cykh's Profile

呢排忙到飛起，終於可以暫時抖一抖！🥰再一次嚟南豐紗廠，今次見到多咗好多狗狗，好可愛！🐶🐕🦮🐩😍去咗支持良心小店！💛🔸 奶霜翡翠 Jasmine Green Milk Foam Tea（$37）🔸 奶霜泰晤士 Earl Grey Milk Foam Tea（$39）🔸 鹽酥雞（$39）奶霜即係奶蓋，好耐冇飲，非常厚身嘅奶蓋，口感豐富。佢有6種甜度選擇，我本身好甜，所以揀咗「正常糖」😛 雖然感覺好邪惡，但配埋茶一齊飲真好正呀！！！🤤 而鹽酥雞就冇乜特別，但勝在夠熱夠脆 😉下次會再encore奶蓋茶！🤩…Read More

讀書時期間中會去舊式麵包舖買瑞士卷當早餐，貪佢份量剛剛好、口感軟綿綿，加埋d cream，好味又夠飽肚，畢業之後就冇乜再食... 🙈·A-1嘅食品無論係賣相定係味道都好出色，大部份我試過嘅蛋糕、泡芙、麵包都滿足到我！🤤·🔸 原味瑞士卷 🌀（$14）最近第一次試佢哋嘅原味瑞士卷，話日本電視節目都有推介！🇯🇵😲 由鮮忌廉、吉士同海綿蛋糕3樣嘢製成，全部都係我喜歡嘅食材，加埋一齊真係冇得輸，口感軟滑，香濃吉士味，好邪惡嘅味道呀！😍·又多一樣可以再encore嘅甜品！✅☺️…Read More

一直好想試大渣哥，但成日都好多人排隊，所以未有緣份試到。今次終於食到喇，排咗大概15分鐘就可以入去開餐！😆·餐牌上面全部都係好鬼馬嘅名，我揀咗「黑牛黑麵」，因為我唔笑就成日俾人話我黑面 🌚，個名夠哂親切感 😂·🔸 黑牛黑麵 🖤🐂🍜（$52，轉出前一丁+$5）「收嗲」鮮牛肉麵即係沙嗲牛肉麵，食茶餐廳必定要叫返碗。沙嗲味香濃，出前一丁煮得剛剛好，爽口唔會煮到腍哂！👍🏻 多士選用丹麥麵包，已經搽好牛油、脆卜卜，好出色！值得一提嘅係火腿炒蛋嘅炒蛋，口感嫩滑，趁熱食就最正！🤤 ·🔸 凍檸茶 🍋（凍飲+$3）🔸 凍奶茶 🍋（凍飲+$3）·只有真•香港人可以入去食嘢，嚟得排隊食嘢嘅客人都係「自己人」，感覺好舒服！💛 店員好有禮貌，而且會提供大雨傘俾出面排緊隊嘅客人遮陰，好窩心！下次一定會再嚟幫襯，加油！💪🏻…Read More

呢個商場唔算特別就腳，人流唔算多，但舖頭類型總算樣樣都有d，住喺附近嘅街坊嚟呢度消遣下都幾ok。行經呢頭，想買杯嘢飲抖一抖。·身為愛奶之人嘅我，見到有牛奶成份嘅飲品都會心心眼！😍🥛 喺眾多選項之中，我揀咗「牛奶系列」嘅「小時候波霸牛奶茶 (熱)」（$26），可以揀凍或熱🧊🔥。·大熱天時🥵揀凍飲係最爽，不過女孩子👧🏻/女士👩🏻飲多d熱嘢係對身體好d嘅，所以今次揀咗熱嘅，一樣好飲，仲有口感煙韌嘅珍珠，過足口癮呀！😚·一行幾人一齊買，遇上前後都有客人，所以要等多少少時間先拎得，不過服務態度幾好，等下都ok啦。😂…Read More

