Lovefoodlady的个人专页

最近同朋友去左一間主打高質肉品既火鍋店，今次點左一鍋自家麻辣鴨血豆腐鍋和壽喜湯，我地叫左D set， 有多款靚牛肉，唔同款式既食材都好豐富，每位都只係$338加一，好抵食☺️麻辣鍋底係湯頭香辣帶麻，但不嗆喉，辣味層次分明。豆腐吸飽湯汁，入口嫩滑，帶有花椒香同辣椒香，辣而不膩，非常開胃。湯裡還有不少配料，豆腐、鴨血都煮得入味，係麻辣鍋愛好者既心水之選🫶🏻壽喜湯底則是另一番風味，甜鹹適中，日式醬油香氣濃郁，用來涮牛肉相當完美。湯底煮滾後，牛肉吸附湯汁，甜美滋味提升左肉質鮮味，配搭蔬菜同菇類也很合適，清新不油膩，適合不愛吃辣既朋友👍🏻食物方面當然唔少得日本黑毛和牛A4+😆油花分佈均勻，入口即化，肉香突出。輕輕涮幾秒已經熟透，肉質細緻柔嫩，脂香係口腔綻放，配合壽喜湯更能突出肉質鮮甜💕另外極上安格斯牛小排牛味濃郁，脂肪分布理想，肉質有彈性。下鍋後保持鮮嫩，不會過多油膩感❤️澳洲M6和牛牛腹肉帶有豐富油脂，口感嫩滑，牛味層次明顯。用麻辣鍋涮起來特別香，微辣既湯底令油脂香氣更突出，是高CP值之選👏🏻最中意食蝦滑既我，點左粒粒羅魚鮮蝦滑，魚滑蝦滑手打製作，每粒都彈牙，鮮味十足。蝦滑帶有蝦肉顆粒感，魚滑則滑溜可口，吸湯力強，推薦必點👍🏻仲有熟食區、沙律吧、雪糕區同夾糖區，食物種類相當豐富👏🏻飲品方面，唔少得自家製有營茶，鴨屎香檸檬茶、洛神花茶等，茶飲用料天然，口味清新，略帶花果香，解膩又健康。配合火鍋油膩感，十分對味，飲後口腔清爽，值得一試。仲有好特別既茶酒區，岩哂想少斟一杯既朋友😆這次打邊爐經驗非常滿意。鍋底製作用心，肉類新鮮高質，手打滑讀見誠意。自家製飲品為整體體驗加分，是一間值得再訪的火鍋店。如果你喜歡優質牛肉和特色鍋底，這家店必定不能錯過！❤️…查看更多

週年紀念日想搵間餐廳去慶祝下，諗起秋田鐵板燒，之前食過尖沙咀分店好喜歡，原來佢係灣仔都有分店，岩哂我收工就可以即刻趕去食😆季節沙律味道好清新，夠哂開胃😆👍🏻魚籽鵝肝蒸蛋鵝肝味道十分濃郁，蒸蛋夠滑溜，魚籽又卜卜脆，多重享受😆鮮活時令龍蝦龍蝦相當鮮味！肉質十分彈牙，加上係鐵板上面快炒，夠哂火喉👏🏻鐵板帶子帶子用牛油煎香過，再配合紫菜同紫蘇葉連埋一齊食，味道好夾！好好味☺️原隻鮮活南非鮑魚鮑魚烹調既時候掌握得剛剛好！肉質夠哂嫩口彈牙！配上忌廉海帶汁，連埋昆布一齊食，更加豐富左鮑魚既味道！😍香煎頂級鵝肝勁厚身既鵝肝！😳鵝肝既豐富油脂同酸甜濃郁既黑醋完美融合😋香脆既多士亦吸收哂每一滴鵝油，充滿油香🥰鹿兒島霜降和牛厚燒+鹿兒島霜降和牛薄燒卷霜降和牛油花分布均勻，口感軟腍👍🏻 配上兩種鹽，薄燒卷建議配合鹽昆布，厚燒就建議配知岩鹽，我個人就最喜歡沾日式芥末醬一齊食☺️😋秋田炒飯炒飯粒粒分明夠香口，櫻花蝦既加入更加令香味昇華☺️炒野菜夠哂爽脆，野菜夠新鮮食得出蔬菜既甜味👍🏻龍蝦清湯用左龍蝦殼去熬湯，味道相當鮮甜👍🏻甜品係銅鑼灣燒同雪糕，大滿足☺️再食仍然係相當喜歡，環境、食物味道都係令人會願意一試再試👍🏻…查看更多

