小魔怪(Angel)'s Profile

不知不覺已經在新區域生活了差不多一年了,每星期總有一兩天我就是懶不想煮最近有一點不知道吃什麼的時候，就是想吃一次車仔麵在大埔有不少既車仔麵鋪，但係講到永年士多就冇可能唔識好幾年前我地都有去過元朗分店試過，好記得佢地行懷舊風，真係令我回憶番曬黎而大埔新店就比較現代化同時都光猛好多，店鋪會以自助型式點餐，不過都係都可以有店員幫忙下單既我地今次去食主打係因為它家的  有一個優惠套餐 $99 晚市二人餐99蚊可以包兩碗既四餸車仔麵外，仲可以有一個蠔油小食，同埋兩杯飲品我地就分別點左 廋豬腸，魚皮餃，豬紅同冬菇 ；廋豬腸，魚皮餃，魚蛋同埋雞翼尖(不過佢唔揀得個D 牛腩/肚/根系列) 餐飲都可以揀凍飲，特飲都係加番$5 咋咁先講下個我地兩碗車仔麵先，可惜係佢唔點得牛類，所以豬腸係我地既重點； 但係我地都覺得佢弄得不錯的 首先豬腸最怕就是一陣陣的[豬壓味] ，不過佢整得不錯夠入味，份量亦唔算太少，整體我都覺得滿意然後其他既餸如豬紅同冬菇，豬紅就不過不失，起碼唔會一咬就散開，夠爽口冬菇呢個推介，唔會太淋但係夠入味； 雞翼尖同樣夠入味，但係就是有點唔夠飽要推介一下它最新推出既特飲，就是它家既抹茶紅豆同埋白桃多多我飲既就係抹茶紅豆冰，對於炎熱既天氣點少得一杯紅豆冰呀今次呢一款紅豆冰仲要連埋我鐘意既抹茶，有人話最怕抹茶又苦又濃但係今次呢杯絕對冇呢一件事，首先佢本身既抹茶做得好好，唔會有苦味加上紅豆真係打成沙狀態，所以甜度中和左本身抹茶沒有既甜度，但係成杯真心好好飲喜歡抹茶🍵既你一定唔可以錯過而另一杯就是夏天最當做的白桃吧，連同大人小朋友都好喜歡既益力多做成的沙冰先有一粒粒的白桃果肉連同益力多雪成冰再打碎，反而沒想像的甜，都好Fresh同埋好解暑不過小朋友就比較不喜歡，或者唔係沙冰佢冇咁唔鐘意另外我地都點左個兒童餐同埋其他小食比小朋友享用，不過兒童餐既餸菜唔岩小朋友胃口反而它家既雞翼小食最得佢歡心，所以佢特別推介雞翼而我自己就最喜歡它家既咖央多士，不過記得要即刻食左先唔係就凍左差左D架啦…Read More

十一月，對於我而言,除了是考試月外，亦是我的結婚周年紀念不知不覺，已經搭入了十一周年了這幾年的慶祝活動都是會帶著小孩吃飯，總是要就住他會否適合吃呢?會否打擾了雅興? 總是想了十萬個問題去吃一餐飯最近抽了一個小小的時光，享受了真的是二人世界的晚餐今次選的餐廳，很想試很久了；但總是覺得帶著孩子不合感覺的，襯著十一周年就來慶祝一下吧~秋天是吃蟹的季節，怎可能不考慮一下蟹類既餐單?先來一客 前菜和風北海道松葉蟹肉蟹沙津 $82這個沙津當然主角是蟹肉吧，加上了薯仔蓉及沙津菜我覺得整個配搭很夾的，薯蓉弄得十分細滑，加上蟹肉以及雞蛋,絕對是前菜的開胃菜然後兩款的主食，我選了盛宴蟹黃鱈魚場蟹肉意粉焦糖洋鳥取和牛漢堡配薯條這個 盛合宴蟹黃鱈魚場蟹肉意粉真的不得了，首先一上碟有差不多1/4 既蟹肉加上了蟹籽連同橄欖油煮成既意粉整個配搭很好食,又唔會覺得吃得好濟胃，絕對推介一定要點既另外是焦糖洋鳥取和牛漢堡配薯條首先想講，佢個和牛漢堡好夠份量，肉汁又足夠，又夠厚身，如果帶埋小朋友吃，他一定最喜歡的另外好想講一下佢既薯條,即使佢本身比左一碟既茄汁我地但係我已經覺得佢本身已經好好食，又夠熱又夠味，如果再來的話我可能會點上小食薯條吃~左為青森蘋果梳打以青森蘋果果醬配以清新梳打，清清口腔內的蟹肉香及和牛肉汁右為幸福錠放花環拿鐵原以為凍Latte? 其實入面仲加入了士多啤梨果醬呢飲落真係甜甜地覺得好特別架既然清左口腔，就要享用一下甜品系列啦金時甜薯焦糖布甸盛合呢個甜品真係又靚又好打卡，仲要係好食架!!首先要講佢成碟都係可以食架,就好似泥士既部份，就有杏仁及瓜籽做配搭另外加上金時甜薯超級好食，甜甜的加上脆邊真係吃幾多條都可以唷!!布甸是微甜的,所以連同甜薯超夾的可惜我吃到最後真係夠飽了，小蕃茄就沒有享用雖然只有短短的一小時的晚餐時光，還要給孩子知道我們去了吃晚餐,他也要來試一下。除左美食外,它家既杯碟都極之精美的係門外總是有它家的碗碟可供購買的是日分享:喫茶ちょうぼ大埔安邦路8&10號大埔超級城B區2樓276號舖大埔安邦路8&10號大埔超級城B區2樓276號舖…Read More

