iamsomei's Profile

今晚放工收早，男朋友話帶我去食好西，叫我留定肚，全日滿心期待。😍😍原來係帶我去公司附近海防道嘅呢間新開張無耐「人和月雞煲火鍋店」🍲🍲店舖裝修燈光明亮，環境乾淨企理，木色枱面配搶眼綠色座椅配搭，有啲摩登時代嘅風格店內卡位居多，2-4人坐都唔會覺得逼夾。晚餐120分鐘有三個吃到飽套餐供選擇，我哋揀咗中價位—特選滿足吃到飽 $298先有頭盤：自家韓式芝士雞/招牌麻辣雞煲/老檀酸菜魚（三揀一）我哋揀咗招牌麻辣雞煲（小辣），一上枱已經聞到好香濃嘅雞煲味，等佢再煲一陣就可以食得啦，佢嘅雞煲醬汁係自家袐製，伴隨仲有好多香料一齊炮製，味道香濃，集齊麻、辣、少少甜，好惹味，唔似得出邊一式一樣嘅雞煲醬，得個鹹味。雞肉肉質嫩滑，好入味，二人份量剛剛好。之後就轉鍋打邊爐，湯底有六款選擇，想試多個口味嘅仲可以加$30轉鴛鴦湯底。我哋揀咗鮮茄甘筍粟米濃湯🍅🌽🥕，湯底用料十足，味道清甜可口。出面有自助區，有丸類，菇菜類，炸魚皮，響鈴，午餐肉，芝士腸⋯⋯🥤飲品自助區：有汽水，韓式飲品，仲有四款自家製養生飲品：洛神花蜜，桂花烏龍，蜂蜜菊花露，玫瑰茉莉花。咁多款我比較鍾意蜂蜜菊花露，味道清甜下火，啱晒呢排比較熱氣嘅我😆😆調味料區，同埋有三款面：烏冬，公仔麵，火鍋川粉火鍋會送上一盤牛肉拼盤先，有晒牌仔名字，試岩之後自己就可以用手機QR code落單揀自己想食嗰款肉類同埋其他配料，方便快捷。嚴選牛下肩：軟嫩適中，肉味重嚴選牛板腱：肉質結實，有咬口高級雪花肥牛：肥瘦相間，可再encore 精選金錢展：牛味濃厚，軟嫩可口特級牛胸爽： 打邊爐比較少叫嘅，第一眼見到以為係牛嘅脂肪，其實佢係牛胸前肋骨中間的軟骨部位，食落口感又香又爽脆，香而不膩，牛味豐富，值得一試！其他配料都唔錯，大胃王可無限添食😋😋自助甜品區：主打有仙草同原桶豆腐花，仲有好多配料俾大家DIY，想點食就點食自己話事。最後我DIY左碗芋圓仙草，係咪同出邊街買嘅似模似樣呢🤣🤣…Read More

