gd.food.gd.mood's Profile

蝦蝦燒 ( 荃灣 )食過一次玩過一次一定係念念不忙既既然主場荃灣有梗係要去支持下啦其他分店我唔知但原來呢間係全港首間無限時流水蝦任食今次仲唔肥仔🤤🤤🔸 新鮮燒大頭蝦個名我改既拎個冰桶係岀面拎冰+小小水然後眼明手快地拎個夾隊落去個位隔離個水缸到想夾邊隻就夾邊隻然後一野隊落個冰桶到凍佢凍瓜佢，咁燒就唔會彈黎彈去啦！仲有鹽/蒜蓉/孜然/辣椒🌶️等唔同類型既調料去比自己發揮🤭燒完發覺蝦頭有膏嫁！不得了！新鮮，蝦肉彈牙爽口，正呀！🔸海鮮類分別有大蜆花甲沙白帶子扇貝鮑魚黃花魚紅衫魚䱽魚貝殼類係我飛佛每次起碼放十粒係個爐到燒仲要自調蒜蓉牛油/蒜蓉辣椒全部都好新鮮好味完全唔係放係冰櫃好耐好正！🔸 串燒肉類有燒賣紅腸五花腩豬大腸雞軟骨blah blah blah….根本種類多到我試唔哂不過燒要睇火我掛住同友人傾計成日都燒到乾哂😂🔸蔬果類調好個醬無理由唔燒條茄子嫁嗎？勁juicy 同好辣( 重手左小小 )但係勁好味囉友人仲叫我燒多一碌唉，勉為其難燒多一碌啦🔸 飲品及甜品類有好多唔同既雪糕同埋飲品汽水茶類都有仲有燒酒同啤酒！都係任飲嫁！我掛住飲啤酒唔記得影😂😂點解我咁鍾意同唔同既朋友黎？因為hehehaha又有得食又有得玩食得開心盡興點解唔encore 呢？強烈推薦！👍🏻👍🏻👍🏻👍🏻👍🏻推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️ ⭐ ⭐ ⭐️️/⭐️⭐️⭐️⭐️⭐️🏡 蝦蝦燒 (荃灣)荃灣眾安街55號大鴻輝(荃灣)中心11樓#gd.food.gd.mood#eatwithfoodiez#好食好玩#自助形式…Read More

2 Soon Cafe (太子)同友人去完表姨係太子花墟既花店買花見係晚飯既時間上網碌倒間係附近既既西班牙菜+裝修小餐館咁就梗係去試下呢叫左個二人dinner set頭盤有四款🔸 伊比利亞火腿忌廉薯餅以為係普通薯餅？咬落勁鬆脆勁creamy可惜我生暗瘡唔敢食太多🥲🥲🔸西班牙青椒仔又估唔到佢經過燒烤過，又幾香幾滋味友人表示一般但我覺得好好味小微辣好開胃🔸煙三文魚蕃茄牛油果沙律本身好鍾意食煙三文魚佢除左佈滿小蕃茄係外圍中底佈滿牛油果醬上層就係煙三文魚成個碟佈滿酸酸地既日式醋汁呢碟頭盤我一個人其實可以食三碟囉😮‍💨🔸蒜片欖油大蝦本身自己煮西餐都好鍾意落蒜片佢仲要成個兜裝滿哂欖油去浸住大蝦怕肥又唔怕油膩既我即刻吉住隊落口重蒜-正欖油-香蝦-肉實爽頭盤四式我表示很滿意跟住就睇下main 同dessert 係點啦🔸 明太子忌廉煙肉菠菜大蝦扁意粉因為見倒枱枱都有叫佢就試試佢蝦仍舊彈牙爽配上忌廉汁同明太子點綴簡直係恰到好處🔸 慢煮焦糖豬腩肉配香烤飯團及炸蓮藕片一開始以為係好似鹹豬手咁佢慢煮都預咗需要等一陣加上嗰陣完完全全好似一大舊豬腩肉咁好肥美！好香口！好淋身！但就有啲來，唔怪得知配個烤飯團🔸 香蒜白酒蕃茄煙肉煮藍青口呢個青口個size 就偏細粒但都幾香口，因為配上蒜香同白酒正常發揮🔸 自家製西班牙油炸鬼Churros 不嬲都係甜點最愛呢個真係要趁熱食，如果唔係會硬咗少少配埋d朱古力醬同雪糕為呢餐飯作個完美既句號🔸 cocktail x 2特色裝修，旺中帶既小店不嬲我都好鍾意同朋友去試如果下次再去太子都會再去既推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡 2 Soon Cafe (太子)太子西洋菜北街324號地舖#gd.food.gd.mood#eatwithfoodiez#2sooncafe#太子#西班牙#特色裝修…Read More

