TseJeffrey's Profile

好耐無同班朋友一齊食飯，想坐耐少少吹水又要地點就腳同多野食的真係吾多，因為好多放題火鍋都係做2小時。呢間位於瓇華3小時放題火鍋真係好fit.早幾日經WhatsApp book位有優惠價二人同行一人半價同有生蠔一隻，A4和牛一份。放題刺身都多種類，有我喜愛的劍魚腩，甜蝦，赤貝，吞拿魚等等。火鍋有M5和牛，牛肩甲，象拔蚌，墨魚滑等等，其他都一般，仲有其他熟食，平民雪糕同大路的飲品。今次聚會為主，都好少岀去拿野食，全程都係主力食M5和牛同劍魚腩甜蝦，因為質素都新鮮，比預期好👍🏻，就係呢幾樣同送個份A4和牛都值回票價。值得推薦俾想同班朋友坐耐啲吹水又可以食到美味食物的朋友。…Read More

呢間足球主題餐廳第二次光顧，上次5記得叫咩名(過年前)，今次再專登食多次，再俾返少少意見。由門口到室內，張貼滿阿仙奴相關嘅閃卡，波衫等布置，當然吾少得前教頭雲格。無論係吾係阿迷，只要你係中意足球嘅你都要去朝聖一下。門口仲有口罩取用，記得過年個時仲有揮春拿。今次行開朗豪，4人同行，戴埋小朋友，距入到去都好開心，見到個場甘多閃卡，同一個特別嘅坐枱，仲想走去坐。今日叫左3個lunch set，義大利飯，雞扒薯蓉，同一個all day breakfast ，距嘅部分餐碟餐具都配合埋個主題，正。午餐到，個飯泥到時見到青色嘅，覺得有小小伏，但一食有驚喜，好味。個雞扒配個醬汁都吾錯嘅配搭，好味。個全日早餐都吾錯。嘢食個水平算係吾錯，再加埋個環境，值得再去。…Read More

水水水。哩一間日本餐廳已回頭第4次，質素頗高，價錢親民。今次記得影相，所以寫補返個短評。今日2大2小，所以都係叫熟食。我頗中意前菜個沙律同蛋，沙律醬汁好好味，好開胃，蛋滑香甜。吉列猪個醬又幾正，所以同小朋友泥就一定會叫。再叫左個牛柳粒同煎咩魚(忘記左)都係5錯，牛柳粒都幾有牛味，魚配青檸，都算夾，味道香甜。記得之前食鰻魚飯，壽喜燒鍋，刺身丼個啲都係吾錯嘅選擇。元朗都食過好多間日式料理，甘嘅價錢距算係最好了。…Read More

閑日下午2點鐘左右直入5使等位，同上大人吃tea。1 all day breakfast ，份量多，有牛角包薯條煙三文魚法腸等等，牛角包外脆內軟，試吓夾埋黑松露炒蛋同煙肉一齊食，ok啦。2 deluxe breakfast ，份量一樣多，有煙三文魚班尼迪蛋薯條法腸等等，蛋整得岩岩好，流心夾埋煙肉鬆餅，正。其它都係正常啦。2個餐都有少許沙律同生果，沙律正常，但水果淡同少少酸。配埋杯醒神即磨咖啡，為呢個餐加左啲分。…Read More

小朋友生日想食buffet,但放學都成12點幾。甘就近近地簡左極尚大瀛喜放題。放題時間12點至3點，我1點去到，2個鐘都夠，真係食得5多，但小朋友想去，無計。環境大致上同其他差不多，野食方面，刺身種類5多，得個幾樣，之前睇其他人食評見有劍魚腩，但無，而且三文魚，吞拿魚都麻麻地，無口感。寿司🍣，熟食的種類還可以，特別係榴連芝士波，椰汁芝士波我都覺得幾好食。野飲方面都算可以，特別係有apple cider 。甜品方面我就無掂過，因為真係5吸引，雪糕都係普通嘅。總括然而，以甘的價錢又就腳算係甘，但可一不可再。…Read More

