Kevin_enjoy's Profile

之前行旺角已經知道有間快樂小羊，午餐套餐好抵。今日就試一試，中午時間來到，因為佢有三層有大把位，所以不用等。下面兩層都多人，我地上三樓就比較清靜，還有窗口位，枱也很大可以放好多餸。套餐分3種價錢，$68，78和$88，都好抵，就要了兩個$88餐。主食是5選1，兩個餐就要女士肥牛和羔羊上腦肉。女士肥牛好大碟而且有冰鎮。原來羊上腦並不是羊腦，是靠近羊後頸部位接近頭部的肉，很有羊味。記得可以加$12追加多一種肉食，一定要加。我地就加了草原大片羊和高鈣羊肉，高鈣羊肉有一條脆骨/軟骨，口感比較特別。湯底可以選鴛鴦鍋，可以一邊辣一邊唔辣。食的時候也有職員幫手加湯，服務都不錯。小食拼盤有手打黑松露羊肉丸、巴沙魚、芝士芝心丸、蟹粉丸、響鈴、午餐肉。還有一份出前一丁，真是跟調味粉和麻油，但本身都夠味，都不會用調味粉吧。整體都好好味好抵食，份量也足夠。可以再食。…Read More

週未去旺角行街，到了晚上喺豉油街附近搵野食。有一間特別多人排隊，就是阿木台灣麵，之前都想試，不過之前太多人排隊就無試。今日見細枱等飛只是等5張，有些人是在等大枱，就等下，好彩只是等了十幾分鐘。裡面坐滿晒人，又剛好自己和隔離枱都一包二包，感覺昰比較迫，但都無乜影響的。自已當然要一個牛肉牛筋麵，轉了關廟粗麵，湯底想了好耐，都是選了麻辣，不過一定要選少辣。手機落單，但不是套餐所以飲品是分開叫，差d以為是正價而無叫飲品，好彩最後見到有寫飲品半價，就試試黑糖珍珠奶茶。（後來見其他枱有問飲品問題，這個真是飲品價錢唔夠清晰）牛肋和牛肉都分量十足，又夠淋夠入味，辣味是剛剛好，不過都已經食到成身汗。另外有叫芝士肉鬆蛋餅和蕃茄牛肉麵。蛋餅有肉鬆有芝士，真是好好味。但已經太飽了，如果多些人一齊分擔小食就好些，也可以試一試其他小食。黑糖珍珠奶茶也不錯，珍珠粒多到食唔晒。整體是很值得推介。…Read More

之前都食過幾次湯加，今次試下 特式烤魚。這個餐的主菜可選一種烤魚：黃花魚／海鱸魚／馬友魚／黃立倉／珍珠鱲（這個睇唔出是什麼）。配菜有腐竹，雲耳，鴨血，寬粉，蘿蔔，豆腐等等。而烤魚的口味有酸辣／麻辣／魚湯可以選。我選了麻辣黃花魚。上菜是一個四方型的爐，上面有黃花和所有配菜，黃花魚是已經煎香了，而這個熱爐會加熱一陣，令烤魚餐熱騰騰更加美味。爐看上去好大，但份量是一人份量，其實爐面是很淺水的，配菜有很多種但份量不多的，好似鴨血，豆腐都只有兩片。黃花魚煎香了好好食，但很多細骨，在這種有湯的食法下要小心骨。麻辣不算太辣，可以食小辣的朋友可以一試。我還追加了響鈴，只昰加$10有4個響鈴真是很抵。…Read More

良景廣場最近開了間湘川滬，門口人山人海，試下拎飛，好彩等了15分鐘已經有位。本來想試下午市套餐的擔擔麵或者回鍋肉，但見點心都不錯，就今次先試點心。首先當然先要小籠包，再要牛肉腸粉，牛肉球，蘿蔔糕，然後加個籠仔鳳爪排骨飯。全部味道都不錯，但一般食點心都是幾籠疊住上，但今次是一籠一籠的慢慢上，幾個點心已經食了成個鐘。可能是新店太好生意做唔切。…Read More

今日試了牛角的 SS1 入門級之選燒肉放題，每位$228再加一，是星期日中午時間，可以食足100分鐘。新都會廣場分店很大很多位，而且又預先用apps訂了位，所以不用等。食少少前菜就開始叫各種肉類，有牛五花，豚肉，雞翼有多種味道(燒肉汁, 塩醬, 味噌, 辛味醬汁等等)，但主要的牛五花是很薄，要叫很多份才夠食。其他不錯的包括新潟雞腎，雞軟骨燒，多春魚等等。服務不錯，換網都快又無漏單。飲品甜品當然很多選擇，雪糕試了吉士布甸和阿蕯姆紅茶味，但都是朱古力味好些。…Read More

見到屯門花月官有任食套餐，午市是12點食到3點，每位$238，就試一試。選了湯底後，就自動上了預設的套餐，有海鮮拼盤，頂級牛板睷，手工丸餃拼盤，炸響鈴等等（晚市才有刺身拼盤，下次有機會再試）之後可以再追加其他食物，有脆鯇片，鴨血，鵝腸，牛舌心等等，不過追加的食物份量比較細份，唔夠的話再要叫。落單基本上都無漏單，只是最後一次漏了，可以已經last order吧。味道是不錯，都算新鮮。飲品的選擇就比較少。但整體是可以再試。…Read More

這個週未到長洲一遊，成條街都是食海鮮，似乎間間的價錢差不多，選了恆樂海鮮菜館試一試。時間是下午2點幾，過了午飯時間所以不算太多人，但也有些遊客在食，應該不錯。由於今天都算熱，就沒有坐近海邊的枱，都是坐店內比較好。超值自選海鮮小菜套餐，送例湯及油菜，也免加一及茶芥。本來2個小菜的已經夠，但太多野想食，大部分海鮮都有，最後要了3小菜套餐 $278。避風塘炒蟹  - 十分香口，炒得有鑊氣和入味，份量十足，應該有3,4隻蟹的份量。蒸頭腩 - 肉質彈牙，十分新鮮蒜蒸蝦 - 蒜蓉十分惹味，蝦也很大隻例湯及油菜只是一般，好彩汽水夠凍。整體十分抵食，服務態度好，之後可以再食。…Read More