秋香難得去屯門幫朋友就去搵一間特色既日式串燒料理店🔸 芥末八爪魚呢樣係我既飛佛因為覺得黎食呢類舖頭，一定要點d佐酒小食。呢類就啱啱好呢！咸咸地，有wasabi 味，又 come 𡁻好啱我胃口🔸日本爆春多卵魚燒多春魚就食得多但係炸，就比較少呢炸漿好薄身，唔會有好肥膩既感覺魚就正常發揮，多春魚既春仍舊咸香好味🤤🔸日本味噌釀蟹蓋可能真係新鮮食呢隻甲羅燒同自己買雪藏果d真係完全冇得比呢！鮮雞蛋攪拌，然後搭配旁邊既呢個價錢我覺得好抵食！🔸串燒- 雞肝-日本岩手雞皮-日本厚切黑豚肉-阿波雞肉自從燒肉燒過雞肝後見倒一定係必點另外食串燒係一定要食肥仔之選雞皮嫁。因為我由細到大都好鍾意食雞皮，所以無得唔叫！黑豚肉仲要厚切！係食每一啖都有小小油咇岀黎！完全估唔倒豚肉可以肥美到咁呢阿波雞肉因為未試過，友人又強烈推薦，就叫黎試下丫！又幾滑幾有雞味！日本雞真係有分別！🔸 鹽燒虎蝦兩隻大大隻既鹽燒虎蝦！因為佢開左小小邊，所以佢既鹽好入味！成隻蝦都好鮮甜彈牙。正！🔸 鹽燒白鱔煲仔飯終於到左我最期待最想食既菜啦！每一塊白鱔都勁厚勁實勁彈牙仲有雞蛋攪拌，煲仔飯仲要有飯焦呢道菜接近100分咁好味呢🤤🤤🤤特色又local 既小店，不嬲我都強烈推薦。如果下次再去屯門，都會再去呢推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡 秋香 (康景花園) (屯門)屯門青善街38號康景花園地下26-27號舖#gd.food.gd.mood#eatwithfoodiez#秋香 #屯門美食 #黃金海岸 #康景花園 #屯門 #香港好去處 #週末好去處…Read More

Hakata Concepts見朋友仔升左職咁開心屈佢食餐好小小都唔過份丫餐廳-佢諗地點-佢諗埋單-佢比一切都傾好哂，梗係岀發啦！屯門既黃金海岸真係一個好地方，環境清幽人又唔算多地點係一樓要上一層(上緊樓梯果陣落大狗屎即刻用盡全力跑上樓入餐廳⛈️⛈️⛈️)睇完餐飯之後就叫左個套餐係鐵板燒來的🔸沖繩水雲+車厘茄配酸汁 ( 我漏左影佢，因為掛住食🥹)前菜呢，就一定係要開胃嘅呢味餸係我之前食omakase食過嘅前菜非常之季節性嘅食物，係咁熱辣辣嘅天氣，清爽嘅口感，配以酸酸甜甜嘅味道，完全係令到我勁開胃🔸鮮北寄貝貝殼版茶碗蒸(個名我創既)紫色既北寄貝，先係鮮活既北寄貝鐵板熟佢，蛋漿加落貝殼到最後放埋一齊上蛋好滑，貝唔韌仲好鮮對貝殼類海產零抗既我表示有80分好味🔸金鯛魚立鱗燒鯛魚一般食得多，但佢咁樣煮法好特別燒起左魚既鱗片，食落脆卜卜，咁樣就唔會一食到下層有魚油既地方會有肥膩感再加上底配以牛油果醬顏色豐富之餘仲夠哂健康呢幾好幾好🔸紅酒蘋果鵝肝多士鵝肝配多士，肥膩中解膩相信冇人會懷疑佢地係絕配但係紅酒蘋果有驚喜喎酸酸地既味道的確真係會淡化鵝肝嘅肥膩感估佢唔倒！呢道菜好新鮮，我同友人都覺得好好味🔸鐵板燒虎蝦虎蝦好唔好食，就要睇吓隻蝦新唔新鮮爽甜彈牙，絕對冇揀錯呢味菜嘅另一個特點就係可以睇住廚師用佢啲刀具去肢解隻蝦，就好似睇緊表演咁🔸日本A5+和牛 / 西班牙黑毛豬我同友人因為兩個人所以一人一款，咁可以share 食，試哂兩種唔同款式A5+和牛勁高油份！入口d油必哂岀黎！超級好食！口感又鬆軟不過我怕肥，覺得肥膩左小小( 純個人問題)西班牙黑毛豬豬肉爽脆彈牙又唔淋！真係同一般既豬肉唔同嫁！🔸精選鐵板炒飯其實係櫻花蝦炒飯係鐵板上面炒既飯永遠都係粒粒分明同咁乾身配以日本米口感同味道都一流呢食左碗半唔小心😮‍💨🔸麵豉湯見我地食到差唔多，就整碗湯過我地飲下，舒緩下個胃咁話(咁貼心都有嫁咩？)🔸焦糖多士當見倒佢幾羹幾羹砂糖倒落去果陣我已經知道我應該食半塊就夠😂師傅好有心機去砌個個人既擺盤都唔同嫁好睇又好食，正！如果我住屯門既話我應該會成日黎😂推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡 Hakata Concepts (屯門)屯門青山公路1號黃金海岸商場1樓25A-C號舖…Read More

