travellerbb的個人專頁

都有一段時間無食木玥巷，以前木玥巷好食，要排隊，而家好少人。今次幫襯，覺得食物差左好多，好難食，唔會再幫襯！蟹肉明太子炒米粉$98, 成碟野完全搵唔到有蟹肉！個米粉好難食！成碟米粉求其用醋炒，仲要d 醋一撻撻炒唔均勻，好難食！唔知點解炒米粉會配酸菜，都算，仲要酸菜係咸到食唔到的。鹽酥雞比以前差左，以前係juicy, 而家唔係，個柚子汁感覺都無以前咁好。總括來講，難食。食物質素差成咁，無下次，唔會再幫襯。…查看更多

一直有幫襯開龍邦，以前既龍邦，乳豬，肥叉，切雞，尤其個薑蓉，真係好正。之前一段時間無去，早幾日去食，真係有啲嚇親！第一個感覺係，龍邦個燒味師傳係咪轉左人！乳豬皮係唔脆的，冧的。要肥叉俾左瘦叉都算，以前瘦叉都好食好冧，但今次又柴又咸！發生咩事？咸到直情食唔到要吐出！同埋，感覺d豬肉唔係新鮮！好離譜！呢個質素，求其一間燒味舖都好過佢喎！切雞都無以前咁好食。幫襯左咁多年，今次對龍邦極之失望！亦感慨高質素嘅餐廳真係買少見少！一間餐廳無左個好師傅/厨師，又無人繼承到手藝，基本上等於無左靈魂。…查看更多

是日外賣了兩碗海南雞喇沙，d米線爛到似粥，d米線爛到完全夾唔到，一舊舊的要用匙羹食！個味道好差！係咪米線原材料供應商唔同左？很差喎，很難食。開頭以為你哋轉左學正宗星加坡叻沙？oh sorry, 完全唔係果回事，米線係粥來，有啲又未熟，咬落去仲硬的，想知發生咩事？而家咁既時勢，係咪應該用心做好啲食物呀？唔好咁離譜啦，好無？食到想嘔。。。非常失望。一直有幫襯開，見證住食物質素每況愈下。。。希望呀老闆監管一下食物質素啦。如果唔係，好難生存係呢個商場生存。…查看更多

午餐選擇很少，價錢很貴，除了一個88元的午餐之外，其他是$148至2百幾，而且選擇很少，沒甚好吃的。點了西冷和三文魚，超級難吃，兩樣都是沒有味的，淡淡的，三文魚淡到好像雪左好耐，很難吃。其實pan fried salmon 不是難做的菜式，完全不明白何解這間餐廳可以整到咁難吃！另外，side dish 個薯蓉味道奇特，不好吃👎🏿真是令人摸不著頭腦。完全是在家都做得好的菜式，怎麼可以這樣難吃！午餐價錢會加一，一點也不值。不會再吃！…查看更多

豬油肉餅飯超級細碗，超級油，又多肥豬肉，十級不健康，吃完很頂胃。肉骨茶淡而無味，完全不是肉骨茶啦！咖央多士，不脆的，直頭是難吃！蛋叉燒飯，d叉燒切到好細粒，味道好普通。每款飯d餸都好少，根本不夠送飯。個碗又細，一夾已經跌到成枱飯，好狼狽。30蚊根本唔抵食。而且，個店名雖然叫兩草，但我好似搵唔到幾多樣係有20蚊的。30蚊買碗白飯，仲要係出面排隊。店內環境好迫，一張好細的圓枱坐成6個人，迫到呢，郁都郁唔到，令人唔想再去。名過於實！…查看更多

舖頭極之迫窄，環境坐得完全不舒服。除了魯肉飯，其他都不好吃。但其實魯肉飯很肥很油，吃完個胃好唔舒服。如果你本身要吃清淡，建議最好不要去吃。雞肉飯個汁好咸！涼拌麵，簡直是難吃！本來我們沒打算吃這個涼拌麵的，是侍應推薦我們吃，吃後才明白，原來是難吃賣不出去才呃我們，太過份！鹽酥雞，我諗街邊的豪大大好食過佢。35蚊得幾粒，完全不值，又貴又不好吃。還有個魚丸湯，是味精的味道。另外，個珍珠奶茶，很難飲！街邊茶店好過佢多多聲。很難想像這間店點解夠膽打著正宗台灣的招牌，如果你說這間店是正宗台灣味道，我覺得簡直是侮辱了台灣菜！這間店很難吃，沒有下次！…查看更多