Leiipiggggg's Profile

好耐無試過咁想寫食評! 估唔到今次迫我百忙之中要寫一寫，其實餐廳食物味道唔錯，環境亦蠻有日本既感覺，但服務------真係差到茶餐廳都不如!!如果你想貼錢買難受，想比人黑面催趕，可以黎食餐飯試下，我地就一定唔會再比錢黎食!之前見有人食評寫服務三流真係算比面，我覺得九流都不為過!!!最初，我地步入餐廳感覺都幾好，坐低後有位長髮後生女侍應主動同我地介紹餐牌，佢算最有耐性同有笑容，我地落ORDER時佢係無用紙筆落單，單靠記憶幫我地落ORDER，(但我唔肯定係咪公司要求佢唔可以寫低，要用人腦去記) 結果最後就落錯左單，上左2次我地一定唔會叫既雞頸肉( 因有朋友係唔食) 我地禮貌向上菜同事提出並無落單，對方都有D唔相信既表情，但我地都無辦法，咁無理由要我地硬食，落單個女仔算有禮貌，見佢好似新人咁，我地無特別講咩，之後有另一短髮女侍應木無表情黎介紹另一張餐牌既野，我地無興趣就無叫。未到8點，有一個似係高級D既女職員(唔同衣著)黑住面就黎提我地LAST ORDER，8點半要交枱，我地無再叫食物，然後隔多一陣又再黎同我地講LAST ORDER，問有無野要落單，我話我地無野落喇，不過仲有野未到(因我驚佢地咁趕要我地走，食唔切) 點知個女職員好惡咁望住我，完全唔知點解佢要咁嬲，我地真係未上齊食物，你又成日提我地要8點半交枱，直到最後比錢，佢都完全係黑面，一句多謝都無，好似我地阻住佢咁。然後，我地發現帳單上有落錯單既雞頸肉，無幫我地取消，就同番佢地講，個職員仲要好似唔信我地咁望下我地張枱~!我唔明點解我地2次講左無落，退埋D食物都仲唔幫我地取消，如果我無CHECK單，我地就白白比錢~!!最後我地當然唔敢坐得耐，8點半前走人啦，其實我地從來無諗住遲走，有時人與人之間溝通真係唔洗下下黑面，我地開開心心黎食生日飯，雖然唔係大客，但3個人食左2千蚊，都唔係茶餐廳價錢，但我地既感覺係好受氣~!! 就算你食物再好食，唔換走D咁差既服務，真係無可能令人想再幫襯。成晚覺得最正常既職員已經係落錯單個位侍應，其他接觸到既都係黑面。呢個價錢，可以有更多好既選擇，唔洗委屈自己。…Read More

一直都好想試大倉，食評雖然唔多，但感覺上質素唔錯，所以情人節就決定食下呢間喇~~BOOK左位，去到就有得食，叫左個$1200既二人餐，乖乖等上菜。當日上黎食飯既有8成以上都係日本人，而且好多應該都係熟客，同店員都係有傾有講，要浪漫就唔會黎呢度食，好彩我同另一半都係好為食，鐘意食野多D~呵呵~~刺身好好味，好新鮮，海膽一流!!><壽司既SIZE細細件，一口可以食完，GOOD~!但當日D飯好散，細細力夾已經散晒，其實有小小小小失望，可能之前見食評寫得好好，有D期待師傅既手藝......不過都無損美味既^_^至於其他食物，賣相味道都好有水準，天婦羅食落香口但唔油，唔會好熱氣。下次會選擇散叫，試多D其他食物~!!…Read More

當初鐘意KUMAMON，佢係香港都未咁多人認識，為左見下佢，唯有飛去熊本，亦因為佢，愛上九州呢個地方~~今時唔同往日，香港都好易搵到佢既商品喇~雖然之前都有同其他餐廳CROSSOVER過，但今次呢度時間比較長，而且真正以KUMAMON為主題，做粉絲又點可以唔去呢?由當初排兩個鐘，到而家唔洗排都食到，我已經食左N次喇~~問心，食物唔係真係美味到一定要黎試，但見到肥嘟嘟既熊樣，你又點忍得口呢????大部分既食物都試過，我自己比較鐘意食漢堡，感覺無其他食物咁乾，熱香餅好味，但我自己覺得最最最令我深印象一定係個雪糕!!奶味重，質感同普通雪糕唔同，我非常鐘意，每次一定要叫黎食~!!除左食，當然就係同KUMAMON狂影相喇~~如果你地想同其他公仔影相，可以同侍應講架，佢地會幫你調番黎，唔洗唔好意思，佢地好好人!( 不過漏單一定要追，我試過漏到最後差唔多收舖先整到比我，追左3、4次，雖然個侍應好誠心道歉，我都無鬧佢，但真係好浪費時間)…Read More

