KathyPun's Profile

午餐時間去到，中間仲有自助頭盤區，環境好高級，而且好闊落，食飯傾偈都唔錯🥰✨Grass fed natural Argentina premium beef sirloin chargrilled with balsamico & rocket ($418)✨Potato Gnocchi with spicy seafood ragout sauce ($318)午餐頭盤可以揀all you can eat buffet at “Grandma’s table” 有好多意大利最common 既美食。當中有salami milano, prosciutto di Parma, buffalo mozzarella, burrata cheese, cheese selection, corn on the cobb, grilled vegetables, octopus salad, black mussels等等～好豐富😍主食揀左牛扒同薯糰，西冷牛扒燒得幾唔錯👍🏻外層燒得唔係太脆，牛肉入面呈粉紅色，好嫩滑高質既西冷，加少少黑醋汁都好好食🤓 另外薯仔丸子都做得幾唔錯，有口感得黎唔係太韌，加上個海鮮紅汁帶少少微辣，另外應該再加咗少少叼草油味道幾豐富。午餐除咗有主食之外，仲有麵包籃、水同飲品～ 食物環境黎講都幾抵食🥰…Read More

今日想食日本菜，去咗銅鑼灣螢雪食個定食，都幾高質🤩✨二重拖羅丼 ($368)✨名古屋產鰻魚飯 ($358)定食會有前菜，沙律，湯，茶碗蒸，咖啡或者甜品。前菜有野菜沙律同高野豆腐煮，清清地可以準備食主菜🤩主食首先介紹二重拖羅丼，第一樣係炙燒吞拿魚筋飯，飯上面加咗紫菜同埋香菇碎，好香魚油味！另一款係葱拖羅蓉丼，好香好滑拖羅蓉，送飯好正😙另一個主食揀左名古屋產鰻魚飯，係三食既鰻魚飯，有鹽燒鰻魚，蒲燒鰻魚，最後仲有茶漬飯😍 鹽燒鰻魚同蒲燒鰻魚都燒得好香，鹽燒鰻魚食到鰻魚嘅鮮味～蒲燒鰻魚就係鰻魚同飯一齊食超級惹味！食完仲有剩返嘅飯，就可以放落碗加少少茶，又係另一番滋味☺️食完煮食會有蒸蛋同湯，蒸蛋有別於出邊的茶碗蒸，用咗魚湯做芡汁，食起黎鮮甜。麵豉湯上面有鱈魚做既丸，魚蛋咁～最後可以揀甜品或咖啡，叫左各一。甜品係Oreo雪糕配紅豆蓉🥰 性價比幾高嘅一個午餐定食👍🏻…Read More

北角望維港景真係好靚，一覽無遺😍 今次去Hyatt centric 23樓既Cruise食lunch，係靚景泰菜餐廳~ 叫左2個high rollers set ($280/pp small & large plate )Small plate✨Corn salad✨Pork saladLarge plate✨Mr Angus w/ jasmine rice ✨Tiger Curry w/ jasmine rice (+$20)Dessert✨Cacao & Coconut (+$30)✨Mango Panna Cotta (+$30)Drinks✨Americano (+$20)✨Iced lemon tea (+$20)頭盤揀左粟米沙律同豬肉沙律。粟米燒得好香甜，仲有雞蛋車厘茄等等，用左辣椒青檸汁調味，辣辣地好惹味😍 豬肉沙律細細粒，好似豬頸肉既口感爽爽地，辣味都好惹味～主菜2款都好惹味，揀左虎蝦咖喱，咖喱椰味好香，食落唔算辣～ 虎蝦大大隻烤完個皮帶少少脆，新鮮彈牙🤤 咖哩汁撈飯都好好食🫶🏻 另一款係安格斯燉牛肋骨，肉質好冧好嫩滑，呢個汁就濃啲都好唔錯😍甜品係特色泰國甜品～ 有朱古力脆皮包住椰子味雪糕同超甜芒果🥭奶凍都好滑~~…Read More

