一班大食女日記的個人專頁

網上成日見度介紹呢間店，今次行過就買左兩款味道試下。我地買左流心法國朱古力（$11）及QQ皮流心雲尼拿奶皇（$11）。佢地預先整好然後烘熱，唔係即叫即整😣食完超級失望🤦🏻‍♀️首先朱古力味，外皮唔鬆軟味道較淡，內餡係普通朱古力無流心效果😔 QQ皮流心奶皇，QQ皮超級難食又無味，開初仲以為係未熟😑內餡係吉士又無雲尼拿又無流心.....網上宣傳真係唔好亂信😓______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️…查看更多

晚飯時間經過吉野家，好想食芝士竹輪同韓式粉絲，就行入去打邊爐。宜家好多間都轉左電磁粒幾方便。叫左芝士竹輪鍋配牛肉（$59）現在一鍋裡有三件芝士竹輪，但味道比起以前難食左，又細粒而且芝士醬又少😓寧願要返以前一粒芝士竹輪的火鍋......肥牛愈來愈肥，白色部分比紅色多好多...質素愈來愈差。唯一安慰係粉絲味道無變😂______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether…查看更多

一行五人到佐敦三德素食館食晚飯。首先來碟鹵味拼盆，外形與肉食相似，一上碟個個爭住食，每款都好好味。再來竹笙髮發羹，可以配埋紅醋食，感覺好似食緊魚肚羹幾有鮮味。接著係五柳斑，條魚炸到外脆內軟，入面芋頭又香又滑。靈芝海蔘豆腐，海蔘食落好爽口，味道清新可以好快清晒既一碟。竹笙鮮菇西蘭花，成碟堆滿竹笙非常足料，簡單咁快炒都咁好味。最令人驚喜係咕嚕肉好似真肉一樣，酸甜味道剛剛好。另外，最後叫左鮑魚炒飯同羅漢齋麵，個飯值得一讚，好香好粒粒甘香。______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether…查看更多

行過見到呢間有餡餅賣，有賣無香菜的餡料，即刻買件試試。因為白菜豬肉餡餅少人叫，所以即叫即整大約等10分鐘。白菜豬肉餡餅（$17）煎好即刻就比我，超級熱辣辣😂外皮幾鬆脆但無調味，內餡估計係包餃子的餡，份量適中，味道一般般無咩特別😅下次試下牛肉餡先😋______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether…查看更多

尋晚一行八人到三聖南記食海鮮，因為我地係呢度有相熟的人買海鮮，總共買左$2100海鮮包括：四隻龍蝦、16條蟶子、四隻蟹、龍躉、螺、桶蠔，到呢間餐廳幫手烹煮，再叫多兩碟菜同一碟炒飯俾小朋友食。首先豉椒炒蟶子，蟶子好肥美配上豉椒非常惹味！芝士焗龍蝦，芝士好香濃，一人食半隻已經好滿足，皆因啖啖肉。避風塘炒蟹，辣辣地配上蟹肉鮮甜👍🏻炸蠔，脆漿唔會裹得大厚，香脆肥美！辣酒煮花螺，螺肉爽口彈牙加上香辣味道好好食。龍躉炒西芹，味道比起我地上次黎食差左D，炒得一般😅今餐總共花了$3500，食得超級滿足。______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether…查看更多

今日又到一年一度品嚐法國菜既日子，與朋友慶祝生日。呢間餐廳邀請由法國過來的米芝蓮廚師烹煮，而且所有食材都係法國過來。呢度環境好舒服，一如既往，我地都係坐同一個位置，因在訂座時要求坐窗邊，可以一邊享用晚餐時一邊望出面景色。今次我地叫左四道菜，係上菜之前會有法國麵包供應及配兩款醬，麵包都係熱騰騰的。前菜有鴨肝，味道好香配埋香橙，酸酸地唔會太膩。之後有芝士球洋蔥湯，好香濃既芝士味滲晒入個湯度，好好味。主菜叫左牛肝菌露筍牛柳，牛柳七成熟岩岩好，牛肝菌味道好出，個醬汁好吸引。最後甜品好特別有蜜餞蕃茄片慕斯餅，酸酸甜甜，作為一個好既ending______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether…查看更多

荃灣IKEA第一次去IKEA食早餐，見到款款價格都幾抵，決定叫多幾款試下。我地叫左炸魚柳（$8）雞排（$7）炒雜菌（$5）炒蛋（$5）薯餅（$3）藍莓鬆餅（$10），共6款。除了薯餅和炸魚柳正常之外全部都幾難食，特別係雞排仲有雪藏味，炒蛋太老又硬又無味，藍莓鬆餅口感好差而且中間藍莓醬味道好怪。整體來說，今餐真係超級失望，下次黎都係食返肉丸好......______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether…查看更多

葵芳Pop Pop Rangers 行過葵涌廣場三樓，在芸芸食肆當中聞到一般香甜味道，就係呢間爆谷店。佢地有好多口味，例如芝士、海鹽玫瑰、避風塘等等，但我最喜愛的仍是焦糖爆谷。每粒爆谷都沾上焦糖，粒粒鬆脆可口，不知不覺間就食了一包🙈現在細包裝價錢$25，價錢比以前貴了但味道食舊😁______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether…查看更多

