AP Yip's Profile

店舖內的裝修好似車站，周圍都有台灣地方名的標貼，忽然好似去左台灣一樣👍🏻👍🏻台灣美食，當然唔少得各款小食，鹽酥雞同魷魚鬚都好好味，附有不同的味粉隨便落，可以試到不同口味，好有趣。個人覺得香辣味最能提升雞同魷魚既鮮味。醉三小，一次過可以滿足三個願望，有醉雞、醉鴨舌、醉豬手。起初食，覺得啲味有啲淡，食落，酒味越來越濃，好味！唔會只係一味的味精。滷大腸，腸唔會太肥，汁唔係太濃，對於怕味精的我，非常適合😋嘆完小食，係時候食正餐，叫左兩款台灣麵同一份咖哩。紅燒三寶麵，有筋、腩、肚又係一碗滿足三個願望，最適合我呢類貪心既人。牛腩大大塊，牛筋、肚都鬆，易入口，配粗麵同滷味，入哂味，好好食。至於半筋半腩麵，味道差唔多，不過就超多肉，大男人食一碗都已經夠飽。咖哩牛腩，配上奶味濃一點的咖哩汁，斟手抓餅食，感覺不會太飽，因為又係大大塊牛腩，絕對唔會食唔飽。最後，配埋朱古力珍珠同熱胚芽珍珠奶茶，唔太濃，夜飲都唔驚瞓唔著。👍🏻…Read More

幾個朋友都分別介紹過這間店，所以一於去試試。侍應好細心，我地原先要揀較辣的沙律，但因為有小朋友，於是介紹我地食泰菠雞鮮果沙律，成個沙律有好多生果，不同款式的，只係雞有少少辣，大人細路都啱食。跟住叫左個串燒拼盤，叫了雞、豬、牛同豬頸肉，豬頸肉同豬，尤其好味，豬串食落會有肉汁流出，好juicy 主菜方面，叫左招牌既西隆路邊炸雞，啲雞新鮮炸起，脆卜卜，多肉既雞部位，一樣有肉汁流出，yummy 😋😋，配上大量咖哩汁點麵包食，麵包皮脆，配上咖哩汁，令人食到唔停得口。食完仲有好多咖哩汁，於是叫多個薄餅點汁食，試左第一口，絕對冇揀錯，好薄、好脆，冇黏答答的感覺。另外叫左個豬頸肉炒芥蘭，芥蘭冇澀味，好清爽，豬頸肉肥美。又叫左鮮蝦炒金邊粉，有新鮮大蝦同細蝦，各有不同口感，但都好爽口。金邊粉酸味味，一啲都唔覺得膩，又好貼心將辣粉放一邊，細路都食到食咁多野，緊係要配飲品，叫左3款飲品😅驅魔師沙冰，有濃烈的荔枝，好味；新鮮柚子配有果肉，淡淡的柚子味，好清新；粉紅小象則有士多啤梨味。整體來講，食物好味，侍應細心。…Read More

餐前小食：鮮茄脆烤麵包，麵包超脆，薄薄地，蕃茄粒，酸味味，好醒胃頭盤：三文魚芝士卷，咸咸的煙三文魚配合青瓜，可減淡咸度，配蕃茹乾，可減淡油膩感，配芝士，刺激其餘味蕾。韓式炸雞：新鮮，皮脆，表面灑上芝麻，有啖啖芝麻香；辣辣地，甜甜地，雞肉嫩滑，有肉汁流出。粟米湯、龍蝦湯：粟米味濃，杰身，夾有粟米茸，近似粟米汁的感覺，幾特別；龍蝦湯，味濃，有不少龍蝦肉，落重本，好味。燒乳豬：長方形設計，少見，有創意！皮好薄，切落去，冇特別聲音，但食落口就脆卜卜，聽住呢種聲音，好有快感😅配合乳豬醬，一貫乳豬的好味，仲配有特色的紅椒醬，有淡淡的椒味，唔辣，好特別，薯角好粉，食物配有沙律菜，好健康。酒吧格調，播住英文歌，感覺好relax, 可以用餐時間係7-8點，所以食客大約佔了半間舖，但感覺好安靜（冇咩人既嘈吵聲），所以絕對適合同honey, 同一班friends 一齊去食、去飲😉👍🏻👍🏻這間店雖然係酒吧，但亦係餐廳，所以就算係一家大細都可去食😉…Read More

在沙田，冇咩地方食泰國菜，見到市中心有一間，即刻去試下。原先在對著沙田中央公園的路上見到，原來前身係759車仔麵。快餐式設計，要自己買票、攞餐，不過就係因為咁，所以價錢比較平。叫左兩個小食，炸蝦餅仲暖暖地、脆脆地，點泰式辣醬，不錯。另外叫了沙爹雞串，沙爹汁不太濃，適合口味冇咁重既人。雙拼雞湯金邊粉，雞湯味幾重，有好多餸任揀，揀左豬頸肉同肥牛。$28有兩款餸，超抵食；加飲品最平係$5，超抵食。青咖喱好香，奶奶比較重，配蒜蓉包，脆脆地，適合胃口細既人，咖喱汁幾多，所以食完蒜蓉包後，加落蛋包飯度食😅豬頸肉蛋包飯，份量好大，適合大胃王，實食得飽。豬仔肉跟一個特色醬汁，酸酸味味，好醒胃。其實本身個飯都有滷水汁的，所以味道不錯。泰式炒牛河，既可滿足食牛河既慾望，又冇中式咁油、咁咸，所以適合較健康人士。各式飲品都比其他地方冇咁甜👍🏻…Read More

