winniez82's Profile

餐廳環境非常舊；食物選擇奇少；上菜極慢；上錯食物；黑毛豬，意粉不錯；nachos 很差；廚師/職員態度非常惡劣兇惡。好可怕的用餐經驗。好後悔俾咗一千蚊生意佢地，真係$1都嫌多。…Read More

幾個月前食過一次，普普通通，今次進步咗好多！辣度雖然仲係偏辣，但比之前比較能接受.. .. 份量好似比之前更大份，今次menu仲加埋口水雞，$68半隻都好大份，好惹味。花甲粉無加$1分碗，拎到返屋企兩個鐘先食，微波爐叮咗一陣，個粉絲都仲係爽口，好犀利！麻辣牛柏葉好好味好爽口，豬大腸就唔係好夠味。 全部都叫小辣，加加埋埋都唔惹少.. 食到個個sh sh聲，唔食得辣既，建議叫微辣好d.. .. 下次經過藍田會再幫襯…Read More

山長水遠黎試個流心芝士多士，剛剛到達俾前面的情侶攞左最後一張檯。。。 終於等左超過半個鐘先入到。。。 等好耐，終於上飲料食物。 飲料普普通通，黑啤奶昔整杯都無飲，因為味道好怪。 多士。。。 其實一到檯面，芝士已經硬緊，到食左幾啖，芝士已硬晒，非常唔惹味。。。 撒係多士／薯條上面既海鹽太多，我地飲左好多水。。我建議去食既朋友唔好好似我地咁，叫兩個。。 其實貪得意，一個share已經夠。 …Read More

因為有限時，又未齊人，所以一直等到見到得返一張檯就馬上入去攞位。大部份侍應都心不在焉，但態度係OK既。 主要想試招牌串燒，但其實最差就係佢，又無味又唔抵，幾無聊。 反而係個八爪魚沙律幾好味，野飲分量夠大。 …Read More

想試好耐，但原來不及預期好。 鵝肝漢堡，鵝肝非常小塊，連同飽，漢堡扒一口咬下去，根本食唔到鵝肝味。牛漢堡沒問我幾成熟，自行煎成medium rare，我覺得食漢堡還是起碼medium比較好。。。如果唔係就令個飽太水了。。。。軟殼蟹漢堡，非常難咬，唔知點落口。 但軟殼蟹係好味的。double cheese 漢堡，芝士的確非常吸引，朋友話好好味。魚柳漢堡，朋友話無乜味，食左一半無食。薯條，普通。chicken wings，非常普通。芝士扭紋薯條，芝士很快癡埋一舊係中間，攞每一條薯條都非常困難。味道偏鹹。 …Read More

買左團購，book今晚黎食，紅日前夕加＄10.有五張食物紙，都多野食。每位送一隻大蝦，係全晚唯一亮點。肉類開始送到，牛肉既質素非常嚇人，顏色變晒不特止，食落唔知點解會硬得咁交關, 完全咬唔爛，吞唔到。。 非常難食。我唔食豬肉，但老公話豬肉好d，特別豬頸肉，話好好味。多春魚正常水準。沙律都可以，d生菜都新鮮。但我成晚無乜食野，叫左幾件壽司填飽肚 （壽司好大舊飯。。真係可以填飽肚）送一客雪糕，我要朱古力味老公要曲奇味。朱古力味係 Movenpick，終於有d好味既野擺入口。而老公既曲奇味雪糕並唔係Movenpick，而且一睇就知曾經溶完再雪過，所以無食到，免得肚痛。 …Read More

我同老公選左澳洲和牛放題，有幾款湯底可以選，一人一鍋；選好後就可以出去落飲料蔬菜丸類等等。 有個雪櫃裝滿普通汽水同韓國飲品。蔬菜丸類選擇不多，但每樣都新鮮，菜都好翠綠。第一次出肉類會俾一盤牛，一盤豬，一盤雞。 當我睇見盤牛嚇左一跳，因為超級肥。。。 食晒所以肉類後，開始追加和牛。好彩之後既無咁肥。。。 最後兩個人共食左6碟牛，除左頭兩盤超肥，之後都可以接受。最後雖然好飽，都要食d雪糕，因為係 Milk Top！ 第一轉有綠茶 芋頭 栗子味，全部都非常濃郁！飽都要食多次！點知第二轉已經無晒芋頭味，變左奶茶，仲好！好滿足呀！！ …Read More

