chitchitkwok的個人專頁

下午茶時段，响門口等左一陣入座，男員工發呆扮睇唔到唔郁，女員工磨左好耐先出黎帶位好啦，終於坐底左（未夠5點），想叫下午茶餐，等左一陣女員工飄過，我指一指話想要下午茶餐牌個餐，女員工又問多次揀咩嘢，終於入機就話5:01pm 停下午茶（帶位嗰陣你唔講？！） 女員工擺明玩嘢，因為見佢咀角微笑緊（應該係好開心咁玩到個客）😏好啦，唔想做早講嘛～ 今時今日呢啲服務生係害死間餐廳既原因之一😇…查看更多

火鍋店位於的大廈，沒樓梯只可以等電梯上，但長期排晒長龍（整晚都響火警鐘，最少響了三次，很騷擾）開始火鍋的醉雞湯底，沒什麼味道，超級普通牛肉切得太薄，沒什麼感覺，其他急凍蠔同蝦，很梅不新鮮最後，訂位的時候已經再三跟店員確認，沒限時 last order到10:30pm，但我們一行人吃到10:00pm都已停手（9點尾已給店員遞來單據埋單，我們都很合作即刻先付款），但店員10:04pm已跟我們說，10分鐘後清場？！（催我們走人）😳我們食飽了，只想傾吓計，想不到未夠鐘已被店員不禮貌趕走！食物 環境 服務好失望… 大家自己衡量試不試…查看更多

情人節過大海, 落船第一餐直奔牛記... 已經過晒lunch time時間, 店內都差不多坐滿客, 好彩剛剛有位唔駛等, yeah! 男友上網SEARCH過, 搵到牛記呢間米芝蓮推介, 於是安排左第一日午餐~ 第一日試咗蟹黃撈麵, 花雕雞撈麵, 炸雲吞, 巴西咖啡~初時阿姐一上台的是 花雕雞撈麵, 我當堂呆左唔肯定果碟係咩黎既, 我眼神好奇怪 (阿姐就講雞麵呢兩個字)... 我當堂彷然大悟! 原來係烏雞做既花雕雞撈麵, 有花雕酒味既烏雞, 好好好味! d麵質很好, 條條分明, 夾著d醬汁撈麵, 仲有好入味既薑片, 連薑片都食晒, 正都痴線!!!!仲有就係 蟹-黃-撈-麵 啊!!! $40 物超所值! d蟹黃配上爽麵+蔥粒, 好香既蟹皇, 咸咸地鮮鮮地, 好開胃, 二話不說三啖已經將成碟麵鯨吞了! 仲有炸雲吞 $50 有12粒, 不過不失, 夠晒脆口熱辣辣, 一隻有2粒蝦仔, 滿意! 仲有見到MENU有巴西凍咖啡 $12, 叫左黎試下, 普通啦, 唔甜要自己加糖水~(第一日夜晚再去食最後的晚餐, 太好味了! 忍唔住要去番叮個 蟹-黃-撈-麵) 叫左兩個蟹黃撈麵+蟹粥一碗! 好好味, 一碗有一隻蟹, 阿姐話今日隻蟹大隻左, 要加5蚊，蟹肉味道鮮甜，肉質OK新鮮不黏殼, 正! 下次去澳門都一定會去番叮!…查看更多

剛行完維園第一晚既花市, 天后區周圍的食市都很旺, 於是轉入留仙街, 見到新開既小蜜蜂茶室(BEE CAFE), 剛剛好, 唔駛等位又坐得舒舒服服.它前身係一間食泰菜的曼谷菜, 曼谷搬了去BUTTERFLY酒店的位置, 小蜜蜂應該頂了手, 店內裝飾及裝修跟原來的曼谷泰菜一樣~ 不過都冇所謂既, 食飯啫!ANYWAY, 食物係賣台式食物, 是晚點了肉燥老水雞亦飯, 肉燥牛展飯, 一個飯餐可配一個小食 ($63), 試了脆皮辣肉腸, 跟餐飲品點了楊桃檸蜜 (凍飲加$3) ~ (是晚肚餓, 冇影相就開動了)老水雞亦, 老水牛展, 脆皮腸味道ok, 只是肉燥跟台灣的不怎相似, 但味道都ok! 每個餐連加一只係$72.5, 好抵食啦! 話晒都天后區喎! 呵呵~ 以後ot之後都可以多個地方食個晚餐先回家~…查看更多