星期五既晚上，食完拉麵個肚仲有D位，意猶未盡之時就見到HE SHE EAT喇~~成日係OPENRICE見到佢個名，但一直覺得肯定有排等而無去試，點知今次行過又唔算多人喎，我地等左10分鐘就入得，舖頭真係好細，坐得好迫，不過裝飾得幾靚，而且MENU十分吸引~!!!甜品我唔算好沉迷，但雪糕係我比較鐘意既，結果我地叫左三款雪糕:椰子菠蘿荔枝櫻花草莓賣相100分，好靚!望到已經流晒口水，水果味既雪糕食落唔會好膩，而且味道清甜，特別係椰子菠蘿，真係想再安哥呀~~~朋友鐘意綠茶，我地試左綠茶心太軟，一切開蛋糕，濃濃既綠茶味蜂擁而出，唔甜，幾得意呀!!…Read More

同好朋友HAPPY FRIDAY，飲野前想食D野墊肚，諗起同事一直推介既印度素菜，於是就心血來潮黎左喇~~我地去到時間尚早，無咩人，門口有幾個印度人，舖面又比較舊，就咁睇外表真係唔會吸引到你入去…..><我地都有D唔敢入去，好似好尷尬咁~哈哈後黎有個識講廣東話既印度人招呼我地，我地就放心入左去喇~~~餐牌好多選擇，全部都英文，有D都唔多識分係咩( 後黎走個先發現原來有中文MENU，但要問侍應拎….)於是我地就叫左一D同事推介既食品喇~~飲品方面我地試左LASSI，朋友既芒果味好好飲，我既菠蘿味就比較酸同稀，但都可接受既~~之後我地叫左SAMOSAS(類似咖喱角)，超好味~!!!係我未試過既味道，而且好脆好有咬口，正!另外叫左個SOUTH INDIAN THALI，7種醬料配飯同薄餅，我地仲學人用手食，體驗下地道食法，哈哈用手食飯真係難，成日跌到周圍都係。不過D飯比較乾身，每粒都分開，好散，我自己就唔多鐘意食，覺得難食，但我朋友就幾鐘意，所以真係各人口味不同呀~~~但對於薄餅類，我係無辦法抗拒，食DOSA-CHEESE PLAIN時，我真係停唔到口，個種好味難以形容，如果你同我一樣係芝士怪就更加會沉淪落呢塊餅度。。。。請一定要試下！！！食薄餅始終比較油，我地覺得飲酸酸甜甜既LASSI係比較令人消滯～～期待下次再黎…Read More

係演藝睇完舞台劇，去左最近既藝術中心搵食，可能時間尚早，無咩人，侍應仲專登比左個望海位置我地，環境非常GOOD~!我地兩個女仔，唔敢叫太多野食，因為見D份量都幾大下，我地叫左個肉醬寬麵同PIZZA食，個寬麵太硬，如果軟小小會好好多，PIZZA就好好味，不過份量真係太大，兩樣野都食唔晒啊!! ( 而且我本身己經係勁大食既女仔)咁其實都幾抵食既~~哈哈…Read More

第N次黎幫襯喇~每次係尖咀想食甜品都會諗起呢度~一來我勁鐘意食芒果，二來呢度無厚福街個邊咁多人，有時要等都係一陣就入到去....黑糖冰我就唔係待別鐘意，但芒果雪花冰同雪糕真係食幾多次都唔會厭呀~!!清甜而且香，陣味唔似普通芒果咁濃烈，果肉係超級好味啊~~~…Read More

同好朋友慶祝生日，3人都鐘意食日本嘢，所以由我拍板食嵐山！一早book左位，所以唔洗等！^_^環境好舒服同寬闊，唔會迫住唔自在，落單上菜都快，禮貌幾好，不過落漏左單就有小小扣分.....食物方面好有水準，朋友們樣樣都好滿意！我最鐘意個螢光魷魚，好惹味，真係推介呀！另外，個炸雞同海鮮鍋烏冬都好正！食到停唔到口，連湯都想飲晒，我地覺得呢度熟食比刺身更吸引！加上地理位置比較靜，適合慢慢食，一邊傾偈。…Read More

