winy33's Profile

好少有日式串燒店會令我去完再去，呢間好正宗真係日本師父親自烹調，喺尖沙咀食飯都會諗起Yayakiya。佢哋供應多款日本清酒及正宗博多風串燒，係三五知己舉杯暢聚的好選擇。CHEERS!牛舌串 - 濃燒至微焦的牛舌，口感鮮嫩爽口又多汁番茄黑豚腩卷串 - 食落超juicy佢地定期都會有special menu，哩個係牛肉卷。帶子串 - 靈魂醬汁係個bb沙律醬！帶子好大粒好新鮮！Apple Sabi - 呢個係必飲嘅爆炸糖Apple Sabi，加啲蘋果粒，加啲wasabi落個杯度，飲之前度啲爆炸糖入囗，啪啦～啪啦! 好激呀！…Read More

韓國x意大利菜？姐係點呀？喺食通天發現一間新餐廳，原來係韓國過嚟開嘅Mad for Garlic, 成間餐廳一個字 - 蒜! 韓國是世界上蒜頭消耗量最大的國家，兼出產了不少優質蒜頭品種。拍拖嘅你記得為對方準備買香口膠呀！人氣Number one: Garlic Snowing Pizza蝦、菠蘿、炸蒜片 MFG 招牌意大利薄餅，侍應會喺你面前刨啲蒜片落個薄餅度，用韓國麵粉搓製薄餅，夠晒脆口。The Mad Mexi Nacho Pizza 當墨西哥薯片遇上意大利薄餅，都唔知道自己食緊邊樣，仲又得加salsa，好得意呀！Garlic Sizzling Rice鐵板醃漬蒜頭、煙肉及飛魚籽炒韓國牛油飯 - 炒飯絕對是香港的主食，更常被世界各地演繹成不同版本。這個炒飯辣辣地，味道香濃，口感豐富，調味恰到好處，無論午餐或晚餐都是好選擇！Arrabbita辣番茄汁煙肉意粉 - 以胡椒粒、蕃茄醬、煙肉片配搭辣意粉，不過真係幾辣，唔係個個食到。Crab & Lobster Pasta 蟹肉同龍蝦肉份量都幾符每一啖都可以食到蟹肉同龍蝦肉Tenderloin Steak Saam 這個反而唔太推介，個肉有少少過熟，同個pita包唔算好夾。…Read More

想放棄自己？想爆瘡？想怕咗食炸雞？星期一嚟The Parish全部都係雞喇! 只需$288 ，除左任食炸雞，仲有任食炸薯條，任食沙律同任飲番茄湯，問你死未。The Parish 主打美國南部新奧爾良風味，供應傳統炸雞，皮脆肉嫩不在話下，佐以乾墨西哥辣椒蒜蓉醬汁品嘗，香辣惹味；配上自家製的西瓜醃漬，味道清酸，以中和辣度。喪食炸雞真係可正，星期一先有㗎！係貴少少，人一世，物一世，是但喇~…Read More

Scarlette Cafe & Wine Bar係一間法國菜餐廳。唔係位於尖沙咀中心位置，環境安靜，細細間，強力推介嚟呢度拍拖食飯，三五知己眾舊傾計，weekend食brunch，就最啱喇。入到去見到裝潢唔錯以為會反影喺個價錢度，點之發現性價比非常高。好抵食嘅西餐!Rotisserie Chicken - 哩度最出名枱枱都會點嘅就係原隻燒雞。brunch都有得點。仲有我發覺個主角可能係，個薯蓉好軟滑，好重忌廉同牛油味，口感好豐富好有層次。Mussels - 有好香嘅酒味，好creamy，陪碟既薯條都炸得好香脆。Carbonara - 唔好睇呢味咁簡單，要整得好食都考功夫架。呢度整得好有水準，啲汁唔會太杰，亦都唔會太稀，煙肉都係有煎過既，香脆。食唔晒當然可以打包，連個外賣盒都好有心思。會先用膠袋載起食物，先後用部機啤實個封口，然後放入外賣盒。…Read More

