MeowJ's Profile

見新開試一試，點知完全唔掂。 無論係牛定其他食材，都算低質👎👎。比起其他放題，例如牛xx，牛x，呢間選擇少又貴過人，仲要唔新鮮。例如菜，菜葉已經黑黑地，丸得2款，連炸魚皮或響鈴都無😑😑。熱盤既鴨同魚已經放到乾晒，見到都唔開胃🤢，仲要無乜其他款式。所謂既台式甜品，得幾碗放喺度，仲要無雪，亦無既蓋住，就咁好似垃圾咁求其放，膽粗粗試一碗，好大藥水味，化學感極重，食一啖已經唔想再掂🤢🤢員工亦唔衛生，有個企門口職員一路行一路咳，無戴口罩周圍噴，經過客人枱都係咁，好核突🤢🤢🤢。總之唔會再幫襯。…Read More

以前食過，唔算好好不過過得去，於是今日再去，午餐飲茶，簡直係極差！！！好少寫食評都忍唔住要話畀大家聽，希望太多人中伏。 首先，周圍都好污糟，我地坐樓上有冷氣既地方，好近佢個後樓梯，陣陣惡臭，好核突。 啲杯杯碟碟全部好多漬， 用滾水淋都唔夠要自己捽捽捽。野食亦差，點心唔好食都算（ 例如個墨魚餅完全無味， 個雪山叉燒包係我從未見過咁細），最差係個海鮮雜菜煲百幾蚊，海鮮係雪咗好耐好耐嘅急凍魷魚同超細隻嘅蝦， 好大雪味， 食咗一啖已經唔想食，都算， 啲菜仲要係爛菜！ 使唔使離普成咁🤮🤮🤮 …Read More