grimaceeee's Profile

疫情咁耐都較少食自助餐，今日就book左開業以來一直都好想試嘅ADD+，同朋友望住靚景食餐好嘅！ADD+係為於M+入面，同M+裝修都一樣咁有特色，最特別係有一整面落地大玻璃，望住好靚嘅香港景色我哋6:30pm入座，首先當然要去食海鮮！有蠔、扇貝、青口、蟹腳等等！蟹腳啖啖都係肉！蟹肉味都好鮮甜～其他食物方面，都有好多唔同嘅款式，例如有中式熟食、芝士麵包bar、pizza、燒味，我自己好like個芝士bar，有好多唔同款嘅芝士，仲有魚皮！魚皮十分爽脆，同埋好耐冇食過喇，估唔到自助餐裏面竟然會有！仲有唔同嘅counter /小食車，有我最鍾意食嘅片皮鴨，片皮鴨係佢會包好一份份，即切即整，鴨皮十分脆👍🏻同埋仲有即切牛扒，牛扒大概五成熟，啱我口味，牛味亦都十分重，旁邊仲有得自己夾薯條，薯條又熱又脆食到中段，原來每一個人可以有一款湯，有周打忌廉湯同埋蟲草雞湯，我同朋友一人嗌一碗，我覺得蟲草雞湯比較出色，十分足料，同埋熱辣辣嘅湯係最好飲！我覺得比較特別嘅係有一個booth即整湯麵，最特別嘅係啲蝦係養喺個缸裏面，即叫即撈即煮，所以蝦係好新鮮同爽甜。更驚喜嘅，係佢個湯底都好好味， 十分濃郁，完全有海鮮同埋蝦味嘅精華，好香甜！食到咁上下，又係時候食甜品。甜品款式眾多，我覺得最特別係有macaroon，出面食一件都唔平啦，佢嘅macaroon好香，外皮好脆，但唔會太甜，所以唔係好滯可以食多幾件！同時仲有唔同款式嘅蛋糕，每一樣都細細件，咁就可以食多幾款😆。仲有Häagen-Dazs雪糕！呢個buffet係可以任飲fruit punch、汽水等等，cocktail都有，紅酒嗰啲就要加錢，我覺得佢個fruit punch都幾好飲，杯入面有唔同嘅生果，夠晒清新~整體來講，食物款式多，亦都會不斷咁refill，最鍾意係佢嘅甜品同蟹腳！環境都舒服，服務亦都好好。之後上網搵返Add+嘅資料，發覺下午茶都應該幾出色，下次要再嚟食下先~…Read More

唔想食飯，食餃子都係一個好選擇。今次我同朋友去左西環嘅餃掂，佢個Menu有好多唔同餃子嘅選擇，款式多之餘仲有得揀係煎定係湯餃子，對於我呢啲餃子迷真係覺得好正啊！我哋要咗湯至尊松茸豬肉餃、龍鳳松茸雙煎餃、香煎軟心芝士餃、壽喜燒牛肉餃同埋重慶鮮肉雲吞。份量有得揀大份同細份，我哋每樣都揀咗細份，希望食多啲款式！首先店員好好咁樣拎咗啲醃蘿蔔俾我哋食，因為疫情關係醃蘿蔔唔會擺枱上面任你夾，醃蘿蔔夠酸又夠辣，好開胃！🔸 至尊松茸豬肉餃至尊松茸豬肉餃係配狀元九鼎湯，個湯清清地，飲得出冇味精👍🏻呢款餃子另外配有松茸醬，餃子嘅餡非常多，味道都唔錯！🔸 龍鳳松茸雙煎餃呢款搞真係超多松茸，隔住餃子皮都見到黑色嘅位置。一咬落去果然多肉汁之餘，亦好重松茸味！加埋煎香嘅脆皮，十分惹味！🔸 香煎軟心芝士餃鍾意食芝士嘅一定唔可以錯過呢一款餃子，有唔少芝士之餘，亦都有好爽口嘅粟米粒，咬落去嘅texture好豐富，我就非常鍾意食呢款啦！🔸 壽喜燒牛肉餃聽講呢一款係新出嘅餃子，一咬入口即刻有好多湯汁係入面，壽喜燒嘅味道唔會太濃而搶咗牛肉嘅味👍🏻🔸 重慶鮮肉雲吞首先呢個價錢十分之抵，$40有12粒！細細粒就好似一口餃子咁，湯底好惹味，我哋叫咗小辣，我認為可以再辣少少，咁就更加惹味喇！另外我食每款煎餃都會點菜脯豆豉醬，呢個醬為每一款餃子生色不少，令每款餃子更加惹味🤤整體來講，我覺得唔同種類嘅餃子各有特色，味道方面亦好…Read More

