Uncle Peter KCH's Profile

沙嗲牛肉麵配紅腸加煎蛋沙嗲夠味牛肉份量多，但牛肉煮得比較老。紅腸厚切，食落有味道，唔似一般舖頭切到薄唧貼，一啲味都冇，值得一讚煎蛋，雖然蛋味唔夠濃，但係煎到燶面蛋，值得一讚。麵質煮到啱啱好彈牙，入味。凍飲唔夠大杯，亦唔夠冰，因為食物夠熱（其實係好嘢），但冷氣唔夠大，所以杯凍飲唔係好夠飲，亦唔係好夠凍，建議大杯啲，多啲冰。環境冇乜特別要求，所以OK。但冷氣比較弱，建議加大冷氣。我係晏晝去食嘅，收$56唔係特別貴，但亦唔係特別平。因為只得一碗麵加一杯嘢飲。但冇得電子支付，只收現金就比較麻煩呀。因為找到一袋都係碎銀。…Read More

星期日，諗住同屋企人一齊去飲茶。😄去到明明有位，但門口個女職員話你都要撳飛。好，咁我就撳飛啦。😅點知都要等咗5分鐘。🥲入到去，又擺唔齊位，我就同早更女部長講，叫佢加多兩個位。🥸個女部長態度好差咁講，我睇卡做嘢㗎，唔使你講。😫好坐低，佢擺位嗰陣時隻隻杯、碟、碗，飛埋嚟，嘭嘭聲，好似想攞你命咁。🥶令你生命安全受到威脅。😨咁佢就喝問我，飲咩茶？😱我就好平靜咁問佢一句，咁你哋依度有咩茶啊？🤔哇！😳佢就即刻嚟料。😡一輪機關槍咁講嘢，🙄快到你都聽唔到佢講咩。🤔跟住大大聲咁喝一句😡：你慢慢諗啦，我唔得閒理你。之後佢就轉身走咗去。😰我唔係約屋企人，我都走咗去啊。😓卒之一個人喺度等，🤔真係諗都諗唔到☹️嗰個早更女部長就再回頭鬧我⋯⋯下刪減100字鬧到有第二個職員埋嚟佢先肯停口。唉，今時今日都好難搵到間咁嘅酒樓啦。食食吓又見到有個職員走埋去另外一台，趕個客走，嗰台客係老人家嚟嘅，佢話人哋霸住張枱要人哋埋單走人。😨過咗幾分鐘，我見到個老人家舉手叫揸住張點餐紙叫職員。😊但個職員一埋去就話：你係咪埋單埋單！🙄我聽到都呆咗呆，人哋係落單叫嘢食。🤓好彩老人家屋企人，大約5分鐘後到場，咁先嗰兩個老人家先冇俾人趕走同埋有嘢食。😎但我喺酒樓用膳時間大約個半小時，😎見到有一台食客，同個經理打個招呼，個經理就自動自覺留張新枱俾佢。😱真係又方便又快捷😮點樣食飯飲茶都得。如果你識得佢啲職員。😵‍💫😵‍💫但我係見唔到佢無撳飛或者拎住張飛，（但門口已經有大量人排緊隊。）😨真係今時今日咁嘅服務態度…………..我真係好後悔👉👈，我喺入去之前🤔，無上open rice 睇吓佢啲食評，如果有睇到我就唔會中伏啦！…Read More