eunice_good's Profile

今日經過朗豪坊見到呢間北海道湯咖喱好似幾吸引，叫咗一個芝士漢堡湯飯做午餐，等咗大約15分鐘終於上菜了，午餐嚟講略嫌時間較慢。午餐附送一杯冰茶，味道出乎意料幾好飲喎，本來以為通常送嘅冰茶都係好淡，但係佢酸酸甜甜有幾開胃。然後漢堡湯咖喱，漢堡裏便有好多洋蔥，我非常喜歡。湯咖喱質地較稀，加入咗檸檬果然又比較清新。雖然冇其他食評中講得咁經驗，但係都值得一試嘅。職員亦都好有禮貌，我叫咗杯冰茶少冰，但係仍然覺得太多冰，職員即刻俾個匙羹同埋吉杯我。…Read More

第一次去黃大仙和氣食堂，食物選擇較多，味道都唔錯。刺身都唔會覺得好腥，甜蛋壽司幾好味。不過較錢比較貴，需要+1之後壽司餐要$180。不過壽司餐選擇都多元化，可以配搭不同嘅小食呢一點幾好。朋友食咗個拉麵，味道正常冇乜特別啦。不過最令我覺得未必會再嚟嘅原因係卡位唔知點解有一啲頭髮，然後有好多白色嘅碎屑，唔知道係咩嚟，但係令我影響食慾，因此建議一下舖頭可以留意一下衛生情況。但係餐具，枱面嗰啲都係乾淨嘅！餐廳使用機械人傳送帶，見到員工唔算太忙碌，希望可以加強一下衛生管理。…Read More

一直好喜歡呢間餐廳嘅紫菜包飯，每件都係大大件，而且餡料滿滿的，調味適中唔會過鹹過淡。 $90嘅價錢，我覺得喺東薈城嚟講非常之抵食，基本上食完呢碟嘢已經好飽㗎啦！另外仲叫咗有骨嘅炸雞，炸雞肉汁豐富，最鍾意佢哋有埋薯條同埋年糕，食落都覺得好豐富！佢哋呢度嘅飲品亦都好有心思，完全係可以打卡！ 店員都好有禮貌，上菜速度都快。 兩人入座都可以有卡位，坐得好舒服。 已經唔係好多餐廳可以做到咁樣。 總括嚟講我都會下次再幫襯呢間舖頭！ 下次仲想試吓海鮮煎餅！…Read More

星期日的青衣城很多人，路過經過這間餐廳打算去試一試。 叫咗一人一個晚餐套餐，等了好耐先上湯和飲品。 只椰菜花湯的賣相有點意外，冇什麼味道⋯落單後等了大約20分鐘終於來了漢堡扒。 味道中等，漢堡扒略乾。 另一款肉眼扒，整整等了35分鐘，雖然這塊肉眼扒賣相不只七成熟，但是食落OK不會很難切開，味道是OK的。但這份食物足足等了35分鐘，真的是10分誇張。 我向店員索取蕃茄醬，店員竟然沒有反應，看着我然後走開了。 隔了一會兒又給我返茄醬。 所以他應該是聽到，但是不給我回應。我們永遠都不會再來了。…Read More

今日去呢間好多好評既餐廳食飯 真係好好奇咁多好評係點黎的價錢貴不特只 樣樣都細份 又唔好食紫菜飯卷：一夾就散 飯無調味牛肋骨湯： 細份$188 ，裡面得幾舊碎肉，好少量細骨。成碗野都係味精味，完全無鮮甜可言。，好鹹呀！！唔知佢地憑咩收呢個價錢.. 個湯只飲到少少，已經係咁飲水。大伏！！ 炒粉絲： 可以比對下旁邊iPhone size, 上枱嚇親， 咁細兜。 我地未食過咁濕既炒粉絲，口感極奇怪！以上3款收400幾蚊，無野飲。 真係好誇張， 永久碌入新名單😖…Read More

二人份量嘅粥底海鮮，上枱時覺得有啲失望，因為數量都唔多，但係收緊198 +1一位。每樣海鮮只有一至兩隻，隻蟹都好細隻。牆上面有張紙寫住話啲蝦好生猛，建議用隻夾夾住，但係我哋嗰起嗰幾隻蝦都係死的蟶子細得唔乾淨，上枱時已經見到有沙，我仲自己用紙巾抹咗佢。明白小店經營困難，但係我哋兩個人各自叫咗一杯嘢飲，埋單$482 ，其實食得唔飽，性價比好低。 有啲比較平價嘅海鮮例如蜆，建議加返多啲份量。 食粥底火鍋，最後食粥底嘅時候都食到有沙….海鮮唔吸引已經好難令人想再下一次幫襯。不過想讚一讚職員服務幾好，一入嚟已經有介紹，而且收拾速度快。…Read More

