Food Monkey's Profile

星期六中午，撇開日常忙碌，特意同太太去咗朗屏呢間西餐廳，諗住享受一頓靜靜哋嘅假日午餐約會。環境企理舒服，我哋坐低嗰陣，滿心期待美食同二人世界嘅閒暇。今餐點咗兩樣嘢：一份香煎豬肉眼扒，同埋一份招牌意粉。必須講，食物質素真係交足功課，尤其係塊豬扒！香煎豬肉眼扒： 師傅手勢了得，塊扒煎到 外層嘅豬皮脆卜卜，用刀切落去仲聽到輕微嘅「咔嚓」聲，香氣撲鼻。重點係 肉質極度爽口，一啲都唔韌唔嚡，咬落去充滿彈性。最驚喜係 肉汁超級豐盈，每切一刀都見到肉汁慢慢滲出，食落去 juicy 到不得了！調味恰到好處，鹹香惹味，完全帶出豬肉嘅鮮甜。連對食有要求嘅太太都食到眉開眼笑，大讚：「塊豬扒真係好得，皮脆肉爽又多汁！」絕對係高水準之作。意粉： 水準亦唔失禮，醬汁濃郁香醇，掛滿每條意粉，配料足料，味道層次豐富，令人食得滿足。以 $240+ 嘅價錢嚟講，呢兩道主食絕對稱得上係「好食對象」，尤其係塊脆皮多汁豬肉眼，絕對係亮點，物有所值！可惜，呢份由美食帶嚟嘅滿足感，俾餐廳一個極唔專業嘅安排完全摧毁！ 我哋坐低無耐，餐廳就帶咗兩位明顯係餐廳請來的foodie，坐喺我哋旁邊。問題唔係佢哋坐低，而係佢哋根本無坐定定！兩位foodie，幾乎係不停咁喺我哋張枱後面條狹窄通道度行嚟行去、徘徊、影相。諗下：當你想同太太靜靜雞享受塊靚豬扒、傾下心事嗰陣，身後成日有人拎著食物行來行去，伴隨點影靚啲既討論聲同埋相機既聲音... 嗰種期待中嘅寧靜，同埋屬於我哋兩個嘅空間感，即刻冇晒！…Read More

呢間餐廳嘢食就一般不過價錢算係幾貴，但勝在又有得加面，點知今次叫咗個加麵15分鐘都未到嬲到即刻埋單走人其實你唔想人加面就唔好俾呢個選擇顧客，咁你份量少咪唔嚟食囉真係唔係屈你，我叫個湯麵5分鐘唔洗就到，但係叫加面就15分鐘都冇到建議大家如果有返咁上下食量，就千祈唔好因為有得加面而入去食！因為呢個質素嘅面，最多真係只值$30，因為本身啲餸亦都少。服務方便就更加唔使講，啲嘢食完又冇人收，全部人企喺度吹水，你想搵個服務員問吓你都要行過去打斷佢哋。…Read More

最近試呢間齊記美食雙餸飯，之前都2-3點先買，今日早左12點半就到，我就叫左三餸飯，有咕嚕肉，咖喱雞，萵筍肉片，HK$44個問題係，呢間野唔同人裝，唔同時間買係完全唔同份量，好似今次早左去買，換左個姐姐裝餸，就明顯係平時少，比一般其他店既雙餸飯都少。少既程度係，人地叫飯餸飯，一個餸裝滿左邊餸格，我呢盒係兩個餸裝滿餸格；人地另一個餸放滿右邊飯格上面，而我只係兩三件咕嚕肉放滿半邊飯格。我見隔離個姐姐雙餸飯都裝到成個盒都滿晒，我叫三餸飯份量仲少過隔離，心諗我仲比多幾蚊。但老實講，味道方面係唔錯，係有時會太咸，例如今次既咖喱雞。可能大家覺得食個頹飯咁認真做咩，但當你食個頹飯都要感覺比人呃錢咁，就唔係咁好受，日常已經有好多唔愉快要面對，唔應該買個飯都要受不公平對待。…Read More

一間咁有歷史既大排檔，完全表現出咩叫樹大有枯支。叫個外賣咕嚕肉，跟一份白飯，同一碗味精湯，80蚊，雙餸飯都買到兩盒，但佢一盒小菜連人地一個餸都比唔上。成盒咕嚕肉配菜洋蔥同青紅黃椒，咕嚕肉唔夠10舊，10舊有幾舊得粉，唔建議任何人幫襯外賣，明呃你錢。除非鍾意食白飯就真係好大盒，一定食得飽。至於堂食，今次叫外賣唔評論，但見微知著，大家都諗下先食，呢個價同質素，元朗大把選擇。無諗過大裝修完就當街坊水魚咁劏。…Read More