最近我們的最忙碌的事情，暫且都叫做走進大直路了然而小朋友的部份也是告一段落，最終的結果是好是壞就是聽天由命了。為了舒緩自己的壓力，所以我決定要試一下，一路也好想去食既 燒肉焰 最近大家都決定想北上吃東西，而我們卻選擇留下來先來分享一下這個是它家的皇牌菜式之一菠蘿滇鑽石和牛胸腹肉 $288這個以原個菠蘿拆肉，配以牛胸腹肉；菠蘿燒後更加甜，牛肉原塊在爐上燒，我很喜歡將菠蘿連同牛肉一齊吃，超級滋味!!絕對要一客來試呀!第二款想跟大家介紹既就係牛油蒜香生蠔 (兩隻) $80 一上枱時，我已經覺得好大隻Wor ，然後又見到咁大舊牛油會唔會好肥呢? 不過當一路在燒的時候，就發覺牛油是那麼的重要雖然感覺上真的會好肥，但係牛油連同蒜容一齊燒，那個生蠔在燒好後，不會是又乾又縮曬水，仲keep 住好滑滑的質感。另外這個是醬漬原條封門柳 $218 封門柳本身都是牛味最重的肉類，同時亦係最夠牛味；平時打邊爐必點的肉之一，在吃燒肉時整條肉地燒然後再剪開一塊塊的享用，我很喜歡它家的肉絕對不需要再點上任何醬汁仍是超好吃的!!!這絕對是我的菜，香蔥牛舌作為牛舌的愛好者，燒牛舌又怎少得呢? 將四邊燒一燒後，中間的部份就開始會熟了這個牛舌內仍是很嫩滑，在之後的日子仍是再吃呢~如果你話，我可唔可以唔太食燒肉既?又或者我對於牛興趣不大，但係又想同朋友一齊去食飯有冇咩選擇? 當然有啦除左燒肉外，它家都有定食的而今次我就揀選了這款定食燒日本雞肉北海道豚肉飯就岩曬唔係特別喜歡吃牛的人仕，平時吃定食多數，配菜多數是1-2小碟，今次它家飯好吃，旁邊的配料更好吃~特別要講它家麵豉湯,超級足料，除左海量的紫菜還有廋肉等等~超好味的!!而飯溝上了溫泉蛋後滋味萬分!!!絕對適合朋友聚會時點上的定食類別最後真心要說，這家的所有店員絕對是禮貌超班,上菜會跟你講明每碟是什麼肉類，燒完兩款肉類後也會幫你換燒盤，如燒蠔時會跟你說需要開大點的火；如果需要再燒其他肉類需要關細一點火種呀我很欣賞它家的店員為客人提供一種舒服的食飯時光絕對令我想再來多一次吃飯耶~是日分享:燒肉 焰屯門屯順街1號屯門市廣場1期2樓2253A號舖FOODMAZE內…Read More