平時好少去樓上cafe，下午4點想搵到地方食少少野同hea陣，見呢間無勿負評就上去試下。老闆好有禮貌（雖然漏單😂😂😂），但人之常情，因為係加單的。地方都算寬落同舒服，彌敦道旁但又算嘈吵，又有好多休閒牌類提供俾你玩。我地叫左個手打牛肉漢堡，瑞士汁雞翼，雞扒薯條，一杯mocha ，一杯rainbow，食物同飲品質素都算係可以，特別係個手打牛肉漢堡，牛肉味同芝士味濃，有點驚喜。所以特意上泥俾個好評，以示支持。…Read More

今日同上大人約左係元朗吃lunch，雖則元朗都多野食，但林泥林去都5知食咩好，甘就一於番卓呢間辣媽。辣媽之前都食過2，3次，今次記得影相，所以就寫寫評語。次次泥辣媽都係食至愛的酸菜魚同水煮魚，小辣。幾次都係一貫水準，魚湯美味，桂花魚滑，好味。但講到服務就真係好一般，係我地食完後，侍應收拾上時粗心大意彈左啲魚湯落我件外套上，個下真係想xyz 距，點洗啊？距細細聲一句”對唔住”就同我閃走左，紙巾或濕紙巾你都俾張我啊。食物係5錯的，但侍應質素。。。…Read More

今日結婚週年紀念日，上大人話想去逸東軒試下米芝連星級點心。早幾日book左2點，原來係假日先可以book到，閑日聽聞要2個月前要book，事關閑日好似假日的6折。環境好闊落，因為限2人一枱，我book左4位2大2小，安排左相鄰座位，十分抵贊。今日試左帶子蒸腸粉，第一次食大大片帶子蒸腸粉，5會覺得好夾，但都鮮甜美味。春風得意腸，都係腸粉皮薄，春卷皮脆，再包住鮮味十足的蝦，咬落口。脆皮流沙酥，都係外脆熱辣辣的咸蛋黃沙爹金錢肚，喱個係甘多樣入面，小弟覺得最普通的一樣。總括嚟講都叫做不愧米猪連點心的美譽，叫左8樣野，人頭200又算係特別貴。但如果閑日再打6折就真係非常抵食。…Read More

今日平安夜，提早同上大人食聖誕餐，事關6點就停止堂食。之前都泥過食午餐，環境都👌，細細間，企理。今日叫左1.炭燒澳洲羊冧扒配薯菜及沙律，羊冧扒肉嫩滑，配薄荷醬汁，味道清新好味，係岀面好少食羊，怕太羶，但今次配薄荷汁，5多覺羶味。2.炭燒美國頂級肉眼扒配黑松露薯條，扒叫左5成熟，上到枱目測就應該5止，扒好大塊12Oz，肉味都可以，但5算juicy。黑松露薯條偏咸，芥末醬都係，所以我都係茄汁食。其他餐包餐湯餐飲就正常，5多講。整體泥講餐廳都可以，羊冧扒配薄荷醬汁就有額外驚喜，塊肉眼扒過左5成就有點失望。…Read More

12月22號，最近疫情又嚴重返，都好少岀去食飯。今日又去咗接上大人收工，上大人話去喱間食，話見到0負評，去試一試。2點幾直入，5使等位。環境舒適，地方寛落，店員有禮。今次叫左鰻魚飯，天婦羅烏冬同一個小食明太子雞翼。鰻魚飯。。。正常日式野，麵鼓湯，小小小食再加沙律，同主角鰻魚飯。小食味道偏咸，湯同沙律正常，鰻魚味道5錯，皮仲有少少脆。天婦羅烏冬。。。啖湯喊左少少，烏冬就個人覺得硬身，但上大人就覺得岩口感。天婦羅就脆口，味道都5錯。明太子雞翼都整得ok,熱辣辣，應該都5會自己整嘅掛，買現成，但都整得正常好味。最後整體泥講，甘的價錢算係ok，但可想彈的一樣野就係無杯茶羅，竟然俾杯暖水就算。…Read More