收工OT完已經8點多, 路過位於灣仔既K-BAB, 於是入去食晚餐~ 是晚點了炸醬麵同炸紫菜卷包粉絲~ 本來諗炸醬麵應該衰極既味道都唔會太差... 點知又係好失望, 成個麵只有薯仔同啲醬汁, 但唔好味, 似蠔油開水/老抽... 都係港式既炸醬麵好味D, 仲要大拿拿$58蚊, 勁後悔! 成個晚餐只有泡菜係OK... (如果要外加泡菜, 阿姐話要另加$30) 所以冇加到... 其餘點左個炸紫菜卷 (內裡是剩粉絲), 這個就不過不失, 唔算特別, 5件價值$38, OK啦~ 下次都係行遠少少過隔離街食BURGER好過~…查看更多

平日約朋友食飯, 都係諗住幾個女仔食D野, 吹下水, 食咩都冇咩所謂~於是走左去赫德道搵烏冬食, 點知果間自膠烏冬執Q左! 唉, 又唔想再周圍搵, 咁岩有個阿姐响樓下派緊放題既傳單$208任食2小時, 由於阿姐又幾好口, 叫我地上去望下先決定食唔食, 咁都幾老實WOR!最後, 朋友們都冇反對, 於是上樓就試下啦... (太耐冇食過放題, 有D驚驚地似旺角果D放題質數)一坐底, 阿姐就送左一盤刺生黎, 都算幾生鮮, 又排得幾靚咁, 又有"茅"丹蝦, 又有"欺凌"魚, 三文魚都好鮮甜, 不是旺角貨色, 當堂有D驚喜!其餘仲叫左成枱野, 掛住食都忘記影相了! 不過, 熟食及刺生都味道好OK, 可以番叮!仲有叫炆牛舌, 牛舌炆得好夠林, 似炆牛腩既味道, 少少日本甜醬油味, 正! 仲有串燒牛, 佢卷到剛剛好包住支竹纖燒, 加左少少孜然粉咁既味粉燒, 好惹味! 燒菠蘿夠晒甜, encore! 其他東東都好味, 佢d粥, 湯 都唔錯!飲品種類就少D, 只有茶+汽水, 不過都可以接受. 因為食放題+飲汽水=飽死美中不足, 冇甜品供應!可以一讚既, 就係WAITER服務幾好, 叫佢幫手叮番熱個炒雜菜, 佢仲幫你曬番D木魚碎响上面, 都OK周到貼心!環境乾淨, 裝修都OK壞舊日本~ 望赫德道街景, 都唔錯!…查看更多

上星期日, 出元朗走走, 順便食個tea~ 一落車, 就行左去又新街果邊搵食... 順便買整蛋糕既材料.... :)見到一直想試既cake shop Schwaz, 門口成日都display左好吸引人既scone, donut, 今次終於岩timing可以入去試下! (因為之前次次都係太飽/ 唔岩時間, 緣慳一面 )入到去就好順利搵到位坐, 眼見大部份都係星期日行完山既人士... 環境都清優既~ 點左咖啡iced mocha, 熱cappuchino, 同埋行左去玻璃櫃揀左cake, 點了木糠布甸+朱古力芝士蛋糕.木糠布甸就好鬆化, 味道都ok, 甜度適中, 不過個朱古力芝士蛋糕就比我想像中失望... 可能係雪到好實既關係, 味道普通+滯口既關係, 我試了一啖就點到即止.... 咖啡方面, 男友的熱cappuchino就好ok, 不過我的凍飲mocha又一中伏... 味道好普通, 唔夠甜, 連starbuck的水準也未達標 (但是他們的價格差不多) 今次算係還了心願試了, 下次還是行去accro飲陳豪咖啡算了! …查看更多