疫情稍有好轉，終於可以出去食下野。太耐無食韓燒，所以今日就約左朋友去旺角喜來稀肉。呢度嘅門口放置左體溫探測器同埋消毒酒精，做足防疫措施！我哋叫左兩款牛肉同兩款豬肉，分別係五花肉、護心肉、喜來烤肉同牛肋骨肉。喜來烤肉一上到枱就令大家都需要打卡，因為砌到好似花咁靚！咁多款肉裏面，我覺得味道最好食就係喜來烤肉，醃料夠入味之餘，肉質亦都好嫩！而口感方面，我覺得最好就係護心肉，護心肉即係豬嘅橫膈膜肉，十分爽口，唔會覺得好油膩。包埋蒜片同埋生菜一齊食，再點韓式醬汁，無論口感味道都非常好！五花肉亦都係我韓燒嘅至愛，層次分明之餘亦唔會好油另外我哋都嗌左個泡菜煎餅，煎餅外脆內軟之餘，加埋泡菜嘅爽口感覺，好味道！…Read More

呢排天氣開始有少少秋涼，屋企人想打邊爐，就試咗呢一間屋裝修好有藝術feel嘅火鍋店。店鋪非常之體貼，怕打邊爐會彈到件衫，提供左一個獨有嘅圍裙。佢的湯底並唔係普通嘅薯仔蕃茄、或者芫荽皮蛋湯底。我哋叫咗椰子雞，居然係我地面前即場開2大隻椰青，倒椰子水落去煲，再加埋佢真材實料嘅半隻雞！ 食完好fresh 嘅椰子雞之後就正式打邊爐啦！咁當然唔少得有好多唔同嘅打邊爐醬料提供，放係醬料自助區，要自己拎嘅，隔離居然仲有一個一桶白飯比你任裝！ 只要你肯食就千祈唔好怕羞，無限次數架！🥢鴨血，份量大份，好有口嚼感！🥢札幌黑豚肉，師傅手勢好，切得好薄身，所以好快都可以食到靚靚豚肉㗎啦！🥢墨汁墨魚丸，因為墨汁嘅關係，同平時白雪雪嘅墨魚丸唔一樣，千祈唔好俾佢嚇親。而係絕對比普通墨魚丸好味架，又大粒非常之滿足。🥢手切本地牛肉，見到都覺得佢花紋咁靚，都知一定好味，牛味好濃， 加想我哋控制時間非常之精準，唔會令到佢好硬、唔似食緊香口膠咁。🥢粟米，打邊爐就一定要有啦，非常之甜。食完呢間咁好味嘅椰子雞火鍋，覺得以後就唔使山長水遠北上食啦，其實喺香港都可以食到有質素架。…Read More