秋高氣爽，行山活動少不得。今日行塘門水塘，荃灣坐82小巴，甘就腳無理由吾試下喱間光榮冰室，話說上次見條隊都幾長就改左去附近的9x冰室，今日9點幾到時間尚早，點都要等試一試距。叫左個吉列猪扒餐轉多士配凍奶茶，37加1蚊，凍飲吾加錢。開餐了，一塊大大的吉列猪扒，一條腸仔，一份炒蛋，一塊薯餅同牛油多士燙底。扒比我預期大，時關吃過大x活早餐都知塊扒可以細同簿到咩程度(難食程度就5使講)，新鮮炸起熱辣辣，味道算5錯，腸仔薯餅多士就正常，係估吾會有薯餅姐。炒蛋就麻麻地，太濕，但又5似多奶。奶茶5使加錢都無勿地方會甘做。總括嚟講，冰室茶餐廳泥講早餐呢間算係5錯，難怪甘多人等。…Read More

今日飲完茶同舊同學去左屯門轉車站釣魚，午餐就因為去三聖補給順便食埋lunch, 近近地就食興記啦。入到去環境算干淨企理，有海鮮加工，不過我地勿都釣吾到，哈哈。坐低叫左個例牌燒鵝，干炒牛河，涼瓜魚碟頭飯同叉燒伊面一齊share。燒鵝先上，燒鵝味道吾錯，皮脆肉嫩，配埋酸梅醬，好味。牛河就一般，剛炒起，熱辣辣，火候就5多夠，炒得濕左D，同埋牛肉吾夠肉味，更5好講鮮味，不過合乎預期。叉燒伊面，喱個小弟就無食，因為我吾食面耐。至於涼瓜魚飯我就食左少少，涼瓜5苦，爽脆鮮甜，魚就普通左d，無勿味。最後燒鵝係值得食嘅，其他就普通啦。…Read More

今日11月1星期日，一早同小朋友去飲茶，3個人等位等左45分鐘，等位期間我見到6個人一枱的就一泥就有位，期他2人4人的就等餐死，喱樣我覺得要改善。入座時，服務就認真一般，我5會期望距好好招呼，但起碼指條明路話我知張枱係邊😆。叫左6碟點心，上枱時間正常，5會等太耐，燒賣（肥猪肉多，好肥膩），小龍包（個皮好厚，硬)，鳳爪排骨飯(普通)，蘿蔔糕(好易散)，炒米粉(普通，仲好細碟)，炸雲吞(算係甘多樣入面最好，始終剛炸起，脆)總括然而，好普通一簡酒樓，試過5會特別想再食。…Read More

今日岀深水埗接太太放工，7點放工去其他地方食就太晏，索性係附近食，行左個圈，決定左呢間Fifty Fifty。餐廳環境算企理，職員有禮。餐牌用QR code睇，但落單都係要搵返職員落單。叫左2個餐,1 ，澳洲肉眼扒配大蝦，叫左5成熟。算大塊的肉眼扒56成熟，香口嫩滑有口感，再配埋個將醬汁，少少甜絲絲，大蝦就一般，另外個牛油薯蓉真係好味，甘的價錢算超值。2，羊架。忘記叫左幾成熟。三塊羊架，應該67成熟，迷迭香5夠多，脂肪反而多左少少而令羊架羶左小小。我就覺得味道一般，太太就覺得5錯。餐飲就正常，最後係甜品，一個是日甜品蜜糖芝士蛋糕,好香蜜糖同芝士味，但又5會好甜，口感亦都5錯。另一個就加錢轉左Tiramisu，太太就話5錯，我就覺得一般。整體泥講，以呢2個餐泥講，叫做抵食，值得一試。有機會下次再試其他餐。…Read More

第一次寫食評，原本打左幾百個字，點知上傳照片個時打開OpenRice app寫入相片時無曬，5想再打過，以下從簡。週末Brunch 下午2，3點，5分鐘就入座。環境寬敞，空間感十足，乾淨企理。3個人，叫左1個醬燒猪仔骨，一個炭燒牛扒同一個eggs benedict 猪仔骨美味可口，多汁，無過多醬汁的鹹同重味，而且2大件，滿足到我哩個大食鬼。牛扒朋友叫左7成熟，試左少少，估5到甘好吃，肉質鮮嫩，肉汁銷死係入邊，正。至於另一個就中規中矩。最後叫左甜品tiramisu ，試左少少，5錯，香滑，5太甜。總括泥講，一間值得一試的西餐廳。下次要再試…Read More