yankocheung's Profile

1. 海鮮菠蘿炒飯 $118《⭐️⭐️⭐️》炒飯唔會太乾身，而且配上好多海鮮，例如鮮蝦、魷魚、青口等，非常足料，炒飯面又加左份量不少既肉鬆，加上酸酸甜甜既菠蘿，非常惹味，可惜係蝦肉有啲淋，唔新鮮而且唔入味扣了分。2. 馬拉盞炒豆苗 $68《⭐️⭐️⭐️》馬拉盞惹味，唔會太辣，豆苗爽口，不過有比較多油，整體算係正常發揮。3. A.S.T 串燒拼盤 $178《⭐️⭐️⭐️⭐️》串燒拼盤有驚喜，2串豬、2串雞、2串牛、2串菠蘿，仲有炸蝦片、白菌菇同埋沙律菜，好豐富，而家串燒燒到恰到好處，好香，唔會燒到乾炆炆同埋無肉汁，食到膩既時候可以食下生菜解膩，仲要讚既係蝦餅！好香口好好味！4. A.S.T 小食拼盤 $148《⭐️⭐️⭐️⭐️》小食拼盤有蝦餅、春卷、炸蝦片、一支骨雞翼、炭燒豬頸肉，鳳爪沙律，整體佢既炸物同埋燒物都好好食，非常之脆，好香口，唔會太乾，比較遜色既係個鳳爪，唔夠入味。餐廳仲有2人餐$388/2人用都好抵食，而且環境空間都好大，仲有party 房，可以唱k、打牌同卓球等，非常適合家庭/朋友聚會👍📍 觀塘開源道62號駱駝漆大廈第1座9樓D室#foodiekaka #foodie #foodies #hkig #hkfoodie #hkcouple #kwuntong #kowloon #Thaifood #Hongkong #food #hkeat #foodhk #hkfoodblogger #觀塘美食 #泰式美食 #泰菜 #九龍 #食評 #好西 #嘉嘉美食…Read More

健康食品拉麵係一間隱世日式拉麵店，但想介紹既係佢隔離果間外賣自取店，便當/丼飯款式超過二十多款，價錢最平$50左右，但絕對唔馬虎，店員大部分都是日本人，用英文點餐即可。1. 是日精選-雞卵吉烈豬扒丼 $50《⭐️⭐️⭐️⭐️⭐️》除左有二十多款便當/丼飯揀，大概$55-$85，佢每日都有唔同既是日精選，都只係$50，非常抵食！今次係雞蛋吉烈豬扒，豬扒唔會乾爭爭同埋厚肉，仲有洋蔥+蛋，好惹味😍前菜係沙律蛋薯仔，超級好味，唔會好酸，有少少黑椒味，另外最欣賞係佢系飯到灑既梅子粉，酸酸咪咪好開胃，因為佢整體份量都唔少，佢呢個價錢呢個質素絕對係對得起！除咗本身性價比高之外，每個餐佢都會比個印仔你，儲夠20個就免費送一個餐，非常抵🥹…Read More

標榜好味和牛嘅拉麵店，終於一試，有兩間分店，分別位於中環同灣仔，今次黎到灣仔分店，先於自助機點餐，然後店員會比號碼籌你，整個風格同裝修都好日式，而且係open kitchen，你可以睇到店員既製作過程，不過位置比較少，如果排長龍可能要等比較耐時間。1. 特製和牛沾麵 $165和牛無我想像中咁有咁重牛味，不過都好大塊而且夠厚；沾麵汁好濃味，佢個汁入而仲有肉粒，口感唔錯，但係個汁越食越咸，比較膩，變左遮蓋左食物本身嘅味道2.和牛丼 $180只能說配搭得好好，溫泉蛋加上微微炙燒嘅和牛片比起沾麵既牛肉片更突出牛味，同埋佢個牛肉汁撈飯，好惹味！牛燒過既油脂同埋肉汁剛很合配，不過飯既分量比較少，最尾就只可以一片片咁食埋d牛佢， 但太膩了。…Read More

