carolclc's Profile

一個近期幾鍾意嘅聚腳點，食物和飲品啱口味，staffs 亦算友善，平日晚唔算多人，坐得好舒服。平時嚟都係飲吓酒食吓小食，主要係同朋友八卦八卦輕鬆吓。今日突然想試吓甜品，點咗個“蘋果派”🥧，好特別喎，嚟到好似個酥皮湯咁，酥皮呢啲肥嘢好啱我口味🤣🤣 湯碗內就係平時蘋果派裡面啲蘋果，呢個“蘋果派”特色就係無“派” (餅皮)，所以無咁“漏”，配埋雪糕，都唔會太飽。各人口味唔同，我自己就覺得幾特別，都幾鍾意呢個食法😋…Read More

34度嘅太陽下☀️，好想搵間 cafe 坐低飲杯咖啡 hea 吓，諗起都好一陣子無過嚟，今日去開元朗就嚟嘆個下午茶。🍳☕️Menu 有我好鍾意嘅 Eggs Benedict🍳🍳，一隻配 Parma ham，一隻配 smoke salmon，我自己就鍾意 ham 多啲。旁邊嘅沙律好好食，沙律菜和哈蜜瓜都好鮮甜，好消暑。咖啡就正常，我記得上次嚟覺得好飲啲。☕️🤪見到隔離枱食緊啤酒套餐，炸雞薯條🍟+啤酒🍺，真係好爽🤩🤩…Read More

兩個人想食火鍋，一人一鍋剛剛好選擇算多，有多款湯底，先選肉，再選湯底，每份都包一個蔬菜盤，一杯飲品。自助吧有多種醬料，小食，肉燥飯，刨冰甜品。食物都新鮮，環境和服務都不錯，可以再來。…Read More

出門都仲幾好天，點知搭車已經開始落雨，去到仲黃雨🌧🌧 只有大概10個位，我下午2點到，好彩剛剛有人走，先有個位咋🥳🥳因為唔太餓，所以只點了 classic pancake 🥞 + long black ☕️ pancake 好鬆軟好好味😋😋 long black 仲可以選 fruity or nutty👍👍…Read More

一個星期只過了一半，需要同朋友食飯放鬆下，才可繼續捱埋剩下嘅工作日😆😆本身想嚟個快閃 happy hour 放鬆下，點知朋友話有時間可以慢慢食，所以就去咗匠心廚房，貪佢唔限時又坐得舒服，食過幾次，食物都好味。朋友第一次嚟，我地坐窗邊，佢一坐低就話環境唔錯👍自己帶咗支酒，所以先食住頭盤，飲下酒，傾下偈，之後再點主食和甜品。(掛住食，只隨意影咗幾張相)輕鬆的一個晚上，明天繼續努力返工💪…Read More

小店強調自己係“真奶”，感覺比較健康，今日經過，試了“烏龍寒天鮮奶茶”🧋，無其他珍珠奶茶咁甜，啱我口味。其實大部分人都係推介不同水果味的乳酪飲品，或者我下次都應該會試下😉…Read More

聽過好多次，終於有機會食到。第一次，當然先要試“招牌兩姊妹涼皮”，本來點了小辣，不過職員見我面帶猶豫，同我講怕辣的話可以先試bb辣，咁好啦，我試下bb辣先啦🤣。返到屋企打開個蓋，已經聞到好香，涼皮好滑，bb辣真係好少辣，但仍帶有香味，我諗下次我可以試小辣🌶。已經好期待再去買小辣涼皮🌶，另外仲想試其他小食，有好幾款都好吸引。…Read More

最近重新愛上珍珠奶茶，每星期總會試一間未飲過的店，今日來到屯門，試了山下茶舍，小店裝飾不錯，旁邊有一個好靚嘅打卡位。點了黑糖珍珠奶茶🧋，奶茶好飲，不過我覺得有少少太甜，但係好味嘅👍。下次會再試其他飲品😋…Read More

一個星期六下午，靜靜享受一個人的時光🌞。職員非常有禮貌及親切，我點了阿薩姆紅茶🧋，芝士蘑菇牛角包🥐配粗薯條🍟。食物即叫即做，好味，如果牛角包可以烘脆啲一定會更加好味。😋😋…Read More

行過佐敦，朋友介紹呢間食意粉嘅小店。裡面職員好親切，午餐都抵食，今次點了 “奶油蘑菇煙鴨胸意粉”，好香濃的奶油味，沾滿每一條意粉，好味！另外加配芝士餅，朋友就試吉士蛋，我個人就鍾意芝士餅，加$9抵食。…Read More

已經幫襯咗接近20年的上海麵鋪，因為在街市裡面，只會天氣涼嘅時間才會幫襯。😆最喜歡佢嘅鳳爪，真係好入味，必點。我每次都會食 “絲爪米”，即係 “炸菜肉絲鳳爪米粉”，有時會叫多個 “淨雲吞” 同朋友 share。雲吞係細細粒，個皮又薄又滑。佢嘅麵都同出面唔同，有啲似日本拉麵質地，不過食完會好飽，所以我都係鍾意食米粉多啲。😆…Read More

已經食過好多次，好喜歡佢刀削麵嘅質地，彈牙又唔會太軟，好有咬口。另外一直都想試水煮魚，但之前提供只有餸菜形式，要叫一大鍋，所以一直都未有機會試。最近可能因為無晚市堂食，所以推出了水煮魚可配刀削麵，咁就算一個人都可以食到。真係無令我失望，水煮魚真係好好食，我叫小辣，對我嚟講已經足夠，不過相信如果喜歡辣的朋友，可以唔使小辣，一定會更香更好味。…Read More

現在啲西餅蛋糕愈來愈靚，已經好耐無食傳統嘅港式西餅，咁啱見到有人提到元朗有間好好食嘅 “雀巢” 西餅蛋糕，我都唔知係咩嚟，所以去試下。其實我都唔肯定嗰個人係咪講緊呢間餅店，不過我買咗嚟食，都覺得唔錯，唔會係死甜，之後我有再買過兩次。…Read More

去厚福街搵食，經過見到有店員熱情有禮推介，menu 睇落都幾吸引，就坐底試下。3個人都係第一次幫襯，所以點了3款不同嘅魚生飯，3杯不同嘅飲品，比較下。可以單點一個飯，或者加錢轉餐，有餐湯和飲品。亦可再加錢轉特色飲品或啤酒。🍺食物 presentation 真係好靚，魚生都算新鮮，幾清新。飯亦煮得好好，軟硬適中，帶有甜甜的飯味。🍣🍣🍣特色飲品真係靚到唔捨得飲，打卡一流。🍹🍸🍵食完先知原來這間店係出名食肉，只好下次再試下。😝…Read More

我好鍾意食上海麵。放工唔太肚餓，本來諗住行去食米線，點知經過呢間睇落有點舊嘅上海麵店，忍唔住就入咗去試下。😋點咗個酸辣雲吞麵，都幾大碗，有四大粒白菜豬肉雲吞，酸辣湯好足料。可以選幼麵或粗麵。👍我選了粗麵，佢個粗麵係幾好食，不過食完覺得好飽，下次可以就咁點酸辣雲吞湯，有八粒雲吞，唔使加麵，同價，抵食。對我嚟講我覺得個酸辣湯有少少太辣，食到出晒汗。😜小店主要係食麵類，另外都有飯，不過就無飽點類，即係無小龍包，鍋貼嗰啲。…Read More