Cooking Haha 蝦蝦燒🦐🦐🦐朋友仔去完Bali 享受過海鮮盛宴後返到黎香港都仲念念不忘咁啱經過佐敦寫住蝦蝦燒任飲任燒任食大量海鮮(對貝殼類海產零抵抗力既我表示🤤)款式太多我好難逐個講所以我一次過分享我既經過呢一入到去就見倒雪櫃放滿野飲除左啤酒外，仲有韓國燒酒呢仲唔係飲燒啤時間？坐低左之後即刻送左兩串鰻魚串比我地燒住先我同友人二話不說先岀去自助區拎d水同冰塊。為到凍暈d活蝦黎燒做好準備另外有花螺，大蜆，沙白，蠔，帶子，大眼雞紅衫魚黃花魚䱽魚仲有我最愛大大粒既貴花蚌🤤除左自己醬類區，熟食區後面仲有個串燒區有豬大腸，雞皮，多春魚，台灣腸…….(多到我都講唔完😂)返到個位到，即刻開始係個位隔離個魚缸到夾蝦D蝦新鮮到係咁游走夾唔倒囉一開始D水仲彈到魚缸隔離枱d人😂夾完凍一凍佢先🥶🥶凍緊既時候即刻放哂d貝殼野上去燒下層就放串燒一爐兩用貝殼一打開過多一陣就即刻食得鮮味十足，仲爆汁添嫁🤤🤤之後梗係凍暈左既主角燒蝦蝦啦🦐🦐🦐🦐🦐🦐一變紅過冇耐就食得嫁啦燒太熟就會燶同好痴肉好難meet 的另一重點就係燒蠔我同友人整左個重蒜辣椒加小豉油特製醬，完全係將每一隻蠔都打造到滿滿既大陸燒蠔感覺正呀🤤🤤🤤🤤🤤🤤我同友人怒飲怒食。最後食埋雪糕作結真係食到Japjapjap🤤🤤🤤🤤又有得玩，又有得食，去邊到搵呀？下次有機會再拉大隊一大班人黎再食過至得👍🏻👍🏻重點！咁多款野食又食咁耐$400都唔使一個人！抵啦下話？推薦指數⭐️ ⭐️ ⭐️ ⭐️/⭐️⭐️⭐️⭐️⭐️抵食指數⭐️ ⭐️ ⭐️⭐️ /⭐️⭐️⭐️⭐️⭐️🏡 蝦蝦燒 (佐敦)佐敦白加士街10-24號永富大廈1樓#gd.food.gd.mood#eatwithfoodiez@hk.cookinghaha …Read More