呢排突然之間好想食麻辣火鍋，有朋友晒推介呢一間渝味曉宇，原來佢除咗喺一啲旺區，連喺西環都有分店架咼！由於朋友唔係太食得辣，所以我哋就叫咗個鴛鴦鍋，一邊係大骨滋補鍋，另一邊係普通辣湯。湯底一嚟到已經聞到辣嘅味道🤤我哋首先食咗嘅係紅糖糍粑，糍粑外脆內軟，熱辣辣再加上紅糖醬，好味道！之後就到正式打邊爐，先講個湯底，我覺得普通辣已經好辣，而大骨滋補鍋有驚喜，湯底濃郁，味道好香！🔸安格斯優質肥牛🔸肥瘦分布平均，淥完之後亦好有牛味👍🏻🔸嫩牛肉🔸口感真係勁滑！呢碟嫩牛肉係我今晚最鍾意嘅一道餸！🔸黑豚腩肉🔸肥瘦分布同樣好平均，有咬口之餘，肥肉都好香！🔸手打三寶丸🔸丸類都好彈牙！好有咬口！尤其是係墨丸，勁彈牙！鮮鵝腸亦都夠晒脆最後食到勁飽肚，如果湯底亦都越食越辣，最後落埋苕粉就正好吸晒湯底嘅辣味，同埋大骨湯嘅濃郁湯底味！總括來講，佢嘅食材夠晒新鮮，而湯底亦都好味！俾錢如果用匯豐卡仲有優惠！食完麻辣火鍋真係大滿足！…Read More

今日去開朗豪坊行街，晚飯時間就打算喺朗豪坊入面「覓食」，原來頂樓有一間食burger嘅，地方唔算好大，但係睇Menu覺得幾吸引，所以就入咗去食喇！我同朋友各自叫咗個burger，分別係Texas BBQ牛肉漢堡、煙燻英國車打芝士牛肉漢堡，另外仲叫咗香蒜黑松露薯條，一杯Berry Lover~🔸Texas BBQ 牛肉漢堡🔸牛肉好juicy! 厚嘅牛肉漢堡咬落去淡淡都有肉汁，唔會好乾。個BBQ醬尤其出色，令到成個漢堡生色不少！🔸 煙燻英國車打芝士牛肉漢堡 🔸呢個牛肉亦都好juicy，配車打芝士令到漢堡texture更豐富，如果鍾意食蕃茄嘅可以叫呢一個！🔸 香蒜黑松露薯條 🔸呢個薯條真係好好味！薯條炸到好脆、又香口之餘，個黑松露汁亦都好好味，未食晒啲薯條已經食完啲醬汁！🔸Berry Lover🔸佢都幾重士多啤梨味，如果少啲甜會更加好！最尾我同朋友亦都叫咗個甜品，就係香煎焦糖蘋果夾餅！蘋果嘅酸味同cream嘅甜味好match，令到overall唔會太甜！而個皮同埋焦糖亦都有少少嘅鹹味，可以中和返！總括來講，雖然間鋪唔係好大，但係啲食物都有驚喜！…Read More

成日都聽朋友講「大樹先生的家」好啱帶小朋友來玩，今次第一次帶埋姨生女嚟玩。· 設備：地方好大，真係有好多設施、唔同園區：* 巨型嘅波波池、入面仲可以sir滑梯* 沙灘區，好似置身於海灘嘅感覺，但乾沙其實都唔會好污穢* Cosplay區、可以比小朋友扮演唔同嘅角色、好岩影相，真係好抵* 廚房小角落，可以比小朋友自己嘗試吓洗菜煮食，早享受做廚師嘅感覺* 幼兒區，分開2歲以下的小朋友，無咁易比大哥哥大姊姊撞親，好體貼* 玩具區，當然唔少得好多積木、小玩具比小朋友玩· 食物* 南瓜忌廉汁義大利粉配板燒雞（168$）南瓜味好濃郁，令到每條意粉都好甜，板燒雞好多汁，唔會太硬太乾！* 青芥香草慢烤三文魚柳（188$）好讚歎！三文魚柳烤得很香，唔會過份熟，魚肉嫩口，無諗過食物都有如此高質素。* 香草烤去骨春雞配北海道帶子（198$） 份量居然好大份！ 大粒帶子見到就令人食慾大增！去骨春雞有4件，味道岩岩好，唔會太濃味，岩哂懶人食！* 南瓜雞蓉配有機蔬菜星星粉（148$）呢份兒童餐真係好齊全：有湯、水果（大份到小朋友食唔哂😂）成份兒童餐唔會太濃味，好岩小朋友，所以黎呢到進食，真係慳返好多心機，因為實有岩小朋友味蕾的食物可揀。（媽媽們都知道不宜比太重口味的小朋友食）其實2小時時間實在太短，呢個場地真係好適合帶小朋友放電，食物👍🏻，玩區多元化👍🏻👍🏻，朋友無推介錯啊，姨生女玩到好開心😊…Read More