有時同朋友食飯揀食咩都係一個世紀大難題，一時你想食放題但朋友B又想打邊爐朋友C話想食魚生，仲要留返另個胃下場食甜品，俾著你做搞手諗到頭都大埋🤯🤯好在位於荃灣熊貓酒店樓下呢間牛之鍋就一次過滿足晒所有人嘅要求2小時任飲任食日式火鍋放題料理甜品😱😱首先每人一人一鍋選擇湯底（亦都可以一個大鍋share），好窩心體貼照顧不同人嘅選擇我揀左番茄牛肉粒湯，酸酸美味幾開胃朋友揀嘅胡椒豬肚湯，真材實料，湯內嘅豬肚份量都唔少揀完湯底就可以去自助區攞飲品，一般啤酒🍻汽水果汁🧃，韓式飲品都有仲有一個自助蔬菜區，金針菇、蘿蔔🥕、各式各樣嘅蔬菜🥬、菇類等等肉類，丸類、海鮮、餃子🥟劃紙仔就會有專人送上返到埋位就見到朋友第一時間就叫左魚生😂😂甜蝦，帶子，三文魚，赤貝，北寄貝每樣味道都幾平均，鮮甜美味，特別係帶子，十分飽滿，每一啖都好有滿足感炸物：芝麻雞翼，墨魚餅，牛油粟米🌽雞翼外脆內軟，好多肉汁唔會乾爭爭粟米香甜可口火鍋肉類🥩美國牛肉：肥瘦相間，以為佢會好厚身，其實係肥牛美國極上牛肉：色澤紅潤，肉身花紋圖案好吸引，肉質嫩滑，唔會好鞋，牛味香濃精選豚肉：切到好薄，淥幾秒就食得，入口即化最後當然要食埋甜品作為一個完美嘅句號啦😆🍨宇治抹茶芭菲：眼見在場每枱食客都必叫嘅，抹茶味雪糕濃淡適中，加上一層脆脆一層忌廉一層紅豆，多重口感嘅享受，一人食兩杯都唔係問題泰式芒果糯米飯：糯米飯好重椰香味，如果芒果多幾舊就Perfect啦🤣🤣楊枝甘露：好creamy,真材實料…Read More

日日想夜夜想，心思思幾時可以再食到台灣嘅牛肉麵同滷肉飯，呢晚係長沙灣唯有搵間台式餐廳頂住先😬😬很讚紅燒牛肉套餐（原味湯底+$4燥底湯麵+香辣肉燥+半隻糖心蛋+檸檬桂花薏米水）賣相都幾吸引，首先試一啖湯底先，味道個人覺得有少許偏鹹，牛肉有四大嚿望落偏瘦，但燜得都入味，肉質咬落好腍，麵條都幾Q彈，糖心蛋流心度熟到啱啱好，飲品薏米水十分足料，酸酸甜甜，夏日炎炎飲感覺一流，比起之前嘅蜂蜜紅茶好100倍，整體都算唔錯香葉三杯雞鍋套餐（香辣肉操+半隻糖心蛋+檸檬桂花薏米水）一上枱熱辣辣，鍋裡仲吱吱渣渣聲，第一時間就聞到九層塔的香氣，氣味十分濃郁，見到除咗主角雞肉塊之外，配菜仲有雙色椒，洋蔥同埋好特別嘅地瓜，味道不過不失，但整個鍋感覺太油膩，差不多食完嘅時候見到鍋底嘅油量都有唔少🥴🥴小食 香葉鹽酥雞呢度似乎每一碟小食嘅份量都係很迷你🤣🤣雞塊有5嚿左右，外層嘅粉漿見到係地瓜粉，做法正宗嘅，外脆內軟，味道不錯只是份量唔夠喉…Read More

大排檔系列之～增輝藝廚～星期六晚餐時段排隊攞飛處已經人頭湧湧，我地好彩只需要等左10分鐘就可以入座。見人流都唔少，可能係曾經獲得米豬蓮推介係唔同啲？！鳳尾蝦腐皮卷 $73上菜後一望，覺得有啲搞笑，碟內嘅腐皮卷顏色形態都各不一樣，有啲深色有啲淺色好似無炸到咁；有啲外層皺皮食落偏乾身，好多渣滓，有啲平滑又食到內餡嘅味道；成碟野食落口好似玩大抽獎咁，1516好忐忑🤣🤣孜然豬串骨 $128份量充足嘅，有6隻肉質有啲乾身，咬落較煙韌；雖然佢外層灑滿好多調味料，但隻髀裡面嘅肉就無咩味，食完外層後入面就覺得淡茂茂。紹菜粉絲蝦米煲 $83呢餐最伏嘅一道菜雖然有主角bb蝦米作調味，但成煲野都係無味道可言😭😭仲有啲粉絲又散又碎唉，食左幾啖就放棄了。咸魚雞粒炒飯 $88覺得呢餐最好食嘅一樣嘢😆😆雖然啲飯色炒唔均勻（有幾舊白飯自成一團），無咩鑊氣，但有咸魚搭救就可以了。👣👣雖則有呢個米豬蓮嘅推介加冕，但同同區嘅大排檔比較覺得略輸一籌，不論菜式味道質素價錢cp值等等都稱不上。…Read More

