VikkiYim's Profile

之前聽人講呢間野好難食，但我有時經過都見到有唔少人，咁啱今日又諗唔到想食咩，所以唔信邪就入左去試下，點知真係中左大伏。😂本身諗住叫個正正常常嘅紅燒麵配鹽酥雞扒應該都唔會伏得去邊。點知個麵一上到已經心知不妙，個湯一睇都知唔係咩紅燒，而係勁大一浸化學嘅辣油味。食落個湯底應該係由水加鹽加辣油組成，呢個組合真係衝擊我味蕾。😂 唔係紅燒都算，講真求奇買個幾蚊嘅康師傅杯麵，個湯底仲有誠意同有層次過佢。由於個湯底真係唔係一般嘅難食，所以個麵食左1/3已經食唔到落去。個鹽酥雞扒雖然冇咩味同得幾舊之外，對比個麵黎講都尚算正常😂。要比六十幾蚊食呢個餐真係懷疑人生，希望大家唔好身試伏。…Read More

.📍小島料理| 𝑻𝒂𝒊 𝑲𝒐𝒌 𝑻𝒔𝒖𝒊呢間日式小店已經想試咗好耐，但因為佢哋啲牛丼星期六成日一點幾就賣曬，而佢星期日又唔開，所以真係要好有緣份先食到！呢幾日落大雨都好神心咁行去大角咀終於比我食到🥹！.當日試咗最多人推介嘅慢煮牛板腱牛丼並盛($95)，並盛都有成十幾塊牛肉好足料👅 睇相都知每塊牛肉都煮得啱啱好，肉質好嫩又鎖得住肉汁。配埋佢個乳酪醬食落好清新，估唔到又同啲牛肉咁夾，令個牛丼去左另一個層次🤤🫶🏻。食埋個芝士撻($16)就非常滿足！.宜家用Openrice Pay 比錢仲可以買九折卷，折完人均一百蚊都唔洗性價比真係極高，係非常高質嘅牛丼，完全理解點解平時咁早賣曬🥹🫶🏻。…Read More

.📍頭啖湯 | 𝑻𝒊𝒏 𝑯𝒂𝒖本身好鍾意食椰子雞但係香港好食嘅真係唔多！🌴🥥 呢間係天后嘅椰子雞火鍋店食材新鮮又唔算太貴，絕對值得推介👅。.兩個人嗌半隻椰子雞已經夠，只係百幾蚊都幾抵食！🐣雞煲入面已經有木耳同竹笙，椰子雞湯非常清甜飲到唔停口🤣。而且加湯仲要係加雞湯，唔洗驚會變淡！餐廳每日都會有唔同嘅海鮮推介，四點幾可以係whatsapp預先落單。店員仲解釋話餐廳係即日去攞貨，所以絕對新鮮😆。當日預訂左泰國花甲皇($98)，冇諗過上到枱仲識得郁嘅真係好新鮮，而且好大隻食落啖啖肉，味道清甜帶點海水味。台山桶蠔半打已經有五大隻，用嚟打邊爐啱曬。另外要推薦埋個安格斯牛丸有好濃嘅牛肉味，真係真材實料。🐮一定要嗌埋佢地嘅招牌水果茶，超大杯仲有好多生果係入面，唔會太甜打邊爐好啱飲！🍊.要講下無論店長同店長都好熱情，會主動推薦有咩好食之餘又會周圍傾計，感覺好親切🤍。知道餐廳前排五週年，要繼續長做長有。🧏🏻‍♀️…Read More

星期五夜成間舖得幾枱客都嚇一嚇，心諗連鎖餐廳應該唔會伏得去邊點知就中左伏😅。全間餐廳明明唔係試業但Menu竟然得兩頁，食物選擇得好少，就連上海餐廳最基本嘅生煎包/ 上海小炒個啲都完全冇！Menu上有啲好奇怪嘅一人餐，竟然有平時茶餐廳魷魚肉餅/ 宮保雞丁等嘅中菜。兩個人嗌左個小籠包，煎餃子同魷魚肉餅飯。其實味道唔算難食但絕對唔係好食。不過聽友人講其他分店質素都好似冇咁差。仲奇怪係夜晚七點九店員行過黎話餐廳要Last Order (七點三入座) 要準備關門話可以比我地坐到八點半😂？埋單睇番要加每人$14茶錢同再加一，比左二百蚊真係唔知食左啲咩。真係唔怪得間野冇人食。大伏。…Read More

