…Read More

經常都見到好多人推介嘅Weekend Brunch - Porterhouse Seafood & Steak，餐廳平時都係做海鮮餐廳、扒房形式為主，係逢星期六、日先會轉做週末自助餐，所以對佢哋嘅海鮮同埋肉類都相當有信心👍🏻$598/成人，分2輪入座，每輪用餐時間為2小時。餐廳嘅取餐地方基本上就係一個L型，一邊放晒熱盤、海鮮、頭盤、肉類、即煮意大利粉，另一邊就放咗甜品、蛋糕。海鮮類有生蠔、龍蝦、凍蝦、麵包蟹、長腳蟹、龍蝦鉗等等，主打嘅生蠔好甜好好食，雖然睇唔到係咩品種，但係好鮮甜，甜味突出，海水味偏淡，我個人嚟講好鍾意。另一樣大愛嘅就係佢嘅龍蝦湯，見晚市餐牌個價錢要$188，brunch嘅龍蝦湯飲落都非常足料。烤肉款式有齊燒雞、牛肉、豬腩肉、羊架；即煮意粉都有特色，配料自選、醬汁自選、意大利粉自選，配搭多元化。每位仲送一隻蒸鮑魚。…Read More

屯門少有高級燒肉店屯市foodcourt隔離呢間燒肉店，好！出！色！走高檔燒肉路線，服務周到，如點一些稀有部位，會有店員幫忙燒💕💕見佢有個九宮格二人餐幾抵幾吸引，不過我地唔係好鍾意食雞肉，所以決定全部單店，呢個餐有機會同其他friend再食！🤪🤪我地決定點個全牛宴！名物！菠蘿漬鑽石和牛胸腹肉上到枱超級巨型！半個菠蘿裝住和牛胸腹肉，又大又厚身，都係$288，成晚食得最飽嘅一款肉！薄切嘅2款肉店員都會幫手燒，一個係味噌醬燒和牛肩肉芯，又腍又滑身，係我最愛嘅一款肉。另一款係黑毛和牛三筋肉，處理得好其實係一款好高質嘅部位🤩牛味濃郁，入口都軟滑仲叫左特上牛小排同厚切鑽石牛舌，牛小排油花充足，油脂分布平均👍🏻牛舌爽口彈牙，亦都係我成晚最愛之一😚屯門好少有咁出色嘅燒肉👍🏻可以再encore!!…Read More

封門柳有水準+特色流心牛角包Yoho戲院旁嘅呢間Fast Gourmet 想食佢個牛角包好耐！！Set dinner $268起有得跟配埋夠晒吸引頭盤可以揀流心牛角包，仲有主食同甜品招牌龍蝦湯流心牛角包🥐感覺幾創新夠獨特，一切開龍蝦湯就爆晒汁，又有牛角包酥酥脆脆嘅口感👍🏻主菜叫左個美國封門牛柳配香煎鴨肝(+$28)都幾值得加錢轉封門柳，一上枱成個擺盤好靚好吸引，牛味濃郁而且好juicy!!再加塊鴨肝，可以啱啱好彌補番封門柳少油脂嘅感覺👍🏻👍🏻係成晚比想像中更加出色嘅一道菜另外散叫左一份黑松露慢煮流心蛋意粉黑松露味好香，食落creamy，份量都唔少最後仲有一杯甜品Tiramisu Ps 店員好有禮貌👍🏻…Read More

好耐冇去旅行，又想食日本嘢，上網見到呢間餐廳Booking有折就book左，整晚體驗都唔錯，食材有誠意，轉頭睇一睇個日本海膽卷就知道🥰🥰我哋叫咗三文魚子茶碗蒸，味道鮮甜。除咗壽司刺身，仲有得叫串燒食，呢個燒雞腎同埋燒帆立貝好夠味，燒得啱啱好👍🏻我哋仲叫咗個日本和牛配黑松露麵豉醬，一上到枱已經好香味，日本和牛非常軟嫩，側邊嘅黑松露麵豉醬可以中和返和牛嘅油脂，減低油膩感🥰最最最最吸引嘅一定係呢個海膽卷！！聽日從化上面包住一對海膽，非常滿足😍😍搞到我越嚟越想快啲飛去日本再食好嘢🥲🥲…Read More

咁快又到年尾，今年氣氛都真係差左好多，但都唔影響香港人對美食嘅追求🤪🤪冇得去日本，唯有去居酒屋感受番日本氣息，當去左旅行！呢間銅鑼灣嘅串燒居酒屋，人氣都幾高，餐廳裝修都係和風設計為主，深木色暗調，幾有日本色彩。食物水準不錯的！我地叫左小食、串燒同手卷燒鱈魚干、炸池魚仔鱈魚干乾身脆口，佐酒一流🤙🏻池魚仔數量好多，裝滿晒成碟🤩主角當然係呢度嘅串燒：串燒雞拼盤三點一次過食到幾個雞嘅唔同部位，雞心好少食，唔係好多地方有，非常唔錯😍另外叫左串壽喜風和牛粒，幾特別，燒和牛粒後，有埋壽喜燒嘅醬汁，我就幾鍾意食😚仲叫左牛油果蟹籽沙律、三文魚子手卷同蟹子手卷同菠蘿梳打，食物質素對得住個價錢👍🏻👍🏻…Read More

嚟到塚田食堂食飯，原本想叫佢哋火鍋餐，但係見到呢個Sake event又幾吸引，又見個活動就嚟完，就決定食呢個set!!$218有個4色刺身盛合定食 配埋一杯清酒- 宗玄刺身有吞拿魚、油甘魚、三文魚、同埋三文魚子，見見厚切，都幾大塊，定食仲跟埋前菜、白飯同麵豉湯，成set非常豐富!!吞拿魚鮮味十足，帶點油脂香味。配搭嘅呢一杯清酒，味道甘甜，可以提升刺身嘅鮮甜🤓👍🏻呢個配搭值得推介呀同個主題好貼切：Seafood Love Sake💕…Read More