餐廳環境同餐具都係較為舊式style，座位數目唔算多，所以要排一陣隊先可以入去。門外有一大塊座地menu，方便客人排住隊都可以揀定嘢食！😆·🔸 招牌砂煲老鼠粉🏆🐭🍜（$78）Menu寫住「香氣撲鼻，必食之選」，絕對冇花冇假，真係超香！🤩 老鼠粉其實係銀針粉，炒得非常香口，第一次食已經留下深刻印象！😚 配料有豬肉碎🐖、小魚乾🐟、蛋🥚、蔥粒、肥膏。蛋係生嘅，一上枱要盡快撈勻所有食材，砂煲有效保持食材嘅溫度，一邊撈一邊聞到香味，近煲邊嘅銀針粉仲有少少焦香添，非常惹味！🤤·🔸 檳城亞參叻沙米線（$52）酸酸辣辣嘅魚肉湯，越食越辣，愛辣人士應該會喜歡。配料有魚蓉、青瓜🥒、生菜、紅洋蔥🧅、菠蘿🍍、辣椒🌶、薄荷葉、蝦膏，味道中規中矩啦。😛·「招牌砂煲老鼠粉」一試難忘，非常出色，下次嚟一定要再食！👍🏻…Read More

屬於香港人嘅五一黃金周正式開始，係時候回顧一下幫襯良心餐廳嘅美好時光！💛·呢間店舖環境唔算好大，座位較近，但夠企理。食物選擇都幾多，我哋揀咗2款小食、2款飯/麵、1款飲品，全部都係網上推介嘅選項。💁🏻‍♀️💬🔸 川味紅燒三寶牛肉麵（$88）食親台灣嘢，好多時都會食牛肉麵🐂🍜，今次都唔例外。紅燒三寶包括牛筋、牛腱、牛肋條，湯底充滿香濃嘅牛肉味，3款餸同麵條都好入味，餸夠軟腍，好好味，我想自己獨食呀！🤤🙈😆·🔸 滷肉飯 (小)（$18）粒粒分明嘅飯，口感一流，每啖飯配埋少肥嘅滷肉，邪惡但勁滿足！😈😌·🔸 皮蛋豆腐（$38）皮蛋向來係我鍾情嘅食物之一， 呢個涼拌小菜係必叫！😍 一片皮蛋、一片豆腐，夾埋一齊食，滑嘟嘟又好味道！😚·🔸 甜不辣（$25）口感煙韌，建議要趁熱食呀！·🔸 冬瓜茶（$20）夠甜夠凍，消暑一流！·食物質素高，價錢合理，雖然要排隊，但絕對係值得幫襯嘅良心店呀！😉…Read More

Lunch hour 好多人，基本上滿座，好彩算早少少嚟，遲dd嚟嘅話就要喺門口排隊了...... 🙈·🔸 牛油果軟殼蟹卷 🥑🦀（$118）牛油果控表示大愛！😍 推薦呀！非常足料嘅卷物，以滿滿嘅牛油果包住卷物表面，軟軟的，而入面係飯同好脆嘅軟殼蟹，「外軟內脆」，食嘅時候要小心d，因為有少少易散。🤯 總共好似有8舊卷物，不過我食到好後先記得影相...... 😅 卷物顏色好鮮艷，配以星空感覺嘅深藍色碟，「打卡」一流！📸·🔸 日式咖哩吉列豬扒飯 🇯🇵🐷🍛（$68）唔錯嘅咖哩吉豬飯，吉列豬扒炸得好香脆，咖哩汁撈飯，令人胃口大開 😛，份量算幾大份，性價比夠高！·🔸 檸檬薏米水 🍋💧（$20）檸檬薏米水可以清熱、改善水腫同排毒，飲返杯健康一下。🤓·環境幾舒服嘅小店，店員清一色係年輕人，店內播嘅都係耳熟能詳嘅流行曲，80後一定會搵返好多回憶！💭 有機會一定要再食佢哋嘅牛油果軟殼蟹卷，真係好好味！🤤…Read More

餐廳主打yogurt飲品，好多生果任君選擇，感覺比較健康！😆·🔸 Strawberry smoothie 🍓 草莓優格果昔（$36）向來都喜歡飲strawberry smoothie，但好多時都會擔心太酸...... 而呢杯smoothie完全消除咗我嘅疑慮，味道好好、賣相粉紅色配白色，少女心爆發 😚，仲加埋少少士多啤梨果肉，好正呀！🤤·🔸 Pineapple tea with yogurt top 🍍 菠蘿優格蓋茶（$36）用咗yogurt取代一般嘅芝士奶蓋，意想不到嘅驚喜！🤩 味道好清新，係近期餐廳推介嘅其中一款飲品，冇介紹錯呀！👍🏻·飲品好出色，味道好、用嚟「打卡」又好睇 📸，仲要係良心餐廳，一定要再去支持！💛…Read More

