cchoi28's Profile

今年终於開開心心同老公慶祝我嘅big day ，老公一早已經book左呢間西班牙餐廳，知道我喜歡西班牙菜。餐廳位於中環旺點，入到去感覺好舒服，面積好大分開2層，加上位於20層高，落地玻璃窗，光線充足，開揚，因為要求近窗邊位，望出窗外，環境令人心情開朗，到了夜晚，欣賞到街上及樓宇的燈光夜色，更令人十分陶醉。餐廳7點前happy hour ，梗係要杯飲品同埋我最喜愛嘅tapas enjoy 下先老公話佢杯啤酒好好飲🍻我杯Sangria Red同樣都好好飲🍷叫左兩款小食Air bag Foie Misuit買相好精緻，外面卜卜脆，裡面係用鵝肝醬加無花果混合而成，味道非常出色。Bikini Toasties Ham and cheese 呢個好有驚喜，估唔到一件火腿芝士多士加入玫瑰花香希臘蜜糖漿令到成件事唔同晒，好好味。Caesar SaladSalad份量足夠2人食Seafood Paella 呢個每次食西班牙菜必選，老公知道我喜愛海鮮，加多半隻龍蝦，令成個西班牙海鲜飯更加豐富，鲜蝦，蜆肉同青口鮮味渗入啲飯度，味道更香濃鲜甜，食到我lam lam脷。壓軸好戲梗係老公為我送上嘅birthday dessert 啦🎉🎂Mille Feuille with white chocolate Chocolate Lava cake 兩個甜品同樣好味，唔係好甜到溜，甜度適中，呍呢拿忌廉味道香濃，雪糕入口嫩滑，食完都唔會太膩太飽。好滿足同老公慶祝左咁開心嘅生日飯🎂♥️，最值得讚賞係餐廳全部有禮及細心嘅員工。更加渦心嘅係餐廳會為生日，結婚週年或任何紀念日影番幅即影即有相片作為留念，真係好貼心啊！💕💕💕…Read More

朋友約行街聚舊，大家约喺新世紀廣場見面聚會，食完一輪，行完一輪，路經呢間甜品店，甜品控又發作，一於入去食碗甜品再吹下水。呢間主打台灣芋㘣甜品，亦都係我至愛，梗係要叫番碗芋圓糖水啦，擺上台見到每碗都五顏六色又大碗，又吸晴，急不及待打下卡就拿拿食啦。個人覺得杏仁布甸二號最好味，杏仁布甸味濃，又幼滑，芋圓有咬感彈牙。朋友們果碗都唔錯，話地瓜好甜，整體大家都食得滿意，又多個地方吹吹水，不錯呀！…Read More

老公話好耐冇食墨西哥野，朋友介紹呢間墨西哥酒吧餐廳話食物都唔錯，坐落於尖沙咀旺區，一於去試下。經openrice 訂位，食物有9折，餐廳都幾大，佈置都唔錯，環境都舒服，當晚夜左book位，所以坐個位置同隔離枱太迫，枱與㭘之間只是一塊膠板隔住，傾計有點拘謹，唔可以盡情暢談🤣🤣Buffalo Chicken Nachos紅色Nachos第一次食，顏色夠鮮艷，好吸睛😍😍 份量又足夠2人食，味道仲唔錯添，雞肉唔鞋口，好嫩滑，三種dipping sauce 都好好味，尤其是yogurt sauce, 味道好幼滑，乳洛味濃郁，好有natural 感覺。Bell Pepper & cheese Ques呢個都好食，芝士味濃郁，不過不失，不過略嫌份量少啲，只有4塊😝😝Garlic Mushroom 估唔到小食都有驚喜，食得出用牛油去炒，好有牛油香味，磨菇好爽脆，應該係先炸左然後再炒，好香口，好食。…Read More

朋友推薦我呢間餐廳多時，終於有空閒時間约友人去tea下。餐廳環境開揚舒服，座位寬闊，平日下午時段坐得舒服。諗住同友人嘆返個下午茶，點知原來呢間餐廳冇下午茶供應，但係 lunch set menu 就至到3點鐘，於是叫左一個 lunch set 同一個pancake大家share 試下。Lunch set 好豐富，包括沙律或餐湯，一杯飲品，再加半份waffle 紐西蘭肉眼椰菜黎麥沙律肉眼都唔求其大塊，好有炭燒味，又晤un，好食，沙律菜份量都多。Pancake 有3大塊，煙un好食，生果又多。Waffle 不愧為呢間餐廳signature dish ，唔太乾同硬，厚度適中，外面鬆脆，入口柔軟，甜度適中，好味呀！！！同友人食下，倾下，過左個開心下午。下次一定再食Waffle …Read More

