AC E46's Profile

午飯時間經過成業街被派傳單姐姐手上的$6coupon吸引咗，咁就上咗位於4樓的Ij Kitchen試個午餐。餐廳尚在試業中，裝修簡潔，尚算舒服。餐牌上有好多牛的選擇，有最貴的西冷扒，和牛漢堡，一口牛粒，牛肋條同肥牛烏冬。嘩，同牛有仇喎。雖然好多牛的選擇，但係我今次徧唔叫牛，我就叫個越式香芧豬扒飯試下。豬扒帶有濃濃香茅的香味，豬扒用上梅頭部位，肉質較一般的霖。伴碟有少量柚子汁的沙律菜，都幾醒胃。其實嗰碟汁的味道都幾特別，有點微辣，同泰式生蝦個汁有幾分相似。整體嚟講，味道唔錯，有驚喜。下次再嚟試下佢D牛先，所以都留咗佢哋張coupon。宜家新張仲可以免費upgarde特飲添…Read More

試過元朗cafe52，出品都不錯，無奈人比較多同擠迫。自己又唔係住元朗，想再去食不如就去佢葵涌分店啦。地點位於半山位置，好彩有揸車，唔係就有排行。上次食咗意粉，今次改一下口味食雞扒burger。漢堡包用上黑色的竹炭包，其實同普通漢堡包味道沒有分別，但賣相就比較出眾，唔打得都睇得啊。個雞扒煎得剛剛好，帶點香草味夠juicy又脆口，正呀。另外，不得不提跟個burger的粗身薯條，口感一流，同一般快餐的，不能相比。建議坐門口的戶外座位，秋涼微風輕吹，又寫意又舒服。…Read More

自從石門有馬鐵站之後，石門站附近已經開咗唔少餐廳，可謂百花齊放。近排大家發起支持小店，一於搵間小店去試一下。來到Craps cafe，第一個反應是細。只有十個坐位左右，連大門亦非常隱蔽，一不留神就搵唔到㗎啦。餐廳主打咖啡，輕食同意粉。當日我點咗蕃茄大蝦意粉，醬汁蕃茄味夠濃，大蝦亦夠大隻同爽口，意粉夠al dente，味道唔錯。order意粉仲可以加錢要餐湯，當日是蘑菇湯，蘑菇味算濃。絕對不是一般例湯的hea，心機之作。…Read More

古早一詞於台灣常常見到，不論冬瓜茶，牛肉麵，甚至檳榔也有用此名詞。此詞語來到香港，古早味蛋糕，又怎可不試。蛋糕定時新鮮出爐，舖面時間表寫明出爐時間。出爐前舖外已有人龍，而且每次出爐只有十份，果然珍貴。我只排到原味蛋糕，到手時熱辣辣，忍唔住喺街上已經用手一細舊撕開食。蛋糕非常鬆軟，雞蛋味都濃，好有舊餅店紙包蛋糕的感覺。熱食當然好味，由於份量太大，留了2件於雪櫃。原來雪凍咗一樣咁好食，有2分莎莉蛋糕feel。唔知厚切用嚟BBQ會唔會好食呢？…Read More

想搵隱世cafe，search到這間cafe shop，帶著戰戰兢兢的心情揸車去試一下。跟google map揸車遊咗錦上路幾轉也入唔到，最後放底部車於錦上路站，自己行入去。發現原來車係入唔到的，灰晒以為個貨櫃改做的市集有一定的規模，點知原來乜都冇只有幾間地産，同一個俾似歡樂天地俾小朋友玩的地方。咁咪只有去食嘢啦！星期日的中午，menu內所有烘焙類食物全無，咁只有選擇咗芝士豬柳漢堡。豬柳同老麥無乜分別，好似包有焗過，軟軟地熱熱地，味道中規中矩啦。如果想隱世避靜，這間cafe的確能令大家耳根清淨。之後仲可以行去紅磚屋睇下行下添。…Read More

重陽節假期，各大商埸都提早關門，冇乜地方好去，咁只好搵個安全位置食個lunch hea一下啦。Search到cafe 52都幾吸引，一於試下。大約2點到達餐廳，全場9成滿，勁呀！我叫咗個白茵雞肉意粉，以為咁多人有排等，不用10分鐘就有得食，果然夠快。意粉係忌廉汁底，雖然比較多汁，但忌廉味夠濃，味道唔錯。雞肉用香草腌過，香草味滲入肉內，非常入味。$55仲唔洗加一，門口又可以停車，性價比極高。見到人地個漢堡幾靚，下次一定要試下。…Read More

行街行到攰攰哋，搵間cafe去hea是好正常不過的。韓風襲港多年，一於去Tom & Toms hea一下。平日的下午茶時段，人流不算太擠擁，不消一會就搵到位置。一杯焦糖 latte再加份焦糖忌廉吐司，一個邪惡的下午茶。latte的咖啡味徧淡，不太適合有要求的咖啡愛好者。但份量十足，夠晒大杯。吐司的麵包焗得夠脆，加上焦糖又不太甜，兩者都幾夾。配上滑滑的鮮忌廉，三者混合一齊食，感覺異常匹配。味道雖然不錯，吐司的價錢徧高，性價比一般。…Read More

