iceicetang的個人專頁

放假去車站搭車發現有間cafe所以去睇睇因為喺商廈所以無人杯Brulee Cappuccino 係幾好飲唔會太甜而且整碎左一齊飲會有啲口感個Carbonara 相對失色啲，調味太淡，無乜特別不過成set加埋先差唔多$80 (20%off)， 算係咁無乜人，方便傾計，但環境就唔岩打卡啦最後食完發現原來係富臨集團…查看更多

是日一人之午餐食開新北江內的食店,呢日想試下新野就黎左呢間位於新北江黎講,價位算偏貴,同隔離X奶佬差唔多不過想試下新野就黎試下餐牌有好多選擇,花多眼亂,最吸引好似係口水雞,因為餐廳名係有個川字.感覺辣野好似比較正,不過因為病左所以盡量唔食。呢度有麵食, 但覺我應該唔夠樓上果間好食,所以無叫到。另外,有常餐之類,但覺得唔多抵,因為食開出名冰室既都係差唔多價錢。台式肉燥飯都要差唔多50,仲要無台式飲品,咁不如食樓上果間仲好。最後我揀左個豬扒+木耳小菜+薯粉。原來豬扒唔係剩係我豬扒,都算幾豐富,不過可惜樣樣味道都係一般。個薯粉...個湯係清湯...完全無味,可能有少少鹽? 都幾健康既,不過唔多岩我口味啦。…查看更多

我地得2個女仔,但又乜都想食,所以叫左3樣,仲驚會太多黎到原來都幾細份下,食完都仲有位食甜品 (可能我地比較大食..或者只是我...)個炸雞,有汁唔會乾爭爭,係肉質都幾滑,我覺我係唔錯既。呢碟芝士辣雞就有D失望,其實味道是還好,因為有芝士既野係唔會差得去邊,但係如圖所見,雖然價錢唔係話好貴,但份量真係有D少,而且D雞骨佔左大部份,真正食到既肉真係少之又少。味道正常,幾CREAMY, 好食過紅雞果個多多聲,而且價位適中。不過就少左D傳統年糕有既材料,例如韓國魚片…查看更多

打完波黎到尖咀求其搵D野食見到呢間應該坐得比較比較舒服,所以就入左黎,點知原來入面座位並不多。我叫了比較平凡的豬骨湯沾麵其實我平時不太喜歡沾麵,因為覺得麵食應該熱先好食但呢間好似係沾麵專門店,而友人又話個湯係熱既,咁就照叫啦黎到見到個湯真係熱辣辣既,個湯好多泡泡咁滾緊,我唔小心飲左細細啖都熱親。首先, 個湯呢...真係好多好多油,但唔浸又無味,所以每食一啖都覺得有D不安,另外我覺得自己都已經係重口味之人,但我都唔係好駕馭到呢碗野。當然, 我更加唔會最後加湯飲埋佢。同埋, 食到後半,其實個湯都真係凍左,搞到D麵都係唔凍唔熱咁, 我以後都係唔好再虐沾麵了。很多調味料呢~自己加了大量芝麻。…查看更多

平日同屋企人黎食下泰國野, 屋企人平時好少出外食野, 覺得又貴又無益。今次食完之後, 對外食改觀左, 雖然唔係健康野架啦, 不過呢間真係超級抵食。海南雞,本身以為我少少例牌咁啦,點知都好大碟呀, 而且雞肉好滑, 正常水準不過無我平時鍾意食既黑色醬,可能泰式係無呢隻醬??見有得加飯就加左個飯, 不過...其實唔駛加,因為食唔哂D野...咖哩豬扒農夫包..呢個真係不得了首先,本人超級鍾意食包,呢個包吸哂D CURRY,非常入味。另外豬扒超多,已經好味,唔好睇少呢個包, 2個人一定食唔哂。大推呢個, 係是日精選!波蘿炒飯. 如圖..非常多料,而且好有獲氣, 不過每日食左一,兩啖又要打包,因為食其他野已經食飽左。(打包後仲可以比一人分左2餐食...可想而知個份量真係..重量級)芒果糥米飯,去泰國必食之選呢度算OK啦,芒果又大隻,不過有D酸,可能係季節唔岩。…查看更多

