ginnycwt's Profile

早排Facebook見有page介紹呢間，主sell無味精openrice係感e碌咗頭幾個食篇都ok，特別讚喇沙湯底好得，特登去試一試超。失。望5：35pm左右入到去，一個人都冇佢有幾款set好咗嘅配搭，不過想試多幾款唔同野，所以揀咗自選$46跟兩個標準餸，之後每個 (標準餸) +$6 / (升級餸) +$12我嘅選擇：喇沙湯底 (+$5) + 有機蕎麥麵 (+$5) / 粉絲 (可mix +$3) + 手撕雞 + 豬肉雲吞 + 溏心蛋 + 帆立貝  (小麵)男朋友選擇：豬骨湯底 + 越南河 / 粉絲 (可mix +$3) + 手撕雞 + 黑薯糕 + 廣島蠔再加多客春卷 ($22)女店員落單冇耐，男店員 (負責煮麵)一手掉我張單喺我面前然後拋低一句：冇手撕雞呀！呆一呆，反應唔切...「感呀...轉雞翼啦...」然後佢頭也不會感走咗諗諗下，男朋友嗰碗都有手撕雞咖....做咩淨係問我嗰碗呢？叫返女店員返黎問佢，佢先搵返張單黎問我男朋友轉咩，結果男朋友嗰碗個手撕雞轉咗扎肉，同時女店員亦話我知：冇溏心蛋喎！(改咗要廣島蠔)百冇之下終於黎咗呢兩碗野...我嗰碗最終變成：喇沙湯底 (+$5) + 有機蕎麥麵 (+$5) / 粉絲 (可mix +$3) + 雞翼 + 豬肉雲吞 + 廣島蠔 + 帆立貝  (小麵)男朋友嗰碗最終變成：豬骨湯底 + 越南河 / 粉絲 (可mix +$3) + 扎肉 + 黑薯糕 + 廣島蠔先講我嗰碗喇沙湯底：我食唔出喇沙味喺邊...如果唔係佢嗰幾滴仔辣油同我加咗佢檯上嗰樽辣粉的話可以話零辣味...一啲都唔香，去supermarket買包百勝廚嘅喇沙都仲香過佢...其次，我真心唔知佢點叫做小麵...唔知佢係咪mix麵會份量多咗呢？個麵多到嚇死人...似我平時譚仔嘅double...粉絲有部份仲係未煮好 (硬硬的...）雞翼：算係我滿意ga，夠入味同林身豬肉雲吞：如其名就係得豬肉同雲吞皮，冇特別帆立貝：正常，但係+$12先得一粒實在太搵笨...廣島蠔：正常到男朋友嗰碗湯底：冇咩味，有如清湯 (佢一路食一路要加檯上樽炸蒜吊味)黑薯糕：十足普通蒟弱，冇味扎肉：ok，有小小辣味廣島蠔：正常味越南河粉即係普通河，份量連佢男仔都覺得多到有啲恐怖...食到一半個女店員先記得同我地講：冇春卷呀是但啦，個麵大到感我地已經唔會有位放得落春卷...埋單$144，呢個價再加感嘅服務我不如返屋企煮個百勝廚喇沙，配埋蝦蜆海鮮都仲得，絕對唔會再食呢間...後話食到尾見有對夫婦入黎食，佢地係嗌兩個set定嘅款邊款就聽唔到，不過其中一款係有手撕雞 (其後聽到)，佢地嗌嘅時候女店員冇即刻話佢知冇手撕雞張單到咗個男店員手就聽到佢好悔氣感同個女店員講：冇呀，轉啦！女店員幫佢地轉雞翼得唔得客人唔想，問轉第二樣得唔得男店員一句嗌出黎：唔得喎！女店員補返句：我地set好嘅款式如果冇手撕雞就係用雞翼代替，感你地接唔接受呀？客人：我唔接受感點呀？女店員望一望男店員，男店員：感你要咩呀？！之後我冇留意佢改咗要咩，個心淨係想快啲走同叫身邊所有人都唔好食佢...男店員keep係一直悔氣tone...我覺得如果手撕雞係咁熱門同咁多set都會配呢樣，你知冇的話可以早小小講定，而唔係好似要怪個客人做咩揀你冇嘅野，客人係唔會知你廚房有咩冇咩，好食都唔會再返轉頭，況且係一啲都唔好食！…Read More

