艾比兒's Profile

因為鍾意食中菜， 所以間中出黎沙田都會食呢間， 乳鴿係最愛， 但好似每次都有d情況發生等位大約等左一個鐘， 見仲有兩張枱但等左半個鐘都仲未叫到，號碼停左無郁過， 朋友都好有禮貌去問下大約仲要等幾耐？ 小朋友已經好肚餓， 諗住如果耐既我地可以比小小麵包佢食先都好。 點知門口職員問我地， 係咪門口好嘈果兩個小朋友？ 佢地入去食野會吾會都咁嘈？ 一聽到呢句已經覺得好無奈， 我地兩個小朋友係門口玩， 企定定為住架bb車係度玩車仔，可能小朋友笑得太開心， 笑得太大聲， 職員就覺得佢地太嘈。 但問完之後 好快就有入坐。我地坐低就已經點左乳鴿同炒飯， 咕嚕肉， 再追加個酸菜魚咕嚕肉同乳鴿等左一陣就送左過黎其實咕嚕肉我地已經第三次食， 首先係冰鎮咕嚕肉 真係用冰圍住佢， 你一定要盡快食哂佢， 如果吾係就會變左一灘冰水浸定一舊舊既醬以前食過兩次， 佢有d蕃茄仔， 每次都有爛， 上兩次食離譜d ， 直頭黑到一忽忽都照擺上枱， 根住都係叫佢換番比我地， 無計。。 個女鐘意食呢樣 今次再嗌， 蕃茄仔無黑， 但係有爆開乳鴿有一邊唔熟， 仲有血滲出黎 好彩小朋友食既無滲血，我地同侍應講完就換左隻新既比我地我地第一次落單同第二次落單既酸菜魚， 等左半個鐘都無黎過， 我地坐角落位， 伸手搵人， 有時又扮睇我地唔到， 有位係我地前面執緊枱既女職員， 我地叫左好多次 完全理都唔理我地 如果你幫唔到我地都可以話比我地知丫。。最後搵左個女侍應追單， 拎左張單比我地， 問我地仲有咩未到， 講完之後佢話呢兩樣係要等架， 你等多陣啦， 整緊架啦等左又差吾多十分鐘， 大家都開始燥燥地， 又追， 最後4樣野食要一個鐘先上齊哂， 中餐變左法國大餐 有個叫kxxx 既啡色衫男職員黎同我地道歉， 話今日人客太多所以等咁耐， 送左兩個甜品比小朋友， 其實我地都知道唔關佢事， 上次我投訴蕃茄仔爛又係佢同我道歉， 換過新既比我地， 我估佢應該係經理？ 我覺得呢間店真係要加佢人工， 服務態度最好就係佢同另一位黑長頭髮既男職員成餐飯， 食物填唔飽肚， 不過一肚氣已經飽哂 同埋座位好多漬， 希望可以改善一下 我估唔到寫左篇真實食評出黎， 會收到openrice send比我既email話我既食評含嚴重指控，有潛在法律風險…Read More

訂位7pm, 小朋友一起到門口見到扭蛋機同一堆玩具已經開心到跳起， 玩具可以自己拎埋位玩， 我地四大兩細 叫左兩個意粉 一個pizza 一個豬手， 等到黎齊哂野食既時間係接近9pm 樓面得兩個人要走全場， 一位黑衫同一位pt, pt 感覺唔係太熟手， 見到佢兩個帶位、落單、執枱、上菜、沖野飲、埋單，都係佢地， 睇到都覺得好攰， 單憑兩人之力 真係好難做齊所有既野， 上菜等得慢， 有漏單，有錯單， 大人等得 小朋友真係唔等得， 好多人都等到頸都長， 雖然有玩具可以招呼一下小朋友， 不過都頂唔到太耐， 野食我地大家都覺得好食， 價錢算可以接受。 走果時留低名同電話做會員， 可以抽扭蛋， 老闆仲送玩具， 小朋友好開心。 同老闆傾計， 佢話咁岩有員工病左， 又有員工有事番唔到工， 新開張無幾耐， 人手一下子安排唔到， 都明白既。 員工同老闆態度都好好， 不停同我地講唔好意思， 今日要我地等咁耐， 睇住樓面個個佢地做到無停過， 係咁比人催單但都無黑過面。下次有機會會再黎多次既…Read More

朋友生日， 大家決定黎poem一試， 一開始係被裝修吸引既， 果一束波波燈訂左位， 人數吾算多， 環境幾好 靜靜地三個人叫4樣野， 加個甜品，訂位既時候有特別同左職員講生日， 好貼心地係甜品度寫左happy birthday 沙律入面既係新鮮菠蘿， 好fresh 酸酸甜甜好開胃 好怕食又（鞋）又硬肉既我， 件牛本來一打開， 望落好似熟到welldone咁， 不抱期望地試左一小口， 點知好有驚喜， 好淋 好juicy 個汁非常好味， 有小小似冬陰咁？ 呢個墨魚麵係全晚最愛， 辣辣地 好惹味炒飯好足料成餐飯係滿足既環境好， 味道好， 價錢都算合理廁所一入到去有嚇一跳既感覺， 諗起哈利波特…Read More

