phyllisyyt的个人专页

叫左個上海排骨菜飯，真係宇宙級難食，啲飯凍嘅，個排骨即係炸豬排，又乾又柴又薄，夾硬點啲豆瓣醬先好小小🙃我隔離個個食蔥油拌麵，個麵成Pat野咁，淋哂漲哂，一啲都唔彈牙，蔥油味又唔香，好似靜係啲豉油加小小蔥油撈埋就係，真係買包即食麵煮仲好過佢！個跟餐送嘅生煎包，又係唔熱嘅，個底又煎太濃，食到有個位勁硬，入面又話爆汁，我真係感受唔到。個豆漿，可能人人口味唔同，我覺得好奇怪，有啲杰，唔係我平時飲嘅豆漿，我真係飲唔落🫠因為太多人，要搭枱，對面兩個太陸遊客一路食一路苦笑，間野比人吹捧得太勁，食完真係浪費quota🫠…查看更多

食過兩次，每次都要等最少20分鐘左右，大熱天時真係唔惹少，建議可早啲黎食第一次嚟叫咗兩碟意粉，再加小食，根本唔會食得晒，建議如果兩個人，最多都係一碟小食，一碟意粉已經非常足夠。除左意粉大兜，小食都好巨量，牛角包配粟米炒律，啖啖粟米沙律好好味～食到有啲論盡，但略嫌牛角包有啲唔夠熱；薯角香脆可口，份量多得來亦都唔係hea你，大部份都幾大舊，點茄汁食真係好味上次食過香蒜炒蜆意粉，因為太大兜要不斷食，而且係用油炒，覺得都幾油膩。今次試吓卡邦尼煙肉意粉～味道不錯，唔會太乾身，而且煙肉份量都好多，基本上每一啖都可以夾到煙肉嚟食，加埋芝士粉更好味。今次有上次經驗，嗌咗足夠份量，唔會嘥嘢！不過如果食唔晒嘅話，都可以外賣打包走，咁就唔會浪費食物…查看更多

沙田新城市廣場地下的一間西餐廳，環境不錯，服務態度都很好。意粉有彈性，唔會太淋，蕃茄忌廉汁濃厚，食到底仲有好多sauce小食拼盤，因為冇晒墨西哥脆片，所以轉為薯角。逐樣點評：薯角：香脆，好味，不過好熱氣蒜蓉包：較細舊，正常表現芝麻雞翼：一般，因為係炸雞翼，比較硬身洋蔥圈：一般，冇乜特別蘑菇：好濃香草味，有少少遮左蘑菇味溫泉蛋：兩個人咁樣唔知點食，於是放咗落意粉度撈埋一齊食肉醬焗薯蓉：好味～太細都唔係好夠食沙律菜：個sauce辣辣地，我覺得一般.總括嚟講，小食就唔係好吸引，不過意粉唔錯，佢哋仲有一啲漢堡、Steak，下次都可以試吓～…查看更多

係女人街見到有間韓國野，不太起眼，就試一試。好細一間，一眼睇哂，環境普普通通，應該係家人經營。小前菜係泡茶同醃大豆芽，正常表現，不過不失。仲有一個湯附送，裡面有幾舊蘿蔔，唔熱，小小暖，又冇乜味，唔知飲緊咩。由於太想念韓國蛋捲，見到就想叫碟試試，但一見到就已經失望完全唔熱，冇蛋香，冇煎香，冇味道之餘仲要好老，食之無味，棄之可惜。韓國炒粉絲，好味，麻油味香濃，但太濕太黏，食落似一餅野。韓國石鍋豬肉拌飯，冇咗好多配料，亦都冇雞蛋，食落唔豐富食完呢一餐就算，唔會有下次。。。…查看更多

