mknjackie's Profile

見飲食blog 推介港式鋸扒，依間評價唔錯，決定一試晚餐。我地早食晚餐，冇乜客人，環境係舒適寬敞，而且裝飾係幾有懷舊feel，仲有個黑膠唱片機。點左一個晚市套餐加配甜品，另加一個主菜.餐湯黑松露野菌湯，好足料，每啖都有野菌，而且黑松露都唔少，好味😋前菜想試佢招牌既來佬汁，所以選左茉莉茶香煙燻乳鴿胸西洋菜沙律來佬汁，味道不過不失。見說明以為來佬汁係咸，但味道好似沙律黑醋味🤨去到主菜，就感覺有啲失望。美國頂級穀飼肉眼牛扒，唔夠熱，冇牛味，感覺唔值$298既價錢。原本叫酥皮焗咖喱牛肋肉，點知佢落左酥皮焗咖喱海鮮，我地費事換都照食。 其實個海鮮係煮得好既，酥皮都整得好，好香。但一食落去個咖喱就覺得個味道好怪，香料味唔似咖喱，而且太濃。令到成個主食有啲敗筆。😟成餐最滿意係跟餐甜品梳乎厘，味道剛剛好，唔太甜，而且發得好，唔怪之得之前啲食評話好食😋另外，有一樣不太明佢價錢計法。咖喱海鮮$126.4同咖哩牛筋$158係唔同價錢，我地繼續食來錯既咖喱海鮮。埋單果時，佢加一服務費係用返咖喱牛筋既價來計🤷‍♀️。由於趕住走冇睇清楚，事後回家睇單先發現。雖然差幾蚊，但都感覺不良好。唯有當買個教訓下睇次清楚先埋單。…Read More

真係夠晒薑入元朗行完山，想食甜品找到依間叫左雜果麻糬waffle, 牛奶布甸同薑汁湯圓糖水雜果麻糬waffle 賣相同味道都ok，都有麻糬食到有煙韌咬感。食到薑汁湯圓就完全中伏，個薑汁糖水係大碗既，但一飲落去，薑味辣到苦🥵🤮，難以入口。真係很失望整體而言，西式甜品係ok, 但中式甜品真係唔得。…Read More

同同事們共八人去食午餐聚舊. 之前已經聽聞這間不錯, 於是決定一試. 一早已經打電話去BOOK 枱, 所以不用等已經有位. 今日天氣都幾冷, 平時西餐廳都只會俾凍開水, 但這一間一坐底個服務生就俾一熱開水, 即刻暖哂 ^^ Lunch set 有6 個選擇. 兩SET 係三文治, 一個係巴馬火腿闊條麵, 一個魚扒配燒雜菜, 兩個肉扒餐. 我地8 人, 選了一個魚扒配燒雜菜, 兩個係巴馬火腿闊條麵, 5 個燒紐西蘭牛柳扒配雜菜. 跟餐有餐湯及咖啡或荼.餐湯是西蘭花忌廉湯或磨菇忌廉湯. Main dish. 巴馬火腿闊條麵. 麵不錯, 好香. 燒紐西蘭牛柳扒配雜菜, 7成熟牛. 試了一些, 不太"韌". 不過份量少了一些.餐飲咖啡或荼. 我想要一杯拉花既咖啡, 但忘記叫latte, 結果來了一杯普通咖啡. 不過, 佢係用咖啡壺同奶分開上, 有得自己調配亦不錯. 老板送我地每人兩粒雪糕puff, 好味. 總括而言, 這裡環境不錯, 食物味道好, 服務態度好, 價錢合理, 唯獨份量少了一些.下次會再來食^^…Read More