每月一聚既同事聚餐， 有兩個同事食過呢間快樂小羊話好正 要帶我地試試，一上到黎 吾知點解有種番左大陸既感覺 封左關咁耐 好想快d北上食野 ……6個人安排左一張圓枱， 好彩有係openrice訂左位先， 吾洗等 一定要試呢個黃金羊， 好正 雖然食羊 不過都怕太膻， 不過呢個岩岩好 同埋肉質都好吾錯6個人一定要叫3個湯底， 個清湯有少少藥味， 好好飲 麻辣好香， 又吾會太辣， 蕃茄就普普通， 無咩特別 野飲沙冰類就覺得偏甜 每枱有一壺茶， 都幾香 食到飽哂 飲番啖熱茶消化下服務都幾好 好快有人收碟 下次想食羊 可以再黎食…Read More

我地幾個朋友， 每年生日都可以自己選擇一間想食既餐廳 今年朋友話想試下呢間食漢堡包出名既texas burger一黎到， 覺得環境都幾舒服 ， 望住個餐牌吾知食咩好， 侍應主動同我地推薦食物☺️👍見到隔離枱 好多人都叫milkshake, 睇落好吸引我呢杯係mix左berries既 勁好味阿酸酸甜甜咁朋友就試左呢杯叫dirty既， 望落又吾覺好dirty 我地仲以為係果種瀉哂出黎既feel驚淨係食包吾飽， 點都要叫番個意粉， 意粉佢係每日都吾同款既， 今日既係卡邦尼， 普普通通啦 叫左個素牛肉burger, 好似真肉 又好juicy。 都吾錯手撕豬三文治， 個味好有泰國風味， 配左d炸豬皮咁既野？ 都幾得意 不過個炸豬皮實在太硬整體覺得環境ok, 侍應態度都好。 不過野食就普通啦， 最好味既係杯milkshake…Read More

真係好奇怪， 每隔幾日總係會突然浮起癮譚仔癮好彩而家開到周圍都係 總有一間係左近， 最鍾意食佢個竹笙， 雞肉酸辣，酸酸辣辣好開胃 仲有個小食麻辣牛栢葉，本身出面都好少有黑牛栢葉……… 多數係漂過既白牛栢葉 ， 所以呢度有買柏葉 真係好開心果種又麻又香既汁撈埋落柏葉度 好索汁 成件事好惹味， 好開胃，好夾…Read More

呢間金曼谷 已經開左好多年， 尋日阿媽突然話想食泰國野， 近近地又好食 當然首選金曼谷。 晚市真係好爆場, 好彩可以電話訂位， 係人潮中見到留位兩個字 去到直接有得坐 真係好開心食泰菜， 最緊要第一時間整番碟生蝦先一黎到已經極速夾哂， 佢既生蝦真係百吃不厭 新鮮 又爽 又彈 仲要夠哂大隻！ 試過係出面食既生蝦 係急凍生蝦 馬拉盞炒椰菜苗 又係每次黎都要叫， 平時都係通菜多 呢間有得叫椰菜苗， 爽 好惹味 好夾！ 媽媽第一次食炒椰菜苗， 不斷話好食冬陰功好足料 夠酸又夠辣酸辣鳳爪就普通啦 吾算太入味 但係d汁好辣青咖哩雞， 配埋蒜蓉包同薄頭餅 yummy菠蘿炒飯好足料， 菠蘿酸酸甜甜好開胃4個人 食到飽一飽， 價錢算係ok啦。 吾算話抵， 正常價錢 不過味道ok，抵佢多人排隊既…Read More

朋友組隊， 突然話好想試下呢間驚安燒肉。 睇相好似係都幾吸引， 特别係個九宮格拼盤， 好啦 拿拿聲約個日子去開餐。本身食燒肉係我印象中都係又貴又吾飽 今次呢間驚安性價比又幾高喎訂左位2點， 去到都有幾枱係度， 用qr code落單， 選擇都吾算少黎到吾洗諗啦，九宮格就一定要order架啦，試左個護心肉 麻麻地吾識形容 九宮格就樣樣都好掂， d牛牛睇落又靚仔 ！但係燒菠蘿就麻麻地 食左幾舊都好酸估吾到連燒飯團都有！ 燒完既飯團好香阿每人再叫杯咸檸7，賣單吾知點解有7折， 3個人食每人$150， 仲要都飽飽 呢個價錢呢種質素 絕對ok啦…Read More