川味辣蟹·串燒·烤魚·雞煲·專門店上星期同完朋友行街經過韓國街附近(金巴利道)見倒有間川味燒烤，二話不說同條fd入去試下先🔸雞泡魚乾完全係驚為天人咁好食！本身就已經係勁鍾意既佐酒小食加上佢勁juicy 唔會乾爭爭！好好味呀🤤🤤🔸辣酒煮蜆本身對貝殼類野係零抵抗力既我見倒當然要點呢佢可能係川味辣既關係同平時既辣酒有小小唔同但係都好香好惹味呢🤤🤤🔸椰子雞煲呢個真係不得了！只要人均消費滿$150就可以用$1，叫一個豬骨煲/招牌雞煲 / 花膠雞湯 /椰子雞湯我同友人就叫左椰子雞滿滿的椰子肉，連雞肉都係我唔食既雞胸！正呀🤤🤤( 不過唔好預個份量好多呢😂😂)🔸海鮮拼盤分別有-鮑魚-海蝦-美國小龍蝦-扇貝-青口-蟶子-軟殼蟹超級豐富既海鮮拼盤佢仲要係另上軟殼蟹，唔會浸濕(原來自己一個人食一隻真係會好滯😂)隱藏地岀現既青島，係食燒物海鮮既必備之選兩個人都飲左成兩支😂我同友人都覺得下次經過都要黎再試呢推薦指數⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡 川味辣蟹·串燒·烤魚·雞煲·專門店 (尖沙咀)尖沙咀金巴利道58-60A號金碧閣地舖…Read More

馬祖無限時台灣養生涮涮鍋那日下午，友人來電即興去打邊爐位置係旺角瓊華樓上咁近又咁啱係果頭就去啦一個價錢，QR code 落單岀面雪櫃仲有勁多野飲唔怕食完口渴呢Ps: 由於野食太多種類，記得既就盡講🔸Shake Shake 地瓜條一黎即刻送一客本身唔太想食。食落有驚喜！原來好好味仲有四隻粉比你去試不過唔敢食太多驚飽😂🔸手拍青瓜酸酸地又爽口開胃專用🔸麻辣木耳都係開胃用唔算好辣🔸鴛鴦鍋-田園蕃茄濃湯牛肉涮涮鍋睇落去好似好辣其實還好-藥膳椰子雞涮涮鍋呢個不得了，放入鮮雞肉入去加埋真係有椰子肉，超級香！可以揀一定係鴛鴦湯底可以食唔同既野都可以有唔同既味道🔸美國SRF極黑和牛肩脊肉好彩揀呢個plan 有呢款牛花幾靚，淥埋放入口閉上眼睛兩秒去感受好，好好好！🔸Prime Grade 安格斯牛頸脊牛魔王的我，覺得真係好唔錯口感好好，牛味淡(呢個位都好正常！我理由同封門柳黎比嫁嗎，可？)🔸西班牙伊比利亞黑毛豬一定要試因為唔試，下次就唔可以邀請唔食牛嘅朋友嚟呢度打邊爐結果…..可以的！🔸足八吋長蟹棒一碌一個人唔會原條食一定係cut 半一人一半(一人之境自食其果既人除外)挺好，不太粉！可以！🔸生猛海蝦一次淥完一渣友人的威迫利誘下我都係默默咁每次剝哂佢🥹但係係好味既！新鮮肉實🔸脆鯇魚片鱔我就食姐鯇魚不了……在友人強迫下試左一舊默默地拎起電話落單直接落多5碟！好好食呀！勁鮮，嫩，滑！！有驚喜！呢個好好味！🔸蟶子這個過下口引，淥完好細粒😂🔸沙白如果唔新鮮會好潺但食落都可以呢🔸台灣鴨血台式火鍋必吃之選點先夠好味？一定係放係辣果到吸哂d味一路食一路覺得辣並快樂著🥵🔸特色飲品-愛文芒果茉莉花茶-冷泡桂花烏龍-冷泡日月潭密香紅茶-Chang 泰象梳打水下次有機會要再拉大隊去至得！推薦指數⭐️ ⭐ ⭐ ⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡 馬祖無限時台灣養生涮涮鍋 (旺角)旺角彌敦道628號瓊華中心11樓#gd.food.gd.mood#eatwithfoodiez#台式火鍋#無限鴨血…Read More

