kelvinfunggg's Profile

收工經過旺角交收，再喺附近搵一間好想食嘅餐廳，就係Yaddle Plate💋💋，今日終於都食到喇！🤣🤣，餐廳係主打韓式手工炸雞🍗。就等我講下食左啲乜啦！！！先講下個牛油辣豬肉蓋飯啦，份量唔算話太大份，飯上面有一隻好靚嘅太陽蛋🥚🥚，整穿左個蛋黃再撈埋啲辣豬肉，再再再加埋牛油，食落有三種口味添，當中辣豬肉令我食而忘返啊，因為佢嘅辣味係仲帶有少少kimchi味道，所以好特別好有印象🤔🤔。之後就係芝士蟹子蛋卷，蛋卷非常厚，因為加埋呢個芝士去整，所以咬落去有濃厚芝士味，仲有芝士嘅拉絲添，而且加入左新鮮蟹子，啲蟹子不斷係我個口爆開，成口都係蟹子啊😂😂。最後呢個真‧濃濃芝士薄餅🍕🍕...係適合一齊食，因為其實都幾大個😂😂，薄餅邊邊嘅皮非常脆，食得出係即叫即整，我發現呢間餐廳比較中意用芝士😂😂，因為呢個薄餅都用左好多芝士整，啱哂我呢啲芝士控嘅人....食哂所有嘢之後...留意下餐廳嘅四周，其實都好大、好整潔，整體黎講都係一間好評✨餐廳。…Read More

今晚同朋友慶祝生日，行完大館就book咗位於對面嘅男神吳彥祖新開嘅餐廳The ThirtySix食飯，呢間係食日本Fusion菜，有D居酒屋感覺，個人覺得係中環食性價比好高哦!! 價錢親民、環境坐得又舒服我地叫咗幾款小食同burger，當中最鐘意一定係以下3款Menu上佢係Foie Gras & Oyster in Yakitori Sake Sauce ($88/each) 佢係紙菜包住鵝肝同蠔一齊食!! 口感真係好特別~另一款想推介係RiceCrackers with Veggies mocktail mousseline，佢嘅醬分成五層，分別係洋蔥紅蘿蔔、牛油果、意大利黃瓜、紅椒和茄子製成，將醬混合再點上暖脆的米餅一齊食，如果醬未食哂，仲可以加錢再添加米餅($20/2塊)，唔駛怕浪費lu!!餐廳行日本居酒屋感覺，當然要叫蛋卷啦!! 呢個蛋卷入面有鰻魚、牛肉粒、三文魚粒、青瓜，配搭好正好好味呀!!最後我地仲叫咗個Old Fashioned Bourbon Burger食，望住D Cheese都覺得好邪惡，佢係用車打芝士加蛋醬製成，塊安格斯漢堡就算傾左陣計先食，都保持溫暖同肉汁，超推介哦!呢度環境除咗舒服外，仲有個小遊戲俾大家玩，只要係36條鎖匙入面估中開到酒窖嘅鎖就可以品嚐一Shot酒，當日估中品嚐係2018年得獎Whisky! 酒窖內擺放了多款Macallan外、仲有一D限定同停產嘅Whisky同日本酒!!最後唔好錯過門口嘅打卡位哦!…Read More

