more6's Profile

放寬左6人限聚後，同班老友去打佢個邊爐，實在係最好不過。同行朋友識得財哥，被安排了在角落嘅房間，幾嘈都影響唔到其他人，正！打邊爐最好就係唔使等齊人，一坐低就可以叫定嘢食一邊食一邊等，先來梗係啲開胃小食呀刺身呀嗰啲。我地叫左條章紅同埋象拔蚌，鮮、甜、爽！象拔蚌一條都係$8xx, 真心抵食！之後點左手切肥牛、牛舌、魚滑等等，水準都有中上👍🏿相無影哂，因為都掛住飲，不過就算飲大咗，都仲記得啲嘢好好食😋…Read More

是日招呼日本客人繼續馬不停蹄，雖然頻撲，但還是幾鍾意忙碌的生活中午呢餐係由另一家公日本人請客～ 去左第一次去的霜月，一上到去，已知係好高檔既日本菜，裝潢有日本人喜歡的樸實風格，加上頂層的景色，心裡即刻浮現一個字，貴我地被安排坐入間包廂，景色可遠眺Opus和山頂，成個感覺都係好商務，有點離地，但午餐既價單算係合理，講緊都係由百幾到三百幾我就叫左個燒油甘魚鮫既午餐，前菜係麵鼓湯、蒸蛋，蒸蛋出色，再來係兩本刺身，刺身非常新鮮，亦即是好味道主菜既油甘魚鮫更是驚喜，選取既位置係最嫩滑既位置，而經過處理後，唔需要啜，就咁用筷子輕輕的都可以把肉new出來，心思細膩得令人窩心。至於味道亦拿捏得很出色，適中既煎功，加上輕輕的岩鹽調味，鮮味突出，令人回味無窮，一碗煮得剛好綿綿米飯，飯香和魚香交織一起，甚是美妙…Read More

是日同太座瞎遊尖沙咀，太座話要搵地方坐企補補血，遊左幾多快餐、咖啡店都迫滿人，最終去左呢度靜休一下餐廳主要走意大利菜路線，薄餅為主，不過下午四點幾基本上只可以睇而不可以食玩我叫左杯pinot grigio既house wine, $68杯，抵飲；太座叫左杯sangria white, 正常發揮最終我地只叫左個parma ham + melon, 都是正常發揮，埋單三舊幾，算係咁其實服務幾專業，不過比較冷淡，唔夠熱情，野飲ready左一陣都唔算上得快，考慮到價錢都算係不過不失之選…Read More

年初一朝早例行同屋企人吃個早、去拜下先人後，就自由活動～間間食肆都唔開既情況之下，本身諗住去THE ONE覓食，見到霸嗎有開，唔洗諗，即入！同太座每人叫左個拉麵，我一如以往吃辣麵，太座就點左個雞麵～叉燒- 正！燒得好好味，而且選左五花肉既部份，肉味同口感都非常好蛋- 好味～ 沒有失手湯頭- 辣味有層次，味道亦濃麵- 都算掛湯，時間亦準確小吃類有驚喜，個炸雞做得好好，皮既厚度剛好，很得既係肉汁豐富，唔似成日食到的乾爭爭感；餃子正常發揮，反而辣汁搶鏡，略嫌有點過辣…Read More

是日去參觀老兄的新office, 順便被請客入夜既石門基本上是零人的, 餐廳也是全關, 覓食好去處唯有萬怡入到cafe, 拿起個menu, 都是酒店特色, 咩國菜都有, support buffet之餘, support 埋我地呢d 散戶. 晚上九點幾, 大家都想簡餐解決歸家, 簡餐來講, 海南雞飯是我至愛之一, 酒店既海南雞飯真係未試過, 就試下佢一上台, 賣相真係不俗, 酒店即係酒店, 擺盤基本上不是小店能比擬的. 可是美麗的東西總是不完美, 一入口就知道中伏, 雞是完全無味的, 無味不要緊, 我蘸汁醬食, 可惜, 幾款汁醬都幫唔到咩手...個雞油飯超硬, 而且無香味; 個湯非常清, 清個清水灣... 真是無言其實都是小弟的錯, 去酒店cafe, 應該是鋸個扒, 食個意粉, 飲個龍蝦湯... 海南雞飯還是留返去街邊食啦…Read More