叉燒，一款四園都可以食得到食物，竟然有餐廳以此為名，一於試試佢。食神叉燒飯，其實只係叉燒飯加荷包蛋，已經有好幾間餐廳做得非常出色，咁這一間又點呢？叉燒可選肥或瘦叉，我一向怕肥膏的，所以order咗瘦叉。味道正常不太特別，一般燒臘舖味道。雖然喺瘦叉，但一點都唔會好似食柴皮咁，口感唔錯。成個丼裝落飯，份量夠晒大，抵！侍應阿姐推介樽仔奶茶，話原汁原味必要試。味道尚可，但覺得徧甜。可能由於店舖新開張，侍應出錯頻密，有待改善。以味道計，敏X的叉燒飯喺較出色，但此店平至少20%同份量又大，性價比有絕對優勝，可以一試。…Read More

朋友介紹此店的意粉幾出色，一於試下。Lunch menu有3款選擇，我叫咗餐湯，青口闊條麵同tiramisu 。由於此店的意粉面條全部即場做，特別新鮮。餐湯是椰菜忌廉湯，忌廉及椰菜味都幾濃，湯的質地比較「傑」身，尚算唔錯。主菜為蕃茄醬青口闊條麵，青口是藍青口而非一般急凍半殼青口，口感夠嫩滑。重點的闊條麵，自家製的確有不同，口感夠煙韌，一流。雖然碟意粉賣相一般完全沒有裝飾美化，但味道絕對可以彌補不足。甜品是tiramisu ，咖啡味濃，cream又夠滑，yummy…Read More

難得平日放假，一於出去郊遊一番。聽聞白沙灣開咗間酒店仲有海邊餐廳，咁就揸車入西貢試下。可能平日的關係，餐廳無乜客人，感覺有如包場一樣，正呀！大廚Wing 介紹咗menu之後，我點咗個special的壽司set。由於我坐正open kitchen的位置，可以一邊睇住廚師炮製我的食物，保證乾淨衛生。上菜時大廚更介紹每款壽司，非常細心。全部壽司也非常新鮮，我尤其欣賞北海道海膽及池魚，回味無窮。完結之前還有自家製tiramisu 雪糕，濃濃的咖啡味雪糕又夠滑，一個美麗的結尾。…Read More

朋友話這間餐廳是由藍帶主廚主理，一於同老婆試一試佢。平日的晚上已有約8成的入座率，以樓上鋪嚟講，成績非常唔錯。侍應為我們二人安排座位，但態度非常一般。我們叫咗兩個晚餐，一個係白汁蠔意粉，另一個係日式咖喱牛腩飯。白汁蠔意粉只有2隻廣島蠔放於意粉面，賣相一般，份量亦偏少。由於廣島蠔的口味較重加上有忌廉汁，所以味道尚算豐富，不過不失啦。另一個晚餐係日式咖喱牛腩飯，份量依然是偏少，味道尚算正常。用接近$100於工廠樓上鋪食一個晚餐，咁既質素同份量，性價不算高。雖然話係藍帶主廚主理，但堅同一般cafe差別不大。另外侍應的服務態度，也需改善一下吧！…Read More

打算搵間太子旺角cafe hea下，冇意中sesrch到呢間千層蛋糕店，以我對甜品的狂熱，點可以唔試一下。午餐過後雖然好飽，但照樣按計劃去試下個千層蛋糕。去到門口才發現原來只是間賣蛋糕的小店，旁邊只有幾張高椅得俾客人食嘢。店員告知只有3⃣️款口味選擇，仲話原個蛋糕要訂2個月至有貨，當堂嚇暈左。咁我哋就叫咗件抹茶流心千層蛋糕試下，抹茶味夠濃，cream也夠滑身，可以令到整件蛋糕的口感夠細滑，足夠同Lady X爭長短。由於價錢較M記平，我就認為此小店的出品性價比高得多。…Read More

客人約我石峽尾會面，search到此間cafe都幾靚，一於叫客人嚟傾嘢。我大約6點到達，只有1，2枱客，環境清靚，裝修都幾文青feel，好彩冇中伏，唔錯。為免尷尬，先叫杯Latte飲住等。味道幾好，咖啡底未算好濃，拉花圖案也精美，$38/杯算有水準。之後客人叫杯特飲，賣相一流，都幾特別同吸睛。深水埗區比較少coffee shop可以俾人hea，這裏絕對可以讓你舒舒服服hea足一個下午的好地方。除咖啡，特飲外仲有甜點同窩夫，下次一定會試下佢嘅甜品同特飲。…Read More

朋友介此店平靚正，我一向是牛魔王，近排夜晚深水埗人少少一於試下佢。選餐是利用門口的售賣機，點完餐後自己找個位置就可以，夠晒自助。餐廳內沙律，湯同白飯是自助任食，白飯似日本米煮的，唔錯。湯都幾油，冇飲到。主菜嚟啦！美國200g西冷扒。熱辣辣的石板上放著只燒咗1成熟的牛扒，自己一口食幾大就切幾多，再於石板上煎幾下，食得。肉質都幾霖，肉味濃厚，看似是冰鮮類牛扒，應該不是急凍平價貨，品質有保證。但可惜件牛扒近根位，比較多根。食物尚算不錯，由於每位客人也在自己位置上煎自己份牛扒，全店油煙味極重，怕油煙及著靚靚的，千萬不要去。…Read More

今天在火炭工作，見地面廣告板就去咗這間cafe試下。到達餐廳已2點，午市的人流已散去，只有一，兩枱客，感覺一點也不侷促。我點了我的自愛牛扒餐，不消10分鐘食物已送到我枱上。牛扒肉質都霖，但完全沒有味道，應該腌製時出了點問題。我只食了一半就放棄，老闆立刻過來了解情況，大家更傾下飲食經。之後老闆還送上半份肉醬意粉給我試一試作個補償。小店的好處就是有這種人情味和對食物的熱誠，值得一讚👍🏻👍🏻👍🏻…Read More