tmy.sora的個人專頁

以前買開有幾個男仔都正正常常，依家次次去都係成班女職員黑口黑面。唔會開口問你要啲咩。平時多數用外賣平台落咗單去拎，之前見佢關咗個外賣平台唔接單，以為好多人，去到一個客都冇，成班係度吹水。有次就去到拎佢話未整好，但佢整好咗又唔叫number,我就係度企到啲人都走曬主動問佢先知佢整好咗。之前都見過有其他客鬧佢地態度差。今日買珍珠鮮奶綠又比錯珍珠鮮奶茶，個茶底仲好似溝左水勁難飲。之前都試過幾次比錯野/比少咗料。…查看更多

同朋友一齊食叫左個二人餐，跟左個菇湯，又唔俾碗同匙羹，想問啲職員拎又愛理不理咁。終於問到佢地拎個碗，個碗又勁污糟。咁主食我揀左三文魚茶漬飯，不過不失。朋友叫左個玉龍果鱸魚柳，好耐冇食過啲咁難食既野。佢表面既醬汁極酸極攻鼻，過咗之後啲魚腥味出曬嚟，差啲嘔。另外叫左個紅豆薏米水，點知係勁重薑味，好難飲🫠最後朋友唯有補叫多兩個小食，個職員又聽唔明咁又話唔可以加，最後有個男職員幫手先搞掂。甜品雪糕味道係最好。…查看更多

同事介紹這間牛舌很出色便走去試試，非常失望。整個餐有前菜有沙律有湯是挺好的，不過湯的味道有點淡，然後飯不是粒粒分明的，有點太黏太爛了。然後我對牛舌非常非常失望。不是想像中爽口的牛舌，而是非常稔和有陣羶味，似是茶餐廳牛俐。餐廳主打是牛舌，但質素如此令人非常失望…查看更多

同同事係附近跑完步諗住求奇食啲野，呢間真係又貴又難食，呢個韓式燒肉拼盤要$298冇嘢飲冇飯，仲要收加一，但完全冇服務水又要自己拎。啲肉勁難食，全部都又鞋又乾冇調味，完全冇味。個五花腩又又柴又硬，牛仔骨完全冇牛味，唔知食緊乜。得個肥牛勉強擺得入口，夾埋生菜加泡菜先有少少味。然後個鐵板都唔熱，啲嘢勁快就凍左。成個餐得個生菜最好食。因為太難食，食唔曬就走左。非常之差。本身仲想叫個甜品試吓，咁難食都係算。…查看更多

之前都有食過火雞姐但已經執左，同事話搬左入黎呢度有得食。本身好想叫牛柏葉同煎饟三寶，但都售罄冇得叫，最後叫左四餸車仔麵，蘿蔔山根溏心蛋同腐皮蝦卷，個蝦卷偏硬麻麻地，蘿蔔好甜冇渣正，然後汁方面係叫左沙嗲同腩汁，個沙嗲汁勁出色勁香勁濃超超超好食，個山根索曬啲汁超正，忍唔住係咁飲個湯，濃得黎又唔會話咸得濟佢個份量都多又大碗，唔會叫得多餸又比得好少份量你咁。本身叫四餸米線就$58，加杯凍奶茶加$8，一共$66，好食。…查看更多

叫左個午餐係焗蘋果唔知咩牛柳粒配意粉，等左比較耐先上菜，不過係焗既都明。但係一撩開個意粉就見到條頭髮，即刻冇曬胃口唔想食。但係好肚餓都唔想再等過所以照食算，食落佢個汁又冇蘋果味又冇酸或者甜既感覺，聞落少少焦味但食落又冇，食唔出係咩汁黎，而牛柳粒就唔差既唔會好un都ok.比啲芝士同汁都夠多。另外佢個中湯就幾好飲，有少少雪耳，但係個熱奶茶就唔夠熱，幾好飲都冇用。之前黎呢度食過啲衛生都係麻麻地，今次又係咁…查看更多