是日三八同太座同兩位元老入馬場行個大運，作為沙田友，沙田有好野開左當然要去試下，而好野當然要同至親至愛既人分享，三得個三六得個六，就趁三八分享下～去之前，梗係不忘開飯喇探下路先啦～見到d相咁靚，期待是這日心情現場直播，確實無介紹錯呢度係半個brunch mode, main course 四款揀一款，兩款渣錢兩款唔洗渣，坦白講，只有兩款渣錢的揀得落手其實主菜質素確實是不俗，牛膝夠稔，煮得亦入味，薯蓉底夠滑，不俗銀鱈魚煮得剛好，時間拿得很出色，略嫌魚的味道不夠Brunch bar由早餐，到下半場既甜品都相當出色，個muffin好鬆化。至於奄列就要打籮pat, 油多過俄羅斯油王， 而且全部overdone, 唉唉入得馬場當然要撞下手神，點知撞親，幫地球舖一點草皮做綠化、為慈善做了幾分力，Grrrrrr.....不過作為男仕既我，小弟覺得女服務員們超省鏡，身材高挑樣貌清秀，而且服務有水準，有禮貌，如果你係男仕，我建議你只攜帶男仕入場，呢餐飯，你地會覺得好超值！（絕對不是off topic，餐廳的「氛圍」很重要） …Read More

今晚少有唔洗OT，相約左太座係佢公司樓下接佢放工加飯聚，太座話想食海南支飯，咁就不如就近呢間啦太座點左個支飯加奶茶，小弟就食個喇沙加青檸梳打先講喇沙，喇沙湯是不俗的，但麵底疑似是用意粉？ 我在此表示懊惱青檸梳打味道很醒神，但偏甜，可以接受海南支飯反而相當不俗，不論是雞本身，油飯，汁醬都有中上水準，太座 All clear，價錢亦相宜總體以簡餐來講，值得一試…Read More

是日去左the one睇enigma, 劇情緊湊，氣氛一流，將櫈震過倪震。其實入場前已掃左一輪街，散場後有d意猶未盡就去棉登徑覓食，雖然醫生勸戒我少食生冷野，不過心癮又豈是醫生之輩能治？先整個刺身拼盤治肚先吧。行行下見到呢家新既日本居酒屋，唔洗諗，即刻入去試下先～今次目標明確，一坐低就點左個刺身拼盤，食住先，好野既話繼續叫落去出到黎，賣相好似同幅相有少少出入，唔係材料既問題，係個冰盤太大，內容同點綴唔夠，留白太多，令本身好靚既食材，整體present得唔夠豐富講返材料本身，舊舊都是厚切，抵讚；溫度剛好；新鮮度不俗，但未到高水平，可能是因為夜深；芥末是磨的，很好總結，小弟食完肚仔未飽滿，但小弟還是決定點到即止便可…Read More

正所謂人至怕改壞名，但改岩名又係另外一回事，小弟第一次聽到butchers berger呢個名，已經被佢深深吸引住，立志要去屠房偷窺一下屠夫是日剛在中環做完野，三點幾都未食lunch，虛弱既胃臟開始扭計，諗住去南記或筷子記快食碗麵就返公司繼續埋首，一去到威靈頓街，我就知道我今日要同屠夫相認了睇下環境先，幾有心思，我好鍾意呢種刻意凝造的raw raw地，坐到入去令人可以放輕鬆又放縱既感覺其實佢個MENU只係話你聽，佢地得一款burger，一款fries，好任性。其實都唔係咩問題，現在餐飲的王道係，少選擇，只做精選之精，但此精之精實在不能失守，要好好把持，一路fine tune落單後，等左不到10分鐘，一塊夾住即煎牛扒漢堡既burger同埋即炸既薯條就放係小弟面前，我心感輕奮先講The Burger - 一個字，好Ｘ咸，無誇大，小弟一邊食，一邊想起少時老媽子經常講＂唔好食得太咸，會有腎病＂呢句說話。但成１００蚊一個包，小弟決定繼續食落去，希望堅持到最後會見到曙光，但小弟要繼續邊食邊同自己講，幻覺黎咖姐，嚇我唔到既。卒之，食完整個包後，小弟覺得自己開始有腎病，已經唔需要講包既新鮮度，脆口度，牛漢堡是否好貨，ju唔juicy既評價了再來The Fries - 一個字，好Ｘ燶，究竟發生乜野事，點解Ｄ薯塊可以炸到咁濃？感覺在食炭，２０蚊一客，有咁既質素，小弟真係好懊惱加埋罐可樂，呢餐要＄１４０，以fast food來講，都唔平，但體驗真的很差。。。小弟第一次寫負評，屠房還是留返俾屠夫，真心失望…Read More