去到河畔，有好多食肆，但係未夠六點鐘，鋪頭都未開門，就已經有幾個食客喺外面等，相信必定係好嘢，所以決定今晚喺呢度開餐。首先，食過松葉蟹柳蟹子沙律，份量好大，有不少好長嘅蟹柳，蟹子數量亦好多，三個人好似食極都食唔哂。另外，叫咗兩款小食，就係牛油燒粟米同埋一口番薯。粟米燒過，所以好香，牛油好薄所以，有少少牛油味，又唔怕肥膩。一口番薯，燒到有少少脆卜卜，仲有少少蕉味，喺其他地方食過，都冇呢一種嘅口感，好好味。跟住食個雙重芝士鰻魚卷，鰻魚嘅上邊有層薄薄嘅芝士，卷裏面又有一舊厚厚地嘅芝士，有被芝士上下夾攻既感覺，鍾意食芝士嘅一定唔可以放過。我又叫咗一個刺身盛，包括有三文魚、甜蝦同赤貝。三文魚好肥美，甜蝦好大隻，唔係一般嘅甜蝦，赤貝都好鮮甜。至於芝士厚燒玉子，除咗有芝士味之外，就係有非常非常厚嘅玉子，超過一吋厚，如果鍾意食玉子嘅話，一定唔可以錯過。濃湯番茄烏冬，湯底有濃濃嘅蕃茄味，牛肉未至於入口即溶，但係都好鬆化，烏冬都係好彈牙，可能係稻庭烏冬卦。叫咗兩款嘢飲，一款係巨峰梳打，另一款係草莓番石榴熱情果梳打。巨峰梳打味都同其他地方飲到嘅差唔多，冇咩特別。反而另一款就混合左幾種生果嘅味道，所以比較夜惹味，好醒胃，酸酸‘味味’咁。整體感覺，非常良好，食過返尋味，下一次一定會再嚟食過。…Read More

屋企人好鍾意食翡翠拉麵既炸醬麵，但自從新城市那個關左之後，去過石門的金陵湯麵、新城市既鼎泰豐、第一城的尚點，都食唔番咁濃既炸醬，原來近期在新城市三期二樓開番，所以一定要去食碗麵。炸醬麵係必叫，我個人鍾意食酸辣野，所以叫左碗酸辣麵，另加上海粗炒，當然唔少得小籠包、炸饅頭、鍋貼，但因為太肚餓，唔記得影相添😅炸醬麵既醬能保持一貫既濃度，酸辣麵酸辣味適中，上海粗炒係靠豉油味，好足味。整體每樣都好食，只係越多越貴😅…Read More

有同事介紹大伙兒在這裏慶功，起初諗唔明點解會去荃灣食海鮮，但食過一定會再試。因為事先book位、訂餐，所以仲寫埋菜單，我地12人，每款海鮮數量跟人頭，所以全部好足料，大大件，全部都好好味。埋單每人只需約500，以食海鮮計，仲要係飽肚，抵食。只係環境有啲大排檔feel, 坐滿人時都幾嘈😅大大隻鮑魚豉油煎大蝦勁蒜蒸扇貝聖子配麵蒸石斑，好大條的，睇睇同匙更既比例芝麻雞椒鹽鮮魷、豆腐…Read More

自從Club One 開，總覺得應該要去試一次，但係佢個位置並不吸引，因為如果人太多，揾唔到位既話，冇咩退路，唔似喺石門，一間冇位，仍然有好多不同類別的選擇。最終的起心肝去試下，一到即被問有沒有book 位，驚到以為要即刻走，原來只係太多人book位，要個半鐘交枱，合理呀！起初蹰係太多人，所以幾靜，服務周到，後來差唔多坐滿哂，服務就一般了。之前上網、聽人地講話價錢貴左好多，但埋單時又唔覺，起碼你俾既價錢，食物有番咁上下，唔似以前，又貴又唔好食。食物方面，腸粉皮薄，炸饅頭非常細粒，蘿蔔糕多蘿蔔絲，黑芝麻煎堆仔即炸，好味。其他就普普通通，一般水準。一試無妨😉…Read More

