哈加利利's Profile

昨日下班時買左包家庭裝糙米芝士包$10,芝士粒分佈唔太平均,有些1片包會有3-4粒芝士,有些則得1-2粒,但味道及口感都唔錯.都有機會再買來吃.但昨日有個女店員不太禮貌,詳情不想講了,反正進去這些麵包店只花幾分鐘便會離開.…Read More

和朋友吃下午茶,朋友想吃雲吞河我卻想喝凍咖啡,想起榮華有這種配撘,於是便過來這裡,榮華早前曾裝修過但地方仍然迫和不太清潔,去到時已差不多5點但人仍然很多(自遊行的比較多)所以要撘'台',細少的說是4人卡坐其實坐2個人一人一邊都是免免強強了,現在要和朋友坐同一邊卡坐就更迫了,但既來之則安之,二話不說叫了各自想要的東西,朋友說雲吞都幾好味,河粉都夠滑,但湯底是已下了胡椒且頗辣,所以朋友吃得不開心(朋友怕生暗倉嘛),而我的凍啡少甜略嫌啡和奶都削了一點,相信再來堂食的機會不多,但外賣些舊式麵包蛋撻還是會的.…Read More

星期六和朋友來這裡lunch,看門面不是很大,沒想到裡面有頗大的地方,但坐位也是很貼近,而且油煙味都幾重,吃完後衣服仍留有陣陣氣味,抽風系統真係要改善一下.由於朋友想吃下午茶,所以都不敢多叫食物,叫了1.乾蔥油撈麵$30--炸過的乾蔥加上少許麻油的上海幼麵,另附有一碗雞湯,食材真的很簡單但卻美味,幼麵幾煙'un',不用加湯已覺好好味,朋友試了一撮加了湯的,她說還是不加湯好吃.2.小籠包$24--1籠有4個,包內有湯汁,皮也不易夾破,味道也不錯,只覺肉比較實.3.蘿蔔絲酥餅$22--一客3件,新新鮮鮮的本來不錯,但我和朋友都不太喜歡蘿蔔絲火腿餡是撈過雞湯煮過的,雞湯搶了蘿蔔的鮮甜味,取而代之的只吃到雞湯味,若不用雞湯煮過我相信會更好.…Read More

上星期五一行3人到這裡晚飯,3個人又不太肚餓,所以只叫了3個菜.1.清蒸海班拼無鍚排骨$148--條海班頭連尾約有一呎長,魚身不算肥厚但有魚鮮味,蒸的火喉又剛好(朋友說早前在某酒樓吃過1條$168的都沒有這條好吃)2.無鍚排骨--肉排都有滿多的,平均每人有4條,雖然炆得不夠入味,但肉質還算不錯,不會'鞋'的,若喜愛濃味的可能稍嫌淡味,但我卻覺得剛好.3.支竹銀杏小唐菜$48--味道清清的一道菜,唯一要彈是銀杏(白果)略帶苦味.之後再加了3個甜品--楊支甘露,我沒有吃但朋友說芒果味不夠,奶味偏重.芒果布甸--我也沒有吃,朋友說okay.流沙奶皇包--包皮是黃色的幾靚,裡面的餡是一些吉士奶加少許咸旦黃粒的流質餡,食味都唔錯.由於是朋友付錢(我剛去了洗手間)所以不知共吃了多少錢.至於環境--坐位都幾迫,餐桌間很貼近,6:45分前比較靜,但之後開始很嘈,但地方及餐具都幾乾淨,服務雖沒什麼笑容,但一叫很快便有人招呼你.…Read More

朋友從澳洲回港短聚,強烈要求去吃齋,作為東道主既我又點可以say no呢!由於天氣十分熱,唯有捨遠取近來了百好素食.一坐下朋友便急不及待點了齋滷味,其餘則由我發板,點了幾款點心,包括腐皮素菜包(用腐皮包一些粉絲,菇絲,甘荀絲)食味清清地但唔夠熱.菠菜餃,潮州粉果,這2款味道都okay但個粉皮太粘身了,似吃pizza一樣有牽絲效果,但這是牽粉囉,攪到對筷子粘住d半透明物體(好核突)芋頭糕,都煎得幾靚但芋頭粒得好少,所以覺得唔係咁好味,似食舊煎粉咁,還有一碟貢菜素肉絲燘米,無諗過燘米會咁乾身,若有些少汁相信會比較好.overall呢度既食物普普通通咁.若以價錢來講,這裡的坐位也不算太迫,也算乾淨,洗手間也在店內,亦有分男女,女洗手間幾乾淨.…Read More