廿一由八呢個名都聽左好耐，個個都大讚食物味道出色，咁岩假期去開香港大學附近，終於可以一嘗佢既出品😋經典義式千層麵配香烤西蘭花 $158層層堆疊的麵皮，搭配濃郁肉醬和牽絲起司，一口咬下，幸福感爆棚！還有那香烤西蘭花，清爽解膩☺️西班牙蛋餅配香蔥酸忌廉及紅洋蔥漬 $88蓬鬆蛋餅，搭配香蔥酸忌廉和紅洋蔥漬，酸甜滋味在口中蔓延，每一口都是驚喜！視覺味覺雙重享受😆海鹽香緹忌廉天使蛋糕 $58輕盈蛋糕體，搭配綿密海鹽香緹忌廉，甜而不膩，入口即化！😋蜂蜜咖啡 $40 & 拿鐵 $40香醇咖啡，搭配香甜蜂蜜，口感滑順💕經典拿鐵，奶香濃郁，給你滿滿的幸福感！☺️…查看更多

一向喜歡食丼飯嘅我，知道日式丼物專家丼丼屋由即日至4月22號推出期間限定滑蛋炭燒牛肉丼，當然把握機會去試一試😋滑蛋炭燒牛肉丼 $78 用炭火燒烤過嘅牛肉，香氣十足，再結合細滑嘅滑蛋，牛肉軟嫩滋味突出😚配合日本生蛋黃，拌勻後為牛肉丼飯添加順滑口感，味道同口感層次up🆙另外可以用$32優惠價加購厚切三文魚帆立貝刺身，厚切三文魚同帆立貝相當肥美同鮮甜，鮮味double up!我哋仲叫咗豚肉鍋燒烏冬定食同炸魷魚鬚，烏冬定食配料有菇類、蔬菜、腐皮，用料豐富，烏冬夠晒滑，炸魷魚鬚夠晒彈牙又香口，好味道👍🏻 完美嘅晚餐點少得飯後甜品，我哋仲追加咗炙燒焦糖芝士蛋糕😋芝士蛋糕表面經過火炙處理，形成一層酥脆嘅焦糖外殼，同幼滑既芝士蛋糕形成鮮明對比 ☺️焦糖嘅微苦同濃郁嘅芝士，味道層次豐富，十分滋味😋是日晚餐相當滿足☺️ 丼物專家果然名不虛傳👍🏻…查看更多

星期五晚，特別想搵間靚靚餐廳去慰勞辛勤工作左一周既自己，就約左朋友去位於中環M88既 Espuma ，有落地大玻璃，望住窗外既街景，特別寫意☺️ 餐廳主打亞洲，新派西班牙同歐洲fusion菜，好特別☺️我地叫左二人餐，$388/per大閘蟹粉丹麥多士中西合璧既創意美食🤤蟹粉香咪味濃郁、丹麥多士夠香脆，味道同口感配搭都好融合，好味👍🏻泰式虎蝦茄子沙律虎蝦大大隻，爽口彈牙，沙律微酸，開胃一流☺️日本南瓜湯味道香甜濃郁，入面仲有南瓜雞脾菇卷，層次豐富👍🏻烤胡椒檸香法國香雞春雞烹調時間剛剛好，肉汁豐富夠鮮嫩，淡淡檸檬同胡椒既香氣，更加提升左雞肉既鮮美❤️鮮雞肉湯燉煮西班牙黑毛豬及栗子好特別既一道菜！用椰菜包住黑毛豬，肉味香濃，肉汁豐富，栗子夠哂粉糯香甜，配合左血腸，口感味道夠哂多層次☺️特色朱古力蛋糕外貌出眾既朱古力蛋糕😍 作為飯後甜品，為一頓晚餐畫上完美句號😚餐廳菜式特別，加上餐廳氛圍有格調，好享受既一頓晚餐…查看更多