轉眼又好快到暑假啦，正當興趣班時間我就開始又要搵地方坐下最近我知道有間日本既茶飲店--甘味處鎌倉係屯門開設第二間分店呀!!!!當然它家既招牌名物,就係鎌倉蕨餅蕨餅要整得好食絕對唔易，一係就非常之硬，一係淋到你夾唔起不過它既既蕨餅就係利用左日本稀少生產的蕨粉，加入甘味處鎌倉秘方製成，以極具難度的搓揉技術及高超的職人手藝精心炮製，令到蕨餅份外軟糯彈牙且入口即溶。而它家本身都會有一小樽既自家製沖繩黑蜜，可以選擇倒入蕨餅內一同享用的確加左黑蜜真係好食好多，仲有綠茶味可以選擇除左蕨餅之外,茶飲店又點少得飲品呢?先介紹夏季限定既兩款飲品，分別就有檸檬蕨餅梳打同 檸檬蕨餅抹茶特飲 S : $53 / M : $60當天氣太熱既時候，揀左呢一杯檸檬蕨餅梳打真係覺得超級解渴仲好消暑呀首先個檸檬汁唔會太酸，加上又上梳打；超推介夏日必飲之選炎炎夏日又點少得一客透心涼既刨冰本身想揀選了抹茶做主打的刨冰，但係小朋友當然喜歡士多啤梨味的刨冰加蕨餅它家既刨冰主要成份係由日本直送既天然水去製成，而每口冰都是冰片，唔會一吃落去就是成口冰，然而係感覺食落口後，入口即溶。每客士多啤梨味刨冰,都會配以三件蕨餅 係甘味處鎌倉最主打就係它家既蕨餅，所以係它家既飲品中都會含有蕨餅除左剛剛介紹過的夏日特飲，然後另外就有少少比較日常既飲品分別有草莓牛奶蕨餅,漢川園抹茶蕨餅,鎌倉原創品牌咖啡牛奶蕨餅,同埋天空焙茶蕨餅而我自己就揀選了鎌倉原創品牌咖啡牛奶蕨餅首先味道就如Lattle ，不過由於會加入蕨餅會有點甜味在內的,記得飲之前一定要攪勻它唷!!是日分享:甘味處鎌倉屯門屯順街1號屯門市廣場1期1樓1268號舖…Read More

呢個五月轉眼又完了，這個月過得真係好快~好似好多野要呢個月處理；真係忙到頭都暈埋，轉眼又讀完呢個學年了，係準備大考之前為自己同少爺打打氣~我地又去食個美味既晚餐加加油先本身見到隔離枱點左個好似五花肉既菜式，好似是黑毛豬白切肉可惜我地想點既時候，就說沒有了，所以我就點左呢個令我念念不忘的神話豬腳紫蘇拌飯 $112我喜歡呢個飯既豬腳總是煮得又軟又淋，但係吃下去的時候又會是啖啖肉，唯獨可惜是它家的拌飯總是偏辣的小孩只能品嘗豬腳的美味~然後我就沒有得吃了xd然後又怎少得它家的特飲推介，先講最主打的濟州柑橘乳酪 $68及熱情金菠蘿沙冰$68我先講一下柑橘乳酪 ,首先它是利是整個柑橘上菜的，我是有貪心地打開了果肉一同飲用的菠蘿沙冰都是有大半個菠蘿在杯頂上,它就是綿綿既沙冰，對比乳酪 就完全不同既感覺，在夏日行到熱辣辣~真係岩曬除左豬手飯，我仲叫左呢個Seaside Brunch 呢個 Brunch 主要係咸食黎，有牛油果,parma ham，煙三文魚,連同雞蛋一同享用我自己幾喜歡佢當中既醬汁,連同窩夫一同吃幾特別，它的醬是咸咸地的,如果想跟女生來吃的話絕對是一個不錯的選擇這個是士多啤梨慕絲雖然它的外表有一點不討好，但它的味道卻不錯的，味道不會太過死甜，吃落去會有一點口中化既感覺，不過它不是最後的甜品仲有呢個清甜柑橘窩夫本身吃左個咸既窩夫都覺得夠皮，不過睇到餐牌，好似是新的菜式,就來點一個嘗試一下吧同樣是利是了它最有名的柑橘為主打，倒上去鮮甜的橙汁，加埋那個好鬆軟又不太甜的Cream ，出奇的好味!!!!係個腦轉唔到既時候，吃一下這個甜品其實也蠻開心的希望在這忙碌的五月完結後，在六月可以有更理想既進展，或者休息就是可以走跟更遠的路，離開不是終結的事情來吧~我們面對終極的大考好了!!是日分享:Terrace in seaside屯門屯順街1號屯門市廣場1期UG樓UGK9號舖…Read More