$140一位，其實真心冇乜要求，但求唔好太難食、食得飽就算，但係真係對新廣發好失望。今日12月17號天氣寒冷，街市勁多人打邊爐，當時6:30，好不容易有個位置坐低，就叫咗個雞煲任食。味道： 第一次食雞煲，雞肉勁羶，成個湯底都係好重羶味，好難食。 至於啲丸，唔係好食嘅丸囉，有啲味道怪怪地。食物份量： 食物嚴重不足，可以睇到下邊兩張相，丸嗰邊已經有啲冇貨。至於蠔同埋蝦係要拎張單過去每台一份，我哋兩個人，俾咗三隻蠔，八隻蝦。坦白講，味道算係OK嘅，食落都新鮮！ 但係唔知個份量/人頭係點計，有啲人多啲有啲人少啲。現場所見嘅海鮮有青口同埋極少量蜆，拎咗5粒之後，就冇再見過。 問過兩次，都係話未有。 所以蟹、魚仔嗰啲更加唔使旨意有。大約7:15出去想拎啲菜食，大部份都冇… 或者得返幾條，無人得閒refill 。調味料方面，有豉油、炸蒜、濕蒜、辣椒、蔥、麻油、醋。 濕蒜同埋蔥去到嗰陣已經冇晒，好多人都反映冇調味料，大約等咗15分鐘終於有😅環境： 講真，喺街市食都預咗環境差，有人食煙。 可能現場真係太多人，拎食物嘅位置人山人海，非常迫同污糟。服務： 都係嗰句，$140/位唔會預有咩服務。加湯、換Gas都係我地自己嚟，呀叔阿姐都好鬼忙。隔籬枱班呀叔都喺度嘈話冇嘢好食，跟住開始食煙😂所以食到咁上下，我地都係決定嗱嗱臨走，我諗以後都唔會嚟呢度食。 寧願比多少少食其他餐廳。 總括而言，我會比3/10分，原因係佢真係平，但基本嘅要求未達到。 或者你好鍾意飲啤酒嘅話，呢度有skol 同藍冰… 否則，真係唔建議你過嚟中伏。以上全部全真心食評，絕非打手。…Read More

粉嶺新開嘅西餐廳，今日終於有機會試！裏邊環境都幾大，唔會坐到好迫我哋兩個人都俾咗一張大枱！中午時間，同朋友各自叫咗lunch set +拿破崙蛋糕。首先係芝士和牛漢堡，特別欣賞麵包兩邊都有用牛油烘過，所以食落口感脆脆的，而且10分鬆軟！和牛大約七成熟，本人比較怕生，但係呢一個都食到，食落唔會好鞋，肉汁豐富。唯獨係薯條有少少苦味，唔知係咪炸得太耐呢？另外叫咗燒雞配小米，原來隻燒雞都幾大隻，切得有啲辛苦，但係肉質好嫩滑的！另外仲叫咗一個拿破崙蛋糕$68，比想像中細，同圖片都有啲唔同… （不過都預料咗🤣）但呢個蛋糕真係唔得呀，都食過好多拿破崙蛋糕，但呢個餅底焗到窿晒，食每一啖都係苦既😔 士多啤梨都酸酸的，食咗幾啖就冇食啦，不過趕時間都費事同店員換了。…Read More

石門咁耐，而家先知道陳根記有甜品🤣試咗三個甜品，「芒果一口脆」、「香蕉朱古力拿破崙」、「楊枝甘露」。1. 「芒果一口脆」舖頭寫住推介，咁一定要試吓！ 果然唔錯，外層用麵包糠炸到脆脆，裏面粒芒果好大粒，非常鮮甜！不過有個建議，下邊唔需要咁多忌廉，可能本身怕太乾？其實芒果好多汁， 食落唔會乾，忌廉反而有啲林左。2. 「朱古力香蕉拿破崙」呢個甜品就真係麻麻地，如果再俾我揀，我會揀芒果拿破崙。太多忌廉，一次落去已經爆曬出嚟，雖然明白拿破崙本身要用糖整到脆波波，但實在太甜啦，邊度見到個餅好多糖粒….其實佢冇乜朱古力成份，中間有啲薄薄甜香蕉，好努力食，我食咗三份一真係太甜放棄咗….. 3. 「楊枝甘露」抱歉呢個唔記得影相，不過好好食啊！裏面有兩大舊芒果，仲有啲爆珠，食落好濃郁，非常推介！另外都買咗一個例牌Wasabi手撕雞已經好耐冇食，味道同以前有少少分別。雞老左少少，無咩wasabi 味了，但總括而言都OK既！…Read More