近排大熱既人氣蛋包飯店之一既米炊系中環同尖沙咀都有分店，基本上menu主要係有丼飯同埋日式蛋包飯，今次係平日lunch 時間去，排隊排左15-20分鐘左右就入得，如果唔想排隊可以網上或者電話book位。餐廳環境唔錯，座位舒適，逢星期一至五有set lunch，叫任何蛋包飯或者丼飯都可以有一杯免費飲品。1. 咖喱旋風蛋包飯-喱五 $168《⭐️⭐️⭐️⭐️》喱五係安格斯牛腰柳&牛脷，我地揀左日本16穀米同埋咖喱汁去配塔，牛腰柳烤得好香，有炭燒香味，又多有肉汁，可惜比較韌，而牛脷好厚切，肉質爽口唔會韌，口感唔錯❤️佢既旋風炒蛋係用蘭王蛋，蛋味濃郁，口感香滑，加埋辣中帶辛口嘅咖喱汁再配埋日本穀米，非常好食。2. 咖喱旋風蛋包飯-喱十三 $168《⭐️⭐️⭐️⭐️⭐️》喱十三係烤無激素走地雞&烤橡果黑豚扒，同樣配左日本16穀米同埋咖喱汁，烤雞同烤黑豚都意外地好食，甚至乎比牛柳更好食，黑豚肉質好淋，胡椒味唔算太重，有微微焦香，烤雞好juicy，肉質香嫩，亦都有炭烤既香味，非常好食😋*配菜有車厘茄、西蘭花、馬鈴薯、蓮藕片都非常出色…Read More

1. 火五火車頭牛肉檬粉 $78《⭐️》份量比較少，包括生牛肉，熟牛肉，和牛牛丸同扎肉各兩塊，全部都細細塊🤦🏻‍♀️生牛肉同牛丸比較好味，其他都係一般，湯底偏油，而且太咸，女仔黎講都未必食得飽。*如你需要金不換、青檸同銀芽要另外同職員講2.法式咖喱牛肋油香飯 $58《⭐️》呢個飯同茶餐廳食既咖喱飯差唔多，份量都係好少，而且無咩特別，咖喱正常，牛肋肉普通。…Read More

Antoshimo cafe & bakery 主打沖繩蒸籠飯，佢有幾間分店，分別位於鑽石山、油塘、長沙灣、荃灣、九龍灣以及新開既黃埔店。經過黃埔新店，見佢套餐$100內仲送甜品，又有無糖烏龍茶，就二話不說入左去；其實佢裝修好闊落又有日式風格，我地坐得都好舒服。1. 黑糖檸檬醬油豚肉蒸飯《⭐️⭐️⭐️⭐️》今次揀左豚肉蒸飯（要加$5，原本$85），佢既豚肉普普通通，但勝在有黑糖檸檬醬搭救，而且佢仲加左蔥花同埋日本既配料，令口感更豐富更有層次，整體算唔錯。2. 蜜糖芥末雞《⭐️⭐️⭐️》本來想試沖繩海鹽焦糖布甸雞，但可惜賣晒🥲最尾揀左蜜糖芥末雞，佢個醬加左碎蛋同青瓜，口感提升左，如果佢既芥末味再重少少會更好味，炸雞肉質正常，我見到佢廚房有個氣炸焗，唔知係咪用黎氣炸雞🤭另外，同店員傾計，佢話推介下次試南蠻雞。3.海鹽焦糖雪糕冬甩《⭐️⭐️⭐️⭐️》今次我揀左跟套餐既無料（免費）甜品，其實佢仲有兩款要加錢既甜品都好吸引，另外有多款單點冬甩甜品選擇，之前已經聽過佢既冬甩好好食，今次終於試到！海鹽焦糖雪糕冬甩既雪糕好有牛奶味加上佢濃濃既焦糖醬，非常匹配！暖暖既冬甩係煙靭果種口感，有別於平時我地食既冬甩口感，我覺得大家不防試下佢地既冬甩😆。…Read More