海港城啲鋪頭因疫情下都好早截單/收舖，行到腳軟就是但入左間餐廳，雖然價錢我地覺得都幾貴，但好攰，一次半次就試一試。餐廳都係向著維港望海境，環境唔錯，食中菜都有蠟燭係枱面，攞設各方面都幾高級。服務態度良好，侍應會食食下走黎整理桌面不過餐廳太暗，碟野黎得慢，想叫佢幫忙催一催，都睇唔到我地柚子長腳蟹沙律，上面個殼只係裝飾，蟹肉同底下既青瓜同柚子撈埋一齊，係幾清新，但$200都呢到小小，不太值得叫。本來想食鴨，但因為賣哂而轉成燒鵝。坦白講，除左個甜酸醬係幾好味之外，燒鵝同出面普通茶樓食到既冇乜分別，絕對冇驚艷到我。羊肚菌海膽燴飯（大約係呢個名），好味，味道濃厚，海膽鮮甜趁熱食更好味～總括黎講，食環境居多，$900幾蚊得一樣想再encore，我覺得就一般啦。…查看更多

放工同同事去食放題，本來想食個間要等好耐，咁就諗著海之戀開既餐廳應該都OK，點知全哂伏！奉勸大家唔好食！！呢個真係要放第一張😑😑😑我真係未試過去食放題，啲炸蠔可以咁既樣，幾粒蠔仔痴埋一齊，想點呀😂 啲炸粉仲多個啲蠔，又油淋淋🤮 芝士年糕，啲芝士味淡到差啲食唔出，層皮油到得人驚，食一半即放低。炸牛奶，牛奶味香甜～但炸皮厚同略硬，唔會encore芝士焗帆立貝，好味（終於），同平常食放題食到嘅差唔多。清酒煮蜆，完全冇酒味，亦都冇任何湯底味，同攞水煮冇分別。呢張相係未食之前，啲湯少到。。。好腥，不過冇乜沙（因為出邊自助區兜炒蜆，啲沙多到成口都係。。）牛肉又硬又韌，啲調味又怪怪地，有浸臭味（真係唔好意思都要講）份量又少！牛舌個味係OK既，燒烤類來講佢都算唔錯，不過唔熱，應該係放耐左。同埋啲侍應上碟嗰陣連張單都唔拎走，想點。。。刺身食落OK，但亦唔覺特別好好味，同一般食到嘅放題差唔多創意壽司，味道一般。賣相差，我地仲以為得個蝦頭，個味又唔夾，唔知想點。飲品選擇都算多。唔知點解雪糕櫃要鎖著，要拎要問職員解鎖😪可能係哈根大師，唔想啲人拎哂掛。。。.出面自助區啲野食，真係唔試都冇乜所謂，茶碗蒸同屋企蒸水蛋冇分別，炒蜆成口沙，啲梅酒又唔凍，得炸薯格同炸雞粒叫做好少少。因為佢出嘢都出得真係好慢，咁唯有走去自助區，填下肚先囉😪😪😪.啲職員有一半都唔著制服🧐同事聽到有人催單時，個侍應好唔滿意，一路行一路講「吹咩呀吹。。」，不過我諗係個別員工，因為幫我哋跟單嗰個同事就好好態度，print張單比我地對～不過其實，個場仲有三份一吉位，出嘢出咁慢，都要檢討吓。。。.臨走時見到Cashier有幾個人，唔着制服，攤係張櫈到玩電話，可能當左自己屋企😪😪.晚市$278，咁嘅質素完全唔值，呢個價錢可以食好多更好嘅餐廳😩 如果你要黎食，請三思。…查看更多