糯米糍煙煙韌韌，唔少人都鐘意食。呢間店係荃灣已經許多年，仍然屹立不倒，有好多街坊經常來買野。呢度有傳統的豆沙、芝麻、花生餡，三種味道。我地今次買左芝麻同花生餡，兩款口味都香濃，糯米糍皮軟而不甜，配上入面香甜餡料剛剛好。但見到餡料裡面比較多砂糖，應該同呢間的湯圓餡料係一樣，下次買盒湯圓試試😋______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether…查看更多

外賣西餐黎食🙈午餐價錢加左好多，愈來愈貴。我地叫左蟹肉蟹膏意大利飯釀烤大菇（$78）及牛排配薯菜（$59）。以前有餐湯同餐包，宜家得返餐湯，味道都ok。牛排配薯菜，牛排幾厚身但多筋位，食的時候要小心D。蟹肉蟹膏意大利飯釀烤大菇，味道不錯有香濃蟹味，但我地兩個食完之後有少少腸胃不適😅另外，係奶茶入面發現張紙，最後打電話去換返杯奶茶但態度麻麻😓______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together #5_foodiestogether…查看更多

早前有網友推介呢間串燒，但串燒時間由21:00開始...太夜了，所以先試下呢間lunch 先。我地叫左香茅豬排撈檬（$43）香茅雞排撈檬（$43）手撕雞河粉（$40）香茅豬頸肉飯（$48），每個外賣再加$2。撈檬份量都幾多，但味道還好偏甜唔夠酸。豬排和雞排都炸得太乾身又唔夠香茅味😓 手撕雞河粉，河粉份量超多但無咩特別。香茅豬頸肉飯，豬頸肉都係炸得太過火有少少燶，蔥油唔夠香濃😢呢餐午餐都幾失望，希望下次試串燒會改觀😔______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 #5_foodiestogether…查看更多

一去到餐廳門口已經有好多人等入座，呢度無預約的話要等到23:00先有位🙈一坐低侍應即刻比一盅老火湯我地，呢盅老火湯好濃郁雞同鴨味幾鮮甜，但飲得出有少少味精。呢度已經有固定八款海鮮，我地可以自選醬料配搭。如果怕只食海鮮唔會飽的朋友，放心呢度最後有自選配料的八寶飯😏交左點餐紙之後海鮮就一款一款上到枱面蒸爐，等候時間唔會太耐，好多時候剛食完海鮮就蒸好😂今次八款海鮮包括龍蝦、鮑魚、蟹、蝦、多寶魚、帶子、花甲及魷魚。款款海鮮都新鮮又鮮甜，最鐘意係海蝦夠彈牙而且開邊蒸，醬料味道好入味👍🏻唯獨帶子明顯係一分為二🤣接著蒸八寶飯，餐廳好細心準備好香菜、花生、豉油撈飯撈落去真係幾香，但食到最後已經食唔落八寶飯，要拎外賣盒（$1）帶走。全部野食哂之後仲有一盅腐竹蛋白果糖水甜度剛剛好。兩個人食約五百幾，呢餐真係好滿足☺️…查看更多

好多時黎荃灣都會去食，睇住價錢由$38加到$50😅我每次黎都會叫麻辣熏蹄刀削麵（$50）一定要多蒜🤣蒜末加埋特製麻辣真係好好食😋刀削面味道依舊無變。可惜熏蹄味道差左，之前d 熏蹄爽口肥瘦均勻，現在的都偏肥而且顏色好深已經放左一段時間😞下次我要轉轉試下其他配搭😁______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether…查看更多

一行七人到元朗yoho mall 翠園飲茶，我地平時去開荃灣飲，但估唔到元朗呢間咁多選擇。我地叫左6款點心味道正常無咩驚喜，唯獨雙丸百花肚真係好好食，魚肚都入晒味。而我地每次來翠園必點蜜汁叉燒、貴妃雞，依然跟以往美味。另外，叫左炸蟹鉗、九唔搭八春卷，兩款炸物好香口！今餐我地叫左15款菜，加埋服務費合共$1030。______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether…查看更多

見到定食8有打邊爐就試試。職員比餐牌我地，我係餐牌搵唔到火鍋，原來要問職員拎另一張餐牌先有。食火鍋之前飲一碗麵豉湯，呢度麵豉湯係自助形式，麵豉湯內有蘿蔔片同小小肉碎，我自己再加海帶，呢個配搭唔錯。我選左牛肉鍋，入面有三角形魚蛋、獅子狗半條、蟹柳、花枝丸、肥牛及蔬菜。湯底有三款選擇，我選了柴魚高湯。上菜後約分鐘終於等到火鍋滾起，湯底無咩柴魚香似雞湯多D，其餘配料一般，花枝丸有D失望一舊粉團咁，肥牛質素一般。下次應該唔會再試呢間火鍋😓______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether…查看更多