見到呢個牛犇麵,覺得好有趣所以試下上菜見到就覺得...咁似台灣麵既??食落就真係覺得自己好似食緊台灣牛肉麵咁,個湯底勁似, 算係比較濃+甜既湯底牛肉煮得夠淋而且好入味, 份量仲好多添。下次都係試返餃子。…查看更多

中秋早放, 特登無食LUNCH留返食個TEA原本想食常餐,但難得TEA TIME都係食返D茶餐之類既不過由於茶餐果D三文治類應該唔夠飽所以叫左其他同LUNCH一樣既粉麵飯, 茶餐時段平6-8蚊奶茶!!!看顏色就知道, 有香濃的茶味, 調我岩岩好, 雖然都鍾意飲珍奶, 不過始終都係港式既奶茶最好飲。焗葡汁豬柳飯..雖然見到周圍好似無乜人食焗飯之類,但我實在太鍾意食啦, 而且唔係周圍都有我食焗飯, 所以都叫左味道方面, 唔會太鹹, 豬扒一塊都幾多,算係水準之作。如果有炒飯底就更好。 不過價錢偏高..如果LUNCH食就5X瑞士雞翼撈麵一般貨色, 雞全翼好唔方便, 覺得唔值46蚊咁貴。…查看更多

友人同我都係澳洲WH相識.果陣好鍾意去CAFE坐下傾下計,飲下咖啡食下野。估唔到返到黎,香港多左咁多CAFE,我地又可以慢慢去周圍試下啦。是日比較早去,LUNCH TIME時間左右,可能CAFE通常係TEA TIME多人,所以當時無乜人,可以直接入去坐。一坐底見到好多書,大部分都係旅遊書,仲比我地見到本"澳洲工作假期天書", 果陣真係人一本,不過通常都係用黎墊枱。好啦,講返正題。先講飲品,叫左MOCHA同焙茶拿鐵, MOCHA好飲, 口感比較多,而且濃郁, 岩哂我地好甜之人。 焙茶拿鐵少甜, 比較一般, 茶味重, 奶多, 但比較稀, 都係MOCHA岩我心水D。 牛角包, 普通啦, 都係志在搵D野食下, 本身唔太好, 所以無乜COMMENT。桂花豆腐蛋糕先係我揀呢度既目的, 因為我太鍾意桂花糕, 又鍾意豆腐味既雪糕同蛋糕, 依家可以一次過滿足哂我既願望,好開心!味道方面, 非常好! 因為本身桂花味較清新, 而且豆腐味又係比較清淡, 所以2者洽到好處, 可以食到2個味, 唔會互搶反而好有層次。仲有就係唔會好似平時食CAKE咁食到好膩…查看更多

難得同友人走入荃灣,緊係食到盡, 由lunch食到dinner, 中間仲要食下小食雖然我好鍾意食包, 但本身對呢個期望都不大,只係友人好想試,所以就陪佢試下, 呃返張靚相PO下都好丫嘛。芝士彩虹多士, 另外左3蚊mushroom本身都預左無乜特別, 其實咪係美國GRILLED CHEESE, 我自己都識整, 但太肥所以都唔敢成日食。分開一半流出黎,WTH, 說好的彩虹, 我剩係見到2隻色囉, 完全無圖既效果,算了。味道...就係多士夾芝士, 真係無特別, 唔會難食GE,但好膩。盛惠接近$40, 我寧願去M記食個餐。…查看更多

近排個個星期都去冰室食,好彩間間都算有D新意思平時我就唔係特別好雞脾,不過見係照牌就試下啦我叫左個蕃茄通粉+瑞士汁雞脾$48, 幾豐富, 如果包埋野飲就更好啦, 如果唔係食個高級少少既常餐要成60蚊其實有d貴囉,猶其係荃灣咁多好野食。先講個脾先, 大大隻, 好入味, 入味得黎就唔會太重口味。之前食過紅磡冰室係瑞士雞翼真係好鹹。蕃茄通粉, 湯底濃郁, 唔會過酸過鹹, 我好鍾意, 所以2飲哂d湯。同埋有埋炒蛋, 滿足哂我對常餐既熱忱(某程度係因為有蛋食)。只可惜炒蛋o係個濃湯入面少左自己既味道,覺得分開上會好d。…查看更多