同事同我講佢一直想試試呢間位於家樂坊樓下上既泰菜，OK一於黎試試，平日夜晚都幾多人，大約等10至15分鐘.餐廳環境真係一啲都唔係傳統食泰國菜既地方，反而係走清新少女既感覺😂🌚 比人感覺係真係一個for客人影下相，做下打卡位，環境舒適，不過佢啲嘢食嗰碟都幾大，所以二人座位張枱其實相對來講都好細，放唔到野。青咖喱意大利飯配黃金軟殼蟹。第一啖我同同事都異口同聲：「好味喎！」軟殼蟹上邊淋咗一層幾濃厚嘅鹹蛋黃醬，食落好香濃，但超肥！同時亦估唔到青咖喱竟然可以變成意大利飯，識落唔會奇怪，反而仲辣辣地幾好食添！印象中價錢百幾蚊，其實真係幾貴🧐🧐🧐冬陰公扁意大利粉配大蝦🍤呢一個我覺得都幾好食，酸酸地幾開胃，但一啲都唔辣（本來預計佢會有冬陰公嘅辣）。不過食耐左又有啲似將平時冬陰公公仔麵包調味粉，到左落啲意粉度煮😂😂 而同事就覺得一般般，冇青咖喱嗰個咁驚喜。大蝦新鮮，蝦肉唔梅，爽口，開邊烤得幾香👍🏻👍🏻一碟有兩隻，兩個人一人一隻啱啱好，不過又係貴另外我哋都叫咗一個泰式小食拼盤，但嗰個我哋都覺得一般般唔好食，亦冇乜特別，其中有一個好似烤肉腸嘅嘢，味道超怪，每人食咗一舊即刻放低。總括嚟講，呢間fusion泰式野食都叫唔錯，青咖喱飯真的值得一試，但普遍價錢偏貴，一杯梳打嘢飲都要$50，mock tail 百幾蚊，我自己真係唔係好捨得叫了，出餐都唔算快，有漏單情況，埋單又等超過20分鐘都未整好😭 不過職員都好有禮貌，同埋好落力幫我地refill水! 哈哈😄…查看更多

長發食宵夜食得多，真正坐低食係第一次，今次終於試下食!鋪頭有幾個坐位，食物種類都幾多，主要以西式為主。黑松露大啡菇漢堡，麵包有烘過🥯食落比較香口，唔係淋哂個啲麵包；啡菇同其他配料亦食得出係新鮮，黑松露撈左落沙律醬入面，黑松露味道唔算好出，但所有食物加埋一齊食亦叫剛好。總括黎講覺得幾好食，有衝動想試埋其他，但因為宵夜關係，只能淺嚐，下次可以跟套餐叫，試埋其他野食!長發村大部份食肆都係集團式餐廳，千篇一律，食黎食去又係個啲，試吓新野都幾好呀👍🏻 價錢合理質素不錯，用心經營，老闆佢地又talk得，同埋人如其名真係鬍鬚仔！！下次再黎幫襯～👍🏻…查看更多

八點鐘等位，等左約二十分鐘，因為等位時落埋單，所以入到去坐五分鐘倒已經有得食。不過連水都唔記得比，要自己行去拎😓吉列牛加晚市定食。本身都會跟白飯，但亦可以加38蚊轉飯素飯，同埋配多隻溏心蛋同湯。先講講吉列牛，表明係安格斯牛肉，需要加上鐵板燒約10-20秒，視乎個人口味而定。我覺得本身牛已經好淡味，吉列炸味蓋過牛味，但牛都嫩滑，燒耐左都唔會變靭。淨食牛好淡，最好點小小佢本身跟既醬汁會改善到。味噌牛定食。同吉列牛一樣，可自己選擇加唔加38蚊。如圖一樣，有勁大塊葉係到，店員提示要定時攪拌均勻，慢慢煮熟。但其實係好難控制位置，攪多兩下塊葉已經穿左，最後因為怕煩，索性將啲味噌牛肉放去吉列牛到燒算😪但好易令鐵板燒焦，所以先要用塊葉墊底。味道比吉列牛濃郁一點，味噌味都幾香，同牛肉係幾夾，牛肉亦相當嫩滑。而加38蚊係有咩特別左呢？第一係會有溏心蛋，冇乜驚喜，味道正常，係你會想像到既味；第二，飯素飯，好味，但醬汁有點過鹹，如果可以減走小小就會更好，第三，櫻花湯（？）難飲，好難飲，奇怪，好淡好淡既花香味配好淡既清湯，直情放係到就算。總括而言，如有下次唔會加38蚊，講真唔係平，但又唔係好味有驚喜，寧願配返本身跟既白飯已經足夠。最後，應該唔會有下次，不過過下癮燒下野食都幾得意，價錢中上，睇你覺得值唔值一試😌（聽人講午市抵啲，可以留意下～）…查看更多

