平時貪平去x興(後來發現呢間好過同埋平過x興)果啲任食，次次唔係肚痛就發火，新星我真係唔識，可能因為佢九龍區冇乜分店但食落又好得喎~~~~先講價錢，平均$110一個，有啤酒飲，我同我啲fd 飲左至少2打，雖然只係藍冰，但點都好過啲屋村大陸cheap cheap 啤酒飲到你想嘔任食火鍋成日比少啲野人，呢間都有呢個問題，但食左幾個小時都只係miss 左1次魚皮同埋芝士丸，講真我覺得可以接受喎另外仲加錢叫左其他野食~~~ 加埋都只係$114咋.......肥牛份量好多，而且肉質都算係唔錯，叫左4round，4round都份量十足，單單係呢一點好多既飲食火煱已經比唔上湯底係沙嗲，啲沙嗲絕對係煲出來，唔係滾水溝啲沙茶醬入去扮晒野，所以食好耐都keep 住有沙嗲味......仲有係圖2 既墨魚滑，佢地既墨魚滑好彈，不過味就唔算係一等一...... 不過114有咁多野食..... 仲想點......…Read More