午餐時間淘大花園各餐廳都人頭湧湧，排晒長龍，恰巧亞萊泰有位唔洗等，泰國菜不嬲係我最喜愛食嘅菜式之一，當然即刻入去先啦😆😆午餐餐牌菜式嘅選擇都有唔少，心大心細嘅人應該會有困難揀食邊一款好🙈🙈泰濃無骨豬手配香米飯 $55豬手去晒啲骨頭，滷水汁炆到入晒味，肉質軟腍，就算瘦肉部分都唔嚡，送飯一流；旁邊有少許醃製酸紅白蘿蔔絲，可以間中中和油膩感，口感幾清新。泰人青咖喱雞扒配香米飯🌶$52雖然佢有一個辣椒仔提示，但青咖喱食落無想像中有嘅辣味，反而有啲甜甜地嘅味道🤣🤣雞扒肉質juicy，表面果層皮煎至香脆，不過食落有少許雪藏味。凍檸水+$3椰子汁+$8…Read More

朋友相約去荃灣西行街，行之前當然要醫飽個肚先啦，朋友想食台灣野，係荃灣廣場見到呢間老媽拌麵唔洗等位就入去試吓啦川味紅燒三寶牛肉麵 $82麵條揀左粗麵，煮到有啲過火，食落口感腍啤啤，湯底有色無味，淡茂茂😞😞🐂三寶有牛肚、牛筋，牛肉；都滷得幾入味，咬落軟腍，好味的😋😋但份量就唔多和風兒童套餐（跟提子汁/蘋果汁）$65個拌麵上枱擺左一陣間就變得乾爭爭，好快痴埋一舊野，小朋友食得慢，趕唔上個麵嘅變化；洋蔥炒肉片，洋蔥太生，小朋友唔喜歡食，而肉片就太韌，咬唔郁，整個套餐小朋友都不太討好，應該食咗1/3都無😣😣兒童餐嚟講整體都唔算抵食之選清燉牛肉湯鍋 $108配料有：墨汁豬肉丸，蝦餃，芝士丸，赤目魷魚，自家製豆腐，肥牛，響鈴，雞蛋，關廟麵。估唔到佢清燉嘅湯底真係清清澈澈，猶如滾水白烚一樣🌚🌚，淡而無味，食物方面一般般炸地瓜條 $32沒有外脆內軟嘅口感，好多渣滓，好乾身，食落似翻炸再翻炸擺咗好耐嘅感覺🙈🙈老媽黑糖珍珠鮮奶 $28仙草凍奶茶 $33以為佢台式餐廳飲品會有所出色，點知質素仲差過一般連鎖店飲品，黑糖珍珠味道唔突出，奶味唔濃郁，而奶茶更加冇茶味可言，淡淡如水。‼️兩個大人加一個小朋友午餐一共消費左$383（含加一服務費），呢間CP值來講唔算高，有啲物不所值，相信唔會有encore嘅機會…Read More

蔥油雞扒飯 $49（跟飲品）一上枱就見到個雞扒非常之厚身，大塊的，肉質都嫩滑，啖啖肉，但一部分煎得燶咗啲，周邊位食落有啲乾身佢配合個蔥油一齊撈飯食都幾香口惹味嘅，送飯一流，雖然熱量爆棚，好邪惡呀，間唔中一次就由佢啦，雞扒底下嘅飯量十足，細食嘅女仔可以兩人Share一碟都夠飽此外佢另外有一款係多3隻蛋，俗稱3眼仔🤣🤣眼見都唔少叫架尖沙咀厚福街分店環境間局比較擠逼，多數都要搭枱先有位坐，四周多少有啲碰撞少不了…Read More