.📍 𝑳𝒊𝒃𝒆𝒓𝒕𝒚 𝑪𝒐𝒇𝒇𝒆𝒆 & 𝑾𝒊𝒏𝒆 | 𝒀𝒂𝒖 𝑴𝒂𝒊 𝑻𝒆𝒊成日去油尖旺但近排先發現油麻竟然有間兩層高嘅復古Cafe～ Dinner Menu 只係百幾蚊仲包埋湯同佢地招牌嘅迷你牛角包真係幾抵食！👅 不過食物份量唔算多，可能要嗌多幾款小食先夠飽。.佢地嘅牛角包整得幾酥脆，點落個忌廉湯度食會似酥皮湯嘅口感食落意外地夾幾特別！主菜方面當日嗌咗龍蝦汁燒帶子海鮮Risotto ($198) 同酥炸生蠔明太子扁意粉 ($178)。Risotto 個龍蝦汁似落得太多忌廉味道比較淡食落冇咩味，食完個兩粒帶子之後就有啲寡😂。相比之下扁意粉嘅明太子汁調得幾濃郁，意粉都有掛汁，啲蠔炸得幾脆幾好食😛。最後要撈埋啲明太子汁去個Risotto度食😂。.跟餐+$18就可以轉Matcha Latte都幾抵！抹茶味夠濃唔會太奶。🍵加左個柚子芝士蛋糕 ($58)貌相幾靚食落幾清新唔會濟，但以呢個價錢黎講就比較細件。整體黎講食物味道正常但冇咩驚喜，夜晚有Set都幾抵食不過就比較適合啲細食嘅人🧏🏻‍♀️。…Read More

.📍 𝑯𝒋𝒆𝒎 | 𝑺𝒉𝒆𝒖𝒏𝒈 𝑾𝒂𝒏呢間外牆以紅白色為主嘅北歐風Cafe每次路過都覺得好靚！入面嘅傢俬同暖色嘅裝修令人感覺好舒服，好似置身於北歐嘅屋企咁🥨！餐廳舖面好闊落，如果冇野做可以慢慢坐番成個晏就都冇問題！.因為趕住要番公司所以淨係嗌咗杯Iced Latte☕️($50)。雖然唔算大杯但一睇隻色都知咖啡味勁濃！平時飲咖啡最驚落得太多奶飲完得於冇飲，但呢杯一啖就已經提咗神，份量掌握得好好，暫時係上環最濃嘅咖啡😂。.除咗咖啡之外，見到餐廳仲有肉桂卷/ Waffle同其他輕食，下次有機會一定要試下👅。另外亦都要讚下啲staff好熱情，連買個Takeaway都好好服務！…Read More

.📍一緒一番酒場 | 𝑪𝒆𝒏𝒕𝒓𝒂𝒍成日以為係中環食日本野一定好貴，呢間位於Stanley 11 高層嘅日式料理非常有驚喜！🧚平日午市餐牌二百幾蚊到已經食到高質嘅午市定食真係好抵食～餐廳佈置好有居酒屋嘅感覺，座位係吧枱設計，有得一路望住師傅切魚生好有Feel 😆🎏。.當日嗌咗特上刺生丼定食($248)，已經包咗前菜、麵豉湯、茶蒸碗同煮物。前菜沙律用咗比較少見冰菜，食落好爽脆口感好特別！而煮物都非常有誠意竟然係咖喱牛舌粒，咖喱夠濃郁而牛舌粒煮得好淋好入味🥹🫶🏻。連定食嘅前菜都咁出色真係好令人驚喜！.刺生丼擺盤都有講究，魚生份量都幾多仲要每一樣都好新鮮！就連海膽都有一大舊，食得出好鮮甜一啲都唔會腥👅。唯一係個丼飯底有調過味，但食落冇咩特別。不過整體黎講二百蚊有呢個質素真係好驚喜！😌另外見到餐廳Lunch Time 仲有Omakase Menu，每人只係五百蚊下次有機會可以坐耐啲一定要試下🤍。…Read More

.📍一浪 | 𝑻𝒂𝒊 𝑲𝒐𝒌 𝑻𝒔𝒖𝒊周末想搵間休閑嘅Cafe慢慢食個Lunch，無意中搵到呢間位於大角咀嘅Pet-friendly 台式咖啡店諗住試吓，點知一試就令我之後成日嘅心情都變差🫠💔。.講食物之前一定要講下佢地極差嘅座位安排🙂。一入到去店員叫我地兩個人坐係張六人嘅大枱度，因為當時張枱另一邊已經有兩個人坐緊所以都算搭緊枱亦冇霸住佢啲位，然後坐低左幾分鐘之後就叫我地搬去兩人枱。當時以為得我地先係咁，不過係短短一個鐘內都目測有幾枱嘅客人都瘋狂被調位🤯。明白餐廳座位唔多，但其實客人比百幾蚊去Cafe都係想Chill吓但佢地嘅座位安排令人感覺好差，以為自己食緊茶記真係人生第一次去Cafe見到有咁嘅情況。如果真係為咗做多幾單生意嘅不如限定用餐時間比人嘅感覺唔會咁差。☹️.講番食物，分別嗌咗一咸一甜嘅總匯吐司同芋見麻糬肉鬆吐司。兩份吐司味道同份量都尚算正常，但以如果以價值七八十蚊一份嘅三文治黎講就確實冇咩驚喜。貪得意嗌咗杯Ginger Latte 但一上到枱就已經好多泡真係唔太合格。一飲落去仲嚇左嚇因為啲姜真係好鬼苦仲有啲拿喉… 但明明之前飲其他Cafe嘅Ginger Latte都好似冇呢個問題🙂。.最後食左二百六十幾蚊但零滿足感。因為餐廳比人嘅感覺太差而且啲位排得好密好迫吓，所以一個鐘急急腳食完就走左😢。只能夠講餐廳雖然係Pet-friendly但太不human-friendly。…Read More

