Loki852's Profile

同朋友去食牛極，去到雖然已經係下午兩點幾，但都係要排隊！好彩唔洗排好耐。呢度落單係自己去自動販賣機度揀，同日本餐廳一樣！係香港好少有。呢度仲有任食沙律白飯同任飲湯，一定飽肚。每人仲會有一件即棄圍裙，完全唔驚燒牛扒啲油會彈到周身都係，好貼心。我揀咗牛肩扒，肉質爽口，我比較鍾意食生啲，呢度都滿足到我，可以自己燒到幾多程熟，因為香港啲餐廳好容易會overcook。點少少燒汁，再加蒜蓉，十分野味。朋友叫咗牛柳，我都有試少少，好嫩滑，就算燒得比較熟嘅邊邊位食起身都唔會好鞋。…Read More

嗌咗一個蝦湯油麵，以為會好辣但係其實一啲都唔辣。店舖唔大但係坐得幾闊落，而且入邊裝修好靚好有特色。Their shrimp broth is surprisingly good. Then mentioned that the broth is spicy but it actually isn’t spicy at all. Highly recommend this restaurant.…Read More

第一次去食呢一間車仔麵，點知意外地有驚喜。首先佢嘅餸好多，唔係好似其他車仔麵咁樣每個餸得兩件。老闆超級好人，我叫浄腩汁，佢都俾咗好多腩汁俾我，唔會成碗面乾爭爭咁。食咗冬菇、豬皮同埋豬紅，每樣都幾好食。麵底就叫咗烏冬，可能係因為咁所以令到個湯有少少酸。見到佢仲有雜麵，40幾蚊有好多餸超級大碗，好吸引，下次要試吓呢一個。但係呢間舖頭比較細間，建議大家外賣拎返屋企食，如果唔方便嘅話，就唯有喺餐廳入面企住食。…Read More

突然之間好想食千層麵，所以就幫襯左呢一間。但係有啲失望，佢明明寫住肉醬千層麵，但係麵入麵完全見唔到有肉醬。。。本身以為佢落少咗，想同啲姐姐講吓，但係姐姐堅持話佢見到有肉醬，咁我哋都冇辦法。佢啲千層麵淋啤啤，唔計冇咗肉醬，佢本身個麵都唔係太好食，份量都唔多。跟餐送咗一個沙律同埋粟米湯，沙律正正常常，個粟米湯飲得出係開粉嘅。同埋呢個價位嘅嘢食，喺太古城入面有好多其他嘅選擇，下次都未必會再幫襯呢間嘢食。…Read More

我好鍾意食呢一間嘅小丸子，佢係擺咗好耐都會係脆卜卜嘅。入面嘅料都好正，同埋粒粒小丸子都好大粒，脹卜卜咁樣，一次過買八粒仲可以當lunch咁食，好飽肚㗎。啲醬都好高質，連埋小丸子一齊食，食到舔舔脷。…Read More

鍾意食呢度嘅芝士波波，芝士味十分濃郁，口感十分好。無論你係入去啱啱新鮮出爐買定係擺咗一排之後先買，都係咁好食。如果行過嘅話都可以買返四粒試吓，不過個價錢有少少貴$18。…Read More

幫襯左呢一間麵麵店都有好幾次，因為佢嘅菜脯真係好好食，嗰一浸辣味同埋爽脆嘅菜脯令到成個麵都升華晒。同埋佢啲菜譜係任食嘅，鍾意食辣嘅就真係唔好錯過囉。相對而言佢嘅湯可能就比較遜色，同埋佢嘅配菜都唔係話太特別。…Read More

一開頭見到佢係用炭爐整嘅雞蛋仔，同埋都見到大排長龍，所以就決定去買一份雞蛋仔試吓。但係買到返嚟覺得雞蛋仔其實冇咩特別，唔係好食到有特別嘅炭香味，同埋啱啱開始食嘅時候啲雞蛋仔好脆，不過食咗一陣淋濕。喺其他地方買到嘅雞蛋仔水準仲俾佢更加好，亦都唔需要等咁耐，所以我哋覺得呢一間雞蛋仔唔值得用咁多時間去排隊。…Read More

呢個豬肉餅就好似港式Burrito咁樣。出面有一片被包住一啲炒香左嘅豬肉。豬肉有少少辣，我覺得有少少偏鹹添。可能係嗰日師傅落得重手得滯，但係成個餅食落去嘅口感都係好好味。所以如果你鍾意食啲重口味嘅嘢，就可以去試吓呢一個餅。…Read More

大澳必食嘅莎翁，老闆個個莎翁都係即刻整，拎到上手嘅時候就會熱辣辣，灑滿晒砂糖咁樣。成個莎翁甜而不膩，脆卜卜食唔停口。因為莎翁係即刻整，所以要等一陣先有得拎。去大澳一定要去食呢度嘅莎翁。…Read More

Kim’s Spoon幾個地方都有分店，喺其他app上面book位仲會有discount添。個人覺得佢嘅食物都OK，但係味道好好食，分量好多，一份其實夠兩個人食。同埋佢有三個小菜。佢嘅豆腐湯好多料，豆腐食極都仲有，仲有一隻蛋添。…Read More

Pizza box 嘅Pizza係星期一至四外賣都會有買一送一嘅優惠，兩百零蚊就有兩個大pizza好抵食。但係pizza味道係正常，唔係太過突出，勝在夠平，最啱一班人叫嚟食。總之我鍾意食佢嘅啖啖肉同埋珍寶，佢嘅芝心派都OK，可以一試。…Read More

第一次去呢一間茶餐廳，跟住Google Maps行左一排先真係搵到，因為茶餐廳位置好隱蔽，連招牌都冇，所以行過左都唔知。試咗好多人推介嘅蔥花蛋治，真係超級好食，白麵包烘底烘得好脆，中間仲切開咗搽咗啲牛油喺入面，好食到不得了。俾咗超級多心機係入面，個價錢十分合理。而入面嘅蔥花蛋好滑而且有好多蔥，連埋個白麵包一齊食，外脆內滑，真係食唔停口。都叫咗奶油多，佢加咗阿華田粉係入面，我覺得太甜，唔係太鍾意。蔥花蛋治比起奶油多好食好多。…Read More

牛大人台式火鍋由一開始已經好受歡迎，如果要係lunch time或者dinner time去食嘅話就要記得訂咗枱先去，如果唔係就要排好耐㗎喇。湯底選擇唔係話好多，但係啲湯底真材實料見到入面真係落足料。因為係叫咗最平嗰個set所以牛肉嘅質量一般般唔係話太好食。但係佢其他丸類好高質，每款都好好食。佢仲有自己整嘅冷泡茶，打邊爐可以飲啖茶解下膩。佢哋仲有一啲台式小食，好似髯鬚雞咁，但係因為主打係邊爐，所以台式小食就唔係太吸引。…Read More

見到鰂魚涌新開左一間日本野，所以就去試吓。叫咗一個角切魚生飯，分量雖然唔係太多，但係落完order之後，師傅係你面前即刻整，成個過程令到光顧經驗十分有趣。但係個飯份量有啲細。…Read More