The LOHAS 好多間食店都未試過，老公話去下啦唔好食咪一次out囉，，點知真係惡夢開始。呢間日本店望落去企理好似好高級咁，環境都算舒適，諗住都唔會好差掛。我哋各自叫左一個 Dinner set我嗰個係滑蛋安格斯牛肉定食老公叫嘅係壽喜燒豚肉定食上枱已經知道中伏，滑蛋唔喺滑蛋，好似煎蛋咁，抄晒成碗飯得三片薄到好似纸咁薄又细塊嘅安格斯牛肉，成晚係度硬食白飯，仲係一啲醬汁都冇。老公個壽喜燒豚肉定食啲肉多啲，好過我果個，但係老公話完全唔係壽喜燒果種味道。呢間餐廳除咗裝修環境值得一讚之外，其他都不願置評。 …Read More

呢間餐廳係半露天開放式設計，望落去好舒服，一於同老公試下。Capriciosa Pizza一上枱見到咁大個好驚訝，原來呢間餐廳PIZZA 喺14寸，價錢都唔貴，好抵食呀。見到賣相都知道好食，芝士味濃郁， pizza 底厚薄適中，好有咬感，辣肉腸食落口新鮮，整體味道好正宗。Angus Steak with fries 估唔到份量好大，牛扒好多，我地叫左牛扒係medium rare， 真係冇過熟，啱啱好，牛扒質素好高，好juicy，一啲都唔鞋，好有炭燒味第二次到訪試下其他menuChicken Caesar SaladSalad 同樣份量夠2人食，雞肉都多，口感唔太乾，味道唔錯。雞翼都炸得好香脆，美味Seafood Linguine茄汁味濃郁，酸酸甜甜，Linguine 硬度適中，al dente 整體對呢2餐好滿意，坐得舒服，又可以欣賞咁正嘅將軍澳南大橋，一樂也。…Read More

又到聖誕啦！每逢聖誕佳節一定去Landmark感受聖誕氣氛，順便喺呢間cafe 享受high tea 咁開心，梗係要個Christmas afternoon tea set 應一應節啦😘😘Tea set 有7種咸點，6種甜點加一杯飲品好吸睛呀！🤩🤩食品五顏六色充滿聖誕氣氛，整體上每一樣食物都好味滿意，尤其是咸點更為出色個人覺得味道特別突出嘅係鮑魚燒買，鮑魚好有鮮味，燒賣肉味濃，肉質彈牙另外shrimp cocktail 都值得一讚，蝦好新鮮，清甜美味至於甜點，個人喜愛法式焦糖燉蛋，賣相好有聖誕氣氛，見到都開心，味道細緻幼滑，甜度適中。提早享受左到一個開心滿滿的下午茶。…Read More

喺尖沙咀開完會工作完畢，好鬼肚餓，啱啱喺k11附近就急急腳走去醫肚先。入到呢間cafe ，見到環境都晤錯，平日時間4點左右，見到得3，4張枱有客人，人少少會坐得舒服啲，點知個waitress 帶我去到一張左右都有人坐嘅中間枱，我話： 近窗口枱完全冇人坐我可以坐嗎？她說： 全部枱有人book左啦，我心想weekday 4點零鐘會大把人黎食🤔🤔，好！我就忍你，坐底叫野食先。先講食物明太子忌廉汁煙肉意粉賣相都ok，份量都唔係太少，至於味道，覺得鹹咗啲，煙肉本身係鹹嘅，厨師落鹽可能重手左。忌廉汁味道唔錯，酱汁厚身唔稀+$15有塊小麥包，沙律同一杯麥茶，算抵用左一個鐘左右食完呢餐，窗口一排枱依然一個客人都冇😡😡哩間餐廳管理方式咁奇怪，有位都唔俾客人坐，令我卻步，冇下次啦。☹️☹️…Read More

呢排工作好忙碌，成個人跌哂watt，要拿拿林去食個甜品補充體力。Dazzling Cafe 係我至愛cafe 其中之一，疫情後第一次去品嚐，鍾意呢間餐廳係貪佢坐得舒服同鍾意佢張兔仔🐰🐰椅子，好可愛。😘😘玫瑰花茶茶味香濃，陣陣玫瑰花味令人舒服京都宇治抹茶紅豆鬆餅捧到上台已經😍😍眼流晒口水🤤🤤即刻要影番幅相呃like 先抹茶雪糕入口香濃，幼滑，抹茶味豐富鬆餅香脆，又唔會太乾太硬唯獨是中間果一塊macaron個人覺得好甜，不過有杯玫瑰花茶中和番甜味食完之後覺得成個人充滿體力，又要繼續努力工作啦…Read More

購物完，行到攰攰地，揾間餐廳坐低tea 下先。間餐廳新開，望下環境好似唔錯，坐位寬闊，就入去試下啦。點左個afternoon tea set 焗肉醬意粉賣相都唔錯，份量好驚喜，諗住下午茶餐份量都唔會多啦，點知份量同晚餐比較都係差唔多，味道都ok呀，正正常常，意粉彈牙，唔會過淋。熱檸茶係茶包茶加檸檬，鍾意濃茶嘅人可能覺得佢唔夠濃，而且仲係細杯左少少。值得一讚係服務態度意粉上枱時，服務員好細心叫我小心熱，因住辣倒，又自動自覺不停斟暖水給客人。呢餐都滿意，行開康怡吉之島會再去。…Read More

