Buddyby23's Profile

好喜歡呢間餐廳，因為係一間pet friendly嘅餐廳，自己又住附近，所以一個星期至少都去幫襯一次，而且已經做埋會員，夜晚黑食飯會免加一。但係真係唔係好頂得順佢啲凳仔，感覺好污糟，唔知點解可以坐到咁黑。店家可否換咗啲凳佢？而家買凳仔都好平，不如換咗佢啦。個個蠔仔餐最好食，次次嚟都會食佢。其他嘢都係好正常，建議可以研究吓點樣再充好啲嘢飲，因為有時唔食嘢經過都想飲杯台式飲品，但真係唔好飲。之前試過飲佢啲珍珠奶茶，啲珍珠奶茶真係淡到死，好似飲稀水咁，之後去到舖頭只會飲樽裝茶。但係其實因為呢間嘢真係好方便，係其實會keep住幫襯，真係好希望佢有改善。…Read More

之前係有兩層肉，唔知點解食食下得返一層，再咁偷工減料法，真係唔會再食，因為得一層肉真係好少下，得飯無餸叫人點食？前後左右有好多間食肆，我之前成日見有人排隊，依家開始無人排，反而隔離個間好多人等外賣。作為一個叉燒fans,希望你地再做好d。…Read More

金鳳可能係好多人情意結，細個想食扒都會去金鳳。係舊舖要排好耐隊去食或者去銅鑼灣食佢d扒。但係人越大，係出面食左好多唔同種類嘅牛扒，就覺得金鳳d扒好唔掂。由於屋企人想去食，咁就去啦。我個日叫左個西冷牛扒，真係唔好食，林pat pat,毫無咬感，無肉味。個面包仲要係二十年前嘅餐包。重點侍應忙到叫極都無人應，叫佢俾杯水俾黎俾去都俾唔到，等位又等到腳軟，真係唔明點解要為左d所謂嘅童年回憶等成個鐘頭俾百幾蚊食劣食！…Read More

見Starbuck 咁多人，上左去忠孝東路諗住飲杯野，點知都幾唔好飲，最主要d珍珠唔得。杯奶茶就OK，價錢係幾抵嘅，不過因為而家成日飲唔，同地方嘅珍珠奶茶，依家完全係比咗落去，希望佢入啲好少少嘅貨。…Read More

平時我都有幫襯開，我最鍾意食佢嗰個松露雜菌雞煲仔飯，再加啲煲仔飯豉油汁好好食。呢期肺炎底下，基本上日日都會食外賣，就費事留喺啲店舖裏面食。今日本身有諗住去砂煲兄弟食晚飯，但係又唔想堂食，諗緊好唔好叫外賣 。後尾諗住打去嘅時候，發現佢可以用openrice撳外賣堂食，咁就試下啦。原來用mastercard仲有可以平30蚊，真係好抵呀，所以就用咗mastercard攞呢個優惠。喺地鐵落完單，一上到去就有得攞喇，真係好方便。最驚喜嘅就係返到屋企，佢仲係好好食之餘，佢竟然仲有飯焦。初初真係以為可能得煲飯啦，點不知原來佢都有平時煲仔飯嘅效果，真係好驚喜。你知有時係講一套做一套㗎啦，所以佢竟然可以整得出依然係煲仔飯，我真係好開心。…Read More

本身好少去大角咀,但係因為要去大角咀整車,咁所以就順便去嗰邊搵嘢食 。咁梗係睇下openrice有咩推介啦，就去咗呢間餐廳。我朋友就食意大利雲吞，我就食baby lamp。 整體都幾好食，如果去開嗰頭會再幫襯 。另外我朋友要沙律，我就要個湯，都有幾好食。 但係由於大角咀位置唔係好方便，又未至於好食到要特登搭車去食，下次如果去開嗰頭我都會再食呢間 。用openrice訂位有飛行里數同埋甜品送，我都覺得好抵食。另外佢唔係好多人，所以可以隔枱坐，感覺幾衛生。…Read More

叫咗個乾燒牛肉麵，都幾好食，牛肉幾林同入味， 但個環境真係唔掂。我放lunch一個人食,佢安排咗一個位畀我,但個位就係坐喺兩邊檯嘅中間嗰一行， 嗰條本身應該係路黎嘅，但係因為佢放咗呢一行搞到中間好迫,啲員工又交唔到啲食物畀啲客人，而喺我身邊轉嚟轉去，出入嘅客又撞到人，我對面個女仔連筷子都差唔多俾人撞跌。我覺得唔好咁貪心開埋中間嗰行，令到大家有得出入。 下次會等冇人先去食，或者等唔係lunch時間先至去食，因為根本食不知味。中間好幾次問我同對面個女仔食完未，其實我都無坐到15分鐘，好似茶餐廳仲舒服過佢。…Read More

其實寫唔寫食評都無所謂，呢d舖頭係做街坊生意嘅，唔會話太差。平時我都有响度食，正正常常。同我通常係食佢d晚餐，可以食但無咩特別。尋晚唔想食晚餐同宵夜餐，食左個咸魚雞粒炒飯，真係實在太好味了。唔知係咪因為呢d唔係餐，所以無整定，但咁就試到師傅工架。佢好似落左咸蛋落去炒，d飯炒得好靚。我係一個好鐘意食飯嘅人黎，佢平時煮個d又唔係好好食，不過呢個飯嘅軟硬度適中，正。因為呢個炒飯實在係太美味了，我黎緊會試埋其他炒野。…Read More

睇左食評有咁多like咪諗住試下囉，上到去d環境ok,衛生情況ok,侍應ok,唯獨係d 野唔好食。叫左個海鮮天使面，個面淡到死，一d都唔好食。我朋友叫左個焗吞拿魚天使面，就都好 普通。因為我個個天使面無乜味，但都成122蚊，我唯有唔浪費野，默默食晒去，個心好唔開心，難得一個星期日就因為呢餐破壞晒，心裏很不高興。另外因為個口太淡，唯有叫個fd俾d吞拿魚我食，有d芝士都叫有d味下。個杯柑桔綠茶就一d柑桔味都無，我個fd就話佢杯mocha淡到死。no next time!!!!…Read More

尋晚同朋友慶生，揀了呢間鍋底火鍋店。我見有d負評，最主要投訴服務員催人快d走。但我留意到大部份投訴嘅人，都係唔可以準時交枱。所以尋晚一早約定朋友，要早15分鐘係門口等。我地食8：30個場，我地又食又傾，食到10：30已經食完，仲坐多左半個鐘傾計，夠鐘d服務員至提我地要走，所以你唔好遲交枱令到人地做唔到下轉生意的話，服務態度係好好。講返食物，真係抵食，以一個餐餐出街食野嘅人，200蚊有海鮮有肉，仲要鮮，仲想點！性價比很高，會再黎。…Read More