如題，不知所謂，不如唔好開鋪，賣蛋撻一出爐就放飯，放係到吹風真心好想反映下，你地出爐時間簡係放飯前係味驚蛋撻太熱定唔知香港人鍾意食熱蛋撻？？？個店員明明我都話5分鐘再黎都唔講聲就放飯，咁趕著放飯唔好番工系屋企自己煮啦🙂…Read More

第一次去食呢間主打健康既食店堂食，只有3-4個人等外賣同堂食2人去食叫左1）三文魚湯飯加糖心蛋加凍奶茶2）蒲燒雕魚飯感想：糙米同飯比例不合理，1粒糙米：100白飯，而且湯飯既飯好似雪櫃冷飯叮熱，硬的三文魚都係食得出雪櫃拎出黎，中間仲係凍，有微微腥味同雪味蒲燒雕魚幾香，而且冇雪味幾大塊，相信真係燒過糖心蛋有調過味，但可惜煮耐左，完全唔流心本身叫凍奶茶，但比錯熱奶茶，之後雖然立即換番比我，但亦只係將熱奶茶換個杯加冰，飲落係水黎，極冇待客之道，可能多左外賣生意，堂食不再重要唯一值得一提既只有煲得唔夠熱既魚湯本來食物準備好晒再加熱係無問題，但隨隨便便比啲仲凍既食物客人食係極唔負責任，先唔講味道，食物安全都可以無視，真係餐廳賣食物既基本都冇左，還剩下什麼？除非成個便當係主打外熱內凍，飯就主打硬冷飯，奶茶賣點係健康淡如水，咁當我誤會你，抱歉…Read More

周圍食開既餐廳因疫情停業或停堂食，令我有機會試新嘢。呢間餐廳開左差唔多一年，本因價格原因未曾一試，今日見店內人少多位，就去一試。點知人少少中大伏，未曾食過如此失敗既吉列豬扒定食。🤢🤢$80蚊既價錢:一個粉沖麵豉湯，唔算鹽算ok; 一個日式蒸蛋，冇咩蛋味，但可入口；一碗白飯，濕左d，算；一塊大大塊硬到好似咬石頭既吉列豬扒我只想講呢塊豬扒既硬度係好似咬緊🦞殼，你知到咬得爛，但會驚咬崩牙。我相信老人家食唔到呢塊豬扒，個廚師自己都未食過。個人食過既$60以上吉列豬扒定食，呢個係最難食既頭3，唔係味道上難食而係食都食得好艱難，只係試到硬，肉實，冇咩味。價值$80蚊既吉豬定食，可能50蚊茶記都做得好食過佢一倍！我唔敢講呢間餐廳其他食物都一樣差，但一個廚師咁都拎得出黎比客人食，我諗佢都唔係好熱愛呢份工作。到最後，叫埋單，個待應企系我隔離望著隔離同事幫隔離權落單應都唔應，找錢果陣想拎單，都要問同事比唔比得張單我，第一次食飯拎單都咁困難，完。…Read More

話說今日真係難忘，咁岩一鍋堂無位，咁岩附近有間串串鍋，咁岩見到幾個好評，就同friend去試伏。唔食唔知幾咁餓，唔伏唔知幾咁嬲。首先店鋪位於老式商廈中，人多到你等到𨋢上都唔會等到𨋢落，可能因為樓上多波鞋鋪。好，walk in 就同我地講食到8點半，有人book左位，懶得再行，算。點知一坐底，好似去左集中營咁，坐圓櫈算，當食大排檔；左右腳都比圓櫈夾著，算，原來係比人放袋，無得簡都要放著先。全程既感覺令我諗起《食神》裡面間快餐點。之後講食物，款少到所有野加埋唔個有冇四十款，係野飲好多款驚死飲唔飽咁。肥牛豬肉片魚蝦全部按人頭比，一次一人一塊，相信其中原因係你叫完都無位擺。開餐，同玩命無分別，因為背著走廊，而走廊只夠一個人行，當店員又要拎鍋比客人又要加湯又要收野、送食物，我既心情係每秒都同命運戰鬥緊，希望中伏都算，比我安全離開。之後，我地食左一粒鐘，實在頂唔順，清左檯上食物即走。咁打得呢篇野，我都仲健在，但我個袋就因為店員收野唔小心倒瀉既飲品整污糟晒，裡外都甜晒。價錢方面同其他火鍋店無大分別，不過呢個質素，的確比得心不甘情不願。大家有興趣一定要感受下！！…Read More