平安夜同朋友來到葵芳一齊食午餐，位於葵青劇院旁，好耐之前都試過一次！幾有文青feel😄今次再試下睇下係咪一樣好食先羅宋湯配餐包，餐包都幾好食，但羅宋湯太甜，飲完口渴，應該係太多味精💀滑蛋煙三文魚蜜糖多士，朋友推薦食呢一個多士，味道方面都唔錯嘅。蜜糖多士係生命麵包蜜糖味個隻，一模一樣！滑蛋都OK，另外佢有配埋甜甜地嘅沙律醬所以特別好食。夏天的尾巴，係橙同菠蘿嘅水果特飲，甜甜地幾清新蘋果蜜桃鮮打綠茶，每一啖都有好多蘋果肉，好好飲，而且佢又唔會特別甜，好啱我口味🤤呢間餐廳嘅意粉都比較乾身，食到最尾嘅時候係唔會有多餘嘅汁，不過味道方面的確唔錯，蝦亦都爽口。肉醬意粉，一樣都係比較乾身，不過意粉有炒過所以都幾香，肉醬味道都好濃。芝士肉醬薯條，啱啱焗起所以熱辣辣，好好味，上邊有一舊水牛芝士，點極都仲有，肉醬同意粉嗰個醬係一樣既，呢個薯條都幾抵食！另外我哋仲叫咗一個白汁吞拿魚意粉，不過意粉比較膩，食幾啖已經覺得好濟，但味道同份量方面都幾好，所有意粉都好大碟，四個人食三碟都食唔晒！總括而言，呢度環境唔錯，食物選擇都好多，味道都好食，而且份量好多，食午餐嘅話一定會食到好飽好滿足！😄😄…查看更多