黎呢度感受到賓至如歸嘅感覺，食野要咩話之前首先會有一個日本最高款待級別既茶道儀式，飲到新鮮即沖既綠茶🤤 今次叫左「悠」$1880/pp食物都好唔錯🤩🤍前菜毛蟹羊羹，下面仲有秋葵，好滑滑既質感～仙人掌配黑蜜糖，第一次食仙人掌，少少似比較苦而且多汁嘅沙律菜😆 加少少黑蜜幾好味。仲有白梅貝，甜得黎帶少少辣味好有咬勁。🤍刺身✨沙蝶魚，先食薄切部分，上面有紫蘇花，點少少竹炭鹽食，另外一款就卷上日本芽葱，加少少醬汁好香🤩另外仲有炙燒過既魚邊，油分比較重，口腔充滿魚油香～✨北海道厚岸真蠔，加上酸酸地既啫喱一啖食，好新鮮清甜，帶少少海水既咸味，而且好滑好creamy，好正😆✨鰹魚，呢款係鰹魚bb，好稀有既品種，200條先有一條。旁邊有烘乾左既鰹魚既片，食落好香。魚皮燒過既香味加上嫩滑魚肉既味道好岀色。✨貝類兩食，分別係活赤貝同活北寄貝，點少少醬油超鮮甜！✨太刀魚，輕輕燒過魚皮的表面，上面有磨碎完加左鹽既日本胡麻，唔使點任何醬汁就咁食已經好夠味，好滑好鮮既魚肉～ ✨銀鱈魚，係刺身級別既野生銀鱈魚，旁邊會有醋麵豉醬，好滑而且油份比較重，配埋呢個酸酸甜甜既麵豉醬超級岀色。✨日本大間呑拿魚，用左煙燻嘅做法。上面加咗日本嘅野菜同埋烘乾左嘅櫻花蝦，師傅叫我哋咀嚼耐啲，可以食到更濃郁既煙燻味道同埋油份逼哂岀黎，但係食落去基本上係入口即溶🤤🤍熱盤✨石川里芋煮，配上不同嘅時令蔬菜同埋紫菜做嘅湯底，打咗芡既紫菜湯底好清甜，配上唔同蔬菜都好適合！✨五色米和牛，食左日本A5和牛，外面係五色米通，寓意五穀豐收，和牛加上脆米減少左油膩感，整體幾好🤍壽司✨北海道帆立貝，帶少少柚子皮既味道，好清新好鮮甜～✨金目鯛，配上三星漬，日本既麵豉類別，微微帶少少辣，幾特別既配搭。✨鱈魚白子，輕烤過既白子，食落似海鮮味既豆腐，好creamy好濃郁。✨北海道牡丹蝦，上面有燒香左嘅蝦頭肉同蝦膏，仲有蝦籽～✨黑鯥魚，比較名貴既魚類～ 加左即切既日本葱，葱既味道濃郁，但都冇完全覆蓋魚肉本身嘅鮮味。✨鮑魚海膽丼，用咗慢煮4小時嘅日本黑鮑魚，而海膽係日本根室產馬糞海膽，飯就混合自家製鮑魚肝醬，成個飯好creamy好濃郁既膏醬味。🤍湯品舞茸清湯，清甜消滯～🤍甜品水信玄餅用咗蝶豆花天然嘅顏色～藍色中帶點晶瑩剔透，旁邊有紅豆，黃豆粉，作為甜品好解膩好滿足🤩…Read More

29樓維港海景盡入眼簾😍 黎個有氣氛嘅晚餐～ 除咗景色靚之外，食物都好高質🤍✨Sicilian red prawn carpaccio with grated caviar and Bronte pistachio ($295)✨BBQ pulled pork maritozzi sandwich with crispy crackling and chives (3 pieces) ($175)✨Fassona beef tartare ($225)✨Lobster and lime linguine ($340)✨Saffron and Italian sausage risotto ($230)✨450g breaded veal cutlet with shaved black truffle and truffle mayonnaise ($595)✨Table side tiramisu’ (Classic / Pistachio / Hazelnut) 去到首先會有麵包籃，等咗一陣就已經有前菜😍 第一道薄切西西里紅蝦配黑魚子及開心果，超級新鮮嘅紅蝦，超級鮮甜，加上黑魚子同開心果味道更加有層次同口感。手撕豬肉意大利包，手撕豬肉混合左自家醬汁，夾喺鬆軟嘅麵包度，食落好惹味好驚喜😍 仲有意式生牛肉他他，材料有生牛肉碎，黑椒，洋葱，蛋黃等等，店員會即場混合材料，加埋薯片一齊食，好嫩滑脆身既口感！澱粉類分別有扁意粉同risotto。味道清新的龍蝦青檸意大利扁麵好值得試，龍蝦好新鮮彈牙，配上酸酸甜甜既意粉，味道好開胃～～ 我就比較鐘意呢個番紅花意式香腸意大利飯，好香濃既忌廉汁意大利飯，配上惹味嘅意式香腸，超級正！主菜仲有店員超級推介份量十足的意式炸小牛排伴黑松露及黑松露蛋黃醬，口感極級酥脆而又散發陣陣松露特有的馥郁濃香; 同出邊食到嘅吉列牛係兩個層次😍 牛扒鬆脆加上松露味道十分滋味🥰最後必定要食埋個signature Tiramisu🤍 店員會用咖啡酒浸手指餅，然後再落開心果嘅mascarpone cream同埋開心果碎，除咗開心果味特別嘅仲有榛子味，有機會要再試埋🥰…Read More