今日朋友生日，聽講元朗有間任食日韓料理環境幾好，又好抵食就決定去試試佢！我哋晏就嚟到，入到去先揀想食嘅價錢，加埋食刺身都係百幾蚊，咁抵梗係加埋佢啦！入到去地方都幾大，仲有啲好正嘅打卡位，邊食邊影相玩，哈哈有得打邊爐，又有得燒肉，食肉獸表示好滿足，都幾多選擇揀，非常好！雖然出面有勁多調味可以任攞，但真係就咁食都十分OK ！食物都幾新鮮，唔會有雪櫃擺咗好耐嘅感覺，本身嘅調味都好夠味，但唔會死咸，真心高質喎，估佢唔到咁平咁有驚喜！燒肉配啤酒，無得輸！仲要係任飲！燒到咁上下，就出咗去攞香港人至愛！就係食返夠本嘅壽司同刺身！溫馨提示呢度除咗啤酒之外，仲有好多嘢任飲，食刺身梗係飲清酒或者梅酒啦，你冇睇錯，係有清酒、梅酒！任！飲！雖然係晏就，但好似去咗happy hour咁開心！真係唔好俾佢停！繼續食下，打返個靚邊爐，仲有日式湯底可以選擇，同各款新鮮食材，好想講隻得意鴨仔幾好味，哈哈，有啲似魚片咁！！食到差唔多就食返個甜品先！我最欣賞係佢有好多特別味道嘅雪糕，特別係港式奶茶同芥辣口味，奶茶個款淡淡茶香，唔會太甜，剛剛好，芥辣個款食到我哋笑咗出聲，真係好芥辣！但餘韻又有牛奶味，幾得意，出面放題我真係冇見過！食飽飽，係時候飲啖茶解下膩，有超多款茶俾你選擇，仲介紹埋有咩功效，點解可以咁有心！重點！啲茶幾好飲，好香！朋友生日表示佢過得好開心，估唔到高質成咁，仲約下次再食！！正呀！…Read More

今日同咗友人去食 ，店鋪環境高雅，好有高級餐廳氣氛，出面有即開生蠔，同好多海鮮選擇，全部都好新鮮，樣樣都好吸引去食，自助餐當然唔少得有煙三文魚啦！真係整得好好味！冷盤裡面有好多唔同嘅ham選擇，不得不講個蕃茄仔超甜!!而自助餐又點少得食生蠔、蝦同螺呢！自助餐都可以好高質，好似去咗高級酒店食咁程度！朋友叫咗main course 慢煮和牛頰肉配馬鈴薯蓉，因為慢煮嘅原故，加上頂級和牛，好易就分開咗啲肉，超級鬆軟，入口即溶，馬鈴薯蓉好重牛油味，食到停唔到，同和牛頰肉味道好夾！而我就係食香煎紅鯛魚配金瓜蓉，煎得非常出色，魚肉香滑味濃，金瓜蓉味甜唔會膩，好鍾意呢道菜式！最後食埋呢個tiramisu非常有驚喜，超重酒味，而幾乎食到最後酒香依舊係口中，食多幾杯都仲得！一定會再返嚟再食！…Read More

每次經過都覺得呢到好Chill今次終於的起心肝同朋友嚟試吓。早嚟有著數唔洗等位，晏少少已經見有人龍啦~初頭想坐户外位，但朋友怕熱所以都係坐返入去。一坐低打開Menu發現有好多嘢食，我有選擇困難，真係要啲時間睇睇..叫完無幾耐就有嘢食啦！先嚟係前菜小食-帕馬臣芝士香蒜松露油薯條。薯條啱啱炸起好香口。香蒜已經切做一大條薄片，好香但又唔會蓋咗本身嘅松露油香，真係會越食越肚餓！好彩好快有第二道前菜到-烤西班牙黑毛豬腩。叫得豬腩就預咗肥少少，但佢個油香真係好掂，沾埋個焦糖蘋果汁，中和本身豬腩肉嘅肥肥，仲夾埋黑色米餅好爽口。未食過真係要試～然後係緬因州龍蝦尾扁意粉。食落辣辣哋好惹味（不過都真係幾辣，食唔得辣可以淺嚐一下）龍蝦唔痴殻唔怕食得好污糟。因為落咗少少蒜油關係，扁意粉好香，好快就食曬！！再有個主食係羊架。Medium食落唔會咬唔開，仲有幾隻醬任你掂，都幾貼心。驚喜係有菠菜做伴碟，怕膩嘅可以食吓伴菜，食落就唔會咁大罪疚感～飽飽哋就叫個甜品做結尾: 焗酥皮香蕉卷配自家製開心果雪糕。一焗到出嚟好香香蕉味，個卷焗到鬆脆，再沾香濃開心果雪糕，一凍一熱好過癮！飲品方面叫咗杯Islay Blossom 同 My Cup of Tea. Islay Blossom 同樣子一樣好清香，有紅柚同檸檬香。無諗過係凍飲，都幾得意～另一杯係 A Cup of Tea。有盤入面有齊凍熱，隔住嚟飲感覺好唔同！相對上熱酒酒味濃啲，如果好飲得可以多飲熱嗰杯，畢竟熱酒唔係邊道都有～Overall 所有嘢都好食，尤其黑毛豬，兩個酒精飲品都非常特別。我鍾意啊！…Read More