早排新城市食dinner滿500定600蚊 送左一張$100 現金卷。 好似係夠$600就可以用， 吾知食咩好， 之前係度食過覺得印象都吾錯 帶埋阿囡同朋友又黎食一坐低就黎左個蝦餅， 好好食 袖子大蝦沙律， 袖子好多 個汁我都吾太鐘意 甜甜地咁 食泰菜一定要叫的生蝦佢呢個個價錢我覺得都算ok既， 個汁又好味呢個好味 酸酸甜甜好開胃仲叫左個椰子煮蜆， 吾記得影相 個湯好香， 椰子味清甜配大蜆 值得一試4點零時間過去好少人， 咁岩今日星期日無set, 呢個價錢算ok啦 好彩有coupon …Read More

一家大細黎新城市廣場行街， 今日同老公結婚週年， 行過見到呢間有得食酸菜魚。 裝修都幾靚 好彩一黎就有位服務態度非常之好，門口見到我抱住阿囡 主動問要吾要bb 櫈， 安排左卡位坐， 特别有位姨姨 見到我囡囡 上完茶拎左兩件玩具送比佢， 仲有兒童餐具有個二人餐， 大部份想食既野都有， 一於就佢。 招牌酸菜魚， 口水雞， 燉湯，津白落單個哥哥見我有小朋友， 仲主動話可以幫我將辣汁另上， 咁阿囡都可以食。 服務真係值得一讚但係最期待既酸菜魚， 有d失望。 竟然無最精髓既寛薯粉 同埋味道吾夠酸辣 …Read More

朋友介紹， 話之前食過一次set lunch好抵， 180蚊仲有8折， 同埋環境都吾錯 新開值得一試 所以黎試下可惜今日聖誕節無set, 所以我地散叫其實裝修我覺得就普通啦， 不過坐得都ok, 藥膳小籠包好多汁， 好香 本身對牛肉球無咩期待， 不過黎到發現又吾錯喎 佢個湯都好好味叉燒包個皮好脆， 皮薄餡靚菜膽竹笙燉湯， 清清地咁啦 無咩特別雞都算幾滑， 雞油撈飯 好香朋友話叫番同set差吾多既野， 4個人食都夠飽 下次平日有set既話都會再去食多次員工服務同禮貌都好好…Read More

呢曰想同朋友傾下計 大家都住附近 近近地試下呢間cafe， 環境吾錯， 坐得舒服， 岩哂坐低飲杯咖啡慢慢傾下計漢堡包好juicy好好味 薯條熱辣辣拉花好靚兩個意粉都好出色， …Read More

朋友生日， 佢話行過見到大圍新開左間食酸菜魚既 想試下 但好奇怪 係open rice睇到既兩個電話都打吾通， 所以叫我老公收工經過幫我行過黎訂位先， 但係職員話已經full哂 要夜晚先有:(咁我就試下walk in去等， 睇下會吾會有機會上到去又吾係想像中咁多人， 職員仲好nice 見到我抱住bb安排卡位比我又好有耐性咁講解餐牌 $199 任食酸菜魚 同牛，豬， 丸一人一鍋水消毒碗， 呢樣真係好好第一輪黎小食先刺身好正，可惜只有一輪:(酸菜魚覺得味道太淡海鮮好新鮮環境普通， 不過坐得都算ok員工態度非常好野食呢個價錢都算ok既…Read More

呢曰朋友突然約我去街街， 話帶我試下間餐廳食過覺得吾錯原來係馬來西亞菜， 真係好耐無食過……見到好多人都食呢兩樣， 海鮮喇沙同蘿蔔糕喇沙好足料， 個湯底好濃好夠味， 個麵同豆卜索哂d湯汁，yummy個 蘿蔔糕睇落黑蚊蚊， 但食落又幾野味吾錯吾錯， 果然無介紹錯…Read More

有日係度睇小紅書, 咁岩睇到篇介紹呢間長阪燒有半價優惠， 睇落又吾錯 拿拿聲上openrice睇 真係有半價喎 咁就約左幾個朋友一齊黎試下 鋪既環境好得意 周圍放左好多梅酒， 店員都好nice ， 安排左卡位比我地坐。 唯有吾好既， 就係窗台側邊位放左d吾知係小強藥定螞蟻藥咁既野， 睇到好吾開胃壽司軍艦有半價， 不過半價完都吾算話太抵食， 但係都新鮮同厚既 所以都ok燒物做得幾好 特別係牛舌呢個鰻魚飯真係值得一讚！ 勁厚勁大條！ 呢個價錢黎講 成本都去左一半 食食下有個男人黎傾計， 都會問下好吾好食之類既問題， 講起條鰻魚 我地個個讚不絕口 同場都好多人食佢…Read More