是日同好朋友慶生，係OPENRICE睇左好耐，最終揀左心燒食堂黎賀一賀~~上到黎見到門口擺設幾得意，燈光昏暗，幾舒服咁，周圍仲掛左好多畫作，幾有藝術感同青春既感覺…..LIKE!不過D枱非常貼近，我地二人枱，兩邊都有人，而且好近，( 靠牆個張可能好少少)反而令我朋友想傾偈都唔敢太大聲，未能做到暢所欲言~~><另外，唔知個侍應係唔係新，我地坐低之後一直都唔比荼我地，搞到我地以為連杯茶都要錢…最後見新坐低既都有茶，我地先敢問佢拎….食飯過程完全唔會主動加水，無人收碟，但當晚其實唔算好忙，人手充足架，所以我對於呢度既服務就有小小失望LOR….食物種類都算多，而且樣樣都好吸引，我地每樣叫D，試左好多野~><雖然服務麻麻，但食物就無得頂，樣樣都堅好味，而且感覺同平時係其他地方食既串燒好唔同，非常滋味~~其中我最鐘意心燒龍串鳳、燒豚肉廣島蠔、芝心牛肉卷及甜蕃薯，推介呀!!!!!另外，如果唔飽，可以好似我地咁，叫個燒飯團同溫泉蛋拌飯，一定唔會令你失望~!!! 甜食我地點左炸芝士蛋糕，起初怕好膩又怪怪地，點知一放入口就知道自己擔心係多餘，口感好得意，出面脆，入面係軟軟既芝士蛋糕，唔嗜甜既我都覺得YUMMY YUMMY呀~由於朋友5月生日，免費送一客海膽刺身，味道一般，不過唔洗錢，無所謂啦~~~…Read More

今日係朋友既慶生日子，午餐先去富山食個拉麵先！（我承認有私心，為左kitty呢個期間限定而去....哈哈）:)去到大約兩點幾，比想像中少人，上網見d人話排好耐，我又公眾假期過黎，以為一定有排等，點知又ok喎，半個鐘左右入到去！點餐時要決定埋買唔買個kitty 碗及環保袋，（每樣$140）最後我地每人買左一隻碗，因為太可愛喇^_^我地無試黑醬油，因見到評語都幾極端，一係覺得勁好味，一係就太咸，結果我地揀左「白鹽蝦半熟蛋拉麵」及「激辛味噌拉麵」，朋友話激辛個個湯底無咩特別，但我地一致認為拉麵好好味，比較粗身，咬落好爽，總之就好味啦！叉燒唔肥唔瘦，適中，唔硬，我好少覺得叉燒好食，但呢間幾ok！白鹽蝦個湯底超美味，我忍唔住飲左好多，正！我一定會再黎，不過等遲d無咁多人先再試黑醬油！P.S.可能最近客人多，所以服務員無咩耐性，雖然唔係對住我地無禮貌，但都覺得要改善下，希望下次黎會更好！…Read More