灣仔上班族又到午餐諗食咩好時間，見華嫂唔洗排隊梗係食佢啦豬扒煎蛋配豉油汁 $48普通碟頭飯，豬扒煎到微微焦黃色剛剛好，肉質不乾柴，正常水準，不過不失😂😂豬扒檳城喇沙湯米線 $52金黃色喇沙湯底十分濃郁，帶少許微辣，椰奶味香濃味道突出，稀稠度恰到好處；伴隨配料有半邊熟蛋同索晒湯底精華嘅豆卜，超好味😋豬扒肉身都好大塊，啖啖肉🍋凍檸檬益力多 跟餐半價 $10酸酸地微微中和益力多嘅甜味，飲落幾清新可口，唔錯唔錯💯💯…Read More

又嚟到食大排檔系列，第N次幫襯萬發，佢始終係首選，一嚟價錢相宜，而且菜式地道有風味每次嚟到以及呢度每一枱都必叫嘅招牌菜💁🏻‍♀️黑椒薯仔牛柳粒 $108賣相相當吸引，一上枱香味撲鼻，主角薯仔粒炸至金黃香脆，外層脆卜卜內裏軟綿綿，每一塊薯仔都掛滿甜甜的蜜糖汁，靈魂點綴！而配角牛柳粒都好有鑊氣，十分惹味，但部分比較大粒啲嘅咬落就有少許韌💁🏻‍♀️薑蔥魚腩煲 $98要撥開啲薑蔥先夾到塊魚腩😂😂魚肉應該無調味，食落淡茂茂無咩味道，同埋大部分都痴實晒係個煲度，呢個下次可以唔叫💁🏻‍♀️粟米魚肚羹 $118分量足夠四個人食，好大兜；要留意呢個菜式上枱前已經預先落埋胡椒粉，都幾重手下😬😬如果唔鍾意食胡椒粉嘅人記得要提前同佢講唔好落～～…Read More

放工想同朋友放鬆一下，🍻🍻居酒屋係其中一個唔錯嘅選擇，可以暢談暢飲嘅舒閒好地方🥰🥰門口掛滿燈籠🏮🏮十分搶眼入口處需落一層地庫店內日式風格裝飾 餐牌菜式多元化，海鮮、雞、牛、豬、羊、素菜、鍋物、小食、酒類等等，都應有盡有眼見每一台都有叫到生蠔🦪，應該很受歡迎不過今日我就唔食生蠔，主攻好耐冇食嘅串燒🍢🍢🔥燒日本雞泡魚干🐡$38最愛嘅燒物，居酒屋一定要叫呢個， 蘸上蛋黃醬一齊食，冇得輸👍🏼👍🏼👍🏼🔥椒鹽炸雞軟骨$48外層炸至金黃酥脆，香口有𡁻勁🔥玉子肉鬆燒$28玉子同肉鬆之間有一層酸酸甜甜嘅醬汁調味，味道新奇有趣🔥燒羊柳$18🔥燒牛柳$22燒到啱啱好，唔會過熟、兩款肉都唔羶，咬開入邊仲有豐潤嘅肉汁，鮮嫩可口🔥燒金菇牛肉卷$28薄薄一層肥牛卷住惹味嘅金針菇，一啖食落，好味到想叫碗白飯配合埋一齊食🤪🤪🔥燒日本和牛粒$38濃郁嘅牛肉香味撲鼻，肥瘦相間， 肉質軟嫩，入口即化🔥燒雞髀肉$12🔥燒火雞腎$12雞肉肉質紮實有咬口，雞腎爽脆，但要趁熱食，擺耐咗凍咗會有少少腥味🔥燒雞翼$22外層鋪滿孜然粉，香脆可口惹味🔥燒墨魚丸$15🔥蜂蜜魚腐燒$25🔥燒台灣腸$18🔥芝士黑松露和牛腸$18墨魚丸QQ彈彈幾好食😋魚腐燒完扁扁地，塗上蜂蜜同埋孜然粉，甜甜辣辣，食完一啖有一啖，停唔到口😝😝🔥蒜蓉金菇 $28海量蒜蓉鋪喺面，金針菇索晒蒜蓉嘅精華，十分重口味，食完記得要刷牙🤣🤣🔥壽喜燒野菜豚肉鍋🍲$78清清甜甜，啲蔬菜仲好味過主角豚肉🙈🙈🔥1L 凍檸檬七喜 $28珍寶巨型size，兩個人share都綽綽有餘…Read More