呢間法國餐廳食過無數次，次次都冇失手令人滿意。今次原本要個蟹肉辣肉腸意粉， 話冇蟹肉改左軟殼蟹，冇問題，軟殼蟹我都中意食嘅。軟殼蟹都好大隻，炸得好香軟鬆脆，好味，醬汁用辣肉腸同青紅椒炒香，混合亞洲風味，酸酸甜甜，少少辣，好開胃，十分惹味。來到法國餐廳梗係要一個法國甜品做結尾啦Coconut Creme Brulee賣相已經相當吸引，未食都已經覺得好味，一食果然冇睇錯，味道好幼滑細緻，食到啖啖椰子清香，唔會死甜，亦唔會太滯。餐餐都好味，食得開心，希望keep 住落去唔好退步啦…Read More

呢間店招牌係日式梳乎厘，但今次試下pancake 因為唔喺太肚餓。 叫左個Tea SetSmoked Salmon and Avocado Pancake Earl Grey TeaPancake 買相還可以，份量都ok嘅，女士們應該足夠。牛油果同三文魚味道就一般，唔係太突出鲜味。但估唔到tea set都可以有一壺茶比你，一啲都唔孤寒 食過呢間店嘅日式梳乎厘，今次食pancake 比較遜色左少少，下次都係食番Souffle，…Read More

夏天烈日當空，係時候出外走走曬下太陽，行到身水身汗要搵間cafe坐坐消暑一下。呢間日式文青咖啡店佈置簡約，以淺啡木為主，感覺舒適，還有日式塌塌米坐位以供客人滿足思鄉之苦😆😆剛剛係tea time時間，點了一個afternoon tea set西柚冰茶白玉焙茶戚風蛋糕西柚冰茶好飲，唔太酸，又有茶味，好清新，大熱天時飲返杯冰凍飲品即刻涼爽晒。蛋糕賣相好靚，頂上果啲白玉係日本團子，食落煙煙un un，好有口感，焙茶cream好幼滑，香濃有茶味，整體蛋糕唔太甜，甜度適中，好味呀。下次會再試埋其他甜品…Read More

好友剛剛搬咗去太古城，又好耐冇見契仔啦，相約一齊去太古城食飯見面。 朋友話商場有間韓式新派Cafe 環境唔錯，又可以坐得耐少少， 畀我哋慢慢傾慢慢講。 入到餐廳裏面，感覺好舒服好開揚， 開放式 玻璃天花屋頂， 又有五彩顏色花花做佈置裝飾， 令人開心。我哋點咗幾樣嘢 ，大家一齊開心share燉牛肋骨蛋包飯燉牛肋骨配飯牛肋骨份量都好多好大嚿，炆得好鬆軟好淋， 最鍾意韓國醬汁甜甜地， 好好味 ， 要嚟撈飯食最正。無骨炸雞半份雞肉外脆內嫩，唔會太乾身， 味道又唔會太鹹， 細細嚿容易食。燒醬油黑毛豬白切肉配大醬生菜一向都唔太鍾意食豬肉，覺得一陣豬味， 不過呢個黑毛豬切到好薄片又唔會太勁豬肉騷味， 將生菜包住黑毛豬肉片，塗上燒醬嚟食，唔會太膩。芝士泡菜紫菜包飯呢個好好食呀，勁多芝士鋪滿落啲包飯度，鍾意食芝士嘅人一定鐘意， 又有泡菜少少辣味， 更加惹味。 呢餐大家傾得好爽，相約下次再嚟食。…Read More

餐廳佈置充滿歐陸風情， 以藍白色為主 ，令人舒服 ， 分別有室內同半露天座位 ，座位之間寬闊，沒有壓迫感。 呢間餐廳主打pizza， 當然要試試啦， 我哋仲點咗另外signature dish Crispy Pork Knuckle 。 Italian Sausage 15"淨係見到個賣相已經知道好食啦， 濃濃芝士味香噴噴， pizza 底係薄底， 咬落去好crispy ， 番茄酸酸甜甜， 意大利腸又有肉味， 新鮮，好有意大利南部口味呀Crispy Pork Knuckle （2人份量）份量真係多， 夠曬二人份量， 豬手外皮鬆脆， 咬落去啲肉唔會太乾， 仲好tender ， 肉質質素好靚， 點入芥末籽忌廉汁一齊食，更加好味， 值得一讚。 Asahi Draught 老公話好好飲， 好清醇，佢話飲過好多間餐廳，呢間餐廳係最好飲。 我杯Somersby Apple Cider 都好飲呀，蘋果味香濃，加入少少薄荷葉同青檸，味道清新，鮮甜開胃。整體呢一餐好滿意，食得開心 ，滿分…Read More