在剛剛的母親節，我家的兩位少爺都是沒準備心思的人；所以在剛剛的節日我再揀選了Banchan＆Cook(屯門)吃晚餐；好彩我醒目一早Book 左枱，就唔洗點等；不過又要講一下,可能人手唔夠，所以當日安排上有少少混亂今次我地叫左呢個Tasty Treal 嚐吃套餐呢個套餐我覺得對於我地都好足夠套餐有主食x2 ，小食x1 ,甜品x1 加飲品小食就有兩款內揀一款炸雞拼盤燒醬油黑毛豬白切肉配大醬生菜今次我地揀左炸雞拼盤，可以有三款味道選擇，今次我地揀左芝士,蜜糖同橘子炸雞我食左一件之後，我絕對明白點解我當時排隊的情侶要求吃任吃炸雞的想法頭先個炸雞炸得夠脆,肉汁卻又滑又嫩三款味道，我個人最喜歡橘子，帶有輕微既橙香仲有少少像蜜糖既甜🫶🏼而蜜糖炸雞，當你以為佢會沾上蜜糖令炸雞皮變軟，反而又不會之如亦令少爺仔食得最多既🤭而芝士炸雞就係三款唯一既咸食，主要由原味炸雞沾上芝士醬，不過真心的要說，再來吃的話，我都想嘗試任吃炸雞🤭另外餐裡包含了兩款飲品，包括左邊的凍Latte,另外一杯就係紅豆鮮奶當晚我見到好多客人都有點梳打飲品?賣相好靚，打卡一流👍🏻然後就要揀主食啦，主食可以有四款內揀兩款包括有以下既主食咖喱甘筍蛋包飯配漢堡扒甘筍汁帶子鮮蝦蛋包飯巴馬火腿卡邦尼年糕甘筍汁香脆豬扒長通粉今次我地揀左呢兩款巴馬火腿卡邦尼年糕甘筍汁香脆豬扒長通粉先講到下呢個巴馬火腿卡邦尼年糕開頭我以為個年糕係同雞翼既配料一樣係一小件的樣子但係估唔到既係，佢係好似意粉咁長，但係吃起來又煙煙Unun，不過巴馬火腿加埋醬汁就好似有點過濃不過整體是好吃的^^第二個就是甘筍汁香脆豬扒長通粉都係佢地煎炸的東西是做得蠻好的，豬扒炸得脆而不乾，肉仍然是嫩滑的或者近來吃的東西都是比較偏淡一點;所以對於這一款的食品仍然是覺得有一點濃如果你也喜歡吃得清淡一點,我會建議吃蛋包飯系列在上餐時，店員亦會詢問是否需要拍照?不需要,他們會直接把蛋包切開就可以享用了甜品同樣都係兩款內揀一款春日小甘筍芝士蛋糕紅蘿蔔園Oreo 慕絲蛋糕今次我地選了這一款春日小甘筍芝士蛋糕味道會比較清淡一點,吃完濃味的東西後,這個是不錯的; 首先要說的就是它是用甘筍蓉連同芝士蛋糕，不會一味係好甜,所以如果不太喜歡吃甜的朋友就可以試一下雖然呢個母親節就沒有什麼太特別的慶祝，但是一家人可以齊齊整整在一起；說說笑笑又一天，生活就是這麼簡單是日介紹반찬앤쿡 Banchan and Cook (屯門市廣場1期) …Read More

