香港食之鬼's Profile

呢篇野得真係想打好多粗口 但驚open rice 唔比我過 請大家自行想像 有啲長 都希望大家睇哂:)今日10點諗住同女朋友去呢間嘢食晚餐 一入到去坐低舉左好耐手都冇人理 扮睇唔到 個場係冇乜人 跟住有個白髮中年攣毛男人 好似係高級小小嘅 問我要啲咩 我話一個炒烏冬加凍檸茶少甜跟住等左25分鐘嘢飲嘢食都未到我哋就問嗰個侍應叫佢幫我地睇睇 跟住佢好串咁講：你叫左嫁啦嘛？叫左就得啦 過左一陣 佢終於比左張單我地 個入單時間係岩岩 我真係燥左 佢仲要只係入左個炒烏冬 入漏左凍檸水走甜 我就同佢講 入漏左杯凍檸水走甜 跟住佢就無講野去入單 張單出到黎 係正常凍檸水 無走甜果下我真係好燥 我同佢講 呢杯凍檸水係走甜？ 佢好串咁應番我：吓？你要走甜啊？ 講到好似我無同佢講咁 理直氣壯咁 我鬧咗佢一句：落x左廿幾分鐘單 都未入張單呢間野味道普通 但食到我好x燥 錯3次 大佬 佢都唔係新仔啦 一兩次 都可以話佢唔小心 錯成咁 邊個忍到？ 我食既途中 佢係我地個位後面抹塊版 係咁震我張櫈 係好x震果種奉勸各位唔好試呢間野 以上爲真實事件…Read More

我同我女朋友去食呢間桃園 我女朋友點左杯凍鴛鴦 飲飲下 佢飲到啲野 吐出黎 發現係隻蟑螂 好核突 好嘔心 我即刻叫個員工定經理黎 佢仲好串咁講 咁幫你扣走一個餐既錢囉 我即刻把幾火 call埋食環 加上 啲野好難食 叫左4樣野 全部係其他茶記水準之下 又唔係平 建議大家唔好再去呢間野食 一陣唔知會唔會又食到蟑螂最後 有圖有真相 附上蟑螂圖…Read More

相我就無啦 因為係前排食完 服務唔錯 野好食 你可以睇得出間野好捨得dum本去營運 唔慳成本 好多野都係會令客人覺得好方便 味道水準亦都幾好 點菜方法方便 總之成個感覺就 服務好入到去個感覺係舒服啲野好食 個鹽味雞翼係可以order 10隻黎食都無問題夠時間食到你飽滿足好既放題燒肉條件非打手 open rice都唔係得伏野介紹 呢間燒肉值得一試…Read More

幾年前我好中意食譚仔 慢慢就食到厭 但呢間野真係好好食 成日食 。我建議叫小辣 因為中辣有層厚辣油 好油同無咁好食。呢間係堂食同拎走一樣咁好食 唔同譚仔果啲 外賣拎走就難食到。呢間係同譚仔唔同既味道 佢個湯好清 但係好夠味 行過都真係試下利申：非打手 真係好食既…Read More

係度住左好耐 呢間真心難食 沙嗲金菇肥牛煲好似飲緊湯咁稀 無味.其他野食都係大部分茶記之下 利申：對呢間野無偏見 只係有時同父母係呢間野食飯 次次食我都覺得好低質 服務ok既 …Read More