由本地樂團KOLOR開既餐廳，型格裝修，氣氛唔錯，而且户外同閣樓更加係pet friendly ! 特點係朝啡晚酒，晏晝可以嚟飲杯咖啡，夜晚就可以嚟chill一chill試吓佢哋最出名嘅cocktail 🍹✨明太子蟹籽意粉 ($115)✨蒜香大蝦橄欖油意粉 ($125)✨黑松露薯條 ($70)✨秘製微辣焗雞翼 ($55-5pcs)✨厚切完美平衡叉燒 ($80)✨Iced Americano ($45)✨Flat white ($45)超多明太子汁既意粉，唔會食食下變乾身，而且都好Creamy。明太子味道食得出，但係唔算太濃郁～ 加左蟹子同紫菜會令到成個味道更加豐富🥰而且意粉食落都夠彈牙～另外我哋仲叫多咗一款意粉，蒜香大蝦橄欖油意粉，意粉用上蒜蓉、辣椒乾、橄價油、大蝦，意粉乾身有三隻大蝦，蒜味濃厚，大蝦咬落幾爽彈新鮮，幾惹味！小食實在太吸引，揀咗三款小食，其中黑松露薯條係人氣小食，上面有海量巴馬臣芝士碎，薯條係粗身波浪形，係我最鍾意食嘅茶記薯條！炸得好香脆，加埋黑松露蛋黃醬超級邪惡！另外仲有必試既叉燒，超厚切既叉燒肥瘦均稱，叉燒肉嫩，蜜汁香甜，口感軟腍，鍾意半肥瘦叉燒嘅人不能錯過🥰雞翼叫左全份，有5隻，另外都有半份三隻。熱辣辣雞翼，雞皮非常鬆脆而内裡依然留有豐富肉汁，但係就冇咩辣味～～咖啡黎講都唔錯幾出色🥰…Read More

平時都好鍾意去大坑搵嘢食😻 今次唔係去食Cafe～ 去咗一間新開嘅泰菜，環境好靚好有去左泰國度假嘅感覺🫶🏻✨泰式肉碎脆球($108)✨泰式蝦油大蝦炒金邊粉($96)✨泰式炙燒穀飼牛船河 ($102)平時去泰國店都好鍾意食生菜包，肉碎夠惹味！今次試呢一款係用左脆球代替生菜包，再加上香辣惹味嘅肉碎，食落脆卜卜，好新奇好好味😍 重點一提肉碎係大大粒而且冇肥肉超正✨橙黃色既金邊粉大大碟賣相100分😻 炒得啱啱啱好，彈牙得黎又乾爽，粉與粉之間冇痴埋一齊～ 加埋蝦油炒更加香，大蝦都好新鮮，泰國菜必備主食！見到呢度有船河就叫咗黎試試，湯底好濃郁，河粉同芽菜吸收左湯嘅精華，夠哂惹味🥰 有炙燒既牛肉，比煎既牛多左一層香味，牛肉亦都好嫩，推介～飲品賣相都好得！午餐可以跟一杯飲品。叫左蝶豆花豆奶同泰式檸檬茶。蝶豆花做到漸層好靚😆 檸檬茶茶底甜甜地加埋檸檬嘅酸味好清新🫶🏻…Read More