一說到復活節，就好容易想到兔子；同時間都係諗到蛋? 仲要係彩繪既雞蛋呢最近我就見到呢間餐廳又有新主題，之前我就試過它家既Kitty 主題；諗起仲覺得好回味~今次就以兔仔做主題既復活節大餐，當然要帶埋少爺一齊去試下啦~復活節大餐好多野食可以選擇，首先有主食,小食及甜品,仲有兩杯飲品首先主食可以有四款內揀兩款包括有以下既主食咖喱甘筍蛋包飯配漢堡扒甘筍汁帶子鮮蝦蛋包飯巴馬火腿卡邦尼年糕甘筍汁香脆豬扒長通粉小食就有兩款內揀一款炸雞拼盤燒醬油黑毛豬白切肉配大醬生菜甜品同樣都係兩款內揀一款春日小甘筍芝士蛋糕紅蘿蔔園Oreo 慕絲蛋糕而我地就揀選以下兩款既主食，包括有甘筍汁帶子鮮蝦蛋包飯及甘筍汁香脆豬扒長通粉首先要分享呢個甘筍汁香脆豬扒長通粉呢一款食物都係新品黎架，先要讚一下它家的炸豬扒真係整得好好，外面又炸得夠脆，然後豬扒又唔會乾爭爭,仲有d 肉汁係度不過d 醬汁比較偏濃，如果吃開淡味食品既可以會覺得唔適合但係小朋友就好喜歡囉,他吃了大半碟呢雖然說它是小食，倒不如要說它是一款主食，講緊就係揀左呢一款燒醬油黑毛豬白切肉配大醬生菜首先它真的令不太吃辣既我都可以忍唔住追住d 泡菜及醬汁一同吃泡菜有一點微辣,但也帶有一點點甜然後主角黑毛豬連同生菜一同吃，完全吃不出那個油膩感加埋泡菜真係好吸引，不過似我食唔到太辣既,真係盡量唔好落埋青椒啦(笑)因為真係幾辣的這個主食，也是新產品來的；甘筍汁帶子鮮蝦蛋包飯我見到當日都有不少客人有點上蛋包飯呢，店員上菜後也會即時幫大家切開蛋皮讓蛋液慢慢地流出這個甘筍汁比起剛剛的長通粉淡一點，我們就蠻喜歡這一款的醬汁,清淡一點點的加上它有的大蝦及帶子也不炒耶，我自己大愛!!飲品方面，我地呢個餐都有兩杯凍飲的就溶化朱古力熱的是焦糖脆脆鮮奶咖啡最後甜品的部份，我以為是每人一份的；原來只是有一份兩人分的^^"這個是紅蘿蔔園Oreo 慕絲蛋糕的確是蠻可愛的，內是每一層的慕絲蛋糕，如果是飲上比較濃的咖啡，如Lattee 的話應該蠻夾的這個蛋糕蠻甜，兩人分應該真的剛剛好，造型分很不錯的，不過可能已吃得蠻飽；這個就有一點不太得寵了是日介紹반찬앤쿡 Banchan and Cook (屯門市廣場1期) Angel 小魔怪Mama…Read More

自從少爺升左小學後，我地考完試後都會慶祝一下；即使成績如何，都給我自己或他一種獎勵最近我地上完游水堂之後都會去輕鐵站搭車番去每次在等車的時候都會看到這間店鋪；總是令我覺得係唔係真係咁好食架呢?今次同少爺仔去拍拖，我地點左呢幾款食品去試下，等我同大家又分享下先；首先有少爺想試既Carbonara 呢一款既Carbonara ，有濃濃既芝士汁去包含每一條意粉；然後有洋蔥爆香煙肉粒，配以芝士粉，少爺吃得好滋味，仲話好好味，比起平時吃既好不一樣飲品方面，少爺在好凍既天氣下，仍揀選了這杯玫瑰朱古力(凍) ；(任何食品加非酒精飲品都可以減$20 )這杯朱古力底部應該用左75%朱古力去整，再加以牛奶及玫瑰去整成，我自己試左味就好喜歡，覺得非常適合我，但係小孩就未必喜歡呢個味道然後到我點的主菜，烤西班牙豬鞍扒(配以蘋果醬) 首先要講，豬鞍扒要煮成它這樣粉嫩，而唔係生的；仲要肉質係嫩滑又彈牙又唔會係鞋口，最重要係佢會幫你切好一條條咁享用我特別欣賞它家的蘋果醬汁，又唔會太甜連埋豬鞍真係好吸引仲可以燒到粉粉紅紅的狀態，我最欣賞的人地話女仔會有第二個胃，係專吃甜品的；而我家少爺就是這種人，明明飽到話吃不到其他野但他堅持都係話想吃甜品今次我地本身想吃窩夫，不過可能太熱賣了；當天就吃不到了，所以我地點選了這個蘋果批配雪糕 這個蘋果批配以多片蘋果片去砌成，底部就是以酥皮去做成在上碟時，連碟也是暖暖的；即使當天那麼凍，我仍覺得很溫暖~最後都介紹埋我覺得蠻不錯的咖啡這杯是Dirty 這杯咖啡底層是凍的，表層的是微暖的打卡的一流唷!!是日介紹The Bay by cafe au Lait海灣餐廳香港屯門海皇路23號御海灣地下14號舖｜Shop G14,Angel 小魔怪Mama…Read More