星期日晚上7點左右，剛喺IMAX睇完Iron Man (呢個真係值得推介)就去咗同一層嘅墾丁茶房醫肚間野都好多位，我同男朋友被安排喺入面近水吧嘅位置，我地各嗌咗一個餐 (有湯 / 是日餐前小食 + 飲品 + 是日甜品 + 主菜)，再加咗客鹽酥花枝丸，等緊野食嘅時間其實都開始多人黎食，不過我地留意到喺樓面嘅人黎黎去去都只有三個，而出面坐緊最少2x檯人...結果就水吧不停出，但冇人得手送野食，等咗都幾個字，終於飲到放咗喺水吧都有一陣嘅一碗湯 (餓死了)之前問咗今日餐前小食係雲耳 (hate)就揀咗湯，:(味道尚可，其實都係味精湯，不過料都算多然後就係小食個花枝丸不錯，中間仲夾咗一舊細細舊嘅菠蘿仔，甜甜地都幾好味餐前小食：雲耳男朋友食後感，不錯，酸酸味味感再等咗好一陣....終於到我份飯...幾好味，豬扒夠林身，番茄汁不會太酸，配埋炒底飯，不錯!!!上完個焗飯之後等咗好耐先再上埋另一個主菜啲雞唔錯，不過個飯就麻麻，我嫌佢冇咩味，肉燥又小:(此時，茶房已經忙到冧哂檔，2個樓面一個仲要間中入埋水吧出野，野飲堆到成個水吧都係，食咗大半終於有野飲到珍珠奶茶，不是太特別，唯一我鍾意就係佢冇落糖俾我，等我自己想幾甜就落幾多 (我一向都覺得大部份嘅台式飲品都偏甜)到8點左右，茶房直頭冧哂檔，我眼見周圍最少6-8張檯未汁，未計出面嘅位有食客等到自己走去水吧拎野飲，亦有人唔要野飲感走，不過難得係僅有嘅員工都冇做到燥底，反而比起其他鋪頭都有禮貌其實可以加多幾個人手唔洗佢地做到咁可憐啦:(坐喺近水吧呢邊嘅人見到佢地做到咁慘都冇咩點催，不過出面嗰啲就不停追單，真係走到佢地一頭煙，結果我地都冇等甜品就走咗 (其實無論一人餐定二人餐都有跟甜品，不過我就唔見附近有任何一檯有上過甜品....)總結：食物味道不錯，飲品亦ok，地方夠大，可惜人手過小，到我走嗰陣有成十幾張檯都冇人清理，結果人有人排隊等入，檯有檯吉咗冇人坐，出野食好慢，等好耐都上唔齊野食，只係難得佢地個個都冇做到發火，真係要拍手讚下!…Read More

夜晚7點左右去到，人不算太多，大概半滿，兩口子諗咗一輪，嗌咗兩個pasta、一份小食、兩杯野飲，職員俾咗個牌我地就搵位等野食唔洗好耐野飲就到，16oz其實都幾大杯，之後三樣野食一齊到，一放低已經聞到好香1) 芝士青口意粉意粉味略嫌淡了些，青口都幾大隻，男朋友覺得青口欠缺鮮味不過可能佢加哂芝士香料感焗，我又覺得味道ok!2) Carbonara咁多Pasta我最鍾意Carbonara，去親新試嘅餐廳我多數都會叫黎試，Euro gogo嘅Carbonara味道不屬Creamy，配上勁多煙肉碎粒 + 火腿粒，味道不錯如果唔鍾意太creamy感覺嘅呢款就不錯啦不過不是我鍾意的味道，我鍾意creamy小小，Carbonara我始終覺得Pizza Express、Piccolo同caffe HABITU好味啲3) 蜜糖雞翼好味熱辣辣，我食雞翼好怕啲淨係得層皮有味ga，呢個食到入面啲肉都好夠味，表面蜜糖經過焗之後有小小脆口，正份量好夠，我碟Carbonara都食唔哂，埋單$174，都幾抵食，食完走嗰陣 (around 7:45pm) 已經坐滿哂人。…Read More