朋友生日，想好好同佢慶祝一下，鐵板燒係首選，可以一邊欣賞師傅既功架，一邊傾訴心事享受美食☺️季節沙律味道清新，好開胃既前菜👍🏻魚籽鵝肝蒸蛋好滑既蒸蛋！鵝肝味道濃郁，魚籽脆卜卜，口感豐富👍🏻龍蝦清湯師傅用左龍蝦殼去熬湯，味道相當鮮甜👍🏻鮮活時令龍蝦龍蝦夠彈牙！配上龍蝦膏係鐵板上面快炒，蝦味好濃郁，夠哂火喉😚鐵板帶子帶子用牛油煎香，帶子十分鮮甜！原隻鮮活南非鮑魚師傅技術果然高超，鮑魚烹調時間岩岩好！好嫩又夠彈牙！醬汁方面用左忌廉海帶汁，連埋昆布一齊食，更加豐富左鮑魚既味道！😍香煎頂級鵝肝好厚身既法國鵝肝！😳廚師烹調時間恰到好處，入口即化👍🏻鵝肝既豐富油脂同酸甜濃郁既黑醋完美融合，減輕膩感😋香脆既多士亦吸收哂每一滴鵝油，充滿油香🥰鹿兒島霜降和牛厚燒+鹿兒島霜降和牛薄燒卷5成熟既鹿兒島霜降和牛，牛味濃郁，口感軟腍👍🏻 薄燒卷建議配合鹽昆布，厚燒就建議配知岩鹽，或者沾芥末醬一齊食，蛋重既味覺享受☺️😋秋田炒飯睇住師傅係鐵板上炒飯好治癒，一路炒香味一路傳過黎，口水就一直流，加上櫻花蝦，香味昇華了不少！炒野菜雜菜炒得好香口，好惹味😋甜品係銅鑼灣燒同雪糕，相當滿足❤️師傅烹調手法純熟，食物味道亦係水準之上，用餐體驗一流👍🏻…查看更多

岩岩去完日本，返到香港都係仍然想食日本菜😆 武士料理一早已經book marked，見朋友去過個環境好靚，仲有個刺身拼盤好吸引☺️ 既然去開元朗，終於可以試一試😆武士之魂刺身盛 $438牡丹蝦 （追加一隻 $48）牡丹蝦肉質晶瑩剔透，入口質感嫩滑，味道鮮甜！❤️磯煮鮑魚 （追加一隻 $38）煮得夠哂入味，鮑魚亦十分彈牙👍🏻帆立貝帆立貝味道甘甜，肉質肥厚，口感極佳！☺️紋甲魷魚鮮味十足👍🏻鮟鱇魚肝鮟鱇魚肝口感綿密滑順，油脂柔嫩醇香，食完真的大滿足！🥰高知縣大、中拖羅油脂豐富，入口即化！ ☺️加拿大海膽海膽味道濃郁鮮甜，入口綿滑甘香！👍🏻三文魚腩三文魚子丼飯呢個配搭冇得輸，三文魚腩夠肥美，三文魚子亦好鮮甜，大滿足😆味噌湯熱辣辣味噌湯味道恰到好處雞皮串 $38燒得夠哂脆！😆天婦羅淮山條 $16口感外脆內軟，送酒佳品 ☺️唐揚魷魚鬚 $38外層脆卜卜，最中意食炸魷魚鬚☺️吉列炸蠔 $38一咬落去d汁咇哂出黎，好好味👍🏻燒玉子 $18熱辣辣既燒玉子，夠哂嫩滑，好味😋日本料理真係食極都唔會厭☺️ 好滿足❤️❤️…查看更多

萬聖節當然要同朋友狂歡一下🎉🎉 Ciclo 既cocktails 夠哂特別一早已經想去試下😆 一入到去見到布滿萬聖節氣氛既裝飾，好有feel👍🏻👍🏻 環境好，座位闊落，同朋友傾計聚會就特別暢快😆吞拿魚他他 $138吞拿魚混合左港式辣椒醬同蛋黃醬調味，意外地味道好配合！再加入牛油果、墨西哥辣椒同青檸，味道好豐富，再配上自家製既香脆米脆片，好出色既前菜！👍🏻竹炭唐揚炸雞拼自製辣椒油蛋黃醬 $118用左老干媽辣椒油醃製雞腿肉，再用竹炭粉炸成既一就暗黑風格料理❤️ 外層超鬆脆，內裏既雞肉又超Juicy， 好好味😚雖然加左辣椒油，但一d都唔辣，反而多左獨特既香味，怕辣既朋友仔都可以一試👍🏻花雕雞油蟹肉墨汁意粉 $258湯汁使用蟹殼、昆布、大蜆等鮮嫩海鮮慢火細熬，相當濃郁，再淋上雞皮既油份，炸香蒜，製成充滿雞油香氣既墨汁意粉☺️ 重點既蟹肉特別灑上左花雕酒，香味層次充分昇華，係一道令人相信享受既菜式，極力推薦！👍🏻脆煎牛坑腩 $268牛坑腩先拆骨再慢煮，然後燒到外脆內軟，而肉質仍然可以保持嚼勁，充分展現左大廚既烹調技術👍🏻食落油脂相當豐富☺️薯蓉亦都係相當出色，超級香超級滑💕Genmaicha $128用玄米茶同冬瓜茶作主調，用Gin做base既雞尾酒，再加入梳打水同檸檬汁作點綴，口感好清新，又有濃濃既玄米茶味，好喜歡☺️Koko ringo $128表層係一層好滑既椰子mousse，夾雜左獨特既斑蘭葉香，微酸又清新既青檸，味道層次好豐富，好香好清新👍🏻今餐食得相當滿足💕每一道菜都感受到廚師既功夫同心思，透過唔同食材、醬料既配搭，日常可見既食物變得非常獨特👍🏻視覺、氣味、味道多重享受，絕對會令人想再次回訪😚…查看更多

