ppml's Profile

見門口寫住「雄記牛腩王」，入內一試，碟飯一上枱未食已知中伏，個咖喱汁杰到好似鼻涕，仲要係直接淋上啲牛腩麵，牛還牛、汁還汁（有啲牛腩淋唔中），食唔到三分一，留返個肚出去食其他嘢好過。唔知點解咁多好評，可能係圖二關係。🤔…Read More

特色老店、人情味濃，經過坐低叫咗凍豆漿、釀豆腐、煎釀三寶。釀豆腐：不過不失，正常有豆味但唔算有驚喜(可能我有期望)。煎釀三寶：夠熱、還可以。凍豆漿：味有點燶(似煲濃咗嘅味道)，我唔鍾意嘅味道。釀豆腐都有小燶焦味，但冇凍豆漿咁強烈。環境好有老店嘅味道👍…Read More

疫情放寬下，同朋友二人經過坐低 Happy Hour ，叫兩杯生啤，點個小食「西班牙火腿橄欖無花果」因朋友唔喜歡無花果，落單前已經講明唔要無花果，服務員話ok，點知送到嚟有五片無花果，問返服務員，回應話：因火腿要包無花果食先得 (我回想返落單前吩咐咗話唔要，你又話ok，再者你咁有性格，點解又唔跟曬所有火腿都一片無花果呢)，都算我撥開無花果照食，因我從來都唔會爭拗呢啲問題怕影響心情，但重點問題之後先出現，我先食一片，食後感覺有點油益味，但我冇開聲，因我唔太肯定，繼續同朋友傾計，直到朋友食埋，佢就話 Ng… 啲火腿益咗，咁我就肯定我冇食錯，再叫服務員埋嚟，佢態度好散漫完全唔想處理，完全冇講話點安排就走開咗，碟嘢就繼續放喺枱面，咁我就輕輕放喺隔離枱唔想對住，繼續傾計，過咗五分鐘再問第二次先至安排個人過黎話試味係正常，如果你唔鍾意就換另一樣野俾你。總括嚟講：食物、服務態度、處理問題，各方面都唔合格，以後都唔會再幫襯。完！…Read More

服務員：幾多位呀？客：一位 😊服務員：呢邊丫😊坐底後，問題就出現，以下對話。你一係就擺左，一係就擺右，俾條路我行。(我冇回應，心諗) 個位係你叫我坐嘅，得一個位，左右兩邊都冇空間點擺？叫一碟牛腩飯，黎左睇落辣辣油，望望張枱冇。 唔該請問有冇辣椒油？咪喺枱面囉，咁都睇唔到牙？(聲音可覆蓋半間餐廳）呢刻我真係有點懷疑自己，全枱係有唯一樽紅色嘅，但我覺得係醋，都試試攞起聞聞😄確認左係醋後，我真係唔客氣回應一句：唔知係你睇唔到定我睇唔到🙄佢再回應我，而家咪攞俾你囉😌真係祝貴寶號生意興隆 🙏…Read More

良心食市😊、好有人情味，我都係跟食評去搵呢間燒味店，真係冇寫錯，老闆娘非常親切，我唔係西貢人但都感受到老闆娘嘅親切👍，隔離都有一間，可能都係好好，但呢一間真係唔錯，值得俾個👍 食人情品都好開心😊…Read More

或許你可能會問於工廈内的壽司餐廳，你會有什麼要求？1.第一直覺會向價錢方向比較，工廈租金應該比門舖平，食物價錢應該會...😁2.如果食物價錢沒特別平的話，食物質量應該可以好...😁 因之前見報章提及工廈中的米芝蓮法國菜！我正因這兩個原因而來一試！進入店內坐下，看到食具有點老化，應該係被熱水，漂白劑蠶食而成，心想喺得工廈你都預左，點左個刺身併盤，可以跟超市有得比較，如果超市買左返到屋企換隻靚碟應該超市會贏埋添😂到天婦羅如果從來未食過，你會覺得天婦羅係淋食嘅😂  到左燒物類真係已經唔會有期望，所以冇失望，因為食得出係雪左好耐、燒得唔燶都會乾過柴皮😂 值得一讚係服務員，斟水以至換碟都好快好好👍 到埋單亦係唯一最驚喜一刻😄每人平均要四百，絕對係價錢與質量不符的一餐晚飯 …Read More