新一年當然要有新開始，在剛剛的人日，我就好想去吃一餐好的開年飯順道來慶祝一下大家的生日嗎(笑)這次我就揀選了一間我想吃很久的，就是這家的Terrace in seaside每次經過它家的店總是被它家店員帶的橙帽子吸引著，仲有它那家的原個橙上碟的飲品，也是我每次經過好心心眼所以這次我們的開年飯我都目標要這杯原橙上的果汁這次我們點了幾款食品，先來介紹的前菜原個蕃茄沙津配胡麻醬 $80這個沙津絕對是可以當作一個餐吃，先說一下那個沙津都以火箭菜,紅黃椒絲配以少量既生果粒清爽又清甜，如果是不吃飯的朋友絕對可以當一份主食呢然後就是我的主食，這是醬燒牛肉飯卷 $88 吃韓國食品怎少得一份飯卷，這個飯卷差不多是每台客人也有點的今次我們點的是牛肉，它家也有雞肉可以選擇我喜歡它家的飯卷是有不同既配菜包著,有酸蘿蔔絲,酸青瓜,玉子,當炙少不了有主角牛肉真係吃了半條也夠飽肚耶~然後也是隊友的主吃，絕對推介這個也是差不多大部份也有叫的它是 神話豬腳紫蘇拌飯 $112首先要說的是它家的豬腳沒有骨的，吃起來是啖啖肉然後它煮起來的豬腳肉質煮得夠淋，又不是一夾即散的不過拌飯帶略為有一點辣，小朋友未必吃到的~講左每次都好心心眼既特飲，又怎少得這杯 濟州柑橘乳酪 $48造型已經夠突出，有原個橙做杯蓋,(留意個橙不能吃的)內有乳酪及少量橙肉，飲下後又可以解辣仲有陣陣清新感除左橙之外仲有菠蘿特飲可供選擇最後亦係估唔到甜品都好出色因為唔知係唔係大家都會將甜品當作主食? 它連同我們的主食一同上枱講緊既係 Lotis 焦糖芝士甜蜜滿屋窩夫 $118不過吃到尾的時候，仍然可以keep 住這樣狀態我們家其實不算是太喜歡吃Cream ,因為通常都是蠻濟的，但係估唔到它家既Cream 唔會太Over 仲同窩夫超級Match最後甜品就成了小孩的主吃，我們就是到一點點而已這一餐開年飯，生日飯我自己很滿意亦很快樂,終於有機會可以一試它家的產品,真的沒令我們失望/…Read More

轉眼美好既小一生活轉眼就讀完了，然後以為自己仍然可能好好的處理;真正的小學生活現在才正式開始，所以適當的時候是需要對自己好一點的；早前學校假期，就跟小屁孩去吃台灣好東西!!雖然可以去飛的時光，我們暫時應該不去了但是香港就是什麼國家的食品也有嗎...這次我們去了吃老媽拌麵，我一心以為是去吃拌麵的但想不到的是，這兒的定食蠻化算的!!就先講這個的 ，這是香腸肉燥定食首先當然有主食台灣香腸，另外有兩款小吃,好似這定食是有小香姑及科葵另外加送多一款小食，我就選了甜不辣炸得又脆又夠軟，加上一些甜辣醬就真的不錯呢然而我的就是話梅酸汁豬手飯配小食滷水雞翼豬手煮得又淋又入味,可惜係份量比較少一點；但係真係令人好回味的，雞翼聽說這兒的皇牌小孩就對雞翼絕對不能抗拒的，除了美食又怎少得這個特飲吧這兩杯是我們的特飲，分別是有朱古力沙冰，鳳梨茉莉鮮果茶百香果鳳梨酸甜開胃，滿滿水果味再加上茉莉茶底，超解暑的!!朱古力沙冰絕對是小孩的最愛，首先有Oero 餅乾，加朱古力棒棒然後有滿滿的朱古力沙冰，在當時的炎炎夏日，真的透心涼…Read More

雖然我作為一個媽咪，但係我內心仍然有伙少女心；我其實好鐘情於Kitty , 在大少還是嬰兒期時，仍是會有意無意地給他一些Kitty 物品，時常也給爸爸鬧在剛好的暑假，在東涌東薈城有個Kitty 女皇的展覽作為粉絲既我又點可以唔去潮聖呢? 除左有六米高既Kitty 可以打卡外，仲有主題美食推介就係我今次想同大家分享既不過呢個限時主題美食已經係31/8完左;但係呢家餐廳令我覺得原來主題餐廳d 野食係好味架今次呢三款既Kitty 主題既美食我都有點到，分別就有係包括火龍果醬炸雞蛋包飯、蘋果批牛角包窩夫及香甜蘋果紅豆奶昔火龍果醬炸雞蛋包飯 $152認真，一開始我就覺得? 下,火龍果炸雞堅Match 架咩?首先火龍果醬已弄得變成了粉紅色，味道亦不太像火龍果；然後它家的炸雞真心推介，即使我打卡無數的照片，在最後吃的時候仍是嫩滑的連同蛋包飯，入面d 飯都係炒飯底；有調味的加上可愛的kitty 打扮，當然整個飯也是加分的第二個要介紹的就是香甜蘋果紅豆奶昔 $62這杯飲品大家對它都有一點卻步，紅豆奶昔會唔會太飽肚呢?反而我對它卻很喜歡的，紅豆打成奶昔，帶有一點點像沙冰的感覺,加上又有是蘋果的香甜味道；不錯的，有咁大塊kitty 餅唔吃睇住都開心呀然後到了最後的Kitty 甜品啦，蘋果批與牛角包窩夫(HKD 122): 牛角包窩夫絕對係近來既大熱，好快就清走！而相對蘋果批雖清甜，不過未知是否已飲了紅豆奶昔就畸縑有一點太甜了來到韓國餐廳又怎少得不吃一下它家的部隊窩；這家的部隊窩蠻辣的，但係材料很足，午餐肉,腸仔，年糕當然少不了公仔麵吧，我就吃不到太多，但係辣味蠻不錯耶另外這是我們以為不足夠再點的食物，最後我們仍是吃剩了食物....但是整體真的很好吃的!!有機會再來這店試試吧~~是日分享:Banchan＆Cook東涌達東路20號東薈城名店倉3樓334號舖…Read More