忘碌一整天後當然要同朋友好好食返餐！我地都相當喜歡公司附近既Plato Cafe & Bistro 個二人套餐，好味又抵食☺️ 精選二人套餐 $458是日餐湯係洋蔥湯，味道濃郁，洋蔥份量好足，好味👍🏻日式天婦羅魷魚外層炸得金黃，咬落相當香口，再沾沙拉醬食，味道更佳！😆法國燒春雞燒春雞外皮炸得金黃香脆，內裡肉汁豐盈，肉質嫩滑，點一點隨碟的燒雞醬汁，食起來非常惹味！除了燒春雞外還附有香脆的炸薯條，份量十足！好味得來又夠抵食！👍🏻龍蝦汁波士頓龍蝦意大利飯龍蝦份量十足，香氣撲鼻，味道鮮甜，口感厚肉彈牙。而蝦膏甘香，味道濃厚相當鮮味！而意大利飯軟硬適中，醬汁份量及味道亦剛好，值得一讚！❤️是日精選甜品蛋糕口感軟滑濕潤，濃濃芝士香，好食到瞬間將佢吃光☺️套餐仲包兩杯飲品，我地分別叫左冰果茶同英式奶茶，奶茶好香冰果茶好fresh ☺️…查看更多

自從去過新加坡食天天海南雞就一直念念不忘，由知道佢哋係香港開分店就想過來食我最愛的海南雞。餐廳位於銅鑼灣Fashion walk商場地下。餐廳環境闊落，用餐時間係平日晚上七點，餐廳大約八成滿。眼見客人源源不絕，如果想食建議早點訂位。天天海南雞中份 $169招牌的海南雞當然要試試！海南雞肉質鮮嫩，雞味濃郁，食落非常水嫩滑溜。米芝蓮必比登推介當之無愧，必食！砂鍋新加坡黑胡椒羅氏蝦粉絲 $149粉絲索哂濃濃既醬汁，好惹味！羅氏蝦好大隻好彈牙！👍🏻黃金八爪魚 $69粉漿夠薄身，每件八爪魚都掛滿左濃厚既咸蛋黃醬汁，好好食！雞油飯 $23/碗雞油飯充滿雞油香，配埋海南雞一齊食簡單絕配☺️熱年代奶茶$35年代奶茶馥郁芳香，茶味香濃，入口甘香，口感細滑，絕對係我飲過數一數二好飲的奶茶，必飲！❤️整體餐廳無論食物質素，價錢份量，服務態度，質素都好高。天天海南雞飯絕對係一間好值得推介嘅餐廳！…查看更多