一進入餐廳，感覺非常好，招待人好有禮。周圍環境很好，有些座位可望到海景，好舒服。叫了個套餐，盡有餐廳的名菜。要了杯白酒，白酒幾好，飲得過。頭盆有Parma Ham和沙律，沙律的鮮菜正，Parma Ham  味道唔算太鹹，唔錯。mushroom Bisque 味道好濃，跟上麵包一流。主菜選左三個招牌靚餐，slow-cooked Salmon, Prime Steak and Lobster Risotto.  輕煎三文魚，魚塊不算大，煎得很好，剛剛好，魚塊中心夠軟。牛排肉質鮮美，我不大喜愛牛排，亦覺得味道好，生熟程度恰到好處，另一味龍蝦飯，調味唔錯，比以前食的好食多。最後上的是甜品，雖然小小杯，份量小，但款式有三款，可品嚐多類化，是一個好好presentation. 如果有咖啡就更perfect.…Read More

平時都好鍾意食川菜麻辣嘅嘢，聽人介紹佐敦嘅楊記麻辣魚館嘅川菜幾好食，今日就約咗朋友一齊去食。夫妻肺片切得好薄，好大碟，非常抵食，而且好入味，好香嘅麻辣，口感爽脆幾好食。叫啲菜食下，手撕包菜份量好大，菜同外脆內軟既麵包夾埋一齊食，點埋菜嘅湯，食落就冇咁dry。其中一個朋友好鍾意食芫荽，所以叫咗西湖牛肉羮。成煲都係芫荽，啲湯好有芫荽味，牛肉碎令啲湯更加有味。啤酒鴨一鍋其實好多鴨肉，小小麻辣，識落幾過癮。…Read More

好耐冇食日本野，今日特別想食魚生，就嚟呢間鮨和居食屋試下我地叫左個特上刺身拼盤，有三文魚，吞拿魚，平目魚，甜蝦，帶子同鰤魚。每款刺身都好新鮮好有光澤切得好厚新，最鐘意佢個拖羅，啲脂肪紋好靚好平均，食落入口即溶。帶子好鮮甜，爽口彈牙。天婦羅都係每次食日本野都必食，我地叫既係雜錦天婦羅，咁就可以食唔同嘅野。呢度既天婦羅粉漿夠薄身，炸得好香脆，入面有食物原本既味道唔會得炸粉嘅味。串燒粟米燒得表面少少焦，粟米粒粒都好飽滿好清甜。…Read More

禾牛薈，椰子雞湯底好味，夠晒鮮甜！湯底亦可足料，有晒椰肉同粟米，好甜！肥牛不錯，油脂分佈平均牛柏葉好爽好正，輕輕淥一淥就可以食，加埋湯底嘅鮮，好夾！老友鬼鬼好特別，味道不錯。脘魚片同魚頭新鮮，食落新鮮，亦夠嫩滑～丸類幾彈牙，主打手打，食落唔會話好粉，丸類口味選擇多松葉蟹皇包，雖然價錢幾貴，但食落味道唔錯呢個地方真係好適合一大班人一齊黎食，係尖沙咀嚟講呢度好舒服，座位夠大，闊落，雖然食物價錢唔算平，不過單係湯底都值回票價！…Read More