同好友聚聚，黎食個tea。 門口有個鳥籠幾靚。入面唔大，但都有好多張細細既檯。我地叫左個 Deluxe set，包兩人份既水果茶，同三層甜點小吃。底層有兩個超級迷你scones及兩款三文治類鹹食；中間有三款蛋糕：綠茶，朱古力，豆腐；三款都非常好味，特別係豆腐果款，好滑，好重黃豆味。頂層有兩個mousse杯，一件拿破侖，一件朱古力mousse蛋糕；好可惜三款都不能叫好味。。總括黎講，呢個價錢，同朋友hea兩個鐘，飲下茶，食少少甜品，都係非常抵食既。 …Read More

去到先知道係外賣店，落order之後要企係超熱既路邊等。。等左差不多10分鐘，終於有袋野食ready，想過去攞點知係我地前一個女仔既。。。。。 再等等等，差不多十幾分鐘先到我地。。。 其實只係兩份快餐，都要咁耐，多幾個人排隊咪要等一個鐘？？飲品一睇就知道係色素糖漿加soda。。 雖然幾好味，但真係好耐無飲d咁唔健康既飲品。主角－ 南瓜饅頭漢堡，真心講，非常好味；饅頭好靚好光滑，質感好煙硬，但食唔到南瓜味。裡面塊肉同菜都大大一塊。醬汁亦好好味。薯條普普通通。炸雞塊亦係普普通通。總括黎講，如想試試可以剩買個飽，唔洗跟餐。 …Read More

今日經過麥當勞，終於記得要試Minions 版香蕉批。一向唔鍾意食批既我，咬第一啖已經無反感既感覺，食到中間比較多餡既地方，就已經諗定要一路食到停止供應為止。實在太好食喇！香蕉味好濃而一d都唔甜，非常難道。總之味道調配非常適中，一大成功之作！ …Read More

象啤係我地三姐妹既最愛，做緊兩瓶 ＄24，yeah！咖喱麵包好好食，個飽幾大個，食到好飽。因為裡面有用一個椰殼，所以仲會附送一杯椰青水粉絲大蝦煲，超級好味，有兩隻大蝦炒椰菜苗好好味糯米雞翅，唔錯，但偏細隻。柚子沙律OK …Read More

朋友有membership, 裡食野好抵！飲料都非常大杯，我叫左杯berries 無酒精特飲，好味但飲到底變得好甜。雞翅併盤，三款口味都好好食，辣味我最鍾意，因為真係好辣。咖喱都唔錯。雞肉沙律OK芝士薯條必叫，但今次d芝士凍得好快，搞到成碟薯條變成一塊野咁。迷你漢堡OKQuesadillas 好味。Tender ribs 好味Chocolate tall cake 既朱古力蛋糕唔似蛋糕又唔似brownies, 我地每位都無人欣賞 …Read More

開店前早到5分鐘，堅持搭正六點先俾入。 座位安排有點不細心，我們三人卻坐在較擠逼的靠邊座位；旁邊較寬躺的卻只坐兩人。食物非常快上，但內容有d亂黎。。特別刺身&壽司，差不多1/3係我地無叫既，數量亦不對。+$20的海膽亦非常少。刺身幾新鮮，燒物幾好，粟米，羊架，蕃薯仔都好味； 菠蘿就偏酸。炒野菜encore兩次。炸蠔普通，芝士年糕好味壽司都唔錯韓國冰條任食。 …Read More

買左團購同媽咪老公食個lunch。我同媽咪要Mango Lassi, 好滑好香，但非～～常甜。。外面有得自己攞沙律，咖喱，飯，小吃等等。而餐廳會另外每人送一份Kebab, 包括一塊雞&一塊魚，同應該係無限叫既naan（薄餅）。雞同魚都好食，但again。。又係好重口味，好鹹。Garlic naan 幾👌味，質感唔錯。外面既咖喱我每樣試曬，大概有四款蔬菜咖喱，一款魚咖喱，一款雞咖喱。全部都既好食，我地三個一致認為，魚咖喱最好食，好辣。有三款水果&兩款甜品，水果好鮮甜，但兩款甜品。。對於我地既口味，真心覺得極度難食 （可以用恐怖黎形容） …Read More

睇完戲，食多次甜品先捨得返屋企。我要個熱雙皮奶，老公要個凍既！我碗熱既面頭果層膜，好明顯比凍果碗厚同大塊好多 其實食埋今次，我諗我真係唔會再幫襯。。 其實我真係覺得佢地既雙皮奶極度過甜，係滑，但未至於非常出眾。反而價錢就幾出眾。而且都幾細碗下。。 …Read More