星期日, 諗住同HONEY食餐好, 聽左朋友介紹, 專登坐的士去左元朗既盈豊買海鮮歸家食~ 全部買左6百幾蚊, 心諗全部都係生野, 蠔都係自己買番屋企開, 諗住應該冇咩問題喇... 點知....食到去法國睡蟹既時候, 一打開個蟹蓋冇咩膏, 已經好失望, 法國睡蟹係主打食膏GA MA! 點知今次D膏少到2湯匙都冇... =..=! 因為之前去PERFECT OPTION/ OCEAN THREE/ SOGO 買既都好正常, 都好多膏, 有時會多到食唔晒... :( 今次冇膏都算喇, 諗住食D肉啦, 咁就開始食隻蟹鉗, 點知, 打開左個蟹鉗, 已經傳來好大陣刺鼻既味, 有D似亞摩厘亞味 (平時都有做開TEST, 聞過D亞摩厘亞藥水, 陣味勁似!) 嘩! 死火... 即刻唔敢食落去~ 即刻打落去盈豊問佢點算啦~ 嘩, 一打由至可, 再講把幾火, 聽電話果個女接線生 (IRIS), 同佢講左個蟹有陣怪味, 好似亞摩厘亞味, 佢話要CHECK CHECK先, 隔左15分鐘之後先打電話黎覆番我, 佢一味話佢地賣左好多好多隻蟹都冇呢個問題喎! 我夠知啦, 我响第二度都食左好多好多隻都冇呢個問題呀! 係你地盈豊既睡蟹先有呢個問題呀! 我都平心靜氣問佢地可唔可以過黎睇下隻蟹 (因為個蟹身我都未食, 即刻PACK番入冰箱做証明, 而且我都係住元朗, 佢地送貨都接受), 佢地居然話叫我地盡快送番隻蟹去盈豊俾佢地師傅CHECK左先, 但係唔保證退錢... 我立刻話我下星期收工先拎到隻蟹過到黎啦, 佢地又話太遲喇, 咁即係強人所難啫?! =..=! 呢D就係"良好"既售後服務?! 都算啦, 你地唔想FOLLOW UP都算啦~ 你今次只係賺左我6百幾蚊, 隻蟹只係$95, 我今次當豪俾你! 但下次你地D咁既服務+劣質貨+惡劣既CS (IRIS)= 無數既損失! 總之我今次真係好失望, 下次都係上網叫番PO/ OT既海鮮食, 都冇食到一肚氣! 叫左咁多次蠔食, 都未試過呢D"奇遇"! 我都唔想我D朋友會有呢D唔愉快既經歷~ 如果佢繼續有人幫襯既, 我就祝君好運! (如果有時間, 我會SEND埋隻蟹去LAB俾人驗一驗, 証明一下隻蟹有冇問題~ 單據都一併POST左, 如果食完有咩事, 都可以方便追究)…查看更多

剛剛和朋友仔試完婚紗, 响金巴利街行過, 心思思想去食韓燒, 便想起位於地牢既"韓國燒烤屋", 即現在的高麗軒~都攪不清跟前舖有什麼關係, 總之見佢仲有開門, 便同友人衝了入去食食食~ 可能剛剛裝修過的關係, 人流不多, 但跟以前我燒烤屋不同了, 沒有了舊式的拉扯式煙囪和燒烤爐, 沒有了舊式的韓燒油煙味, 取而代之是新式的燒烤網~剛之去問了門口的姐姐, 是$238 ALL U CAN EAT, 嘩! 心諗個價錢都幾OK喎! (加上可能好肚餓既關係) 見到個MENU裡面的, 都可以任點任叫~ 好似好抵食WOR~我地一開始太肚餓我關係, 要了海鮮併盤, 牛肉併盤, 海鮮鍋, 海鮮燒餅... 三個女仔, 居然食得晒, 仲可以再ENCORE再叫.. HAHA海鮮併盤 一開始經理先生好好人, 叫我地可以先點一個海鮮併盤+一個牛併盤, 試食左先, 之後再ENCORE點認為好食的ITEM~ 海鮮併盤有好Q大隻既蝦, 帶子, 青口, 魚肉.. (下次去可以叫佢走青口, 因為留番D QUOTA食帶子, 大蝦好過)牛併盤內有各種不同的牛部份, 我鍾意的牛肋骨肉, 當然有狂ENCORE啦!!! 這是我第一次嚐牛舌 (朋友仔不斷叫我試.. 終於鼓起勇氣, 試了一片... OH! 真的很好吃... 之後毫狂ENCORE....)牛肋骨肉, ENCORE...一食上癮既牛舌, ENCORE... 海鮮鍋 (要趁熱飲, 熱飲果陣真係覺得好OK, 不過凍左便覺得咸... ) 八小碟 (樣樣都好好味, 次次去都有不同的泡菜供應)食肉獸天堂 (如果你很愛吃肉, 這家店子很岩你去)壓軸嘉賓... 和牛~ 正到甩肺!!! 嘩!!! 不得不介紹, 真係好食到呢, 難以用文子形容啦... 食完之後返到屋企, 半夜D和牛味由個咀到湧番出黎! 好堅既牛味!!! 冇得頂~ 還有, 佢個生牛肉都好Q正, 好甜既牛肉味配上沙角絲, 好配合!!!!三個女仔食左十二碟, 仲有熟食都可以任點, 如海鮮燒餅, 燒銀雪魚, 雞蛋煎蝦, 燒牛肉... 因為相太多, 不能盡POST~ 還有不得不讚既服務員, 她們好細心地, 不厭其煩地幫我地換左三次燒烤網, 值得一讚!!! 不過飲品唔包, 只有熱茶任飲, 其他韓國燒酒, 啤酒可以散叫... 希望今次寫完, 下次去唔會太FULL啦, 好驚又攪好多人去, 自己冇得食... HAHA... …查看更多

