SamLeung0628's Profile

下午6點15分晚市開門，我係第一個入去落單叫外賣。然後等了又等，睇住堂食一枱一枱咁上菜，進食，埋單，我既外賣都未有。第一次問職員，佢話幫我跟進，然後叫我等多5-10分鐘。10分鐘後第二次問職員，佢居然夠膽答我我張單前面仲有好多張，要耐心等待。我真係好想知道，我係一開門就第一個落單，何來前面會有好多單？唔通我入去既時候，已經坐滿晒普通人見唔到既野咩？完全搞唔清！呢間野買外賣，如果閣下可以等到天荒地老既話，就非常值得推薦！最後係等左個幾鐘先有，第一批堂食既都已經全部埋單走人。…Read More

難得放假專登坐車黎試下，一入到去環境唔錯，男服務員禮貌滿分！點餐時，唔知係咪我唔好彩，要果樣無果樣，當時只係下午1點！預備食材方面有待改善！終於係僅餘有既午餐中，同女朋友一人揀到一份，個女店員仲話呢兩樣係招牌菜！先黎最基本All day Breakfast, 炒蛋，可以炒到同麥記一模一樣，你都算有技術，果兩條煙肉，咬落去同咬銅片無分別！跟著一份牛肉漢堡，好新穎，唔用漢堡肉，用肥牛，ok, 試下，啲牛肉炒到過晒，啲洋蔥，青椒，連埋啲芝士一pat痴埋晒，又過咸，真係非筆墨可以形容野食難食唔緊要，一間咖啡店，最緊要係杯咖啡！一杯榛子咖啡，無榛子味，咁咖啡味呢？當然無啦，係一杯奶水！另一杯榛子朱古力咖啡，淨係飲到好似將少少朱古力威化餅扔落啲奶水度，你夠膽收47蚊一杯，你都算好野啦👍🏼總括黎講，屯門，午餐，二百五十蚊，你攞啲垃圾出黎！…Read More