1. 滿天星肉汁漢堡扒蛋包飯 $238《⭐️⭐️》招牌漢堡係由70%鹿兒島產和牛及30%北海道產豚既份量製成，你會食到比較重牛既味道，但普通日式料理飯店都可能會食到，反而個牛肉汁酸酸甜甜，以及配上有紅蘿蔔同青豆既西炒飯幾好味，但佢嘅米飯唔多似日本米。另外佢個蛋都幾滑，但蛋味唔夠濃。整體黎講，試一次就夠，因為呢個價錢可以有更好既選擇，有少少名過於實。2.日式咖喱吉列廣島蠔蛋包飯 $188《⭐️⭐️⭐️》相比之下，我比較推薦廣島蠔蛋包飯，個吉列蠔炸得好鬆脆，而蠔身鮮甜，粉漿亦唔會太厚，但份量比較少，得三舊。另外，吉列廣島蠔係配咖喱飯的，咖喱飯有提子乾同粟米，令你辣中帶甜，層次豐富，不過咖喱汁配咖喱炒飯比較辣，食唔到辣既朋友要注意‼️整體黎講，我覺得價錢定位太高，出名嘅係蛋包飯，但係我覺得個炒飯仲好食過個滑蛋，值得讚既係枱面就有一壺水，可以自己倒比較方便，店員見你食飽會主動拎個牙籤筒比你。…Read More

葡撻雞蛋仔 MOP38《⭐️⭐️⭐️⭐️⭐️》驚喜之選，即叫即整，因為出名，所以都幾多人買，我地都等左15-20分鐘先有得食🥰。熱辣辣既雞蛋仔好挺身又有蛋香味，加上每一粒都有好香奶味既軟心葡撻餡，完全做到外脆內軟又唔會太甜，而且好有澳門特色，非常推薦❤️…Read More

1.火燒牛腩撈檬 《⭐️⭐️⭐️⭐️》本來想叫佢個招牌PRIME PHO, 係有成7-8款餸，而且聽聞湯底好濃，用左24小時去熬製，但我見實在太大份，怕食唔曬，所以就試下佢另一款廚師推介火燒牛腩撈檬，牛腩燒到微焦，係有煙熏既味道令牛肉味更濃郁，而且檬粉份量都好多，同時有好多既青瓜絲、芫荽、芽菜，再加埋酸甜既醬汁，味道開胃又豐富😋2.越式炸蝦餅《⭐️⭐️⭐️》自家製蝦餅有正常水準，雖然跟餐得三塊，不過口感好脆同埋蝦滑都好彈牙，而且個醬汁都幾驚喜，有別於平時既泰式辣醬，佢係比較重醃檸檬味，令蝦餅味道更fresh🥰3.越南咖啡 《⭐️⭐️》咖啡係越南滴漏咖啡，唔會太酸，味道正常，無咩驚喜，不過可以用黎打卡😎…Read More

觀塘工廈隱世餃子店，一直都好有名氣，專程去試下，店舖唔大，不過幸好我星期六晚上8:00幾去唔洗排隊。1.泡菜豚肉餃+鳳城蝦蝦餃（西式南瓜奶油湯）$68/8粒《⭐️》泡菜豚肉餃子還可以，有足料既泡菜；鳳城蝦蝦餃一般，佢係碎蝦肉，無咩蝦味，至於個南瓜湯反而奶油味重過南瓜味，勝在有個金壺比你倒湯，可以比你打下卡🤣2.咖哩豚肉餃+黑松露芝士豚肉（中式蕃茄薯仔湯）$68/8粒《⭐️⭐️》咖哩豚肉餃子得個辣字，咖哩味唔濃，有點失望；黑松露芝士餃子係4款之中最推薦既一款，佢好重黑松露味，加上少少芝士好配合，咬落口感豐富，至於個蕃茄薯仔湯都係普普通通，湯底偏淡。3.照燒烤雞腿肉串 $28/5串《⭐️⭐️⭐️》小食黎講算抵食，啖啖肉，但味道唔突出，就係普通烤雞串🙃4.無糖白桃鳳龍茶 $14《⭐️》普通烏龍茶茶包，無咩特別。整體都麻麻，感覺名過於實，餃子係幾大粒，但味道麻麻，而且湯底偏淡，唔太吸引。…Read More