好朋友生日，咁普天同慶既日子，緊係要食餐勁既😆 我地兩個都好喜歡食廚師發板，平時返工行過見到重房個門面都已經覺得幾吸引，再上網睇埋個評價都好好，所以一早預約左黎品嘗下，好好享受下☺️前菜有蟹肉加菠菜，配上胡麻加豆腐一齊搞溶既醬汁，微微豆乳味好香好清新，另外日本蕃茄配自家製白酒啫喱，兩者一齊食味道意外地配合！👍🏻刺身方面秋刀魚及松葉蟹，建議先食秋刀魚，秋刀魚點薑蔥豉油一齊食，味道好豐富，後食松葉蟹配蟹膏蟹醬，味道好鮮甜好濃郁北海道仙鳳趾產生蠔，北海道厚岸灣仙鳳趾是以生蠔聞名的地方，海水與飽含礦物質的湖水混合，孕育出尺寸矚目、肉身肥厚、質地滑口的生蠔💕 仙鳳趾既特點係甜味濃郁，而且超creamy ，加上沖繩海葡萄、魚子同醋啫喱一齊食，味道同口感都相當出色！❤️地金目鯛，是金目鯛中的頂級的, 脂肪最豐厚, 味道最濃厚，油份較多。食落果然肉質相當嫩滑，建議先品嘗原味既，再試配埋磨碎左既日本烏魚子，就可以品嘗到唔同既風味☺️神戶A4和牛，生牛肉我都係第一次試，原本咁好味😍油花完美分布，油份豐富，肉質超級嫩滑，將紫洋蔥，醋，日本蔥，蛋黃撈埋一齊食，蛋黃既濃郁、醋既微酸、紫洋蔥既甜，再加上日本蔥既香味，完美！👍🏻燒吞拿魚腦天，腦天係吞拿魚頭頂上既肉，肉質極嫩滑，油份極高，魚味濃厚，腦天肉大概只佔成條吞拿魚只係得2-3塊腦天肉，所以係相當罕有既部位😯 入口即溶既腦天，配埋中吞拿魚同紫蘇葉，加上脆卜卜既紫菜，好夾好好味👍🏻之後就係兩款熟食磯煮鮑魚，用味酥、糖、醬油、昆布、酒浸兩日令鮑魚入味，先食一件原味，鮑魚夠哂入味夠哂香，再點鮑魚肝醬配埋一齊食，鮮味再提升，最後食埋索哂汁既蘿蔔，好滿足☺️沙錐魚天婦羅，職員會先上舖滿紫色菜汁既碟係你面前，然後再倒入檸檬酸，兩者混合後就會出現好靚既螢光粉紅色😍 天婦羅既粉漿夠薄身夠脆，沙錐魚亦炸得剛剛好，肉質鮮嫩👍🏻再黎就係壽司部分北海道北寄貝壽司，配上新鮮柚子皮，面頭沾有醬油加青檸汁，我好喜歡柚子皮同北寄貝既配合，味道好清新又帶出到北寄貝既鮮甜💕小肌壽司，小肌是鰶魚的幼魚，屬於出世魚之一。處理小肌既時候，鹽的份量與醋醃製的時間必須拿捏精準，根據其身形的厚薄大小作出調整，才能料理出味道鮮美的小肌，相當考師傅既功架👍🏻日本梭子魚壽司，肉質鬆軟鮮甜，特色係魚皮油脂豐富，師傅將魚皮輕輕炙燒，令油香更突出 🤤筋子壽司，亦稱鱒魚魚子，筋子從三文魚肚取出後，會保留卵巢膜一整串三文魚卵去醃製，口感會較黏口，由於醃製時間較短，更加可以品嘗到本身既鮮甜野生馬糞海膽配法國魚子醬壽司，唔洗多講，馬糞海膽既甜配上法國魚子醬既鮮，口感同味道都一流！👍🏻黎到尾聲，送上一碗熱騰騰既魚湯，魚味相當濃郁，加上蔬菜帶出既自然清甜，又暖胃又幸福☺️最後用果汁多，果肉纖維少，入口即溶，甜味突出既靜岡蜜瓜完美作結☺️用餐完畢，朋友同我都相當滿意，食材夠時令，新鮮就不在話下啦，最重要係每道菜都感受到廚師對食物既尊重同熱誠，務求透過不同既配搭，食法，同先後次序，去帶俾食客多方面既享受💕…查看更多

忽然間想食韓式炸雞，一諗就諗起Dodam chicken，即刻約埋朋友仔一齊去食炸雞😆韓式炒牛肉粗粉絲 $165第一次食粗粉絲，比幼身果隻粉絲更有咬口，好喜歡👍🏻👍🏻牛肉份量好多，炒得夠香口，味道夠濃郁蜂蜜牛油香蒜脆雞 （半份）$152外層好香脆！裏面又夠嫩滑多汁☺️ 蜂蜜牛油味甜甜的，配試蒜香味，一舊接一舊食唔停口☺️☺️Dodam Chicken 既炸雞真係唔會令人失望，食過無數次每次質素都係咁好食☺️…查看更多