之前去過coffeelin西營盤分店坐得好舒服，今次就去左另一間分店，環境仲闊絡舒服😍 呢間分店有埋意粉食，好高質！✨Truffle Mushroom($128)✨Duck Ragu($128)✨Parmesan Truffle Fries($63)✨HV Tiramisu($68)✨Pour Over($68)✨Dirty($40)首先介紹左呢兩款意粉先😍 有松露蘑菇意粉，係一粒粒薯仔波嘅意粉，好煙韌有咬口超鍾意！另外松露野菌都炒得好香🤤另一款鴨肉長通粉，肉醬味道超濃郁，而且通粉都幾有咬口。薯條都好值得試😍 大大碗幼薯條上面舖滿巴馬臣芝士碎，加上呢個松露醬同脆薯條，超滿足！食到好飽朋友仲話想叫多個甜品，揀左Tiramisu，會配少少藍莓醬酸酸甜甜，入面cream就好滑，而且咖啡味同酒味夾得恰到好處～今次我哋叫咗dirty同Pour over🫶🏻 係Columbia既豆，飲落有Citrus, cane sugar既味道～After taste就係茶既甘香，幾特別，推介!❤…Read More

係The L.Square位置方便，行完仲可以行下街🤓 仲有和牛可以食🫶🏻✨大阪城和牛五點盛合($338)✨鹽蒜牛小排($88)✨汁燒封門柳($88)✨葱山薄牛舌($78)✨岩鹽青檸雞腿肉($78)✨珍寶虎蝦($58/2隻）✨殿堂玉子飯 ($32)✨明太子撈烏冬伴月見($46)✨清酒煮蜆($42)✨酥炸雞軟骨($38）黎到梗係要試下呢度既和牛！最特別既一定係大阪城和牛五點盛合😍有3層食物再加一碟牛～ 分別係和牛五花、牛舌、和牛三角、和牛小排同牛磚。和牛油脂較高，脂肪紋路分明，和牛三角更加係入口即溶超級正！加埋醬汁仲入味，有燒肉汁，檸檬海鹽同埋辣味噌👍🏻除咗和牛之外，牛肉仲鹽蒜牛小排，汁燒封門柳，葱山薄牛舌，雖然油脂比例就冇和牛咁多，但係牛味都好濃郁，亦都比較有口感。牛小排取自牛隻的前胸肋骨部位，肉質結實帶油筋且油脂甚多，配上海鹽和蒜蓉，好惹味。封門柳即是牛橫隔膜肌肉，口感細嫩肉味濃郁，輕輕燒至每面稍為變色就可以食🫶🏻除咗牛肉之外，雞髀肉，虎蝦同清酒煮蜆都好正😍 虎蝦夠哂大隻新鮮彈牙🫶🏻 清酒煮蜆都好鮮甜～除左肉類之外，主食都好岀色，叫左殿堂玉子飯明太子撈烏冬伴月見，2樣主食都好正有蛋黃係中間，撈埋飲同烏冬冇得輸🥰…Read More

午餐每位 ($880) 用嘅材料好高質，好有心思，而且食到飽😆 午餐黎講呢間算係幾出色又抵食！茶碗蒸乚✨茶碗蒸北海道帆立貝，鮑魚，同埋高湯做嘅茶碗蒸。去 4品 (前菜)✨水八爪魚同吸盤下面會加咗啲樽菜，有啲好似啫喱咁嘅口感，加上八爪魚，好似可以直接畫落喉嚨🤣 好鮮甜好清亲✨粒貝、鱸魚、昆布山藥北海道嘅粒貝，即係新鮮嘅螺片，點少量既鹽，鮮味岀哂黎，好爽口彈牙！然後有野生鱸魚，相對粒貝係兩個口感，好冧好滑～同昆布山藥，呢個組合好特別好正！有昆布少少嘅鹹味再加埋山藥既黏感。✨平貝用醬汁醃漬過既平貝，鹹鹹地但係味道依舊鮮甜，加上紫菜微脆既口感好正✨ BB吞拿魚青森BB吞拿魚，用咗稻草去燒，有少少Smoky嘅味道，上面加咗日本嘅蔥粒，然後下邊嘅醬汁用咗豉油，酸汁同埋蔥油去做，葱味更加濃郁。握少寿 10貫(壽司)Sushi 10 pcs✨深海池魚食落比較肥美，而且完全唔腥✨帶子醃漬過既帶子，帶少少醬油既味道，帶子口感都好好✨赤貝好鮮味彈牙既赤貝，加上醋漬飯，好夾✨牡丹蝦炒過既蝦膏，蝦籽係表面，好香濃，加上鮮甜既牡丹蝦，超好味！✨金目鯛用備長炭燒過魚嘅表面，油份比較多，加上燒過既煙燻味，甜而不膩✨鯖魚鯖魚棒壽司係傳統關西嘅做法，用鹽同埋醋將魚肉醃到半生熟，食落好滑，味道✨熟成大拖羅今次用左青森大間嘢野生大拖羅，熟成左15日，將筋膜軟化，入口即溶，油份爆棚！✨馬糞海膽比一般海膽較鮮甜，加埋紫菜一齊食更加滋味✨筋子9月左右先食到既季節限定壽司，要係筋膜最薄嘅時候先可以做到，用新鮮既筋子醃製，粒粒係個口入面爆開好鮮甜！✨黑鯥魚輕輕燒過既黑鯥魚，油份冇深海池魚咁多，比較有咬口。卷物Sushi Roll✨呑拿魚腩蓉手卷好新鮮份量有多嘅吞拿魚腩蓉，連埋飯同埋紫菜食超級正！书椀(湯)✨麵豉湯Dessert✨豆腐雪糕…Read More

