dnm's Profile

同同事兩人去食晏, 落左世貿搵食, 因為早去, 間間都無乜人, 就求其選左呢間, 主要係開揚 同埋諗住意大利菜應該無敢易中伏.同事要左南瓜湯同risotto我就南瓜湯同 lasagna個湯有D品系咁尋常的"杰", 味道我覺得OK. 可能份量不少, 我同事一半都完成不了.同事話risotto  OK, 也食晒咁制.而個lasagna就有D中伏, D pasta 完全熟到稔, 四邊又乾到硬硬地, 似番丁. 在不想浪費食物既情況下, 硬啪晒.…Read More

下午開完會, 開車回九龍, 諗住行皇后大道東, 唔駛係海皮塞啦... 經過時閃過一絲記憶好似話有間唔知食乜既係呢條街, 又咁啱見到有位泊車, 就開左入去. 原來聖雅各係尼到都開埋, 真係好多年無來這裡了. 泊好車後就見到有3間食店, 2間坐滿哂工友, 想搵個位都難, 咁就入左嘉鳳了. 成間舖得一個客食緊野,一個就坐係門口背住張枱向住條街, 而張枱又乜都無(個時仲以為佢係員工,後來先知原來係d街坊買外賣), 都無乜得參考添咁, 咁就只好坐低慢慢睇牆上d餐牌. 想叫雞翼, 無雞翼; 想叫油麵,無油麵 ... 最後 叫左 魚蛋 粉腸 齋 米; 最妙係 坐係門口o個個太太 幫我去"落單" ..即係去廚房睇下有無我要既野 (此刻我更確定佢係店員啦) ... 直到伯伯從入面個廚房出來, 先水落石出.大概5分鐘左右, 伯伯ok了, 我便去拿回坐位去食 ... 齋 跟一般不一樣淋 而係有d爽, 亦都係一種做法吧, 味道ok, 不是很濃的. 粉腸 份量頗多的, 色澤明潤, 無苦味也無雪味, 不錯.魚蛋 文化差異了, 沒有慣常的彈性, 味道更是 ... 唉, 不過都有好幾粒, 同埋又幾大粒既 ... 但又如何呢.那刻, 我相信 這不會是我在OR睇過的那間吧.不過, 在那時, 那地點 食個tea, 又真係幾有風味既 ... 如果, 無咁悶熱就更好啦.離開時, 遇上聖雅各的MR"下課" ... 勾起當年服務的記憶...30年了.返到屋企上來睇睇, 乜真係尼間呀 ... 無言.或許我去得太晏吧, 或許我無叫啱野吧…Read More

呢間都開咗一陣子, 之前食過午餐, 個餸都係即炒既, 都ok. 見到餐牌有個辣雞煲, 想試下, 無奈一個人點試呢...終於日前有朋友搵食飯, 就一齊去左試了.除咗 要咗半隻辣雞煲外, 仲叫咗 墨魚餅, 大鱔煲, 客家釀豆腐, 椒絲腐乳生菜.除咗客家釀豆腐之外, 其他都不錯, 抵食.客家釀豆腐 : 豆腐老又實, 魚肉唔係好新鮮.辣雞煲 : 一般辣, 香料夠味, 火喉剛好雞肉夠鮮嫩, 當然會有些油膩.墨魚餅 : 大件夾足料, 不見油膩.大鱔煲 : 鑊氣夠, 惹味, 不過份量一般.椒絲腐乳生菜 : 火喉剛好, 份量夠.因為唔係我找數, 唔知食咗幾銀; 估計連飯及啤酒, 大約$350左右.…Read More

行過沙咀道 (大會堂個邊), 發現原來間雲吞粉麵店 變左 間牛雜粉麵店; 而家搵間好食既真係唔容易了, 又睇見夜晚7點幾都成7 8 成滿, 就入去試下.叫左碗雜米, 5分鐘後 尼左碗雜河, 求奇啦, 照食.賣相ok(除左有兩舊肚有d黑黑地之外), 份量ok, 五香就唔多覺香了;上雜下雜都有d, 都係例有o個d : 金錢肚、 肺、小腸、膀- 金錢肚 : 都算入味, 夠唔夠"諗", 就見仁見智了, 我就覺得彈牙左小小- 肺 : 夠爽- 腸 : 夠瘦(或是太瘦), 食落有d苦, 唔知係咪 ...- 膀 : 有d酒味? 仲係怪怪地個種, 可能係今天太熱吧, 至少返屋企無痾. - 湯底 : 睇落去有d濁, 以為好夠料添, 點知 ... 都好配合近排醫生的吩咐 - 要食清淡d 囉既然連舖名都以牛雜命名既話, 再加上係尼個位置都訂在18蚊既價位, 對佢既 牛雜粉 有合理期望係好正常. 下次如果要再去, 都係試其他d野好d.…Read More

中午約屋企人飲茶, 見佢地未去過, 咪去囉.我覺得ok既就係d 粥, 蒸飯, 排骨 同 茶 (不過尼些一般酒樓都好少出事既, 因為係尼類酒樓街坊, 你都唔會有好大期望吧)其他d點心就真係一般般, 同其他街坊酒樓差不多, 而價錢又唔係特別有優勢, 都唔明點解咁多人.出事既係燒賣, 有些少變左味; 之前我外賣也有同樣情況, 那時候仲以為係個盒焗親變味添; 原來本身已經係咁. 可能係做起後, 沒好好冷凍保存吧.而d人話好食既燒味, 外賣燒味飯盒係好鬼便宜, 除左之外, 其實都只好話性價比高囉. 其中燒肉最高. 所以都唔係好明, 佢所謂之"風味"是指什麼, 應該唔係指變味吧 …Read More

食完餃子未能滿足, 就繼續周圍行, 睇有乜好食.見到尼間坐滿晒, 應該ok啦. 點知 ...除左油渣麵, 其他炒粉麵飯都見有人叫, 感覺上所有野都ok.因為剛剛食完餃子, 所以就無叫油渣麵, 見到有生滾粥, 就叫啦, 叫左個最基本既及第.都等左一陣, 諗住應該掂啦... 來到份量好夠 ... d料其實都一般ok, 粉腸甚至可以講係好味, 不過個粥底就好鬼漿, 似開左豆粉既漿糊, 個咀漿住晒; 而又唔覺有米香. 捱完咁大碗都唔係咁易呢.可能油渣麵會好d吧. …Read More

因為晏食午餐, 所以諗住夜晚唔食飯, 咁就去左深水埗搵d雜食.京葱羊肉水餃(10隻), 呢到d水餃係無水既, 要湯就加錢啦, 所以叫餃子適合d.–可能係個人喜好, 覺得 羊肉餡料味道唔夠羊羶﹐而且都唔少筋, 咬就好咬, 不過唔慣.- 餃皮方面唔知係粉既關係定係磋粉既手法﹐如其他人指出d皮好多都爆開, 同埋覺得唔夠彈。 - 不過餡料都算幾多﹐而且調味都夠, 因此都好多"汁"。總體來講, 同國內食開個d係唔同, 不過各人口味不同; 我還是喜歡北京的和青島的多些.…Read More

With such landslide of good comments here, we were tempted to try and made booking for a friend's bd.Good : environment, bread, clam in cream sauce, and the dessert : apple pastryOK : service, 松露汁拌蛋 (good if not served barely warm)Not ok : cream and carrot soup (too watery with only remote hint of carrot), lamb rack (not tender, hint of frozen meat, and barely warm served)It was full house, and not sure if that's the reason why we had such a mediocre meal. …Read More