buzz wai's Profile

幾年前係中環舊舖，食過之後一試難忘，之後一年疫情開始餐廳休業。由於對佢念念不忘，加咗佢社交平台 ，到今年年頭終於等到佢重開。味道不變，店員熱情不變，只是地址變了。食物價錢合理，我哋兩個人大約食咗六百蚊，兩個主菜（Lamb Tagine Veggie Couscous Cous)，一個小食 (Moroccan Cigars)，兩杯飲品(Mojito)，重點係非常好食，如果未試過，真係值得一試👍🏽👍🏽👍🏽…Read More

今日專登去灣仔試呢間餐廳，去到門口覺得裝修好靚，但坐低後發現座位之間好逼，坐得好辛苦，同隔離枱超級近，望落可能以為我地係一枱！坐低後，因為我地有兩個背囊，兩件外套，由於我地坐緊牆邊，剛好有一個位可以放到一張椅子，就問職員可唔可以比張椅子我地放低背囊同外套，點知佢話唔可以，其實到而家我都好唔明白，明明有位，而且係牆邊！亦冇阻住出入口，咁少嘅要求都可以冇原因地拒絕！我叫左一個和牛粉，份量少得可憐！仲要咁貴，牛貴Ok，粉都俾多少少啦！食完個河粉，其實個職員已經來回好多次，想收走我啲碗，佢第一次行過嚟收碗，我話個湯要，因為我要點魚皮食！但佢仍然不停望住我地，當食完最後一塊魚皮，即刻收走我啲碗，剩返幾啖嘅蟹肉炒飯，佢想收埋！我Stop左佢！人哋根本就未食完，我明白要做生意，但係咁嘅價錢，我地唔係食緊快餐！就連最後想飲啖水，都係一邊着住件外套，一邊飲！職員話知你，繼續收碗碟！以後都唔會再幫襯！…Read More

為慶祝聖誕節，所以決定食餐好，呢間餐廳都係我收藏名單之一，今日終於有機會試到，而且仲有我最鍾意嘅泰式奶茶，味道剛剛好，唔會太甜，仲叫左個芝士，賣相好靚，初時都怕好鹹，點知味道啱啱好，如果芝士味可以再重D，會更好，但係呢個菜式好特別，帶子沙律都好新鮮，特別係佢嗰陳醋好好味，主菜龍蝦意粉個意粉真係好彈牙，龍蝦好鮮味，好好味，最後叫埋個桃甜品，正！太完美！如果有機會一定會再幫襯，可以試埋佢其他菜式，而且係OpenRice訂位亦都好方便。…Read More

今日係朋友介紹下，去九龍灣試新餐廳，我地開左枝酒，半打生蠔，龍蝦包，黑毛豬串，龍蝦pizza，生蠔真係好新鮮，海水味唔會好鹹，超肥味，抵讚！黑毛豬串勁好食，肉質煮得剛剛好，完全唔硬。至於成晚最好味，一定係龍蝦包配粗薯條，淡淡龍蝦肉，一咬爆晒出黎，而且我比較鍾意食粗薯條，真係超回味。如果咁樣質素嘅食物，係旺區應該會好貴，但呢度價錢中價，環境舒服，值得推薦，另外，侍應的服務很好，好有禮貌，有機會一定會再試其他菜式！…Read More

因為喺炮台山返工關係，基本上每朝返工都會去食早餐，所以其實都試過好多唔同餐廳嘅早餐，最後同事介紹我去呢間四寶，果然好味！最鍾意佢外賣會將麵同湯分開裝，返到公司都唔會淋晒，太細心。而家已經變左我每朝返工指定嘅早餐餐廳！另外，如果細心留意，其實佢地啲夥計好有善，我諗好難茶餐廳會有人情味，但係呢度我見到有，真心希望可以維持水準，保持食物質素，唔好食食下又變難食。今日堂食食左一個叉燒蛋飯，wow！好正！如果可以多啲蔥同豉油就更好！我今日都忍唔住同個侍應講，啲嘢食真係好好味。…Read More