手拉既pizza真係食極都唔厭🤪 今次去左堅尼地城食正宗意大利餐廳。✨Godfather ($176/Large)✨Spaghetti Alle Vongole ($128)✨Tiramisu ($68)店員介紹我地食呢個godfather係margarita pizza 再加上白菌、香腸、意大利辣腸、雜錦椒、香辣牛肉、洋蔥，超級惹味同豐富既組合🥰 香辣牛肉好正必叫！餅底都好煙韌而且唔厚身，食多幾塊都okay🤓見枱枱都叫呢個蜆肉意粉，我都試下有幾正先🤪 好香既白酒汁，加上超級鮮甜既蜆肉，大大隻好juicy ! 扁意粉都好有口感🥰…Read More

最鐘意好多人一齊打邊爐，可以食到好多款美食🥰 今次同屋企人去食全新既鰲拜套餐($488/每位) 套餐包左前菜、刺身、生醃、主菜、火鍋和甜品，超級豐富滿足😍 前菜✨黃金炸魚皮✨豉椒炒鵝腸炸魚皮炸得好脆，鹹蛋黃味道濃郁，炒鵝腸口感新鮮爽脆，加埋豉椒好正刺身✨象拔蚌超爽口彈牙，點少少壽司醬油，鮮味逼人！生醃✨泰式生醃(龍蝦、天使蝦、鮑魚)平時去泰國舖會叫泰式生蝦，個醬汁味道好相似，酸辣惹味😍 龍蝦好鮮甜，滑滑地，而鮑魚係好有咬口好正！主菜✨老壇酸菜魚有5款選擇分別係老壇酸菜鱸魚/重慶雞煲/香辣烤魚/水煮牛肉/椰子雞。好幸運叫左酸菜魚，好有驚喜，大家都大讚！魚肉新鮮嫩滑，份量好足！湯底酸酸辣辣好唔錯，入面既配菜都冇剩😆火鍋✨花膠美人鍋火鍋就有6個選擇，揀咗花膠美人鍋，有好多舊花膠！湯底清甜，打邊爐首選～每位會限量贈送，錦繡前菜，安格斯頂級牛小排等等。手切牛拼盤有牛小排、牛頸脊、牛舌、牛仔粒。牛頸脊脂肪比較多，牛既表面有雪花，牛味香濃之餘亦都好嫩。另外仲有一大盤桂花魚，魚肉好嫩滑！牛丸係日本直送，爆汁牛丸超級推介！…Read More

今日經過葵芳，去咗一間bookmark左一排既cafe🫶🏻 喺葵芳村入邊，冇去過嘅我搵咗一陣先搵到🤣遠處望到係好靚嘅木系Cafe～✨炙燒黑豚肉醬意粉 ($88)✨酥炸軟殼蟹雙層脆包 ($98)✨Iced latte ($46)✨Matcha latte ($46)晏晝去到每人叫咗一個主食同埋一杯飲品，朋友揀咗黑豚肉醬意粉，鋪滿炙燒完既芝士，加上海量嘅肉醬，意粉口感唔錯味道都好好！另外我叫咗酥炸軟殼蟹包，軟殼蟹好大隻😍 炸得都好脆，加咗啲芒果salsa，食落唔會覺得油膩，麵包烘過好鬆脆，仲有番薯條成個感覺好豐富！飲品叫咗凍嘅latte同matcha latte。咖啡味道都幾濃郁！matcha latte嘅拉花都不錯🤩…Read More