銀龍粉麵茶餐廳 (荃灣眾安街)有一日係荃灣岀發旺角辦點事見有小小時間快快食都可以既心血來潮想食個蒸排骨(無錯，我就係mood 到想食果樣野就會去食既人😂)經過間茶記，有喎！就入去坐低試試Ps:呢篇文係個人感受多過食物感受如果純食家可以skip🔸榨菜豆卜蒸排骨飯-榨菜酸酸甜甜，送飯一流呢-豆卜吸哂d肉汁同豉油，應該會好好味呢🥰( 可惜我唔食 )-排骨都肥美嫩滑，配埋(贊)左油既豉油，又係送飯首選！好！茶餐廳正常都快嫁嗎但如果太耐既話我未必會揀佢呢每個人耐既準則都唔同既13:52落單的我一分鐘都唔使整左杯凍齋啡比我飲住先🥰嗯，都14:02，未有既？(同一時間對面坐左客人，落單🥰)嗯，都14:07，三個字啦喎，我叫返落單個叔叔問有未？會唔會漏左單哦？佢: 哦，蒸緊，差唔多得咁我一路望住水吧+岀菜位，期待住野食岀既一刻然後水吧哥仔同落單叔叔傾緊計，水吧哥仔就同落單叔叔講望住我，應該係問我係咪有咩需要但落單叔叔望一望我就另轉頭同水吧哥仔講左0.5秒野再由下而上揮一揮佢既手，當時既手勢係👈🏻希望佢唔係話我麻鬼煩啦🥰但我心情已好差冇乜mood 食了14:30，我個餐岀來了🤗對面的食客都食完起身走了結果我食左兩野就起身賣單走了其實野食係咪真係好好味我唔介意但員工既態度好緊要你同我講要蒸，大約幾耐倒，可能會耐d，講聲其實唔難嗯，野食okay 既不過我未必會再去☺️推薦指數⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡 銀龍粉麵茶餐廳 (荃灣)荃灣眾安街22號地下#gd.food.gd.mood#eatwithfoodiez…Read More

鳳鳴居我一直都係一個米線控有一間次次都見好多人但唔知有咩特色，都唔會突登去排隊咁啱友人的妻子在上水收工就同友人去排一排隊睇下有咩特別🔸醉香雞湯米線原來呢間舖主打係雞！唔怪個名有個鳳字！雞，係我鍾意既走胸因為我好怕鞋湯汁充滿花雕酒既香味我唔覺唔覺飲左半碗真係好唔錯呢！🔸蜂巢春卷網狀既外圍+啱啱炸岀黎咬落去脆得黎唔會散哂因為內餡用左芋頭？所以點樣食都唔會散口感仲好好呢唔錯唔錯我係真心推薦因為我仲有幾款想試人地食唔係自己食我都聞倒好香😂推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡 鳳鳴居 (上水)上水馬會道154號地下…Read More

泰發泰國餐廳友人因為太愛太懷念泰國既旅行返到黎就即興約去有小泰國之稱既九龍城食泰國野要回味返泰國既味道咁話喎PS: 自稱好啱係泰國生活同食野 但冇提過係泰國做野😀🔸生蝦刺身泰國生蝦刺身根本就係泰國菜不可或缺既菜式佢絕對唔係凍肉舖1 pack4x隻裝果種蝦頭係炸過所以可以食嫁蝦肉大粒朽極彈牙口感爽夾隻塊蒜片又點一點特製醬汁酸酸辣辣既複雜口感係口腔全面爆發簡直係燃起食慾最完美既前菜！( sorry 講多左因為真係好鍾意食🧏🏻‍♂️)🔸生菜包 (雞/豬/牛)友人每次黎必點佢好鍾意食呢我地揀左豬因為我地另外叫左有牛同雞新鮮既生菜🥬+辣辣地既豬肉碎粒個感覺好清新，令人好似置身係郊外咁樣樣……………🫠不過要注意，包好左食果陣要小心因為會有小小肉汁所以大意既友人射哂入手袖入面就狼狽呢😀🔸泰式炸雞卷友人話係泰國食過，唔知一唔一樣，所以想叫黎試下！佢既口味係…..因為兩位友人beanlow couple 食得太快。原來我冇食到😂咁佢地食得咁快我諗都唔差既🔸芒果蟹肉炒飯因為我堅持要叫個main, 所以叫左嘅個炒飯。Waaa, 有驚喜！真係有蟹肉，芒果肉真係食倒，仲食得岀係甜！另外飯都炒得乾身挺好挺好，下次必叫！🔸檸檬燒牛肉呢道菜係今晚既重中之重！上菜既時候成坐塔咁已經有視覺上既衝擊上面佈滿蒜片，辣椒碎同特製酸酸既汁。牛肉一片一片堆好，個底係芥蘭牛肉佢燒到啱啱好好多人見倒好似好紅其實咁既肉質熟度先係佢最好味既狀態肉質軟腍有肉汁，口感同味道💯友人仲食哂個底d芥蘭😂🔸馬拉盞炒椰菜苗健康既我地一定要叫個菜既又係想回味返泰國既味道正常發揮🔸鹽燒魚 (鰂魚/烏頭/盲鰽)問個遮遮邊隻多人點同滑所以就點左盲鰽一㨴開魚皮，waaa,d魚肉滑到呢再點埋萬用特製醬汁，又係無得輸！成大條魚完全食哂🔸泰象啤泰國特產，但遮遮拎錯左，所以冇圖🔸星夏啤又係泰國特產小小地人小小，點都要飲返杯gur 1gur為人生致敬🫠🫠🔸芒果糯米飯黎到仲岀煙嫁！仲有五小款-黑糯米(口感較硬)-南瓜(淡淡既南瓜湯咁既香味)-碟豆花(健康但唔識點形容)-斑蘭(食過斑蘭蛋糕就會明)-糯米(一定要重椰汁🥥，勁煙韌)完美既甜品，完美既作結食完已經約緊下次幾時再食😂絕對係會再去同誠意推介多謝收睇推薦指數⭐️⭐️⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡 泰發泰國餐廳 (九龍城)九龍城城南道8號東昇閣地下…Read More