深井出名食燒鵝就眾所周知，我同朋友今次就去咗陳記燒鵝，呢一度除咗有馳名燒鵝之外，仲有好多晚飯小菜可以選擇！我同朋友兩個人就叫咗個例牌燒鵝、避風塘茄子、啫啫通菜煲及燒汁牛柳粒西芹！另外再叫多兩碗瀨粉，因為食燒鵝一定要陪瀨粉㗎嘛😆🔸燒鵝 (例牌)🔸賣相已經好吸引，皮下嗰一層脂肪唔算好厚，一咬入口皮好脆，但係唔會好肥膩🥰好味道！肉都好厚，但係唔會好韌好難咬，成件燒鵝配合埋個酸梅醬，真係好好味！例牌份量都唔係少，我哋兩個人食到好飽！我鍾意食嘅就係佢層皮啊！🔸避風塘茄子🔸本身以為炒茄子就一定會係好多水多汁好林，點知原來呢一度嘅避風塘茄子係好乾身，每一條茄子都獨立炸咗先，然後再用避風塘嘅料炒，所以茄子好有咬口，配合埋避風塘配料， 十分惹味！🔸啫啫通菜煲🔸用煲上夠晒熱辣辣，分量仲要超多！惹味之餘裏面仲有肉粒等等嘅配料，好飽！🔸 燒汁牛柳粒西芹🔸燒汁好惹味，配埋牛柳粒真係好match！牛柳粒唔會好韌，仲要份量好多！加埋清新嘅西芹味，呢一碟係惹味有鑊氣之選！本來以為陳記淨係食燒鵝出名，估唔到佢啲小菜都唔錯！有鑊氣之餘，呢一間店都好有人情味，店員好好，時不時會行埋黎一齊傾計…Read More

雖然天氣熱辣辣，但係各種嘅街頭小食總會吸引到我同班朋友一齊熱住都要食！今日同朋友就去咗旺角，見到阿里郎熱狗棒，我作為芝士迷就叫左雙重芝士拉絲熱狗棒，而朋友就叫咗車打芝士腸熱狗棒同埋薯條熱狗棒。熱狗棒係即叫即整嘅，整完之後熱辣辣，你仲可以配以唔同嘅醬料，例如有茄汁、芥末、或者芝士醬等等，想食乜嘢味道都可以自己調整！🔸 雙重芝士拉絲熱狗棒🔸首先入面係冇熱狗腸嘅，取而代之係有車打芝士同埋mozzarella cheese! 芝士味好濃郁，輕易已經做到拉絲嘅效果！外面亦都炸到脆卜卜，外脆內軟！食完一支已經夠飽！🔸 車打芝士腸熱狗棒🔸入面有熱狗腸，就算炸完之後車打芝士嘅味道都幾濃郁！🔸 薯條熱狗棒🔸出面外皮嘅薯條都炸到好脆，夠晒香口！三款裏面我最鍾意係食雙重芝士熱狗棒，芝味濃郁，喜歡芝士嘅人，應該都會幾鍾意！…Read More

雖然已經到咗夏天，但係都阻止唔到我去打邊爐嘅！今日同朋友去咗尖沙咀行街，行得攰就嚟咗呢一間熊本牛涮鍋，係任食嘅火鍋！為咗食到唔同嘅味道，我哋叫咗兩個湯底，一邊係木魚昆布，另一邊係龍蝦湯底！呢一度唔算好多座位，不過都見到有大夥兒黎包房，所以下次如果一大班朋友黎都可以考慮下！出面嘅自助枱，有唔少選擇，有牛丸、墨魚丸、魚片頭、芝士腸、其他蔬菜，仲有我最鍾意嘅沙律丸😍而呢一度嘅牛肉亦都係一叫便有切凍肉機即刻切架！主菜嚟喇！首先有豚肉，豚肉唔會好韌！🔸牛肩胛肉嘅脂肪唔多，咬落去有咬口但係唔會韌，新鮮之餘亦都好有牛味！🔸和牛脂肪比例會比牛肩胛多，入口果然牛味最重，牛脂很香🤤食到停唔到口！🔸牛小排牛小排有好多雪花，入口好嫩滑，不過都係和牛最重牛味！最尾呢一度仲有任食Häagen-Dazs雪糕，有我最鍾意嘅朱古力味，任食唔嬲，而飲品方面亦都係任飲，仲好有誠意有涼茶！唔怕熱氣！總括來講，呢一度嘅牛肉夠晒好味，牛味夠濃郁，對鍾意食牛肉嘅人來講係一個唔錯嘅選擇！…Read More