我想講係海港城惠康裡面既分店,試過買2次吞拿魚沙律三文治$20大大份,若我一個人食會叫佢切成3小份,對我來講可以當2餐食,相當化算.…Read More

快要離開公司時接到朋友電話,不知不覺間談了15分鐘有多,因為趕著要上課,唯有又走來英發食快餐,心裡一直爭扎又食包+奶茶,還是來個茶餐好呢?最後點了茶餐.一碟叉燒湯意--叉燒不值一提,港式意粉配幾近無味但有些顏色的水又怎會好吃呢,吃了幾口便放棄了,反而那個火腿omelette唔錯喎,有微微雞蛋香味和少許蛋汁,再配上火腿絲一齊吃,味蕾開始甦醒了,若我是order熱奶茶就好了,可惜叫了檸檬茶.唉我錯了,下次來這裡還是吃包比較好.…Read More

家中的寶寶想食小籠包,於是帶她來這裡,但只有2個人,所以不能叫太多款式.叫了一客小籠包,一客5隻鍋貼和一個素菜炒麵.其實小籠包和鍋貼既餡應該係一樣,就連調味都十分相似,這次略嫌稍咸,若店家看到此食評,希望能減少鹽和肉既份量,多加一些菜就最好不過了.至於素菜炒麵,配菜係有些小唐菜,王芽白,草菇和冬菇,當中冬菇的味很香,炒麵送來時覺得份量好像不多,但2個人食卻又夠飽.寶寶很滿意這餐,她還說下次要叫多些人一齊來晚飯,因為可以食她喜歡既醉雞,擔擔麵同炒年糕嘛.只要寶寶開心,做女既都儘量滿足要求啦!…Read More

見咁多好評於是走尼試下,有好多想食但耐何自己個胃唔妥協,只好點平時小食既腐竹白果薏米糖水(熱),喝一啖已感覺唔錯,有腐竹既豆香味,白果份量也不少,雖然沒數過幾粒,但相信也有7至8粒(其他店通常3幾粒),薏米份量稍嫌過多,有成3份1碗或再多些,結果我食剩好多薏米,下次要叫少薏米至得.…Read More

昨日要聽好朋友訴苦,但碰著母親節這日子,想找個可以坐耐d唔會被人趕既地方,唯有選這類coffe shop.我故意選坐餐廳外面,這樣就唔怕比人眼望望.我叫左吞拿魚轉配牛角包(唔駛加錢喎)+沙律+熱檸水$31,朋友點了香草汁煙三文魚意大利粉+沙律+熱咖啡$39.點餐後約5分鐘餐就送上,面包我都預左唔會係熱既,但朋友的意粉都係暖唔係熱,覺得唔係咁好,朋友仲話幾咸添,而沙律望得清楚有咩成份既就只望見半只烚蛋同2片蕃茄,其他一堆相信是雞肉粒既物體被沙律醬完全覆蓋得無法確定係咩肉,真係唔明白點解要加咁多沙律醬,我同朋友都只食左一啖沙律就放棄,而我既包同朋友既意粉都係食左一半,因為太多醬汁覺得好膩.…Read More

