agnesdenee's Profile

假日行開第一城諗住試下依間新開餐廳，叫左份西多同雞排蔥油撈麵。撈麵不過不失，雞排係鞋口嘅，蔥份量OK但唔覺有油，如是者食完成碗麵同飲埋杯嘢後份西多都未上，明嘅西多有時耐啲。過咗15分鐘後追問，職員話到了。再等多15分鐘後仍然未到打算取消，職員開頭話好幫你取消，廚房大叫出黎就話西多係等咁耐 (咁一開始頭15分鐘就唔好話到咗啦)。跟住再隔咗一陣終於到了，重點係個西多都係唔好食嘅！感覺成間店人手不足，聽到好多枱都催，下不為例…Read More

好一段時間冇食四寶，平時真係好少打食評。但係佢真係好驚險，點餐後六十秒已經上到凍飲。招牌名菜蔥油豬排大得誇張，人生好似未食過咁大塊豬扒重要鬆快。。。滑蛋又勁滑。。六十幾蚊鬧市足料去邊度搵。長做長有呀千其要…Read More

一路以來都幫襯開西灣及中環店舖。今次第一次嚟尖沙咀海運分店。keto 緊嘅朋友可能都試過 佢嘅蛋糕，價錢大約$80一件，但口感不裕。10/30 星期日1：15左右到達，係一個人都冇既，但隔離餐廳方都排緊隊。同店員對話後即係明哂。是日兩位店員，帶著口罩都感受到收銀員(短髮)的西口西面就好似斷佢米路咁，我好正路問嘢都有講唔該，收錢時候我睇下佢有冇at least hea 講聲 多謝，答案真係諗多咗，梗係無。我即係望一望佢雙眼，毫無悔意架。…Read More

9點幾同老公行過諗住求其搵啲嘢食下，見到門面唔錯企理(Tiffany blue 主色配花花背景牆) 就諗住是但食。老公話有人喺入面應該還可以，我心諗開得喺依個位其實應該水準一般都會有人。叫左燉湯餐，湯非常足料仲有舊大花膠。上菜速度都快同侍應有禮貌。而晚餐肉嘅份量都好多吓，加埋嘢飲都係7x. 最重要係食物水準算中上，性價比好高…Read More

天口慶諗住買碗豬肺湯滋潤吓，須知屋企處理豬肺豬肚等係何其複雜嘅事。上網做咗啲資料搜集，件有個blog推介依度嘅菜乾湯話足料入味，好，即管試下!四人份量嘅湯其實少過普通茶餐廳三人份(講緊係賣128一個Order)。 個湯色水非常淺，應該煲咗唔耐，味道又極淡，衰過例湯。明明嗌菜乾豬肺湯，得不足100克豬肺(我真係秤過)其他係瘦肉。菜乾就冇啦，白菜仔就有三條。回水!…Read More