又到星期日，阿仔在新城市附近上堂，佢又太鍾意食韓國野，所以今日又去呢度食。佢又叫例牌既牛肉石頭鍋飯，而我因爲試過幾次不同的麵，但經驗都唔係太好，所以今次決定食番飯，選了辣雞肉飯。明明我地係第二個到，唔知點解會先將石鍋飯俾一個剛點菜唔夠3分鐘既人，後來終於送來了。而我既辣雞肉飯，塊鐵板超熱，所以辣汁彈到周圍都係，不過夠熱既食物，絕對值得加分，好味。飲品方面，我繼續係配梅實茶，酸酸地，好開胃，阿仔就飲忌廉溝鮮奶，都唔錯。…Read More

約朋友食飯，為左方便住唔同區既朋友飯後搭車返屋企，所以揀太子、旺角區，而因為呢度早幾日前仲book到枱，而且冇時限，方便傾偈，所以揀左喺呢度食。人少少，叫了4個餸，每個餸份量都唔少，所以加埋配飯，5個人絕對夠食。今次叫了推介既蓮藕餅，蓮藕係切成粒，混合肉整的，所以好容易入口，都好味；魚香茄子煲，夠熱，好滿、好多餸，不過魚香不足，但原係肉係魚滑，唔腥，加分，個人口味問題，覺得茄子再腍啲會更好味；生炒骨夠酸、夠熱，一樣係好大碟；蒜蓉炒芥蘭，普通，如果蒜蓉味更重，會更惹味；炸子雞普普通通，不夠脆😅飯後送綠豆沙，臭草味不強，易入口。過程中，職員收碟幾次，似乎想我地快啲走，但收收下，就冇再有動作，因為等位既人少了，所以約朋友食飯、傾偈，不妨揀呢度。…Read More

阿仔鍾意食呢度既黑椒磨菇飯，所以揀在呢度食lunch, 3個人叫3人餐。3人餐有好多雞，如果一般食量，就剛剛好，雞件除新款的和風醬脆雞外，其餘可選兩款，我選了辣雞及泰式雞，其實我覺得泰式雞仲好味過和風醬脆雞，因為和風汁好少，會另外俾一包紫菜，要自己打開紫菜包，用一塊紫菜包住雞黎食，食落會有雞同紫菜味，但沒甚特別。可能係中午既關係，所以每款雞都幾新鮮。葡撻烘燶既顏色不夠，加上熱度一般，沒甚特別。磨菇飯夠熱，保持水準。…Read More

在德福附近，忽然覺得肚餓，於是求其揾間冇咁多人的食店，丼丼屋在星期六下午十二點多竟然不用等多於10分鐘，真好！阿仔叫了温泉蛋牛肉飯，我就選了燒雞飯，再叫了特色飲品-甘酒梳打配雪糕。原先話要等約20分鐘，即時感覺-咁耐既，但最終約10分鐘就有野食。最先到的係飲品，飲品冇酒味，主打係梳打味，但滲少少米水味，杯底有類似果肉的東西，但唔知係咩？除非你好鍾意飲梳打水，否則唔太建議😉温泉蛋牛肉丼，未放低已聞到好強烈既豉油味，食落都好好味。而燒雞飯，醬汁亦好好味，飯都幾熱，放左不少大葱，所以好香，不過幾生，所以唔敢食，驚口臭。不過食落就覺得幾咸，所以配呢杯淡淡地既飲品，可以中和一下。…Read More

因為上次食完有免費油酥餅卷，仲可以吸印仔，換免費食物，所以當諗唔到食咩時，就選到這店開餐。同樣叫了冬蔭公米線中辣，阿仔唔食得辣，所以叫清湯麵，另叫了雞全翼及免費的油酥餅。可能係中辣的關係，所以覺得比之前辣，但冬蔭公的酸味就不足，清湯麵較普通；油酥餅較硬，做唔到‘酥’鬆軟的效果。至於雞翼，其實原先睇錯，以為雞中翼，問職員$22有幾多隻，點知佢話一隻，我發現係自己睇錯，不過即管試下，但食落好普通的蜜糖味，但索價$22，兼貴左少少。食完又送油酥餅卷，我儲夠印仔，下次可免費食冬蔭海鮮麵😉…Read More

在新城市廣場的三星台菜食堂食完麵，意猶未盡，想食甜品，於是想到滿記，因為似乎附近好少專食甜品的店舖。我選了榴槤忘返，阿仔選了芒果西米露。榴槤忘返有陣陣的榴槤味，又有椰香及紫米，全部都係我喜歡的食材，所以食完想再食。芒果西米露都好味，如果有更多芒果就好，感覺冇咁人工化😊…Read More

為左避過午餐的人潮，所以大約11:40am去到，叫了我的招牌-重慶3小辣，加酸菜、牛丸；今次為左提神，所以叫了咖啡，少冰少奶。咖啡一陣就到了，但麵等左好耐，大約15分鐘先到，這問題是這間店特有的，上菜時間時快時慢，就算店內客人不多，有時上菜也很慢，是極須改善的問題。今次的麵，辣多於我自選的酸菜的酸味，有點可惜。第一次喺譚仔飲咖啡，唔知係因為食完辣再飲的關係，還是少奶的緣故，所以感覺好苦。…Read More