台灣過江龍cafe登陸旺角區，成功吸引到唔少人嚟潮聖，上年終於去試咗，最近好想再去，暫時回味一下上次先！🤩 遠望餐廳，已經見到人龍由reception塞到出去餐廳門外，雖然我哋預先book咗枱📱，但門口太多人，等咗一陣先可以入座，可想而知係幾咁多人！🙈·呢度以自助形式運作，由落單💰、等叫號燈震動就去拎野食/飲品、食完執拾枱面丢垃圾，再將餐具🍽分類等，全部由客人自己負責，對於我嚟講算係幾新鮮嘅體驗。🤔·呢度其中一個賣點係「打卡」📷，文青風格，好適合喜歡影相嘅朋友。進餐途中，見到唔少情侶、閏密四圍影相，我都係其中一份子！🤣·食品方面，我哋叫咗1個套餐、2個risotto、2杯野飲。·🔸 兩人分享套餐（$128）套餐包括1份沙律🥗、1份麵包🥖與無花果芥末奶油和蘋果白蘭地起司醬、2杯「每日昔昔」。值得介紹一下麵包，賣相幾靚，麵包夠脆、醬好正，我最鍾意奶油嗰款！🤤「每日昔昔」即係seasonal smoothies，酸酸地幾開胃！·Risotto，即係menu上寫嘅燉飯，d名都改得幾特別。第一睇望risotto，超多餸！😮·🔸 剁椒牛肉 | 台灣眷村好味道（$158）2個risotto當中，我同朋友都比較喜歡呢款！有燉牛肉🐂、手炒花椒豆瓣醬、溫泉蛋🥚。燉牛肉有少少微辣🌶，牛肉味非常突出，推薦！👍🏻·🔸 水上芭蕾舞 | 干貝繞圈圈（$168）呢款係海鮮risotto，有帶子、三文魚cream source、溫泉蛋🥚。帶子大大粒，夠鮮味，將三文魚cream source、溫泉蛋、risotto撈匀一齊食，好正！·🔸 熱鮮奶（$38）最近工作好忙，休息時間少，飲杯熱鮮奶🥛，夜晚都好瞓d！😴·🔸 鮮奶朱古力（$48）朋友叫咗呢款，拉花心心💛，好靚！·呢度嘅環境同食品都好適合「打卡」，食物質素亦相當唔錯，過江龍果然唔失禮！😛…Read More

想試呢間餐廳好耐，不過之前要排好耐隊，所以放棄咗，最近終於都試到！😛·🔸 關西牛肉丼（$68）見到好多人推薦「關西牛肉丼」，所以就跟住叫，冇介紹錯，牛肉好入味，個汁唔會過份濃味，送飯一流🍚！🤤·🔸 和風漢堡丼（$65）一心諗住試下，冇抱太大期望，估唔到又幾出色，漢堡扒夠腍、味道又好！🤩·🔸 玫瑰香梨荔枝汁（$38）哪個女孩不愛玫瑰？🌹 清甜嘅味道，推薦！🥳·🔸 Baileys Coffee (Ice)（$45）賣相好靚，美美的層次感！😆·餐廳環境都幾舒服，店員服務質素都好好，反應好快，嘢食同飲品都好出色，值得再食！😎…Read More

Macaron色彩鮮艷，帶俾人開心嘅感覺😆，未食落肚之前，幫佢哋影下相都夠happy！📸☺️ ·前排試咗3款味道，每款2粒，整整齊齊排好喺盒入面。😚 賣相好靚，味道方面全部都相當唔錯，唔會甜得好誇張。細細粒，食多幾粒都唔覺有好大罪惡感，哈哈！😛 一次過食咗3粒當宵夜！🙈 ·咁多款味道之中，我最推介雲呢拿味，好好食呀！！！😍 有機會一定要再食，諗起到流口水！🤤·🔸 雲呢拿（白色）🔸 荔枝（白+粉紅色）🔸 紅莓（紅色）…Read More

喺香港食魚生飯🍣🍱閒閒地都過$100💰，質素仲要非常參差，有錢都未必食到優質魚生飯。🤯 幾年前朋友帶過我去呢間小店，店舖唔算大，但勝在夠舒適，而且魚生飯又抵又高質，魚生種類多又夠鮮，果然冇介紹錯。👍🏻·最近心思思想食魚生飯，但又唔想堂食，所以order外賣。🛍·🔸 E餐 - 什錦魚生壽司飯（$79，外賣加$2）小店有唔少食物選擇，我就揀返以前食過嘅E餐，份量剛剛好，魚生最少有5款以上，好鮮甜，仲要係厚切，下次一定要再encore！🤤.非常有誠意嘅小店，未必好多人識嚟，值得介紹俾多d朋友嚟支持下呀！😉…Read More