提前慶祝母親節,姐夫早前來過食lunch覺得唔錯,於是再來試下晚飯又如何.餐廳不算很大,二人餐檯會比較細,放了套餐具以經沒什麼空間放食物,幸好我們是8人餐卓.點了個2人套餐(忙記了是$228定$288)套餐有黃咖哩雞/柚子沙拉拼生菜豬肉卷/青炒雜菜/乜乜香草大蝦配2件蒜茸包/2個白飯/2個泰式雪糕/紫菜豆腐肉碎湯,除左雞件有d鞋同無咩雞味之外,其餘各樣都okay.散叫了咖哩麵包雞--用了一個係鴨子既容器來裝雞都幾有趣,面頭蓋上類似中東包既包來焗熱,包係for點咖哩汁,雞件係雪藏貨但尚幸不鞋口,還有些洋蔥同薯仔.香茅豬扒--呢個好好味,豬扒好鬆化,炸得有肉汁不乾身,但偏貴囉,$58只得約2件豬扒切件既份量,又無配菜跟喎.椰青海鮮焗飯--初時見個椰子好似唔係好大個,諗住好少飯,但食食下原來都好夠份量,海鮮同其他食家所講一樣,唔再重複.馬拉盞炒通菜--okay啦.素菜蒸粉卷--粉皮內包有金菇,甘荀絲,粉葛絲等,幾清幾好味.蒜茸包--新鮮熱辣又鬆軟,正!因為係呀嫂請所以唔知食左幾多錢!…Read More

昨晚朋友突然急call晚飯,就近一點到這裡吧!我們叫了2個晚餐share.湯係羅宋湯,侍應話係用豬唔係牛煲喎,咁我就可以放心飲,餐包每人半片蒜茸多士和1小個牛油餐包,湯夠熱都okay好飲,蒜茸多士好香口好味,餐包仔雖是番叮,但我接受囉,話晒唔係比百多元一個set嘛.主菜叫了豬仔骨沙拉,份量都好夠,成條豬仔骨有7節咁多,佢係炸唔係烤焗既,初時怕會好鞋口無味,但食落原來味道唔錯,好似食緊燒豬腳咁香口,i like it.拌碟沙拉係薯仔粒青瓜粒等加些罐頭雜果,份量都有成一個大飯碗咁多,所以好夠飽,另一主菜係焗芝士吞拿魚飯,店家用一個四方碟焗的,飯面不會有過多的芝士,這點很欣賞,最怕有些食店用大量芝士驚死你唔滯咁,飯係用蛋炒過,仲加有粟米粒,紅蘿蔔粒同磨菇片,吞拿魚估計有1細罐份量,食味本來唔錯但和豬仔骨比的話,我會選豬仔骨囉.最後係食唔晒碟飯既.餐飲叫了熱檸茶,檸檬味幾香,而餐飲套瓷杯好靚,無諗過係呢類餐廳會有咁靚既餐具,即時令到呢餐飯加了分.…Read More

昨日路過又見到我喜歡既味道,於是冒著增肥危險都忍唔住買左一個,香蕉味幾香,至少食得出唔會剩係香蕉油味道,合桃份量都好夠又沒苦味,最鐘意佢面頭烘得少許脆脆地而裡面少許濕潤,$11一個都好飽肚喎!!呢個麥分真名係'香蕉合桃'…Read More

每星期最少一次會係佐敦食飯,好多時對腳自自然然走左去中華,除左食物唔錯之外,仲有就係唔會似某間出名茶餐廳咁食到趕頭趕命........上星期又來中華食厚多士加熱檸茶,多士焗得夠脆但不失鬆軟口感--好味,但近幾次飲佢地既檸檬茶覺得d檸檬無以前咁鮮味,唔知係咪換左供應商呢??…Read More

昨日同朋到合發食茶餐,因為又不太肚餓所以我只叫油多少油($8)和熱檸檬茶($13),而朋友就叫金牌豬扒包($18)+奶茶($13)多士係厚身,看似超過1吋,雖然烘得不夠熱和脆,但麵包係新鮮所以質感都好好,配上少許牛油,絕對合我心意,至於杯熱檸茶就普通啦,檸檬味唔算好鮮但配埋茶都唔覺苦澀,加埋個幾靚既透明有耳玻璃杯,可以加分囉.朋友既金牌豬扒包有驚喜,除左個賣相好之外仲有一小碗焗茄汁豆,朋友最鐘意食既豆豆ga,我無試食個豬扒包,但見佢笑住咁食,未食完就講定下次encore就知好味啦.…Read More