九龍城除咗泰國菜之外，仲有新開嘅omakase，一眼可以望晒一張長枱，環境幾舒服🥰 成晚座位都坐滿哂❤️前菜✨京都豆乳配小川海膽刺身✨松葉蟹配桃啫喱✨北海道生蠔✨岩手縣海膽，富山灣白蝦✨熟成拖羅✨本鰹魚刺身季節料理✨炸金鯛配松露野菌汁壽司✨目拔✨北海道時之鮭✨白魷魚✨石垣貝✨牡丹蝦✨赤鯥手卷✨北海道只海膽玉子✨江户前玉子蒸物✨龍蝦汁魚翅松葉蟹肉蒸蛋湯品✨ 愛女魚野菌松茸清湯甜品✨蜜瓜提子👉🏻前菜京都豆乳配小川海膽超鮮甜嘅小川海膽，加埋下面做到好似蒸蛋咁嘅京都豆乳，好滑好鮮甜，成個感覺超級清新配搭！👉🏻刺身松葉蟹配桃啫喱松葉蟹肉加上蟹膏，然後上面仲會有桃做嘅啫喱，超鮮甜🤪北海道生蠔超級飽滿嘅生蠔，加咗魚子醬同酸汁，岩手縣海膽，富山灣白蝦海膽超級creamy新鮮，加埋白蝦食落超級鮮甜，甜味會圍繞着成個口腔，好正！熟成拖羅用咗熟成一二周既吞拿魚，皮下脂肪用火炙一下，上面加咗少少芥末籽，油份好重，好香嘅吞拿魚味😍本鰹魚刺身本鰹魚上面加咗岩鹽，洋蔥，炸蒜，入口比較有口感，魚味好濃郁。👉🏻季節料理炸金鯛配松露野菌汁魚皮炸得好香脆，魚肉仲保持到入邊超級嫩滑，加上呢個汁超級香松露味🤤 整體都超好味👉🏻壽司目拔壽司上面加左少少蜂蜜同酸汁，魚生片食落比較爽口，感覺比較清新北海道時之鮭微微炙過既鮭魚，上面加左啲葱醬，味道比較濃郁白魷魚上面配上烏魚子，好黏口石垣貝入邊會配海草，同少少檸檬皮，好清新爽口牡丹蝦用花雕酒醃漬過，上面加咗啲七彩芝麻，黏黏哋夠鮮味赤鯥煙燻過嘅赤鯥魚，上面加咗生蒜同炸蒜，好脆身帶少少辣味，魚肉好冧好入味👉🏻蒸蛋龍蝦汁魚翅松葉蟹肉蒸蛋👉🏻手卷北海道只海膽手卷，大量北海道海膽超滿足👉🏻玉子入邊加咗蝦肉魚肉打成食落好似蛋糕咁👉🏻湯品愛女魚野菌松茸清湯，魚湯鮮甜濃郁，入邊仲有魚肉，成碗飲晒🤤👉🏻甜品係超甜既蜜瓜，同去皮既香印提子😍 好甜好解膩🫶🏻…Read More

黎到西貢食野，WM酒店入面餐廳就夠哂relax! 環境超光猛舒適，場入面每張枱都好大，而且同隔離左右都有一定距離，仲有桌球枱等等。食物選擇都幾多❤️✨Buttermilk chicken salad ($138)✨Cod Fish n Chips ($198)✨Wild Wings ($88)✨Honeycomb Butter Pancake ($125)✨Flat white ($48)叫左一碟沙律，配料超豐富😍 有烤雞扒，牛油果，煙肉，溫泉蛋 ＆羅馬生菜，蛋黃沙律醬。健康有營，雞扒烤得幾正，加埋牛油果同温泉蛋好有驚喜！另外叫左一份炸魚薯條同炸雞翼。啤酒粉漿炸大西洋鱈魚配薯條，青豆茸，他他醬，魚柳好嫩滑，外皮好脆身帶少少啤酒既麥味，超級好味！雞翼應該係新鮮即炸，有美式雞翼既感覺，炸粉唔多，皮脆內嫩，點埋唔同醬汁有唔同既風味~最後仲揀左個甜品，係我最愛既soufflé pancake! 點都要試下😍 厚班戟，焦糖牛油，楓葉糖漿，水果，好鬆軟有空氣感，而且蛋味都好濃郁，推介大家食埋個甜品再去玩😛…Read More