首次光臨觀塘呢間嘅新開的高級西餐。入到門口，覺得地方好大裝修好靚其實餐廳原來仲有埋室外地方，仲要唔細，啱晒聚會。食物方面我叫咗1）銀雪魚2）黑松露湯3）特飲1）香煎鱈魚非常之impressive，用刀切條魚嘅時候，竟想不到佢係一篇篇咁起出嚟。完全係唔使切！你可以見到個魚肉光滑，入口非常之嫩滑好有彈性，亦有香香嘅魚油香，強烈推薦呀！呢隻鱈魚底層嘅薯蓉非常creamy，有調過味，正！黑松露野菌忌廉湯湯的份量好足！ 夠兩個人飲湯面有加數塊黑松露片 + 忌廉汁，湯底有好多湯粒粒，真材實料既一碗湯。Bistro La Bon有好多款特飲，新張期間只要like and share咗Facebook就會飲料買一送一。呢款係snow white 白色朱古力沙冰，香濃份量多。等啲沙冰用咗更好飲另一杯係Summer Hawaii 攪勻左之後啲顏色就好似翠綠藍靛既海水咁，加埋粒紅色嘅櫻桃，好有渡假feel。杯野果味十足好fresh好解渴.餐廳新張期間仲有好多優惠。下午五點前入座免收+1；Happy Monday/Wednesday main course 買一送一;6pm 後每位消費滿300送特盛刺身一客好識做生意的餐廳！…Read More

和味館其實由80年代做到今時今日，不嬲都係口啤非常好既一間粵菜！而家搬到去長沙灣，裝修仲要愈來愈靚！下午茶入座歎一歎佢入到去經理招呼好好，叫完嘢食等左陣就上菜了。首先就係脆皮燒腩仔米線好多燒腩仔下喎，所以就分開上左放入去係滿晒的燒腩仔肥瘦適中，個皮夠脆有位好肚餓既朋友話好鐘意食叉燒，經理真係加左幾舊比我地！點解可以咁好人睇下d蜜汁幾多😍好正呀！順帶一提，和味館設有燒味部，平時經過可斬靚料返屋企食。到了點心部份，經理話所有點心係即日整，點心師傅們日日凌晨4點就開始整點心，應付早市。所以肯定比大集團新鮮！果然，點心的確掂鮮蝦仁腸粉和味蝦餃皇呢兩款有蝦嘅點心一齊講啦，都係皮薄陷靚！腸粉皮好滑，半透明，睇到入面嘅蝦。蝦餃亦一樣，皮薄，勁漲卜卜！好明顯係比一般蝦餃size大！皮入面既蝦一定要講一講，因為真係非常有咬口非常脆非常彈牙！強力推薦！蟹籽燒賣皇8隻字：抵食，大件，肉多，彈牙！原籠馬拉糕又係性價比高！$16.8有原籠既馬拉糕。口感實在，食落係飽肚的，仲好香！臘味蘿蔔糕蘿蔔糕大大份，兩面微微煎香。咬開有臘肉、蝦米。辣醬夠辣！我地一行四人叫一碟都滿足到。叉燒包睇圖都知啦！大大舊，抵呀！甜點：個人十分推薦椰汁咖啡糕！呢個椰汁咖啡糕有兩層。第一層特香濃咖啡，第二層係淡淡的椰汁糕。經理叫我地一定要兩層一齊食，因為呢個糕點個概念就好似奶蓋咁樣。幻想一下個咖啡係奶蓋，個椰汁係底層野飲。一定要一齊入口先係最好效果！總結：好抵食，服務好好，地方大，乾淨！下午茶4條友叫12款野食，二百幾蚊！好滿足！平靚正！…Read More