好耐之前同朋友嚟過呢間位於半山嘅cafe，感覺好悠閑，宜家諗返起都好回味。💭 餐廳環境好舒適，好多木製嘅傢俬同裝飾，俾人一種好柔和、好relax嘅感覺。😌 喺正門入口位置附近擺放咗唔少精品，富有香港特色，作為土生土長嘅香港人，不禁覺得好有親切感！💕·餐廳分咗室內同室外兩部份，我哋揀咗室內近窗邊嘅位置，間中會見到有電車🚃經過，影相打卡一流。📸 ·食物方面都幾多元化🌏，西式、日式、中式都有。由於朋友都係細食之人，所以我哋叫咗一個set同蛋糕share嚟食。·🔸 Signature Set B（$78）4款Signature Set之中，我哋揀咗Set B，係芝士火腿雞絲奄列配茄汁豆及青沙津、吉列魚柳、牛角包。熱辣辣嘅牛角包 🥐 配半溶嘅牛油當然無伏！🤤 另外值得介紹下芝士火腿雞絲奄列，奄列入面有半流心嘅蛋汁，配埋火腿同雞絲一齊食，好正！·🔸 芒果芝士蛋糕（$45）超香濃嘅芒果味🥭，好似食緊芒果雪糕咁，每一啖都係幸福嘅味道！🥰·🔸 Flat White（$36）朋友試咗佢哋嘅咖啡☕️，唔錯呀！😆·餐廳環境同氣氛我會俾好高分，食物方面都好唔錯，食下嘢、影下相，可以好好放鬆下。另外餐廳原來可以包場BBQ🍢🔥，想同班朋友搞party嘅話，又多個選擇！😎…Read More

身為大圍人，偏偏好少喺大圍區食野...... 🙈 前排同朋友喺大圍短聚，行經呢間餐廳，發現原來喺大圍都搵得到有格調✨嘅餐廳，於是就book咗呢個星期嚟食。🍽·餐廳環境相當好，坐得幾舒服，星期三仲有music show🎶添，邊食邊聽 🍽👂🏻，好享受呀！今次呢位表演者用咗唔同樂器去演奏多首流行曲，最深刻係《陪着你走》，好好聽、氣氛好好！仲有一隻好可愛嘅狗狗同行，超得意！😍·兩個人食晚飯，叫咗一個拼盤同一個主食，選擇都幾多，我哋揀咗兩款都寫住「RECOMMENDED」🙋🏻‍♀️ 嘅菜式。·🔸 特色小食拼盤（$158）拼盤有5款小食，有洋蔥圈、魷魚圈🦑、軟殼蟹🦀、雞翼🐔同豬肋骨🐷。份量都幾多，非常香脆又濃味。我最鍾意食軟殼蟹，外殼炸得非常香脆，蟹味夠濃，推薦！👍🏻·🔸 5小時慢煮澳洲和牛威靈頓（$688）威靈頓牛🐂係我哋最期待嘅菜式，今次係第一次食，要等大概30分鐘，美食的確值得等待！😚 酥皮烤得金黃香脆，裏面嘅牛肉以慢煮方法烹煮而成，粉嫩嘅顏色，賣相相當吸引！就咁睇以為d牛肉好生，實際上唔係，牛肉好腍好入味，好正呀！🤤·呢度嘅食物、環境、氣氛都非常好，好啱情侶、朋友嚟享受下！💕…Read More

每次喺旺角MOKO行街，行經Beard Papa’s附近嘅時候，都會被佢哋嘅香味吸引到 🤩，今次都唔例外，買咗一個puff即場食，之後再買多個返屋企！🤭·🔸 蛋奶沙司味酥皮系列泡芙（$19）原味吉士puff永遠都係我嘅首選！😍 酥皮非常香脆，餡料係滿滿嘅吉士醬 💛，勁creamy，甜甜嘅吉士醬多到會一邊食一邊流出嚟，超邪惡...... 但真係好好味，勁滿足呀！🤤·下次經過一定要再encore！🙈…Read More