漢堡飽同薯條係我最鐘意嘅食物組合，一想食就會諗起Beef & Liberty。呢度嘅漢堡飽賣相已經令你流晒口水，個飽圓圓，薯條脆脆！一個combo百幾蚊性價比極高。食漢堡飽一定首選牛肉，因為medium rare就可以試到牛肉嘅juicy程度，加上溶溶嘅芝士！一路食一路啲肉汁滴滴滴，食得特別滋味！食熱氣野食啲沙侓菜會無咁罪惡感，火箭菜嘅味道有少少苦，加埋合桃同橙就剛剛好，特別鐘意火箭菜個after taste，令你想繼續食。…Read More

基本上我試晒成個餐牌嘅菜式，因為見到menu唔係好多頁，我地有八個人就索性點晒。哩都記得所有野都要相機食同喝先，唔喺嚟哩都做咩呀，貴少少都唔緊要喇，最緊要個賣相真係起碼都扼百幾個個Like喇。麻婆豆腐薯條 - 係我唯一會再返嚟食，個配搭好新鮮。辣辣哋，撈埋啲醬，好似一份poutine。芝士海蝦春卷 - 卷咗芝士一齊炸，啲芝士熔晒喺條海蝦度，不過個春卷就冧咗少少。四川枝豆 - 任何野有四川辣味就特別開胃。一口海南雞飯 - 一啖食晒海南雞飯嘅重點，停唔到，要點多個食。飲品係哩度最呃Like嘅，記得相機飲先！益力多shot - 首先一人一個益力多shot，其實係soju加益力多，酒精幾重。童年回憶 - mix咗Rum, Bailey's 同真係有麥精，用個咁懷舊嘅樽飲，唔好唔記得真係有酒㗎。甜夢 - vodka, godiva 朱古力酒奶加 朱古力奶,  阿華田同燒綿花糖，鍾意飲酒無酒味，點哩個喇。…Read More

介紹返我去Outback必點嘅兩樣野！Aussie Cheese Fries 香脆薯條混芝士呢個薯條最啱配啤酒！有兩種芝士一齊焗加煙肉粒，夠肥！食嘅時候點埋自家製嘅農村沙律醬呀！Chocolate Thunder from Down Under®*雲呢拿雪糕朱古力軟餅忌廉加雲妮拿雪糕加暖暖嘅brownie，三樣一次過一羹食，又凍又暖，好滿足嘅口感。其實如果生日正日嚟，Outback會送呢個甜品㗎！…Read More

有時想坐得舒服又唔想熱辣辣同人喺條街等，就可以選擇去L Place嘅印尼餐廳1968，而且有Set Lunch menu，一定要book位先好黎食。想咩都試少少我推介食雜錦黃薑飯，印尼菜必食之選，非常豐富。除了三款不同的咖哩外，還有一只燒雞脾，份量十足。個人較喜歡紅咖哩，有著蝦仁，較香口之餘，又食到蝦的甜味。黃薑飯保持乾身，食後甚暖胃，賣相真係好得。飲品點左indonesian bottled tea，好特別既茶，有淡淡茉莉花味。…Read More

終於俾我喺香港重恰美國紐約Katz's Delicatessen嘅味道！點解一份鹹牛肉三文治,會瘋魔咁多人慕名而嚟？答案就喺個牛肉度，經過秘製醃料醃約20日，再用美國胡桃木和櫻桃木熏約20小時，當中會由180度慢慢調低至85度，最後按嚴格的溫度來蒸煮以保留肉汁。如果女仔我會建議share食large size配沙律菜，再加poutine，已經真喺飽到攬住個肚。Reuben & Classic Patrami Sandwich- 同樣選用煙熏牛肉製作，不過中間再加一片麵包，配自家製千島醬和瑞士芝士，超級巨型，女仔哩個時候先將儀態擺埋一邊啦。Morty's Poutine - 太想念加拿大喇，薯條上不單有肉汁和車打芝士，還鋪了一層煙熏牛肉粒，不過味道就同我想像有啲出入，但係都滿足我食肥野嘅慾望。…Read More