上環新開左一間和牛專門店。知道係食頂級和牛，因此身為牛魔王既我特意光顧。一進餐廳後，木系的裝潢。加上很多金色的element. 帶左種高級嘅感覺。由於有Omakase set. 所以係開放式嘅廚房。見住師傅們用人手+機器將一片片和牛薄切，好治癒😍😍見到A4和牛我已經覺得好impressive.鮮紅色的牛，油花滿佈和牛上，油花綿密程度就如刻意設計的暗花圖案一般。我首先食咗塊，浸左超過10秒。店員大叫，「浸咁耐會曬咗隻牛架！三秒食得架喇！平時我哋當刺身咁食既」唔知係咪堅，但幾好笑。講返味道，浸3秒同浸10幾秒真係好大分別😂😂😂 3秒，入口即溶，油花淥到香晒！我覺得啲牛其實真係可以生食，主要係令啲油花受熱帶出更香嘅牛味食完A4我更鍾意A5和牛！A5和牛係粉紅色的！呢盤黑毛和牛無論厚度新鮮程度油脂分布都係一絕。聽店員講放入水煮3秒就食係最perfect. 於是我照做，雖然仍然係好粉紅，但我一啲都唔擔心直接放入口中，極香嘅和牛味。油脂嘅香氣會同我鼻腔散出嚟！口感方面，入口即溶，完美！黑薩摩雞肉呢種係用來做刺身嘅雞肉，每一個月只有100隻，所以產量唔會好多，師傅建議淥5秒鐘淥到九成熟。佢嘅口感嫩滑，口感彈牙。最後食的是黑豚肉。黑豚嘅里肌肉，黑豚嘅豬肩肉，黑豚既腩肉。呢種排序係由小油脂去到多油脂分佈的排列。淥完7秒後仲係食到好香嘅豬味,同出面啲豬肉淥熟咗就冇豬味好唔一樣，個人鍾意食豬肩肉，因為油花分布比列適中最後有綠茶雪糕甜品食，完美的句號！…Read More

今日同同事lunch唔知食咩好都係叫咗個米線食次次都係食譚仔好悶所以轉轉新口味就去咗食小鍋米線幾鍾意佢個酸辣湯因為冇花生🥜仲有叫咗個雞肉 普普通通啦～仲有叫咗幾個小食…Read More

最近工作壓力大，放工到百德新街，女友提議食啲未食過嘅餐廳。我想飲兩杯酒，所以決定咗去以日本手工啤廠旗下嘅Coedo Taproom.夜晚行呢條食街係唔同啲，頭上金黃色嘅燈飾足以令人忘記日常緊張既狀態。Coedo Taproom 個環境都幾cozy, 有室內有室外。幾有離開左香港既feel. 而室內，有幅大黑板，寫明當季嘅時令手工啤，非常有日本江戶時代公告板嘅韻味。店內全部啤酒都係精英既既精英。12款既啤酒都係參加過比賽/啤酒節展覽。大有來頭！有以日本傳統顏色命名的啤酒及季節版啤酒，如 Shiro（白）、Ruri（琉璃）、Kyara（伽羅）、Beniaka（紅赤）及 Shikkoku（漆黑），呢 5 款啤酒均曾獲世界大賽金銀獎，其中 Beniaka（紅赤）更連續 3 年榮獲比利時國際口味質量機構（ITQI）所頒贈既「三星級獎勵」，首家日本啤酒獲得頂級的「Crystal Taste Award」殊榮。其餘生啤則為其他各地小酒廠優質出品。個人比較鍾意水果味嘅啤酒，於是我叫左一杯Ippo Jyunpu.細$72呢杯手工啤我係幾年前啤酒節飲過。同坊間飲既啤酒完全係唔一樣！好fruity ，加入了神奈村縣的有機香橙🍊，微微酸甜，舒服易飲🤤落完單後，無論你叫啲咩，佢都會上一款大概30粒Edamame(毛豆)俾你。用鹽醃過，食到停唔到口第二道上既菜係蟹籽沙律$68有蟹籽，青瓜絲，自家制沙律醬，波菜，蟹柳絲組合。好fresh 好夾！之後到日本生蠔$58，日本空運到港。海水味比較重，鐘意海水味既朋友可唔加檸檬汁。不過，加兩滴比較岩我口味。食一隻唔夠，最後叫左4隻😍再者是Grilled Chicken Gizard,有用鹽燒過，味道岩岩好。燒到表皮有少少脆，咬口彈牙。配啤酒一流！燒雞翼$42雞翼有兩串，一人兩隻，我稍稍嫌佢健康得滯，個人想佢鹹啲就好了😭😂再者就係出面食唔到一樣味既Coedo beer Steamed Clans, 啤酒煮蜆。甜甜地，少少甘味。好有啤酒既味道，佢用左手工啤酒黎煮，兜蜆變到好清甜！最後上既係一款Asparagus with Sauce Sauce既蘆笋豚肉串外皮燒至金微焦，包住清新既蘆笋。比較清新。但我想佢可以比d鹽我點下就更好了總括而言，係一間環境好靚，好岩三五知己傾計嘅日式串燒店。如果你係啤酒迷又鍾意串燒，Coedo喺香港應該都頭幾間最有feel嘅地方了。…Read More