一直以來都好想食一碗好既日本拉麵，坊間那些大品牌拉麵，恕小弟唔明為何會大排長龍，正當我Ｒ爆頭既時候，突然好想去呢一間拉麵試試，之前Agura係尖沙咀既時候，小弟錯過了，想不到錯過了尖沙咀店，佢地竟然係灣仔重生了！碗麵一上台，已經有一陣又濃又香的豚骨湯味道湧埋來。小弟先呷一口熱湯嚐嚐，味道香濃，感覺非常厚實，略有點肥，但在下覺得岩岩好！塊叉燒比起坊間果Ｄ一碌碌切一來，就咁放落湯淥果Ｄ完全係兩碼子既事情，剛煎香左出來，油香味出眾！麵身掛湯，軟硬度剛剛好，時間拿捏得好好如果你問小弟心目中香港第一的日本拉麵，我會毫不猶豫講：識得食，一定係食 Agura！  …Read More

好想大聲嗌一聲，我真係好鍾意食火鍋咖！正當我係寫字樓忍唔住想大叫的時候，老友就ＣＡＬＬ我去打邊爐，免得平時係公司一直建立的良好形象毀於一旦，抵我請佢食返餐～我地雖然已經扑左位，但去到都要等，唯有同老友打下牙骹。。入到去，俾左個既寬且闊既梳化卡座俾我地，唔錯唔錯。。其實打邊爐，不外乎果三樣野，湯底丶象拔蚌丶牛肉，椰汁雞湯底－香甜，落配料之前真係要飲多幾啖湯；隻雞都幾好食，幾好唔錯象拔蚌刺身－新鮮貨色，但不像加拿大蚌的清甜味道，只點了個例牌牛四味platter－新鮮貨色，好鮮的牛肉味，不俗不俗還有點了一堆配菜，在這價錢下發揮應有水準，僅此而已埋單後，老友同我講，我地呢餐好似食buffet咁貴。。我笑而不答，反正錢都已經俾了～…Read More

是日大年初三，不宜拜年只好出外搵食適逢農曆新年有朋友自遠方來，找來找去唔係唔岩心水，就係無開，卒之俾我搵到呢一家＂咸了的豬＂春天地濕路滑，甚是擾人，新正頭的尖沙咀街道上，行人寥落，行到上諾士佛台，以為自己身處宋王臺一樣的冷清雖然我扑了一點半，遠方友人伉儷一早已經到達，見到面不忘來過友情的擁抱來到＂咸了的豬＂，當然要食佢隻豬，餓極的我一坐低就馬上點豬，仲要係suckling 豬。但係外藉waitress唔recommend，反而強烈推介咸豬手。既然你強推我，我只好從容就範，就點左咸豬手，雜腸platter，caesar salad，流心旦，蛋蓋蟹肉意粉。仲有個幾特別以＂咸了的豬＂命名的啤酒，waitress幾有心，我只是好奇問問，佢就斟左一少悲俾我試酒，咁仲點能夠唔點？睇下裝修details位先再來餐具，我好喜歡這個仿明朝瓷器圖案重點還是菜煙薰蛋－不俗，軟軟的蛋外面包住炸皮魚肉，令到口感有層次什腸platter－很好，賣相丶口感丶味道各有不同的腸，配左四款唔同既醬，一座由腸搭成既小山丘，一下子被我們夷平～主角，咸了的豬手－正！炸過的咸豬手，內裡卻不失juicy，味道咸甘香，絕對唔係等閒之貨，我讚！其他沙律，意粉都ＯＫ，但比較尋常我就不一一描述服務方面，外藉waitress是OK的，但港藉男經理咀臉比較那個，這可是年初三咁既樣一行四人，都總算是滿足而回…Read More

每個打工仔心目中, 都有一個HAPPY FRIDAY每個中環既打工仔心目中, 都有一個HAPPY HOUR小弟既HAPPY HOUR就係HAPPY FRIDAY既LUNCH TIME, S.O.D. (食好O的)今個WEEKLY S.O.D LUNCH就係揀左擺花街既麵圃. 小弟上次係夜媽媽來的. 今次係小弟要做個回頭客人第二次探索麵圃.幾經辛苦, 我從皇后大道中, 攀登上到擺花街, 去到門口時, 嚇一嚇, 跳一跳. 要排隊等位. 小弟作為一個理智既香港人, 要排隊既餐廳, 尤其是中午, 我基本會立即放棄, 但又因為剛做完攀登運動既原故, 雙腳已經不想再作動彈, 我決定唔理智一次.可幸中既可幸, 中午等得唔算耐, 大概等左兩個字就進入到, 否則凍到變雪條.由於已經落左單, 熱騰騰既湯麵s, 好快就放在係小弟和同行工友面前.小弟點既酸菜安格斯牛肉麵 (配薯粉). 湯底一如上次出色, 既辛又酸. 跟牛肉意想不到的配搭. 薯粉Q彈, 印象中呢度既薯粉係呢度先有. 酸菜本身也是意想不到的出色, 強! 工友點既火焰龍蝦麵 (配墨魚麵). 強搶了工友一啖龍蝦湯. 好濃郁. 見到龍蝦, 我不禁倒抽一口涼氣, 想大聲高歌一句 "你~當我是龍蝦~吧!" 墨魚麵有啖啖的墨汁麵, 麵身都算掛湯, GOOD!些牙既勁辣皇豬耳. 豬耳口感爽脆, 跟勁辣皇十分配襯. 有川菜館水準! 總括來講, 呢度湯底麵底, 啖啖都食得出是誠意之作. 等了10分鐘. 值了!…Read More