平安夜同朋友們一齊食下飯，上網見到呢間粉紅主題餐廳，岩哂鐘意粉紅色既我地🤤聖誕節其間需要，指明要叫$358既套餐，我地四個人都考慮緊叫一個set好還是2個set，最後決定2 Set係冇錯既，因為份量係極少，繼續睇落去就知😂🤝第一碟黎既係牛油果蘋果青瓜沙律，一見到佢個份量真係當堂嚇一跳，然後得啖笑，四個人係完全唔夠食，每人得兩舊，味道方面都係不過不失。而右手邊兩張圖嘅前菜，我想講明佢係最後先黎，邊有人食晒所有主菜後先上前菜😂😂？係上菜分配上真係處理得好差，全部都係黎一碟食一碟，而且，留意番其實每一碟的份量都係二人set，而佢真係得兩隻雞翼咁多😑😑😑白酒醬烤雞翼，冇白酒味，係沙律醬味，微溫💩蟹籽玉子燒，雞蛋都幾滑，味道都唔錯，應該係岩岩整好。是日餐湯，好甜嘅羅宋湯，冇蔬菜係入邊，不過有啲忌廉拉花，但因為碗湯唔係好熱嘅關係，啲忌廉都溶唔到。蟹肉&蝦米紙卷，賣相不置予評，入邊嗰啲粉紅色粉藍色嘅粉係完全冇味💀個醬汁係柚子味，兩樣嘢完全唔夾，完全唔知自己食緊乜。左上：Boom! Monster，好可愛既飲品，100%香口膠味，飲慣左都可以接受。右上：Thunderstorm，荔枝味嘅沙冰，但點解荔枝味係黑色👹？最好飲，最正常係佢，淡淡的荔枝味，唔會太甜。左下：Hot Children Herb，粉紅色嘅水果茶，入邊有一兩粒菠蘿肉，都算係最好食嘅嘢😂😂右下：Girlboss Soda，又係香口膠味，一杯化學飲料💀香煎西班牙豬腩肉配玫瑰莎莎，薯蓉，烤蔬菜。賣相方面都唔錯，topping係青蘋果🍏唔係好夾，豬腩肉叫做烤得幾香，蔬菜都係，有薯蓉墊底。烤大蝦田園沙律，如何定義為佢係一隻大蝦呀救命？就算係兩個人食都完全唔夠分啦，我哋四個人每人真係得鼻屎咁大粒thank you! 而且一上碟，已經聞到好大浸蝦嘅腥味🙈 同埋我哋食完隻蝦，沙律都未食嘅時候佢已經收碟，重點係我哋完全唔知佢收左😫意式龍蝦海鮮薄餅，龍蝦係邊度？我係食完睇返Menu先知佢有龍蝦😂😂😂 啲海鮮細到無倫，好普通嘅Pizza，個重點又來啦，兩人份量點解係三塊pizza？Girl 海鮮拼盤，海鮮唔算特別新鮮，但最少蝦係唔梅既，扇貝個粒肉都幾迷你，味道方面普通。另外呢個拼盤係配左一個西芹八爪魚沙律，我想講唔係樣樣野放埋一齊就叫做好食，八爪魚沙律又點解會有條西芹同檸檬呢？三樣野加埋一齊九唔搭八，你淨比八爪魚我都冇咁嬲🙈🙈海膽忌廉意大利粉，完全表現出咩叫做孤寒，海膽份量就真係圖中個小小一篤，而且佢係苦嘅，但個意粉嘅味道都算唔錯嘅。Lady 煙肉蘑菇忌廉意大利粉配62度溫泉蛋，叫做比較OK嘅意粉，不過都冇乜特別好食。流心芝士龍蝦三文治，算係全餐入邊最好食嘅一個，三文治啱啱烤起好香，芝士分量足夠，都有龍蝦肉係入邊，而且係有龍蝦味既😂烤大蜆焗薯蓉，啲蜆其實好細隻，絕對稱唔上叫大蜆，而且蜆肉都幾腥，薯蓉都OK都幾滑。食到尾唔知佢係咪見我哋有啲可憐，比咗兩包零食我哋，話係聖誕禮物🙈🙈🎄🎄另外都有個貼心位，佢見到我朋友返嚟，佢先知靜靜雞上蛋糕😂謝謝你🤣總括而言，價錢貴之餘，份量亦唔合比例，例如係蝦沙律同埋pizza，即使佢每一碟係二人份量，都冇可能咁樣配搭吧（？）而且所有食物份量都好少，仲要係唔好食，完全搵唔到理由可以再嚟食過，如果你硬係要過嚟試嘅話，準備後悔既心情同銀包吧🙈…查看更多

係附近返工，每次老細叫食飯都要去呢間5B食lunch，5B 故明思意就係5樓B室😂 大大話話都食過5，6次，連下午茶都試埋。每次上到去都好鐘意佢地既環境，一字排開窗門，中午去時，光線充足，好開揚，食飯都精神啲，每一個角落都有唔同擺設，睇得出有花心思🤩 而且有board game，波子琪等等可以玩，等餐時可以解下悶😊員工服務好好，個個後生仔女又講得笑😂叫外賣時，雖然極短路程，但都會有保溫袋幫你裝好，非常貼心😊各樣設施都有花心思，不過講到尾都係食物質素最為實際。原來我飲到一半先黎影相😂每次都覺得佢地既餐湯真係好味，絕對唔係開粉個啲cheap雞野，飲得出佢係用左磨菇打成茸再去煮，所以係好香磨菇味，個人建議可以加多小小cream去煮，等個湯再厚滑啲就perfect dor!😂墨魚汁魷魚意粉，魷魚唔韌，稔稔地，但冇乜味，墨魚汁意粉好黑但冇墨魚汁味，份量小，得幾啖就秒殺個意粉。坐我隔離既男同事竟然食淨兩啖，我同佢講：「個兩啖你又何必食淨佢呢師主😊？」佢答我：「個兩啖係代表住唔好食既象徵，我要同個侍應表達我既感受😂」真係得啖笑，最後返去一個鐘後就開百力枝食🤣🤫餐廳用鐵飲管，非常環保👍🏻連飲管上都刻上餐廳名字，雖然今次佢個意粉的確係失失地敗，但食緊野時都覺得每處都係細節，都係心思。之前試過兩次佢地既黑松露意粉，個個好食好多，好香黑松露味，而且落左忌廉，所以係好香同幾creamy😄 下次再食既話都係叫返黑松露意粉算啦😹而老細叫左個印度南部咖哩牛脷飯，佢話個汁幾香，食落感覺係似沙嗲多啲，而啲牛脷係勁厚，就甘睇起碼有1.5cm厚度，而且份量十足，我個刻靜係諗緊呢隻牛應該都唔惹少🙈🙈🙈😂😂😂😂總括而言，食物質素上其實好一半一半，餐湯係有驚喜！不過主菜一啲好味但一啲又唔好食，真係睇你彩數🙈 而甜品方面佢地有cheesecake，我覺得不過不失啦！欣賞的係每一處都好花心思去打造成個環境氣氛😄同埋佢地都會轉下餐牌，下次黎可能有試下新野啦。…查看更多