今日一行七人到炒得起晚飯。侍應好有禮貌，幫我地安排位置（因為我哋有BB車），又會主動幫我地斟茶。首先我哋食左佢哋推介嘅黃金豆腐，外脆內滑，仲有好香嘅鹹蛋。之後我哋叫咗吊針雞，師公骨，豆豉鯪魚油麥菜，整體好滿意，可能平日晚上唔太多人，初時以為中伏，好彩好好味，而且價錢唔算太貴，吊針雞真係好好味，豆腐亦好滑，唯一就係菜炒得比較鹹，送飯食都可以接受，希望下次一樣Keep到水準，有機會都會再去食同推介朋友。…Read More

見到雜誌介紹乳豬餐廳，當然要同老婆即刻黎試下，仲用左一蚊優惠卷，好抵，餐廳每晚七點都會係客人面前切乳豬，真係聽到聲都覺得個皮好脆，食落當然好好味，最後仲忍唔住俾錢要多件，哈哈！其他食物都好好味，特別係雜腸，好味，除左欣賞佢嘅食物，侍應又訂枱到現場，服務都好好，好有禮貌。而且餐廳環境都好有氣氛，我諗最唔好應該係叫左一杯朱古力，真係一D朱古力味都冇，好難飲，但食物同服務真係好OK，日後有機會都會再黎！…Read More

今日同老婆試新餐廳，原來地方唔算好大，好彩有訂位。坐低叫左個生燒海花螺同醉雞卷，嘩！個花螺好有驚喜，好好味，唔洗點醬已經好夠味同新鮮，醉雞就普通，如果酒味濃啲會更好，最後我地叫左個奶油蝦，冰菜同滷肉飯，奶油蝦真係好香好好味，啲洋蔥配料都俾我地食晒，冰菜一樣好味，我諗成餐飯最唔好食應該係滷肉飯，因為啲肉偏瘦，冇咩口感，同埋真係冇咩汁，另外，服務都幾好幾有禮貌，日後有機會都會再去，因為仲有其他野想食，哈哈！:)…Read More

見到食評唔錯，就諗住去試下，我叫左水牛芝士火腿Pizza，都幾好食，不過食得多有d鹹，侍應話餐湯係西蘭花湯，但我好清楚飲到西芹味，因為我本身唔鍾意食西芹，所以都唔太鍾意飲呢個湯，其實西芹唔係人人飲，如果只有一個湯，冇得揀，希望用d大眾化口味ge材料。另外，炸魚薯條好失望，真係幾難食，其中有部份薯條係未熟，食落去感覺到個薯仔係生，不過算啦，得幾條費是又換，但個魚真係可以用難食黎形容，完全冇味，炸醬裡面都好散同好水。最後，我感覺唔到餐廳有幾好服務，亦冇任何笑容，總知有一種感覺令你覺得唔敢叫佢做野既感覺。不過都應該不會再幫襯！…Read More

見到網上介紹，諗住去食晚餐，先坐低叫炸魚薯條，侍應話冇，再叫pizza都冇，唔順氣再叫意粉，當然都係冇，我問其實有咩係有？侍應話好多野都冇，Ok⋯答完等如冇答過，我都係唔知有咩可以叫，最後叫梳乎厘，結果一樣，最後拎袋走人。…Read More

今日食早餐，坐低諗住叫嘢食，揮左好耐手都冇一個伙記理我，終於有個女伙記望到我，但佢依然繼續掛住整水吧既野，仲要一路同D廚房佬傾計，都完全唔幫我落單！最後佢終於黑口黑面走過黎落單！呢個人服務態度真係超級差！不知所謂！炒蛋份量細得好可憐，應該係一口炒蛋，份量只有半隻！…Read More

睇到雜誌介紹，又係公司附近，決定去試一試，店舖裝修幾有特色。今日食左粗麵+沙律丸(好好味)、魚蛋、酸齋、溏心蛋。沙律丸真係好好味，魚蛋同酸齋一般，溏心蛋唔夠味，如果要食去日本拉麵地方食好D。「最重要係份量真係太小」！！…Read More

今日女朋友同我慶祝生日，我地最後揀左e間餐廳，雖然有啲遠，但好味，我地仲食到好飽。1.薏米水幾好飲，仲可以自己落糖水，唔會太甜。2.檳城炒貴刁，有點辣，但好味。3.串燒可以雙拼，最重要個沙嗲醬太好味，仲食到粒粒碎花生。4.蝦麵好食，湯唔會太油。…Read More