小弟一向鍾意食麵多個食飯，試過連續三日三夜無一粒飯食落肚，聽到同事話附近開左間麵店，唔洗講野，即刻試下先~未去到間店，離遠遠已經望到個非常光猛既招牌，一炸射燈將傍晚冷清既擺花街照射得一片光明，來到門口更加俾個巨型既霓虹燈招牌深深吸引住，有排場! 入到店的第一感覺很整潔，不過面積偏細。裝潢用左舊時老香港成日見到既綠色鐵皮屋和綠色馬賽克去做主題，有豬O D既感覺，感覺良好。不過食野先係我黎既重中之重點。坐低唔夠10秒，小二已經開始問我同另一吃貨朋友需唔需要介紹菜單，我不嬲都好少拒絕人，就聽下小二介紹下囉。聽完重點知道呢度係食中西日fusion風格既麵，主打湯頭，三款湯底龍蝦湯，酸菜雞湯仲有蕃茄湯，嗜辣既我緊係來個酸菜雞湯配黑豚肉薯粉啦啦啦~ 吃貨朋友就揀左呢度個signature龍蝦湯配帆立貝稻庭烏冬! 另外點左個話梅車厘茄同埋勁辣皇豬耳!先上既話梅蕃茄味道甜甜的，相當醒胃清新怡人；豬耳就好辣，不過好正!正餐黑豚肉酸菜麵出到來已經聞到濃香味，台頭仲有調味加辣加酸。第一啖食落去感覺味道好複雜，有雞湯同魚湯響裡面! 真材實料無吹水! 抵讚! 我又偷嗒了一口吃貨朋友的龍蝦湯，質地濃而不膩，品得出有龍蝦膏味! 食既過程好愉快，兩碗湯都飲鬼哂!總括來講，鍾意食麵既要來試試，鍾意飲湯既必須要來! 係中環返工，又多一個選擇!…Read More

朋友說食過很好食強烈推介, 我也聽過農圃這大名字很久了, 今次約了幾個咀刁得不能的兄弟一齊去試試好野順便聚聚.這飯店的地理位置少許偏離銅鑼灣那些人山人海的吵鬧人群, 看得出附近和店內的人都是與大眾不同的. 是高檔次格局的用餐氛圍.走進農圃裡去看, 雖然裝修不算豪華, 但接待的咨客到帶位的經理部長都很熱情, 雖然我是第一次去, 但感覺似一個熟客的被招呼. 很讚!坐低開茶的時候, 侍應已端上兩碟餐前小吃, 從來沒見過, 一兜是牛展, 一兜是西芹. 一口吃掉牛展, 很驚艷, 好食得不能自拔, 其他朋友未到前已被我幹掉了一兜. 唯有讓侍應再拿多一兜放在台上給其他朋友享用...當晚我點了此店幾個招牌菜, 糯米雞翼丶是但丶胡椒蟹丶杏汁豬肺湯丶鹽煎東星, 都非常好味道, 絕對係頂級既出品. 雖然賣相不是好靚好靚那種.. 不得不說那個豉油雞, 真係好入味, 驚艷之作!之後食D點心, 流沙包和蟹粉小籠包都超好食.. 原來普通既點心都可以達到去呢個咁好食的境界~ 最後一人一碗魚湯稻庭烏冬也很有驚喜, 魚湯非常鮮甜, 如果唔係飽得要命, 一定黎多碗!經理最後也送了個甜品 - 脆麻花給我們, 又係屈機之作, 很好味也很鬆化!總括黎講, 這餐實在太好了! 下次一定要帶太座雙親來試試食貴野. 好野一定要分享!…Read More