Grand LibraryHapi Friday, 所以早上同同事去搵d食完會開心既野肥膩野就啱啦去左公司附近既(圖書館)食早餐🔸芝士沙嗲牛肉公仔麵(可轉米粉/辛辣麵🤤)本身呢間食佢係食個面面，間間都好似一樣但軟硬度，味道同口感可以差好遠呢間既公仔面係超啱我既口味芝士一大塊放係面，同沙嗲嘔混和在一起。重口味肥仔之選芝士既酸中和返沙嗲嘔既咸我覺得可以(但可能有人會覺得味道太重)🔸火腿+太陽蛋基本正常發揮沒太大特別之處🔸茶走朝早要飲杯熱飲提提神唔想熱奶茶咁悶整杯茶走滑一滑個口腔都唔錯🤓(我究竟講緊乜😂)周圍食肆好多得閒黎呢到食，天氣涼涼地坐岀面都幾舒服(仲可以攞正牌炸家依唔戴口罩😂)推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️ ⭐ ⭐️⭐️/⭐️⭐️⭐️⭐️⭐️🏡 Grand Library (九龍灣)九龍灣宏照道33號國際交易中心地下15號舖#gd.food.gd.mood#eatwithfoodiez…Read More

Mint and BasilPan-Asian Cusine同friend 去東涌行下outlet 汁平野見到飯點又唔想係商場食野就行左去一個奇怪既地方揀左間東南亞餐廳試試佢先🔸Green mango Salad + soft shell crab青芒軟殼蟹沙律真係前菜揀佢係冇錯酸may may 超級開胃食完簡直開左左胃軟殼蟹好似放左成隻落去咁多呢😂🔸Butter Chicken 牛油咖哩雞印度菜之一🇮🇳配以酸酸甜甜既特製醬汁( 有甘荀係入面呢 )點薄餅類野係無得輸仲有大大舊雞肉係入面完全係食唔哂🔸Garlic Naan 蒜蓉烤餅烤餅，一定要有d汁去沾黎食先好味重口味既我當然唔會原味。加埋蒜蓉根本係完美既組合點埋醬汁食，真係差d一份都唔夠食呢🔸Malay Squid Rice Noodle因為以前去過馬來西亞食過，加上好鍾意食油面，所以試回味下點知…..一般般啦。睇圖好似有蝦點知原來係冇呢😂😂但面質都幾好呢🔸Virgin Mojito友人飲的mojito青檸味唔太重，反而太甜友人表示我果杯好飲好多😂🔸The blue sea view有小小rum & vodka, 仲有菠蘿汁，青檸同小小藍色既柑桂酒飲親vodka 都會胃痛既我，飲落又有野喎幾fresh 幾好飲，我好鍾意呢下次再黎有機會都會去再食呢推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡 Mint & Basil (海堤灣畔) (東涌)東涌東涌海濱路8號海堤灣畔地下K號舖…Read More