唔信邪既即管去試下!今晚9:00入座.. 如果唔係樓上既吉烈豬扒飯超多人, 等唔到位, 都唔會黎呢度試.. 一次很惡劣既晚飯!唔知間餐廳係唔係開左冇耐?! d waiter一d都唔識做.. 人都未坐低, 就顧住拆快子套同倒熱茶 但係又阻住個客, 唔俾佢坐低ga bor! 唉! 都算喇.. 係迴轉帶上的壽司真係好一般,款式又唔多,攪到條輸送帶上太過空虛, 於是個壽司師傅猛咁執d壽司搬黎搬去, 阻住個客食嘢.. 唉! 同埋間舖頭入座唔夠一半人, d壽司師傅/waiter逢親有人光臨/埋單走人, 就會嗌盡喉嚨講d唔似日文既嘢.. 加上背景d 賴係hip既音樂, 真係好嘈!!!!! 好so擾d食客食嘢.. x10仲有一樣好crazy既嘢.. 我叫左杯梅酒soda飲(用透明玻璃杯裝既), 我飲都未飲晒, 個waiter心急得滯, 走埋黎問都唔問就收走我杯嘢飲! 我即刻話我未飲完.. 真係癲架!!!! 未飲晒都睇到掛?! 除非佢真係有大近視啦! 但係咁樣對d食客真係好冇禮貌! x20我都唔算係一個麻煩客, 我唔會用1百蚊既價錢去要求有5星級酒店既服務.. 我成日出街食飯, 我都未試過去d咁差勁既壽司店!!! 夠晒啦! 最後.. 唯一可以推介既係佢地梅酒soda+盛式魚生沙律.. 其他的壽司.. 不值一提.. d飯又熱又大嚿! 同深水埗明將壽司一樣差! crazy! 如果兩個人食3百幾蚊, 早知我就去元氣食, 都冇咁激氣!!!!!!!! …查看更多

:) 呢個茶記係响我屋企附近既.. 又平又低食! 雖然佢門面係好暗, 但係任何時段都有好多街坊熟客的士哥哥幫趁既..平時落去食吉烈豬扒沙律+涷奶茶.. 都係$22咋! 真係底食都爆! 仲試過佢見我同男友一齊去, 俾夠兩塊豬扒! 味道ok架! 反而d沙律係最好味! 有西芹薯仔紅蘿蔔! 材料豐富!琴晚因為夜返屋企, 買左個個外賣拎走.. 試左個"台式滷肉撈面", 待應姐姐已經單聲我知, 話個面係辣架.. 都幾細心bor! 我鍾意食辣, 當然話得啦! 返屋企一試, 非常好味, 肉碎炸菜撈面(好似拉面咁), 好惹味! 我怕今次寫完呢個食評.. 又會多左人去梅園.. 攪到下次去冇位坐tim! 仲有佢個海南雞飯都好好味架!…查看更多

:( 趁下村未拆前, 同男友去食呢個咁出名既雞蛋仔... 可能前排生意唔好, 由$12減番到$10.. 星期六既下午去到, 發現得小貓2,3隻排緊隊買, 我同男友就試下啦..佢個雞蛋仔係新鮮即製, 不過可能我去嗰日唔好彩, d雞蛋仔好乾身(雖然都係好脆口), 但係內裡得好少既蛋糕仔.. 普普通通.. 有d失望.於是我同男友過左附近檔既粥檔, 買左個即炸油炸鬼, 反而係異常有驚喜! 超好味! 中學時我都成日買呢個油炸鬼... …查看更多