去太古坊又點可以唔到訪Mr & Mrs Fox呢？2 Course Set Lunch: $215Pastrami Beef Sandwich - 脆卜卜嘅麵包，香港要搵好質素嘅pastrami好難，雖然仲係剩啲，但賣相尚可。Pasta Bolognese - 肉醬意粉無得輸。同埋個carrot cake甜品，唔算甜，暖暖地加上雪糕，剛剛好！…Read More

中環反工食lunch有時想試新口味，黎巴嫩夠唔夠新？呢間餐廳留下可以買lunch box takeaway，留上有set lunch，記得訂位先呀。2-course Set Lunch:先來一碟中東新鮮出爐Pita麵包，隨意點名左鷹嘴豆&中東芝士。再來脆皮Falafel，真係好鐘意點醬食。主菜就是Grilled Chicken Kebab 烤得岩岩好，啖啖肉都好juicy，真係做到皮脆肉滑! …Read More

如果有一間餐廳我去過一次想反轉頭，你就知我無介紹錯。如果有去過雲咸街間食美國菜叫Restoration，而又好喜歡，歡迎嚟The Parish一試！可以訂位，我地三個女生一開始先來三杯house wine，一邊飲一邊睇有咩食，因為happy hour只去到八點，喜歡的話不訪叫定下一round用盡happy hour的專利。呢度比較chill，我地點左個big plate 同兩個small plates 一齊食。當然要點招牌菜：美式炸雞，供兩個cocktail sauce同酸菜。好香口，喜歡食熱氣野嘅我好like!至於small plates有spinach dip! 一嚟到以經見到好幾台食緊，所以點佢一定係明智嘅決定。一上碟，芝士仲係「時呢吵喇」，即刻用粟米片點嚟食，啲芝士拉到好長，like!呢個炸茄子真係辣左少少，可能係個jalapeno醬，記得點少少睇下接唔接受到先。甜品就點左招牌Key Lime Pie，唔係好甜，完美的一餐！…Read More

食肥野一定係食最邪惡嘅Burger & Fries，呢間升格開到去名店坊，依然保持水準。鋪頭大咗，唔洗排隊排得咁辛苦。又可以坐patio，好chill好舒服。呢度啲份量都幾大份下，兩個人share也足夠。真材實料Porterbello Cheese Burger - 磨菇好厚好多汁，最重要嘅當然係佢嘅漢堡扒，剛剛好唔會太熟，非常多汁！ 真材實料，一分錢一分貨！Melted Cheese Twister Fries - 一客好大兜，好抵食。幼幼o既旋風薯條乾脆且唔油膩，芝士溶晒喺上面，點埋茄汁同蛋黃醬，啱晒啲鍾意食醬嘅人。…Read More

呢到應該係灣仔Happy Hour蒲點，勁多人堆喺個門口度，尤其係外國人。Buffalo Wing Lollipop - 一口雞槌，將d肉推哂上去整到成支波棒糖咁, 個雞炸得好好味, 個buffalo醬味道都好好好味，個汁唔會太酸亦有辣味, 而且醬汁既分量岩岩好,唔會太多浸到個皮淋哂。Truffle Fries - 好大兜個薯條,食唔停口!雖然環境不錯，啱吹水傾計，不過其實我覺得有小小貴。…Read More

呢間排隊係有啲跨張，但係真係值得排，而且開到凌晨4點，夜媽媽想食肥野啱晒。個感覺好似加拿大korean town韓國人開嘅小店。份量好大，最啱一班朋友一齊去食。甜辣炸雞 - 一份雞起碼有10件雞，炸雞出色，香口入味，配埋Hite啤酒，一口熱氣 一口清涼，爽!芝士雞蛋卷 - 芝士控必點！厚厚嘅蛋中間包住芝士，一夾就會拉出長長嘅芝士，外層的茄汁更為蛋卷添味，落足料好滿足。芝士辣雞炒年糕 - 芝士控必點II! 有少少辣，係鐵板上，一夾又會拉出長長嘅芝士，內裡有年糕、雞肉粒、青椒、泡菜、紅蘿蔔等等…Read More