近來日本的食物，完全鬧得熱哄哄；但是我覺得日本菜仍是我最喜歡的，不論是款式還是煮的安排也是很喜歡的加上這夜我是可以擁有Metime 時光；就一於跟好友來吃這家的小店吧好友近來轉到去朗屏站附近工作，她說一路也想嘗試一下這家的這夜我們有機來試下啦，由於這家真的是小店，鋪內位置不大所以需要等一下才可以進店內這夜我們點了兩款定食，每份主食也可以升級 +$30 ，定食就可以包括有:前菜,漬物，味增湯及珍珠米仲有煎菜首先就有這個蔥燒三文魚腩 $92另加$30 定食升級前菜是在三文魚腩下面，是椰菜絲沙津加玉子漬物的是芋絲跟福袋年糕味增湯內更加有蜆肉，好足料呀!! 這個三文魚腩一上枱後，已經有陣陣香氣撲鼻本身三文魚腩既油脂滿滿，而這店家把魚腩皮煎得脆卜卜，表面脆口但係下面又是啖啖肉，加上有大量既蔥絲配合燒汁，連同珍珠米一同吃，真係可以吃幾碗飯呢另外一個是選擇是牛舌，我時常覺得吃牛舌是很個人的；有一些人說不能接受這種食材，感覺不良好的；但是我嗎...我是很喜歡吃牛舌的，最好是厚身的，我就可以啖啖肉啦~~這次的蔥燒牛舌 $78 同樣是另加$30 定食升級前菜也是椰菜絲沙津加玉子漬物的是關東煮，分別有蘿蔔、竹輪同年糕福袋也是一樣的有蜆肉的味增湯這個定食要吃一下，這些牛舌有很多的；我有一點開心的是，就是好像吃了很多還有的我們數過好似有8-10 塊耶，真的有很多牛舌是沒有怪味的，如果是這個可以厚身一點點就是最完滿囉是日分享:稚-日本料理元朗俊賢坊18號權益大樓3號舖就這樣完結啦，下次再見啦!(拜~)…Read More

今次我是衝著這個Blue Summer Souffle Set 來平時到PHI 就是最愛它家的Souffle ；每次經過這店總是看著它家的Souffle 總是口水要內吞呢，差不多每枱客人會點一客的是日我去的這是屯門家的分店，它家比較Open space如果看戲來這店吃一個輕食也是一個不錯的選擇真的要說的是，來這家必點的是咖啡；不過夜晚的話要留意自己會否睡不著唷!先來介紹這個主食，這個是盧荀雞扒意大利飯 $105先不要說這碟飯的顏色比較特別，在上碟時，我有一刻擔心孩子會否對它有抗拒呢?會否有一刻跟的說，這個飯我不吃了；但是我錯了，孩子把這碟飯吃了差不多一大半的確它是味道沒有青草味，加上醬汁是把飯包滿的，而雞扒也是煎得蠻香脆的，不過味道偏咸了一些不過真的很好吃，最後我是吃光了另外我們再點了這個輕食，這是牛油果火腿牛角包 $85有沒有看到這個澎湃的火腿，這個是我想不到的多，而牛油果是差不多一個Jumbo Size 半個牛油果；我完全覺得吃個輕食蠻不錯，由其是女生吃的話是蠻飽的另外飲品上，孩子點了這杯凍朱古力；而這杯就是我衝著這個套餐包的，這個是清澈明亮夏日沙冰 主要的味道我個人覺得是椰子沙冰，有一點點的薄荷(不強烈的)真的在這個夏天飲上的這杯沙冰，爽丫丫的當然最後要介紹的就是這個主角吧，這個是藍調水色薄荷朱古力 Souffle 它家的 Souffle 好吃就是不要多說，這個 Souffle跟平常的不一樣就是它有海洋感覺首先有薄荷朱古力雪糕啦，另外仲有淺藍的Cream 啦；仲有好像沙的朱古力碎配埋一齊食，超棒的吃完這個Set 後，仲可以去番商場一樓轉埋送既Sample Gift ；呢個套餐真的好抵食，平時一個 Souffle 都要$1xx 而家只係$ 122 有 Souffle 仲有野飲，岩曬Girl Talk ,或者哄小孩時吃的特別甜點時間唷!! 是日分享HI 就這樣完結啦，下次再見啦!(拜~)…Read More