之前經過都見到好多人，所以今次有哂心理準備去排6:15pm去到，都未行到去棟大廈已經見到龍尾排到出咗大廈，排隊嗰條樓梯其實都幾焗下，好在買咗支凍野飲頂下，排咗一個半鐘，終於見到個門口啦，入到去環境都唔錯，open kitchen，侍應全部都係casual waer，腰間掛一條綠色巾，大部份都係講操台灣腔嘅普通話，有啲啲嘈，不過都接受到ga:)先講野飲，佢要你每一最低消費一杯野飲白朱古力摩卡呢杯男朋友ga，我冇試到，杯野本身個面已經有啲白朱古力，側邊仲有個杯仔再放咗啲白朱古力，佢話落哂都話有啲唔夠甜 (不過佢本身就食得好甜)海鹽焦糖拿鐵呢杯我ga，不過我怕肥，所以只係落咗好小cream落去，都已經好夠滑，側邊放咗幾粒榛子同杏仁，不錯=)總匯三文治到野食啦，呢份三文治俾十個like佢，好好味:)配料有雞肉 (佢啲汁好好味)、蕃茄、青瓜、生菜、蛋、火腿，大大份，食完呢個我倆已經半飽側邊配咗脆卡同蛋沙律，無得彈如果件雞可以再大件啲就好啦海鹽焦糖冰淇淋鬆餅最後嗌咗份鬆餅，一放低已經聞到好香鬆餅味，配上雲呢拿雪糕味道一流，焦糖醬分開放，想甜啲就自己落多啲，榛子粒增加口感，不過一份有四大件都真係幾漏下兩份野都食到兩個人捧住個肚走:):):):):)最可惜今次食唔到可頌:(下次搵日平日再去食過…Read More

鋪面唔大，坐得都有啲迫，不過食物就好驚喜。點心大多都係傳統款，新配搭。份量的的式式，啱兩個人食第一味：冬荀普通鮮蝦餃 (2粒) -$15 一咬落去就咬到大大隻蝦，皮夠薄，好味!第二味：瑤柱鴨胸大米雞 - $20好大個，比拳頭更大，都幾飽:)不過講真真係唔係太食得出鴨胸...好大個蛋黃 (不過我唔食)好味!第三味：芝心咖喱咸水角 (4隻) - $16[/b]好味!!!! 係今晚第二好食嘅野!聽名以為怪怪地，不過見佢係推介，同埋差唔多檯檯都有嗌心諗應該唔會差得去邊食落好好味! 新鮮炸起脆卜卜，佢咖喱隻味係咖喱牛腩嗰種味，芝士可以拉出一條條絲，正!第四味：清酒雲吞雞 - $22一放低已經聞到好香酒味，最衰雞油太多唔敢飲啲雞好滑，雲吞略厭淡味咗啲 第五味：鮮上肉響鈴腸 (一開六件) - $22今晚咁多樣最好食!!!!!!!以前喺其他地方都有食過啲類似嘅腸粉，有試過入面係用越式春卷嘅米網 (正)，又有平時嘅春卷皮 (唔夾)，呢款配響鈴好驚喜好好味!!!咬落脆卜卜，入面啲料好好味!!啲料我同男朋友又唔完全食得出入面除咗有蝦仲有咩，感覺似原隻蝦同蝦膠，好特別好好味!不過建議要快食，因為響鈴放得耐會吸咗啲豉油而變林第六味：咸香黑魚子燒賣 (2粒) - $15不過不失，好大隻蝦喺入面，唔錯!總結，充滿驚喜，值得encore!!價錢唔算貴，兩個人食咗$116，6樣野已經食到好飽好滿足:)…Read More

自從第一次食過之後就對佢嘅蛋同奶類野一試難忘所以再迫再多人都心思思想去食次次weekend去都要排到街尾，呢次平日下午2點幾去到，入面都係好多人，不過就唔洗等位，因為我唔食湯意粉，又唔鍾意食米粉所以散叫 (落單嗰個哥哥都呆一呆：下...你散叫呀?)第一樣： 炒蛋多士 - $15炒蛋係我每次必食嘅野，啲蛋好滑，多士細細塊堆咗山咁高嘅炒蛋，味道適中，唔會太咸，一流!第二樣：凍奶茶 - $18茶好滑但係如果計好飲我都係覺得中環勝香園奶茶好飲啲見仲有小小肚就嗌埋個熱嘅蛋白燉鮮奶一向都對燉奶、燉蛋、蛋白類對情有獨鍾，呢個燉鮮奶做得超奶滑!!!!唔太甜，熱食"不"上黎long long下感之前食過凍食，都係熱食好食啲，奶味香啲雖然散叫貴啲，但就每樣都係自己鍾意ga，不過下次再去我可能會要小個凍奶茶…Read More