今⽇老⾖豆中放假，所以就帶佢去試下我地都未試過既尼泊爾菜!餐廳位於中環蘇豪區既小巷入⾯，搭地鐵去到香港站再行⼤概10分鐘就到啦!環境 餐廳既老闆同侍應⽣都係尼泊爾人，裡⾯仲播住尼泊爾既⾳樂，真係好異國風情 啊!Nepal Mustang Beer ($48) 老豆話想飲啤酒，老闆就推薦佢點呢枝正宗Nepal造既⼿⼯啤。老⾖話酒味濃，亦都易入⼝。鐘意入啤酒既值得⼀試!MOHI LASSI ($55)我自⼰呢就唔飲酒，所以本來諗住要杯⽔算，但老闆就 強烈推薦我飲呢杯即打芒果乳酪。呢杯乳酪帶少少咸 味，但⼜幾得意幾好飲喎。 另外仲有奇異果同⼠多啤梨味可以揀。 MOMOCHA 廚師雲吞 ($78) 可選蒸或者炸、羊⾁或者雞⾁。我地就揀左⽺⾁口味， ⼀半蒸一半炸。羊肉餡好多好⾜足料，⽽且⾁味香濃⼜又唔太羶。我個⼈就比較鐘意炸既多啲。RASH 湯 我地點左各一碗蕃茄湯同蘑 菇湯。兩款湯既奶味都比較重，口味比較creamy。味道方⾯，蕃茄湯既茄味濃烈， 相對地蘑菇湯就較淡味。另外仲會跟⼀份薄餅，可以一 路飲湯一路食，兩種享受。 唔錯唔錯。MACHA RAJA JANAKPURI 秘製咖喱汁煮魚 ($148) 呢個咖哩汁既味道係我從未試過，有別於香港⼈食開既 咖哩。因為佢既蕃茄味比較 突出，唔辣，但就好開胃。 最驚喜既竟然係個⽶飯，呢 款米比平時食開既泰國⽶長身，食落⼝感幼滑滑，⼗分得 意。KUKHURA LALI GURASH 尼 泊爾烤雞 ($128) 可以揀雞胸或者雞脾⾁。老⾖鐘意食滑身d既肉質，所以揀左雞脾。烤雞用鐵板上， 去哂骨，旁邊有洋蔥、紅 椒、⻘做配菜。即叫即 整，所以熱辣辣上台。雞既外層烤得好香，但入⾯依然 幼滑滑多汁。個⼈認為好適合 香港人既⼝味。總結 餐廳環境舒適，適合情侶黎撐台腳。食物味道亦唔錯。係openrice訂位仲有7折!如果食嫌左 中⽇韓台，想搞搞新意思既，絕對推薦黎黎⼀試!…Read More