唔知你有冇去過泰國呢? 你喜唔喜歡泰國? 我想講其實我未有小朋友之前我係極之喜愛泰國，喜歡它既美食又化算又好吃喜歡它家既按摩又正宗又舒服之前去親泰國就一定會去食雞飯，但係近呢幾年大家都話去泰國就一定要食船麵,仲要鬥食得多碗，因為正宗既船麵都係好小份的，不過係香港的話，如果係正常既價錢真係難少少啦所以係香港食船麵，多數都係會正常Size d 前排我地要出去尖沙咀去博物館做功課，順道去左呢間餐廳度試下泰式船麵佢款式唔算好多，但係都有10款揀架，仲有d 估佢唔到既就好似有芫茜山啦，仲有卜卜蜆等等不過因為今次同小朋友去食，所以就叫左比較清淡少少既雞脾肉清湯河粉 $72呢碗船粉呢，就除左主角有雞肉之外，仲有兩粒魚蛋，芽菜，秋葵等等~清湯味道似豬骨湯，小朋友食就好岩啦份量都唔算少，起碼我地一齊食都幾足夠另外我地仲叫左呢一碗頂級美國肥牛配冬陰公湯及黃麵 $72佢地呢個冬陰公湯真係幾辣下，但係酸酸辣辣幾惹味而呢碗麵就唔同啦，除左一樣有秋葵外；仲有有秀珍菇同埋青口喜歡吃辣既朋友就真係要試下佢地既湯底啦另外我地都仲叫左個小食拼盤 $78有炸蝦餅(2件)炸雞翼(2件)同埋炸芝士雲吞(2件)真心要讚一下，它家的拼盤真的不錯由其它家的炸芝士雲吞，我們把它放到最後才吃，已經冷卻了，但仍有那脆卜卜的不會油淋淋雞翼就小孩吃光了，應該不錯的炸蝦餅沒有什麼大不了，就是平常的最後因為天氣太熱既關係，我就點左一杯好靚既特飲泰式蝶豆花特飲 (餐飲價+18) 如果它家可以整個泰式奶茶就好啦，呢個我會更加開心是日分享:泰濃麵 (樂道)太子彌敦道750號始創中心地下G29號舖就這樣完結啦，下次再見啦!(拜~)…Read More

隔左一排冇再食過呢間咖哩，真係令人會有點回味所以我又再來吃多一次；這間店唔算太大，但係人來人往的幸好我們就早早到達,唔係唔知就要等到幾耐先可以食到飯啦黎得天龍咖哩，又點可能唔叫咖哩架今次我就點左咖哩牛腩牛筋飯 $62配餐飲可樂 +$3 ,凍奶茶 都是+$3這一碗咖哩仍然是滿滿的蔬菜粒外，但係主要的食材牛腩牛筋仍然是不少的唷!!今次忘了說少辣，但係它仍可以不太辣的，我可以整碟飯吃光光的，我還把那個咖哩打包了，另外加購了這家的牛舌做了晚餐另外這個是小屁孩要的蔥油雞扒茄子太陽蛋飯 $53  跟上次他吃的也是一樣，當然味道仍然是一樣的好吃；我最喜歡它家的蔥油，撈飯吃就是最好吃的茄子有三大塊的，也有一大塊的雞扒連同太陽蛋真的很惹味的再來一次吃這店，吃了不同的咖哩菜式；這個咖哩真係很令人滿足，即使吃光光了這個咖哩，仍可以打包回家呢是日分享:天龍咖哩元朗合益路17-53號合益中心地下23號舖就這樣完結啦，下次再見啦!(拜~)…Read More