之前食開中環嗰間，一向都好鍾意，價錢中等，但係食得好飽，唔係太忙亦唔會趕你走，keep係耐不耐都會食~灣仔呢間食過一兩次，印象都ok，今日平日晏晝時間去，都預咗會多人同要等，不過都好快有得入嗌咗個磨茹叉燒飯配炒蛋 + 北海道咖啡，炒蛋比起中環嗰間遜色，乾真真:(，唔滑:(，北海道咖啡一如以往，個奶分開放等你落幾多就幾多，一望個奶唔係白色，有啲似淡奶，不過早兩個星期去過中環嗰間都仲係3.6奶，所以以為係室內黃燈望落有啲淡黃色，落咗啲試咗啖，真係淡奶=(...所以叫咗個女仔黎問佢，我：我想問呢個係唔係淡奶?女仔：係呀我再問：北海道咖啡唔係用鮮奶咖咩? 我之前飲開都......(尚未講完就駁過黎...)女仔：我唔知wor然後頭也不回走咗...其實真係轉咗都唔緊要，不過佢啲語氣真係好差=(...好似俾錢受人氣感...之後有另一個人黎收野我多口再問多次，佢話：係呀....鮮奶...可能同事唔知...你落單有冇講呀?我話：我係冇講，因為我喺第二間食人地只有鮮奶，我唔知你地呢間北海道咖啡係會用淡奶然後隔咗陣佢就感放番低個鮮奶俾我，我話杯咖啡已經落咗啲淡奶，你再俾鮮奶我都已經冇用，佢就感"哦"咗聲就走咗去....我唔知呢間係感，一路喺中環食開佢menu北海道咖啡怇highlight住北海道個字係因為佢地標榜用3.6奶，唔知原來係要特別嗌，都唔緊要，我都應該一望到唔同色就問咗先，不過之後到想查詢番又冇咩禮貌感回應，食物亦冇之前食過咁好:(我唔會再黎灣仔呢間!…Read More

同事介紹呢間cafe環境好，野食亦不錯，上facebook睇過佢平日啲menu都好吸引，所以情人節特意book咗呢間食。service好好，情人節早一個星期就whatsapp咗menu俾我情人節當晚約咗7點鐘，上到去其實都幾full，坐得都有小小迫坐低之後好親切感再俾多次menu我地睇，然後問我地上得菜未。仲送咗支花仔俾我地添:)首先有花茶先，杯花茶唔太甜亦唔會好淡，飲落都幾解渴，男朋友成餐飯都讚咗幾次=P之後上餐包同餐湯薔薇洛神花包 + 餐湯：甜薯南瓜湯餐包好有心思感砌成一個心形，外面烤得脆卜卜，入面個心有啲應該係cream cheese，好好味!!!餐湯都好好飲，好濃南瓜味再到前菜 + 沙律 + 小食前菜：黑松露天使蛋沙律：雜菜薯蓉拌蜜糖芥末醬小食：焦糖菠蘿天使蛋係將蛋黃加cream再吱番花落去，好精緻!沙律個醬好開胃，不過有男朋友唔鍾意嘅火煎菜菠蘿好juicy! 另外有個2件包仔menu冇寫佢係咩，不過佢有啲好似係橙喺上面，食落有小小甜味，幾得意!然後就係主菜山楂忌廉汁三文魚腩排配薯蓉 + 煙肉卡邦尼意粉三文魚腩個汁好好味!!!!個薯蓉唔係出面好多用粉開出黎，好好味!!!Carbonara差唔多係我去親西餐廳都必嗌嘅野，不過我鍾意creamy小小，呢個唔夠creamy=P不過味道都ok!甜品!!玫瑰士多啤梨慕絲蛋糕 + 朱古力意式奶凍慕絲蛋糕周圍啲花瓣都食得!!!! 不過我覺得就感食好似甜咗啲，所以拌埋慕絲蛋糕黎食味道好好!!!!奶凍味道都好好，個樽係心形，底有朱古力醬，配得好好!!!整體成餐都好味，不過份量可能對於大食朋友會唔夠，不過我同男朋友兩個都細食，食埋甜品就剛剛好=)所有食物賣相都非常好!! 未食睇到都好吸引!!!最緊要係價錢好合理，當晚我地2個人食加埋10%都係$370，出面問好多餐廳都好貴之餘仲要限時交檯 (好多都個半鐘)之前節日食其他，淨係做一個menu，但都會有小小粗製濫做，反而呢間雖然收9點，不過只做一輪，所以冇催交檯，而且碟碟亦做得好精緻，encore之選=)…Read More