係旺角行街行到攰，朋友話想食樓下cafe，搵搵下見到Little Fresh bar & cafe，之前係銅鑼灣食過，質素幾好，所以二話不說就上左去喇😆我同朋友都係叫set lunch，前菜我地分別叫左田園沙律同炸蟹柳，田園沙律夠哂fresh，炸蟹柳幾有驚喜，外層炸粉少但好夠脆👍🏻是日餐湯係蘑菇湯，好濃既蘑菇味👍🏻主菜方面我地分別叫左牛扒同日式天婦羅蝦烏冬牛扒有碳燒既味道，配埋醬汁，微微芥末味，令味道層次更豐富👍🏻 薯條新鮮炸起，熱辣辣脆卜卜👍🏻烏冬方面，天婦羅蝦炸身夠薄身，烏冬滑溜又彈牙👍🏻👍🏻我地仲叫左杯Latte 同 自家製蘋果金寶Latte 有碳燒既味道，好好飲👍🏻蘋果金寶有好香既肉桂味☺️ 廚師好窩心地配左紅桑子，莓類等微酸既水果，中和返偏甜既蘋果金寶👍🏻除左set lunch 多， 見到佢地單點既食物都好吸引，下次黎可以試下😆😆…查看更多

火鍋就食得多，泰式火鍋就比少見🫣 Airside 最近新開左一間以泰式火鍋做賣點既泰國菜餐廳，火鍋湯底有冬陰公湯底😍😍 我勁中意食冬陰公，點可以錯過😆 一於叫埋屋企人一齊黎食個泰式火鍋😆😆我地今次三款湯底都嗌左：秘製冬陰公鮮蝦湯、椰奶雞湯鍋同埋慢燉牛板腱濃湯鍋😆 既然叫左三款湯底，就當然要叫返三款唔同既肉去夾返啦😆😆 美國嚴選牛板腱套餐 160g $148西班牙黑毛豬腩肉套餐 130g $118🤤美國特色肥牛套餐 100g $98火鍋滾起☺️ 第一時間緊係要飲啖原汁原味既湯底先😚 冬陰公湯底酸酸辣辣，加上椰香味，係我喜歡既冬陰公味道☺️ 再黎係椰奶雞湯鍋，係好濃郁既椰子香，配合埋雞湯既鮮味，我屋企人話最喜歡係呢個湯底❤️ 最後係牛板腱濃湯鍋，味道清甜，牛肉味都好突出👍🏻 三款肉類都好有質素，美國牛板腱肉味濃郁、美國肥牛入口即溶、西班牙黑毛豬脂肪分佈平均，充滿油脂香💕 配菜方面有冬菇、河粉、札肉、粟米、芋絲等，輕鬆就可以淥到一碗泰底冬陰公湯河，好正😆😆食得興起，又順便叫左兩款小食💕泰式手打蝦餅 $24除左好彈牙既蝦膠外，仲真係會食到蝦肉，口感豐富，外脆內彈牙👍🏻香茅雞翼 $24雞翼已經切開左做單骨雞翼，香茅味好出，雞肉都仍然保持嫩滑飲品方面，我地都係叫左三款黎試哂去🤣泰式芒芒碌碌 $28勁香勁濃既芒果味😍 口感偏沙冰feel，好fresh 好解渴❤️泰式手標啵啵奶茶 $28手標奶茶真係冇得輸🤣經典既香濃奶茶味🥰蝶豆花青檸梳打水 $28顏色好靚好夢幻😳 打卡一流！味道酸酸甜甜，夠哂清新👍🏻呢度既火鍋醬汁都好泰，係泰式辣醬、泰式青辣椒醬同泰式甜酸醬，而且仲可以任食泰國蝦片，火鍋加湯又真係加湯唔係加水，茶芥加醬料費都只係每位$15😚今餐真係食得超滿足，未食完已經要諗定下次幾時再黎食😆😆 …查看更多

忙碌左一日黎忽然興起想去打邊爐，一諗就諗起大鍋口，大鍋口火鍋放題出名到街知巷聞，之前都經常同朋友三五知己去食火鍋放題，今晚就一於去重拾回憶😆一去到就當然要先食雞煲！雞件夠哂入味，惹味又嫩滑😋我地仲加左水魷、豬皮同牛柏葉一齊煮，每樣都掛滿濃郁既醬汁，勁好食！超級推薦呢個食法😆火鍋湯底我地揀左沙嗲湯，香濃既沙嗲湯底係打邊爐既絕配🥰 餐廳首先會送上一碟肥牛，色澤紅潤而且雪花分布平均，一睇就知高質！👍除左牛肉外，我們仲嗌左炸芋頭條、墨魚滑、麻辣鴨血、鵝腸、海蝦、豬潤等等等等，相當多選擇😆 飲品亦都係無限供應，食得相當滿足☺️…查看更多