一直鍾情上海菜，呢間和平飯店分店位於南昌站豪宅區新型商場V Walk內，晚餐時段人頭湧湧，店外大批客人手持號碼飛等待入場，人氣旺盛，心諗應該唔會中伏🙈🙈餐廳裝修新穎，落地大玻璃設計視野開闊，環境舒適🌟不等你小籠包湯汁足夠，但外皮略嫌厚咗啲🌟宮保雞丁色澤鮮艷，雖然見到有辣椒但係辣味不足，味道略淡咗啲，而且雞粒肉質結實，有點鞋口，反而伴有嘅花生粒香脆可口美味🌟川式回鍋牛肉牛肉份量唔少，肉質都算鮮嫩，但係成碟嘢比較油膩🌟上海粗炒最失望之一😞🌚碟就熱嘅，但面叫做暖暖地，冇鑊氣，唔似係即刻炒出嚟咁嘅樣；冬菇絲、肉絲、椰菜絲都足夠，味道偏甜豉油，淡而無味主角方面麵條一夾即斷，口感似食緊一舊糊狀粉團咁，疑似食緊隔夜餸翻叮一樣🤨🤨🌟四川擔擔麵湯底香濃，滿滿的花生香，但辣道不足，麵條質地過淋🌟高力豆沙最失望之二😞🌚似一舊厚粉團多過似一個甜點，而且豆沙餡份量很少，實屬一般👍🏼👍🏼環境舒適，價錢親民，服務質素都不錯👎🏼👎🏼食物質素真係需要大大提升，否則客人再次回頭幫襯嘅機會真係唔高🙈🙈…Read More

今次發掘美食之旅黎到🚌港島東區北角嘅五星級酒店👉🏼維港凱悅尚萃酒店 (Hyatt Centric Victoria Harbour)🎉🎉🚪The Farmhouse 餐廳環境乾淨企理，樓底高，空間感十足，座位寬敞，落地大玻璃設計，坐窗邊位置更可望到東廊一帶海景；除左有室內冷氣位，如果想感受寫意的涼涼秋風，更可選擇到住戶外區室外位，兩種不同的享受☺️☺️食物質素方面👅👅🔺海鮮區：青口，海蝦；午餐提供嘅種類比較少🔺刺身區：希靈魚，三文魚，吞拿魚；魚肉都算肥美，味道鮮甜🔺沙律冷盤區：多項種類供大家選擇，以及自行調配不同口味，我第一時間揀食左呢個凱撒沙律🥗！！材料放係原個巨型芝士磚內攪拌，芝士味香濃十足，拌勻沙律一齊食味道清爽不膩口👍🏼👍🏼🔺熟食區：各國不同款式熱食，有燒味檔、中式麵粉、點心、印度咖哩薄餅、韓式燒烤，燒安格斯牛扒、中/西湯⋯⋯味道正正常常，不過不失🉑🉑🔺甜品水果區：西瓜🍉哈密瓜🍈菠蘿🍍、各式各樣蛋糕，布甸奶酪，燉蛋、布朗尼⋯⋯仲有必食呢度最出名嘅12款XTC Gelato 🍨 ，天然低脂意大利食雪糕🍦，咁多款口味總有一款啱你😉😉👍🏼👍🏼侍應們服務好，收碟快，有咩需要即刻幫到你👎🏼👎🏼飲品方面只有咖啡、茶、樽裝汽水，沒有更多方面的選擇…Read More