同朋友行街行到肚餓，帶我過黎食下午茶，話呢間燒春雞好好食好出名。黎到樓下發現8、9年前係附近返工都有食過呢間餐廳😂入到去見好多人都食燒春雞，我同朋友都唔例外，我就配意粉加凍檸茶。出餐都非常快，好快就有得食餐廳有提供膠手套，隻雞熱到辣手😂另外又比左甜辣醬同淮鹽黎點，所以唔會好易食到厭。隻雞熱辣辣又嫩又多汁，配埋個意粉勁飽，晚餐都唔洗食😂埋單$98，下午茶黎講唔平，但有半隻雞又有意粉，所以食到好滿足好滿意🤣…查看更多

Lunch時間去大約等左15分鐘先有位，衛生環境一般般，枱又抹唔乾。雖然呢度出名陳皮燒鵝，但唔係度度都有乳豬可以叫，所以最後叫左個乳豬燻蹄瀨粉，加凍奶茶。佢個燻蹄幾好食份量算多，唔會切到超薄冇曬口感。乳豬都脆皮而且肥瘦適中既，但就份量相對較少，同埋搭左件頭頭尾尾唔好食既，實際份量少左啲。加埋凍飲一共$81，普普通通有啲唔值咁，純粹係想食下乳豬就會去。最後臨走聽到隔離食客問呀姐拎個碗仔，呀姐就比左隻碟佢，少少搞笑…查看更多

Lunch同同事黎到，唔洗等位直接入。叫左老壇酸菜魚米線加凍檸茶。個湯底好好味，少辣對我黎講都幾辣要係咁飲野。不過我同事就覺得唔夠喉話下次要叫中辣/大辣。佢個魚既份量好足，酸菜都多，叫米線都係正正常常冇乜特別。$67黎講我覺得幾抵食…查看更多

今日lunch同同事去左eastcore既翟道翟食，我地7個人所以都等左10分鐘左右先有位。之前都有食過呢度既炒河好夠獲氣幾好食。今次就叫左個船湯粉絲配豬肉丸同燒鹹肉，再加杯凍既泰式奶茶。呢間上菜速度都算快，個湯底都好濃配粉絲好夠味，燒鹹肉半肥瘦好好食，豬肉丸好似唔係好夠熱咁，我同事既炸豬皮勁多豬毛搞到我都唔敢食，而蘿蔔就冇味都係唔好食。而杯泰式奶茶都香既，但略嫌甜左少少。咁樣埋單$75，整體感覺唔值。…查看更多

朋友Book左呢間話有任食薯條約我食一入門口cashier個女侍應就態度麻麻, 坐落都算乾淨舒服同朋友都一樣叫左5成熟既安格斯肋眼扒正正常常肉味都濃有少少筋同脂肪,有90分鐘任食薯條,係幼薯條黎都好脆係幾好食既夠曬熱,$190仲包左個汽水另外叫左個小食-鹽燒牛舌(厚切)就唔得啦,完全係茶記牛俐質素,唔值$60咁貴本身仲想叫tiramisu試,但話冇貨:(男侍應服務態度對比門口個女侍應係非常之好,過黎執野仲主動問我地仲要唔要添薯條整體黎講係OK好食既,埋單$220都唔平,最推薦係個薯條:)…查看更多

今日lunch同同事黎到裕民坊附近既花園餐廳食Lunch time都非常之多人黎食，不過餐廳都幾大間，我地等左一陣好快就可以入座一坐低侍應就幫我地落左餐湯先，非常快手轉個頭就送餐湯同包黎之後同事叫左個豬手飯，佢唔係脆皮個隻豬手但睇落都好大件好吸引.而我就叫左鐵板肉眼扒，等左應該有半個鐘先上菜，侍應姐姐話唔夠鐵板叫左7成熟，非常好冇過熟，蒜蓉汁都好難唔好食，肉質都ok唔會好韌又冇鬆肉粉味$80食都呢個質素好滿意…查看更多