在殿中.'s Profile

今晚約左麻辣之友食晚飯，朋友話係尖沙咀行街經過見到有間新開既四川菜食烤魚，聽到已經流晒口水，即時打去book位。一行三人我地點左必食推介青椒bb豆花小麻辣，魚有四款選擇，因為我對魚要求較高，所以點左沙巴龍躉，果然不負期望，烤完既魚份外鮮甜，加上秘製香料，未食已經麻辣香氣𣾴鼻，令人食指大動😋。加料配菜當然有安格斯肥牛，脂肪比例均混，牛肉味濃，牛魔王既我自己可以食囇一碟！娃娃菜同萵筍食材新鮮，完全可以吸收了湯㡳的精華。炭燒方面點左燒鳳尾蝦串， 炭燒原隻鲍魚較為出色，食到炭燒風味，鮑魚新鮮，燒的時間控制剛剛熟不鞋口，值得推薦👍🏻…Read More

約左一班舊同事食lunch , 揀左係附近嘅太元樓，我地以前都成日食當佢係canteen, 因為鍾意佢門面乾淨，座位闊落，又有圓枱方便一大班人傾計。午市套餐款式多，左揀右揀終於揀左五、六款菜色1）嫩雞煨妹：湯底鮮甜，雞肉滑🐓2）担担面： 正宗担担面湯底，面夠彈牙🍜3）小籠包： 皮薄多汁，太好味所以再追加一籠🤤4）囗水雞： 雞肉爽口，唔太辣。份量d多會更好5）牛𦟌面：牛𦟌好淋，好入味👍🏻6）京都骨/豬扒客飯加豆漿：保持水準，同事必點原本想叫埋甜品，可惜唔夠時間，唯有下次😋…Read More

每次收工經過川味香，都傳來陣陣香味，一直好想同同事來食，可惜每次都坐滿人。今晚ot 終於可以唔駛等直接入座👏🏻見到門口個餐牌款式十分多，我哋叫左餐牌推薦食物👍🏻。海鮮類：蒜蓉燒美國大生蠔，惹味燒蒜蓉扇貝帶子我至愛❤️蒜蓉香但沒有掩蓋海鮮嘅味道，生蠔多汁仲保留到海水味道，帶子爽口，燒嘅時間啱啱熟，，仲有粉絲喺面一次過滿足晒兩個願望！肉類：食肉獸嘅我哋點左牛仔骨，羊架同牛丸。老闆好細心見我哋好難share，上菜時仲主動俾把鉸剪我地，好窩心牛仔骨好有牛肉味，羊架有口感，牛丸彈牙，加埋孜然粉同蒜蓉燒，十分惹味加上肉質一d都唔韌。平均每樣野$10-$35 又有海鮮又有牛同羊，十分抵食，性價比高…Read More

好奈冇見朋友，終於happy Friday 約齊人可以一聚，揀左銅鑼灣 green house 。鍾意佢夠多款式，一行八人訂枱，仲俾左張大枱同其他枱分隔，私隱度較高方便傾計。我地 order 左三文魚沙律，三文魚同蔬菜都幾新鮮，火腿菠蘿Pizza不失水準，鹹蛋黑松露pizza有創意新鮮感，咁嘅配搭都原來都幾好味。仲有叫咗燒雞，雞髀同雞胸都好嫩滑，阿B食完一件又一件.另外叫咗兩款意粉，龍蝦意粉味道唔錯有少少辣但好新鮮同搶口，肉醬意粉就不過不失啦。好似意猶未盡，仲點左牛扒同咖喱青口。牛扒5成熟剛剛好，有牛肉味，肉質較淋。青口被咖喱味蓋過，食唔到啲咩鮮味。值得一讚，佢嗰杯迷迭香椰汁菠蘿特飲，賣相非常好兼好好飲…Read More

出到旺角真係好多餐廳選擇，行下行發現左一間裝修比較特別，有台灣風味餐廳。睇完門口個餐牌便毫不猶豫選擇左呢間，入到去座冇虛席，心想應該冇揀錯。等了5分鐘左右就有位座，我自己點了最喜愛的台灣牛根腩面。雖然餐廳有很食客，但上菜都幾快。湯底濃，牛腩好淋，味道入味不油膩，值得一讚👍🏻我飲晒成個湯底，都唔太囗渴，應該唔多味精吧😋之後仲加左杯台式珍珠奶茶，當然味道不能跟其他飲品店鋪相比,味道偏甜，冇乜茶味…Read More

食完母親節飯，聰嫂門口開始出現人龍，因為媽媽好想食甜品，所以去咗聰嫂。好耐冇食個榴槤西米露，依然保持到水準，榴槤好香，西米露甜到啱啱好。入口即溶嘅感覺一再回味。…Read More

計劃了幾星期，一行十多位朋友來長洲渡假同食海鮮。不負眾望海鮮新鮮，價錢合理，香港其他地方真係搵唔到。因為人多可以叫好多款菜式，我們點了蒜蓉炒蟹，鮑魚扇貝帶子賴尿蝦，辣酒煮花螺，白灼蝦，龍躉，食到津津有味。每碟都不錯，最後還encore 頼尿🦐👍🏻…Read More

之前聽過好多雜誌介紹，已經好想來試吓，難得今日經過灣仔，便決定同老公來一試。下午6:00開門，我們是第一台客人，經店員介紹餐牌同優惠後，我們便決定選擇了招牌菜九段刺身丼，食法由上而下，刺身款色/味道沒有什麼特別，較為出色是海膽同拖羅，其餘都是平價的刺身，牡丹蝦更加是淡而無味，盛惠368加一。當然不值這價錢，而且份量十分少。另外，我們點了一些燒物例如有羊架同銀雪魚，銀雪魚太鹹，羊架尚可。最後，因為真係唔太夠飽再加點了海膽手卷，海膽是我唯一覺得比較值得一試。…Read More