今年生日，黎到銅鑼灣地帶既HeSheEat，被安排全係卡位，環境舒適，幾岩一路食住同朋友傾計。先來一個前菜，牛油果蕃茄他他配麵包，酸酸甜甜幾開胃，加埋牛油果帶小小油脂香味🥑係一個唔錯既開胃小食。墨魚汁魷魚意粉，味道帶微辣，加上檸檬汁襯托，黑蚊蚊既意粉都格外清香，不過墨魚汁味不算太多，而墨魚份量都幾多，唔會鞋。大蝦意大利飯，酸酸地感覺開胃，令人想食多幾啖，而大蝦本身亦有少許調味，單食都好味。唔記得左係咩食物了，紀錄一下😂😂肉用上勁多醬料，燒得幾香，加上薯條點燒汁亦麵好味，不過個人覺得鹹左啲。黎到甜品部份，叫左一個朱古力窩夫，配有朱古力醬同糖漿，有點過甜，不過我自己其實係唔鐘意食朱古力既😂😂😂佢地寫左個happy bday（係我地自己用朱古力醬畫既😂🙈）芒果腸粉，我自己覺得唔係甘好食，勁多醬發生咩事🙈🙈。總括而言，佢地既意粉同飯係幾好食既，反而甜品我覺得冇乜特別，你話唔好食又唔係，但都幾普通。…查看更多

之前已經係奧海城分店試過一次，的確聞名既雪山叉燒包熱食時係好好味，今次去到深水埗最原始既一間飲個夜茶先。當日我地叫左雪山叉燒包，叉燒腸粉，生菜，皮蛋瘦肉粥等等，另外仲有叫蝦餃，蘿蔔糕之類既點心，雪山叉燒包好好味，但前提一定要襯熱食，外面甜甜地又有小小脆口，入面既叉燒份量剛剛好，食得好滿足😋。*而皮蛋瘦肉粥都係我地推薦的，粥既口感甘岩係我地鐘意食的，唔會太杰👍🏻👍🏻，有好多瘦肉，不過皮蛋就小左啲。*另外，我地叫左個鳳爪排骨飯，味道一般般，飯有點硬🙈。*總括而言，米芝蓮星級既叉燒包的確係值得一試😋，再去添好運到食大概都會係因為個包，而其他點心都唔錯的，但未去到你覺得好鬼好食個隻😂😂。…查看更多

同兩個好朋友去咗尖沙咀，心血來潮好想試試咖啡弄，排隊都係等左約15分鐘就有位啦🤤叫咗一個水果茶，入邊有好豐富嘅水果，而且味道都唔會酸，用咗紅茶去配合，所以有淡淡的茶味，凍凍地幾好飲！呢個三文治嘅餡料好豐富，麵包有輕輕燒過，所以食落去有少少脆口，唔會諗得濟，因為餡料豐富，所以啖啖都好滿足，而隔離好似雪糕嘅東西，其實係沙律嚟🤓之後就有呢一個吐司，入面有白汁雞肉，上面就有芝士，焗完後成件事係勁香😂😂我哋三個人，其實食兩個餐都已經幾飽，坐窗邊位望住個街景，吹下水，都係一個唔錯嘅選擇🤤。…查看更多