呢間己經係聯和墟一段時間，唔知點解無人寫食評，咁我就做第一個啦！之前己經一大班人黎食過，打冷舖黎講反而覺得滷水唔夠入味。但我覺得佢既椒鹽鮮魷真係非常出色！兩次黎食既朋友都一致讚賞～皮脆但薄身，鮮魷好厚肉+彈牙，仲有大量炸蒜，配上酸甜汁超開胃的～鮮魷：$108/例牌今次仲有食雞煲同炒蜆，不錯，好有獲氣，不過蜆就比平日食既辣少少炒蜆：$98/例牌 （己經食左一半😂） 雞煲：$128/半隻總括而言，價錢適中，環境就一定係麻麻，今次舖頭無位要坐外面天穚底，但食物味道令我覺得值得～…Read More

今日同朋友嚟到呢間餐廳食午餐，叫咗兩個主菜包括燒雞同埋steak-燒雞非常之嫰，面頭啲香料好好食，而且雞皮好脆，切落去聽到聲㗎！ 但我想講下面嘅醬仲好食,其實我唔太肯定係咪南瓜醬，但好香好creamy!!! 用嚟搽麵包超正呀！至於個steak都唔錯，口感幾好，不過我個人唔鍾意食咁生，如果可以有得揀幾成熟就好了！連d薯仔都好好味😋 唯一有少少意見就係個彈熟咗少少，唔夠滑。但成餐飯最大驚喜係個布甸，呢款係店員推介嘅，上面係番薯茸，中間有少少脆餅同cream, 打得好棉密，唔會好膩。而整體布甸唔會過甜，味道剛剛好，呢個一定要試！另外一讚，店員姨姨真係非常有禮貌，臨時問可唔可以寫Happy birthday都幫我哋安排，呢一餐食得開心呢～～…Read More

呢間鋪已經幫襯過好幾次，首先要講個包裝真係要諗吓辦法，每次拎起行幾步個蓋就會彈起，今日放咗喺環保袋，結果連裡面嘅口水雞汁都流到成個袋都係⋯ 味道方面，其實啲雞都唔錯嘅，當然呢個價錢不能要求太高（$38手撕雞陳村粉+另加海蜇），所有嘢都正正常常既！口水汁都辣得幾過癮。可惜，可能陳村粉本身熱，我拎到返屋企已經黐埋咗一舊….. 要慢慢分翻開，但都有啲困難…之前買過幾次，份量時多時少，上一次少左好多所以都一段時間冇幫襯，時間大約三個月突然好想食，但今次份量都正常返的！…Read More

今晚喺度嘗試五道菜晚餐，食之前一讚服務員態度真係超好，好細心留意客人需要，幫我哋影相嗰位服務生仲幫我哋擺靚張枱先影，張相影得好靚！安排咗喺角位，可以睇到半山嘅夜景，氣氛十分之好。 前菜係海鮮拼盤，帶子沙律非常清爽，微酸開胃！之後洋蔥湯都好足料，個湯底好鮮甜！ 好鍾意呢一個湯！主菜我哋揀咗三文魚同埋和牛和牛。三文魚唔會好乾，而且個汁好夾，薯蓉都好細緻。 和牛有少少un, 同埋最好可以問埋客人想要幾多成熟，但係都唔差嘅～成餐飯都食得開心，環境好舒服！ …Read More

呢間餐廳第一次幫襯，一入去嘅時候個收銀阿姐叫我哋坐卡位（2人），之後叫我哋坐埋一邊，中間擺咗塊「隔板」？ 話可能有人搭枱⋯ 我都明位置對於餐廳經營係好重要，但係而家疫情，都唔係擺塊咁嘅嘢叫做隔咗吧，我相信就算其他陌生人坐低，都會覺得好唔衛生，所以一入嚟就對呢間餐廳印象好差。見到有其他人都有講呢個情況，希望餐廳關注一下！但都公平咁講，食物方面，喺中環呢個價錢來講算係都平，個檬粉好爽口，湯底唔會死咸，而且幾好食！ 分量足夠，杯奶茶都唔錯！ …Read More

放假周圍多人，見呢間有位就試下。交左點心紙之後店員入完單擺低一句「無酸辣湯」就走左，8點就無有點失望。四小碟： 木耳無味，好在有口水雞汁可以撈下。口水雞都幾嫩滑，味道唔錯。蔥油拌面： 見貼晒相好似好推介，叫一碟試下，結果上到黎我地都唔知黑色一條條係咩黎，原來係蔥！ 成碟野除左咸完全食唔出蔥既香味，0分。小蘢包： 皮厚，個預摺位直頭都未蒸透….最後， 服務方面覺得都係麻麻，一坐低杯茶根本唔熱既，飲晒好耐都無人加茶，但間舖無乜客人，所以加一服務費都唔知服務左咩⋯食完之後好明白點解間舖大量吉位～…Read More