屋企係Antoshimo Cafe 附近，食完第一次覺得幾啱自己口味，之後不時都會黎幫襯！本身無諗住要寫食評，但好想呢間舖可以做落去，（我先可以繼續食）所以都黎支持下！呢度裝修設計好有心思，枱與枱之間距離適中，唔會太迫，侍應服務不過不失啦，再熟練d當然會更好，但起碼都係笑面迎人。舖內有唔少關於沖繩既書，可以一路睇，一路食飯，認識更多有關沖繩既事物。新蒲崗區人流少，基本上我次次黎都唔洗等位，又坐得舒服，好過出去旺區排餐死-_-#我地三個人叫左三個唔同既餐，其中宮城肉醬、芝士苦瓜炒蛋及漢堡都值得推介！食極都唔厭^_^今次第一次食漢堡，細細件，咬落好juicy！同行朋友都話宮城肉酱必食！主角炸麵包我已經試晒所有味道，咸味既話，咖哩豚肉唔錯。但令我一食再食既一定係蕃薯同芝麻！前者真係好味到有時放工忍唔住要去食番件！芝麻好香口，不過食完成口黑芝麻，同男＼女朋友去就要小心，記得抹乾淨個咀喇！甜點係花生豆腐，我係花生豆腐狂熱者，去食沖繩料理一定會叫，呢度跟餐有得食，真係太滿足喇！成個餐咁多野食，連水雲、海葡萄都有得試，$68真係超值！另外，黑糖忌廉咖啡都值得一試，唔太甜，非常好飲！食完唔夠喉，收銀附近仲有d沖繩特產，可以買番屋企食，無得去就用黎止下癮啦！其實新蒲崗都好方便，好多巴士都經mikiki，如果坐地鐵，黃大仙有小巴直到添，唔想坐車，行黎都係10至15分鐘，當做下運動囉！我係呢區大，知道要維持生意都幾難，希望更多人黎試屋企係Antoshimo Cafe 附近，食完第一次覺得幾啱自己口味，之後不時都會黎幫襯！本身無諗住要寫食評，但好想呢間舖可以做落去，（我先可以繼續食）所以都黎支持下！呢度裝修設計好有心思，枱與枱之間距離適中，唔會太迫，侍應服務不過不失啦，再熟練d當然會更好，但起碼都係笑面迎人。舖內有唔少關於沖繩既書，可以一路睇，一路食飯，認識更多有關沖繩既事物。新蒲崗區人流少，基本上我次次黎都唔洗等位，又坐得舒服，好過出去旺區排餐死-_-#我地三個人叫左三個唔同既餐，其中宮城肉醬、芝士苦瓜炒蛋及漢堡都值得推介！食極都唔厭^_^今次第一次食漢堡，細細件，咬落好juicy！同行朋友都話宮城肉酱必食！主角炸麵包我已經試晒所有味道，咸味既話，咖哩豚肉唔錯。但令我一食再食既一定係蕃薯同芝麻！前者真係好味到有時放工忍唔住要去食番件！芝麻好香口，不過食完成口黑芝麻，同男＼女朋友去就要小心，記得抹乾淨個咀喇！甜點係花生豆腐，我係花生豆腐狂熱者，去食沖繩料理一定會叫，呢度跟餐有得食，真係太滿足喇！成個餐咁多野食，連水雲、海葡萄都有得試，$68真係超值！另外，黑糖忌廉咖啡都值得一試，唔太甜，非常好飲！食完唔夠喉，收銀附近仲有d沖繩特產，可以買番屋企食，無得去就用黎止下癮啦！其實新蒲崗都好方便，好多巴士都經mikiki，如果坐地鐵，黃大仙有小巴直到添，唔想坐車，行黎都係10至15分鐘，當做下運動囉！我係呢區長大，知道要維持生意都幾難，希望更多人黎試下啦！…Read More

幾個舊同事一齊去佐敦揾食，食左另一間姊妹店，咁就黎試下Seasons 喇！ :) 訂左位8點，但係去到都未有位，天寒地凍等左好耐先入得去，不過職員態度友善，所以我地都無咩所謂，餐廳比較暗，而且好迫，人同人之間係零距離，有時真係會錯手想食埋隔離枱既人既食物 可能生意太好，太多人掛？我地4個女仔，叫左4樣野~~~如果唔係坐得咁迫應該更加滿意！ …Read More

 食完晚飯行過比ＳＥＮＳＥ既盆栽甜品吸引住，明知要等，都心甘情願企定定．．．．．．我地總共叫左三樣野：甜品舖黎講算坐得幾舒服，唔迫，好適合一班朋友ｈｅｈｅｈａｈａ傾下偈，賣相又夠特別～值得一試～～～…Read More

同朋友慶祝生日入元朗玩，上網見到Quinn幾靚就book位黎試下～～餐廳分兩段時間：6:00 - 8:00 / 8:00 - 10:00我地三個女仔，叫左一個set，另外加其他野: 對ＱＵＩＮＮ本身都唔係好大期望，但食完之後真係好滿足，睇得出廚師好有心機整，咁既價錢真係超值啊～～～雖然有個侍應成日都無咩表情，但其他侍應態度都好好，不時會為我地添水，唔會過份殷勤令你唔自在，非常輕鬆！朋友生日，我電話訂位時已同職員講左想係甜品度寫字，甜品上時真係好驚喜，因為整得好靚，真係好開心揀左呢度試～～～希望多Ｄ人黎支持下啦～～…Read More