友人在將軍澳收工想去觀塘睇d野咁就搵定間想食好耐既餐廳叫定我去攞位呢原來閒日晚飯時間都好爆呢隱藏在工廠大廈的特色西餐廳🔸薄荷朱古力咖啡碎冰(+Cream)入口涼浸浸，啱晒係岀面等左一段時間既我降下溫。加埋上面甜既Cream, 呢杯野起碼80分🔸百香果冰茶屋企都有種，但係唔係我杯茶可能唔係當造，叫左小甜，友人覺得好酸仲要迫我試😒🔸炸魷魚鬚配芥末籽蛋黃醬見倒佢唔叫唔得！因為太鍾意食但小小失望因為有d咸(下次應該會試雞翼)🔸法國活青口白酒忌廉汁意粉青口連殼上！份量對我黎講都好多呢酒味就有d淡，但啱嫁啦。配返忌廉汁味道唔錯但整體咸左小小🔸蒜香蟹肉意粉Waaa!!!真係唔客氣！超重蒜同蟹肉！一黎到勁香流哂口水意粉炒得都乾身，幾好幾好！不過都係咸左小小🔸意大利芝士熔岩最後的甜點係冇得唔叫嫁！味覺與視覺既享受我自己覺得好好味友人覺得好creamy( 下次再試梳乎厘先)如果有機會！一定會再再再來試呢！推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡觀塘駿業里8號世貿大廈一樓#gd.food.gd.mood#eatwithfoodiez…Read More

Hand3ag星期一難得有多日紅日梗係同友人去行下街啦旺角又係熱死辣辣地鐵站一岀就係朗豪坊咁就係冷氣開放既地方搵間野食野先🔸Oppa炸雞🐓鐵板三文治🥪- 首先，食呢到既三文治要對自己切野能力好有信心！因為超級厚！亦唔會幫你切呢好彩我都切倒！滿滿既醬汁飛哂岀黎！生菜都好大塊🥬不過入面既炸雞就一般般。都噢畸既🔸蝦兵🦐蟹將🦀鐵板三文治🥪- 對於海鮮控既我黎講係不二之選我印象最深刻係大半舊炸軟殼蟹🦀同埋滿滿既醬汁食既時候真係要好小心🔸韓式甜辣脆炸蝦🍤- 意外驚喜！因為太耐冇去旅行了我居然食得返係韓國炸雞既果種韓式醬汁既味道！好懷念呀！炸蝦就冇想像中咁脆呢🔸16oz(凍)黑咖啡🥤大熱天時怕肥既我。梗係飲返杯iced americano la正常發揮🔸8 Oz(熱)伯爵鮮奶咖啡☕️友人要養生。飲熱野但忘記了走甜。所以好難評論最後。我覺得我有機會都會黎再食既推薦指數⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡：旺角亞皆老街8號朗豪坊B2層27號舖…Read More

茶室Cha Sat九龍灣返工，工作時間比較自己既我梗係避開個飯點，早小小去食晏呢忽然發現有間星馬野，就試試佢呢🔸越式蕃茄牛骨清湯牛腩河轉米粉-正常發揮唔想太肥所以同事轉米粉( 因為太普通所以我冇影到😂)🔸茶室叉燒燒肉蝦摻摻-其實係乜野來的？係一個mixing 分別係油麵同米粉既混合食落去分別有米粉既絲滑口感同油麵既厚實彈牙口感簡直係雙重享受🔸星加坡喇沙(轉淮山麵)-喇沙既特點係乜？就係香！滿滿椰香既味道撲埋黎呢點解唔食油麵要轉？好似公仔麵咁既樣，原來係淮山整嫁！係懶健康又唔健康既情況底下同事決定轉呢個黎食🔸巴生當歸肉骨茶米線-去唔倒旅行唯有叫呢個當自己去左新加坡大大舊好淋身既一字骨，兩舊勁大既冬菇，加一舊油炸鬼，仲有大量豆卜成件事已經勁豐富個湯真係有肉骨茶既感覺(有d地方好流嫁嗎)我真係用匙羹飲左好多米線！唔好睇小佢！唔會勁淋，仲要入哂味！係難得我食得哂既一碗好味既麵🔸秘制星馬風味Xo醬(個名我自己改既)-食麵，真係會慣左落d野嫁！見倒有兜野係枱面，試試佢先！一試不得了！Xo醬既鮮味但又有辣味，果種辣係好香！唔係死辣！食麵必落！太正呢個醬係附近返工既人不仿黎試下佢丫推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️⭐️/⭐️⭐️⭐️⭐️⭐️🏡：九龍灣宏照道33號 國際交易中心1樓39室 Shop 391/F#gd.food.gd.mood…Read More