和牛燒肉一郎又開多左一間分店，今次選址喺銅鑼灣，地鐵站一出就見到大大個招牌，雖然而家比少少棚架擋一擋，但都仍然好顯眼！👀👀上到去地方好闊落，劃分左甜品、飲品、沙律吧三個區。今次第一次食，叫左個最basic嘅set A 平日$348/位。一上嚟就先上了一艘燒肉海鮮船，打卡又食得！最鍾意食嘅係牛肋肉，油脂分布平均。薄切上等牛舌芯就要手機落單order!!想食到牛肉甜味，可以叫里脊肉，淋身又充滿甜肉味。除左燒肉，小食配菜都估唔到咁好食😯😯黑松露醬配薯條，薯條好幼身，方便沾滿勁多醬☺️銅鑼灣燒肉黎講價錢合理，下次可以再試下更高級嘅set😀👍🏻…Read More

斬料之選 高CP值今晚呀哥阿嫂臨時都番屋企一齊食飯，決定同阿媽落街斬料，比我發現到呢一間燒味滷師，抵食又好味，都幾高水準☺️☺️☺️價錢唔貴，所以都見吸引到好多附近街坊排隊買嚟食。我最鍾意就係食燒肉，燒肉皮脆卜卜，肥瘦相間，非常好食，份量都唔細，呢度$50蜜汁叉燒都幾正，我好驚有啲燒味檔嘅蜜汁係好甜，呢間又唔會，甜味適中，叉燒邊微微焦燶，最鍾意食呢啲邊邊位。燒鵝一睇就知係招牌，一大個爐掛起勁多燒鵝，上庄$100，肉嫩多汁！🤩驚唔夠食，叫多左半隻豉油雞👍🏻👍🏻…Read More

行到攰決定去打個邊爐，當然要去食大滾友啦☺️.同平時一樣，我哋叫咗我哋最鍾意嘅花膠雞鍋，每次黎都係必叫。花膠大大塊勁抵食，就算平時我唔係特別鍾意食花膠都食咗好多舊☺️.另外我哋叫咗頂級雪花肥牛，羊肉片，手打蟹子蝦滑加瑤柱干貝滑雙拼，當然仲有打邊爐必叫嘅響鈴同埋菜啦！.雪花肥牛唔會太過肥，油脂分布平均，好驚平時外面嗰啲三份二塊都係肥肉！.羊肉片好抵食，$98已經有好多塊！.蟹子蝦滑爽口彈牙，瑤柱干貝滑鮮味非常突出，兩個都非常足料。👍🏻…Read More

炭火做燒烤嘅餐廳香港唔係好多間😱朋友今次介紹呢間好鬼正😱😱純日本嘅味道🇯🇵，食物全部都精心炮製，所以等候時間比較長，見師傅樣樣都即場燒烤，睇得又食得😌我點左串東京灣鮑魚串揚，上枱精緻，水準高，鮑魚彈牙鮮甜，保留到食材的原汁原味🇯🇵有靚海鮮當然唔少得一杯清酒👉🏻出羽櫻泉十段吟釀酒精感出，喺口腔餘韻揮之不去就連其他員工都好專業，值得推介！⛩⛩越食越掛住日本🤤，好想快啲同朋友去旅行，喺日本居酒屋食好飲好🥳…Read More

對住個無敵大海景🥰食慾都大增我諗呢間都算全港數一數二最靚嘅酒樓，主要贏在佢個景，身心都舒服啲😌對住個靚景，最啱就係飲番杯清酒🍶餐廳有做緊一個清酒同海鮮嘅活動，我就叫左呢一款蝦子蘆筍炒鮮鮑片$128，另加$48配一杯清酒。點知道佢係先鮑片？成個鮑魚殼都俾埋你睇😆🐚🤓🤓大廚刀法一流，鮑片切得薄身，但仍保持到鮑魚嘅口感。仲做咗少少調味，帶點微辣感🤤🤤食唔停口是日清酒：南部美人吟銀河🌌🍶…Read More

屋邨酒家深度遊今次嚟到另一間屋村酒家，彩翠軒！價錢相宜、味道不錯，如果人手可以再添加少少就最好。地方都幾大，經濟又實惠。我最鍾意食嘅就係椒鹽鮮魷，呢度仲要係七味椒鹽鮮魷🤩味道更濃郁🤤非常非常惹味！🦑🦑🦑🦑🦑🦑炸粉唔算厚身，而且鮮魷份量係超多，配埋一杯清酒都係$108😍我真係差唔多自己一個人食晒成碟😂風之森804山田錦純米酒酒體清新微香，襯埋鮮魷就更加鮮甜地點雖然唔算就腳，但係我自己覺得性價比好高。…Read More

2021年9月🤓記錄一下舊式酒樓所見所聞、人情世故！作為街坊酒樓，附近都係得佢一間，開業已久，裝修保留原先樣子。講咗個總結先：價錢正常，份量十足，食物質素都合格的🥳無時無刻都唔少街坊捧場，唔係冇佢嘅道理。晚市必點盈彩小炒王，舊式酒樓鑊氣就最夠，料頭十足，蒜味幾香，仲有其他野味一齊炒，例如魷魚、蝦仁🍤舊式酒樓都搞搞新意思，海鮮愛上清酒！純米酒散發微微香氣，入口有少少辛辣，襯托返小炒皇😎同部長、店員嘅對話大聲講大聲笑，呢仲感覺係舊式酒樓先做到！…Read More