.📍𝑷𝒂𝒊𝒏𝒕𝒂𝒃𝒍𝒆 𝑪𝒂𝒇𝒆 | 𝑺𝒉𝒆𝒖𝒏𝒈 𝑾𝒂𝒏繼續係上環尋找好食嘅Cafe～ 今次呢間係差館街嘅Cafe外觀純白色唔算太顯眼，但一入到去即卡比佢嘅户外位置吸引咗😆。户外位置有一大幅好可愛嘅壁畫，望住食野令人心情變好又啱曬打卡。 唯一係户外位置因為近餐廳後巷，後巷有啲垃圾所以周不時都有烏蠅飛過🥹。.食物係即叫即整所以都等左20分鐘先有野食。當日試咗青醬松子仁扁意粉，青醬夠濃郁，芝士碎落好多，而且意粉都幾大份一個人都食唔曬🍝。杯Hazelnut Latte咖啡味唔算太濃，不過要讚下個拉花幾有心機🫶🏻。…Read More

.📍 𝑳𝒊𝒃𝒓𝒂𝒓𝒚 𝑹𝒆𝒔𝒕𝒂𝒖𝒓𝒂𝒏𝒕 𝒂𝒏𝒅 𝑩𝒂𝒓 | 𝑻𝒔𝒊𝒎 𝑺𝒉𝒂 𝑻𝒔𝒖𝒊呢間對住清真寺嘅酒吧餐廳一直都見到好多人黎打卡，早左好幾個星期訂位，今次終於黎到朝聖🕍。當日下午四點半左右到達，一坐低員工就告知下午茶set同Menu上嘅小食五點就會Last Order，之後要等到六點先會Dinner Menu。Menu上嘅小食得幾款炸物，仲有幾款甜品嘅不過都係單點😂。唔想呆等到六點先有得叫野食，所以拿拿臨嗌左個Tea Set。.兩人Tea Set $468 價錢其實還好，不過Menu上話就話包Two Coffee or Tea，但其實限左係齋啡同熱情果茶。Tea Set 有鹹點同甜點，個人覺得佢鹹點嘅吞拿魚/ 蟹肉多士做得幾出色，細細份但係夠足料。反而甜品例如Macaroon同Scone就普普通通。兩個女仔平時唔算大食，但食完成個set都唔夠飽😂，以人均二百幾蚊黎講份量真係有啲少。.整體黎講呢間餐廳打過卡就夠，食物質素ok但完全唔夠飽😂。…Read More

.📍 友義氣酸菜魚| 𝑪𝒂𝒖𝒔𝒆𝒘𝒂𝒚 𝑩𝒂𝒚係銅鑼灣想食鑊氣小炒，咁啱搵到係金百利廣場竟然有間有得食酸菜魚同小炒嘅中菜館👅。電話訂座仲有八折優惠非常抵食～.當日兩個人嗌咗個標準Size嘅中辣酸菜魚，佢地用嘅係特選海鱸魚所以魚質食落好滑。🎣平時食譚仔十小辣覺得佢個中辣啱啱好，唯一係啲魚片唔算太入味，會有啲同湯底分開嘅感覺。配料唔算多，有大量金針茹、萵筍同幾條寬粉。.另外小炒方面嗌咗沙拉骨同避風塘茄子。沙拉骨酸酸甜甜，配埋啲沙律醬食落好夾幾開胃。避風塘茄子炒得幾香幾惹味，口感竟然會有啲似九肚魚好特別。.整體黎講雖然環境一般，不過以係銅鑼灣埋單四百幾蚊都幾抵食，個人覺得小炒比酸菜魚更出色。而且員工都好熱情，性價比幾高🫶🏻。…Read More