中環性價比高既西餐，餐廳地方唔算大，但環境氣氛唔錯，好chill，坐得都好舒服，好岩慶祝生日，最重要係食物好味😋1.Mussels in White Wine Sauce w/ Garlic Bread $208《⭐️⭐️⭐️⭐️⭐️》非常好味！青口本身爽甜再配上好香牛油味既白酒忌廉汁，簡直絕配！而且個蒜蓉包好香脆，蒜蓉味唔會好重，點左汁仲好味！2.Grilled Pork Spare Ribs with Fries $268《⭐️⭐️⭐️⭐️》份量超級多，total 有兩條豬肋條😋而佢既肉身好夠淋，加上個BBQ醬汁好惹味，d 薯條點埋醬都一樣好好味，可以唔洗點茄汁🥰不過佢個醬汁本身比較甜，食太多會有d膩。最後我地都係食唔曬，加左$1 打包🤣…Read More

佐敦隱世居酒屋，因為$18一隻蠔，所以比佢吸引黎試下，估唔到環境食物都唔錯，而家sake 仲有得買一送一😍1.日本室津蠔 $18/pc《⭐️⭐️⭐️⭐️》蠔肉本身爽甜，再加餐廳調味料，更好味，試完之後仲追加左一次🥰。可惜每人最多只係可以叫半打😭 建議book檯時預留埋生蠔，以免賣曬👍2.慢煮牛舌柚子汁沙律 $78《⭐️⭐️⭐️⭐️》一碟有14塊牛舌，性價比高，肉質爽口而且好香牛舌味，配上柚子汁同沙律菜，清新又開胃。3.燒豬天梯串 $28《⭐️⭐️⭐️⭐️》豬天梯是豬的上顎，無任何的肉和脂肪，彈牙脆口，係餐廳既限定menu，可以一試。4.大蔥雞柳 $28《⭐️⭐️》普普通通，蔥唔夠香甜，雞肉一般5.極尚羊肉串 $28《⭐️⭐️⭐️》食落有好香嘅羊騷味，而且嫩而不韌，送酒必點！6.極上濃湯蝦烏冬 $28《⭐️⭐️⭐️⭐️》必試！落單時店員會問你要唔要分兩碗上，好貼心！分左之後每碗有2隻爽甜既大蝦仁，面頭灑上櫻花蝦，最讚既係個湯底，雖然佢奶白色，但佢好重蝦味而且又creamy，食完仲要唔會好口渴，非常驚喜！7.呑拿魚刺身三點盛 $238《⭐️》分別係赤身、中拖羅、大拖羅各兩片，赤身味道最濃而且最好味，中拖羅有根，大拖羅食落好肥冇乜驚喜，整體性價比唔高，建議可以單點赤身就夠👍8.黑糖蕨餅 $38《⭐️⭐️⭐️》蕨餅口感唔夠煙韌，有少少似啫喱，不過黑糖味好出，加上黃豆粉，味道唔錯。…Read More

因為佢， 第一次寫食評之前系葵涌食過一次 覺得幾好食..叫黃埔新開 走黎試下..叫左個蟹膏蟹肉意大利飯set dinner搵極都無蟹肉 但之前食過係有蟹肉..忍唔住問店員 呢個係咪無蟹肉佢竟然答我 另外裝返比你囉一句sorry 都無 態度惡劣又唔好食…Read More

豐富👍有湯有法包有沙律有剌身有海鮮有牛扒（有d靚牛要加$100-200）有生果拼盤仲有蛋糕（預早通知係慶祝母親節先有）仲有75折整體都好好味同好好抵食....…Read More