🐟港島區平民經濟版酸菜魚🌶🌶出街想食餐酸菜魚，一碟閑閑哋都要$200左右先有交易🙈🙈呢間銅鑼灣小店主打一人份量川菜麻辣菜式，店舖雖小，有少量座位for堂食，但目前係主力做外賣為主，晚市時段都多人排隊，頗受附近街坊歡迎招牌系列酸菜魚配白飯 $68份量都唔少，大大碗，麻酸味香氣撲鼻，魚肉片肉質滑嫩，但係某部份位都有啲碎骨刺，食嘅時候要小心啲；底下有大量配菜，有蓮藕片，海帶絲，娃娃菜，湯底來講比較偏淡咗少少，如果食得辣嘅朋友記得要叫多辣一啲，食得更過癮🤪🤪四餸麵$45自選四餸麵：肥牛，鴨血，芋絲，雲吞食材冇乜特別驚喜，麵底轉左紅薯粗粉，吸晒成碗麵嘅精華，食得好過癮湯底叫咗小辣，如果平時食開譚仔三小辣嘅話，覺得可以直接食大辣🤣🤣🤣熱門小食麻辣魚蛋$10面層果個麻辣椒粉就有驚喜啦，有麻又辣，回辣道十級勁，食完條脷會跳舞🤪🤪魚蛋Q彈冷盤口水雞$32雞肉嫩口嘅，唔嚡熠熠，辣味十足😋😋涼拌萵筍$26清新薄脆爽口，蔬菜味鮮甜…Read More

尖沙咀燒肉推介👋🏼👋🏼冇得去旅行，唯有係尖沙咀俗稱韓國一條街食個晚餐回味一下😆😆係呢個有少許秋意嘅時節，食燒肉係一個唔錯嘅選擇呢間walk in有位即入，唔洗排隊等就最好不過啦一坐低枱面已經擺設好一啲小菜，有唔少得嘅辣泡菜，生菜，腌製青瓜，三款醬汁等等仲有兩種唔同口味嘅爐邊蛋，要襯嫩食，唔係嘅話燒到過熟，口感就似食緊雞蛋糕咁餐牌燒肉種類繁多，有套餐亦都有散叫可選，我地兩個人就選擇散叫三種肉試下先，分別叫左豬護心肉，五花肉，牛肋骨肉，每碟份量約一個拳頭大小，仲配搭埋泡菜煎餅同紫菜飯團肉呢，其實切得唔厚，只需燒到佢兩面金黃香脆就已經可以了，配搭小菜蘸一下醬汁再包住生菜一齊食，滋味無窮呢海鮮泡菜煎餅鮮味十足，煎至薄脆，賣相吸引紫菜飯團如果多番啲麻油就完美無瑕啦兩個人以上食物份量都足夠有餘，細食嘅人記得同幾個朋友一齊開心shares 🤗🤗…Read More

朋友路過幾次都話想食，今次為有陪佢見佢招牌大大隻閃令令， 又幾吸睛👀👀$238 免加一店員見你哋係第一次黎食，都會簡單介紹一下程序步驟嘅電話QR Code 落單，菜式一目了然，款式選擇不多，食物放上自動轉架上燒熟就食得😉💁🏻‍♀️牛類：牛肩胛，西冷，牛板腱，牛舌，牛肋腩💁🏻‍♀️豬類：豬頸肉，豬梅肉💁🏻‍♀️雞類：雞軟骨，雞中翼，雞髀，雞腎💁🏻‍♀️羊類：羊後腿肉，羊卷肉仲有其他💁🏻‍♀️鴨、魚、丸、蔬菜🥬💁🏻‍♀️三種調味粉：鹽、辣粉、孜然粉個人覺得價錢中上偏貴，而且選擇唔多，味道單調，可以一試無妨，但回頭率機會偏低…Read More