.📍𝑬 𝒇𝒐𝒓 𝑬𝑮𝑮 | 𝑻𝒂𝒊 𝑾𝒂𝒊平時好少機會入大圍，今次一場嚟到一定要試下呢間係Openrice居於大圍第一嘅人氣Cafe✨ Weekend下午兩點幾黎到都有大概十張枱等緊都幾誇張，不過因為餐廳限時60分鐘，所以等咗半個鐘左右就已經入到去～.Menu除咗有餐廳人氣嘅盒子吐司之外仲有其他日式定食同茶漬丼。🎏🎌當日嗌咗軟殼蟹魚籽沙律盒子吐司同期間限定嘅鹽酥雞鳳梨盒子吐司。雖然一上枱睇落去唔算大份，但入面幾足料都幾飽👅。軟殼蟹好大隻同個沙律醬食落好夾，配埋個烤到金黃色又外脆內軟嘅盒子吐司無論味道口感都好完美🦀。鹽酥雞同個菠蘿食落好清新，不過相比之下就軟殼蟹吐司就更加有融為一體嘅感覺。.甜品嗌左最多人推介焦糖雞蛋布甸吐司盒子，不過食落唔算特別有啲似嘉多娜嘅布甸包。😂好奇咁加左$10開心果醬不過唔太夾，咖啡就一般般。整體黎講食物都幾有水準都算抵食，係大圍附近可以一試。…Read More

.📍 𝑫𝒂𝒑𝒉𝒏𝒆 | 𝑺𝒉𝒆𝒌 𝑶平日番工咁辛苦，Weekend去遠少少黎個Getaway 絕對可以令自己身心放鬆下。✨ 係Openrice見到石澳嘅餐廳選擇並唔多，所以好隨便咁Book左一間西餐廳食個Lunch，點知無論環境同食物都好驚喜👅。.餐廳空間好大而且座位排得幾疏，兩點幾黎到得幾枱客，可以靜靜地傾計坐得好舒服😆。兩個人食嗌左佢地出名嘅手工Salmon Pizza 同Seafood Linquine 🦞。一定要讚下佢個炭燒Pizza餅底做得非常出色，厚薄適中而且食落好香好脆！Pizza上面嘅三文魚大大塊，配埋啲蕃茄同芝士醬食，每樣材料都match得好好，絕對係我近排食過最好食嘅Pizza🍕。海鮮意粉除咗Menu上面寫嘅墨汁仲有得揀龍蝦汁，咁就唔洗驚食到啲牙黑曬～ 佢地嘅龍蝦汁好濃，意粉掛曬汁好入味。不過成碟意粉得一隻大蝦，如果海鮮多啲就更好👅。.相比之下飲品就比較一般，叫左杯Iced Mocha味道有啲但甜冇咩咖啡味。整體黎講食物好有水準實在有驚喜，而且環境坐得舒服夠曬Chill，如果去石澳玩可以一試😆。…Read More

.🔖 利是豐 | 𝑾𝒂𝒏 𝑪𝒉𝒂𝒊之前見到灣仔有間行懷舊風嘅港式Cafe好似幾特別咁，所以bookmark左一排終於有機會黎試下🧧。餐廳外嘅裝修個種懷舊嘅綠色佈置得好靚，但一入到去啲位排得好迫坐得唔太舒服。雖然係港式Cafe，但感覺上仲迫過茶餐廳🙂。.Lunch Menu上嘅選擇唔算多，嗌咗個最大路嘅$96安格斯牛肉漢堡。漢堡唔算大份但味道正常，薯條都偏少得幾條。因為唔包飲品所以加錢半價叫咗杯好似幾特別嘅肉桂咖啡。咖啡味道比較淡，好似淨係灑左啲肉桂粉係上面整體唔太夾😂。.成個Lunch食左around $120但質素、份量同環境都唔成正比，呢個價錢有更多Cafe嘅選擇👌🏻。朋友嗌左佢個白咖喱豬扒飯望落去好頹好似話好難食希望大家唔好去試伏😀。…Read More

.📍華樂冰室 | 𝑺𝒉𝒆𝒖𝒏𝒈 𝑾𝒂𝒏平日想平平地食個Lunch又唔想太頹，搵間充滿懷舊風嘅冰室嘆下奶茶絕對係一個唔錯嘅選擇🤤。上環嘅茶餐廳選擇都算多，但夠特別又抵食嘅暫時最推介呢一間！餐廳比較細所以坐得有啲迫，Lunch Time時間成日大排長龍，所以唔想等位就早少少黎。.食左兩次都係嗌左佢個雞扒乾炒意粉餐，唔食雞扒仲可以揀牛扒/ 豬扒或者雞翼等等。🍝個人覺得淨食個意粉有啲乾，所以跟埋黑椒汁就啱啱好🙌🏻。塊雞扒煎得夠香，唔會太乾而且仲大塊過隻手板。雞扒餐只係$56，仲包埋多士(可以揀醬唔洗加錢) 同飲品，呢個價錢真係超級抵！杯茶走比例岩岩好，Perfect👅。…Read More