單丁一個搵食,最好就係麵食!見朋友介紹南記,咁今日就試下唔食三哥食南記啦其實本身係重口味之人,但見到叫辣既湯底貴好多,唔係幾蚊而係10幾蚊, 而且重點係試友人強推既角片頭,所以叫左個SET A。清湯湯底,無COMMENT...因為都係普普通通,我自行加辣椒油同魚露先岩我口味。牛腩好入味,又夠淋, 幾好食。 八爪魚丸普通貨色。魚片頭炸得好香口, 加埋D淮鹽好好食。加埋杯豆漿$48食麵黎講有少少貴,如果我要辣既湯就更貴。其實最想都係試下個魚片頭...試完覺得係幾好食既, 不過未好食到為左個餸而放棄重要既湯底。所以我諗我都係會投奔返去三哥既懷抱不過...可能幾岩唔好辣既人士。…查看更多

LUNCH繼續搵新野食泰國野真係好多選擇,次次都十五十六,揀好耐今次叫左波羅炒飯(雞)同串燒。個炒飯無乜獲氣,而且亦都無乜味道,少左泰國食物既惹味,D雞係就咁放埋上去,好無誠意。$51無跟野飲,LUNCH黎講有D貴好彩+7有串燒,挽回少少CP值...沙嗲汁夠惹味…查看更多

尖沙咀係韓食天地, 我成日都黎食,通常都係炸雞韓燒居多今次人少少諗住食下普通韓食,順便試下新野OPENRICE一下,就揀左呢間,貪仍夠多選擇又唔貴點知就中伏我地叫左芝士蛋卷,泡菜豆腐鍋,牛肉鍋芝士蛋卷,係OK的,因為有芝士既野基本上都唔會差得去邊。加上雞蛋亦都係少伏之選,只不過太有"家的味道",能覺同自己o係屋企煎既炒蛋無乜分別牛肉鍋是友人所點,因為佢唔食辣。我自己試左一啖,覺得有點啖,之前食開既通常係濃一點,甜味重一點的。不過可能自己又重口味,友人覺得還可以的。到我的豆腐鍋呢個真係好奇怪呀! 睇個樣都已經覺得有點稀,食落更加覺。得個辣字,無左應有既味道。食過好多間既豆腐鍋,未必間間都覺得好好食,通常都係普普通通.但呢間就真係唔好食。可能其他野食好食D?因為無乜OPENRICE食評參考,所以揀左伏野都唔奇。…查看更多

有次食野經過見到好多人,似乎好正咁, 搵日趁12點放LUNCH,應該無咁多人所以去試下。 我叫左粗麵+甜酸斎+釀豆腐黎到心諗..好似頹左D喎...不過唔緊要, 食麵最緊要係個湯底, D餸只係加下分。點知一食, 唔係難食, 不過我完全唔覺得好食囉,仲要去到咁多人排隊既地步。個餸係特別,因為好少車仔麵有得食呢D,不過都係果句, 唔覺得好好食囉。甜酸斎就好似芝士腸咁,本身係咁既味就係咁; 釀豆腐好少少,叫做有加D蝦o係入面。雖然佢真係好平! $2X就搞掂一餐, 新開張仲送豆漿!但唔值得用咁多時間黎排隊..…查看更多

約上次食左金鳳之後,今次試下龍鳳啦睇完餐牌先知原來唔係傳統STYLE,就連雞扒飯都搭肉鬆咁特別。原本都想試下特餐之類,但。同金鳳差唔多既野竟然要$5X.貴成$10,所以都係試下D特式飯啦。辣雞扒肉鬆意粉 (好少可食呢D都有得揀辣) 首先,其實我唔應該叫意粉,因為係豉油汁,唔多MATCH,飯應該好好多。份量都幾多, 足料雞扒同肉鬆, 仲有我最愛既炒蛋, 睇落好吸引雞扒味道甜中帶辣,加埋肉鬆更富口感。炒蛋唔會太熟,有少評蛋漿o係面, 炒得夠厚, 食落滑得黎幾有口感。雖然價錢接近$60, 偏貴, 但勝在有特色, o係其他食唔到呢D配搭。茶走太甜,下次都係叫返普通奶茶算。…查看更多