夏天又來了，行幾步已經需要買嘢飲解渴！今日飲出名嘅台式飲品，反而飲咗呢一間初喜嘅芝士桂花烏龍茶。首先講個茶底，我叫左少甜少冰，桂花味唔算好濃,但烏龍茶尚算有茶味。至於奶蓋，夠濃郁！芝士咸味適中，但奶蓋份量唔夠多！…Read More

雖說依家周街都係雲南米線鋪頭，但我最愛嘅就係雲桂香🤤.今日食左腩肉魚肉春卷小窩米線(中小辣)，等左大概十五先二十分鐘先有得食。佢嘅腩肉好入味，魚肉春卷略少左啲，不過麵都有好大碗。湯底係好惹味，酸同辣嘅比例適中，但中小辣略嫌唔夠辣，但係問佢攞嘅辣椒油同湯底味道一樣，所以可以隨時自己加辣，呢個安排係好適合我呢啲唔係好敢叫太辣但叫完又想辣啲嘅人!…Read More

為咗慶祝朋友生日，我哋一行四人去左旺角御滿屋食日本放題！Menu都有幾多嘢食架，生嘅有壽司、手卷、刺身，刺身都有好多款，有我最愛嘅帶子同唔同款嘅蝦，連泰式生蝦都有！熟食都有唔少～仲有唔少嘅飲品選擇！先嚟嘅係刺身拼盤，大赤蝦好爽口又好鮮甜！北寄貝都好新鮮好爽口。帶子刺身夠晒厚身又甜！壽司方面，壽司每件都唔算好大舊 (一口size)，食咗都唔會好頂胃。雖然係細細舊，但係啲配料都幾好食，我最鍾意嘅係左口魚壽司，火炙左少少個邊位，令到邊更脆口，加埋葱一齊食仲好香口添！黑松露赤蝦壽司都好味，黑松露味好出， 赤蝦好爽口鮮甜！火炙三文魚燒左之後好香三文魚油味，鰻魚壽司嘅鰻魚亦都夠晒足料！呢度嘅放題夠晒多款式，竟然仲有一鍋蟹粥食！蟹粥粥底煲到好棉，亦都係熱辣辣嘅！蟹味都好濃！黃金芝士帆立貝，雖然帆立貝係細粒咗啲，但係啲芝士好濃郁！蒲燒鰻魚都燒到外皮好脆，肉亦都有鰻魚汁嘅味，好入味！甜品仲可以每人揀一款特選雪糕，我就揀咗movenpick 雲呢拿味雪糕，出面賣幾十蚊一杯架！除咗雪糕，呢度有個甜品櫃仲有其他唔同嘅甜品，例如有細杯的朱古力慕絲，質素都幾好，有好重朱古力味，慕絲夠滑！而另外我地仲叫左朱古力窩夫，Waffle質地比較像炸了的麵包，但仍能保持外脆內軟，加埋朱古力雪糕就好配合喇！我哋叫咁多嘢都冇乜漏單，落左單都好快到！呢一個價錢再加埋movenpick雪糕，性價比都算幾高！…Read More

Arabica喺香港嘅分店越來越多，今日我同朋友就去左佢一間新嘅分店，亦都係好多人嘅打卡熱點，就係西環分店，位置臨近堅尼地城海旁~一去到已經見到好多人喺度打卡，佢嘅裝修以木同埋白色為主，外牆簡潔得來有格調，室內擺放左一啲Arabica嘅周邊產品，亦都有好多咖啡產品，仲有一個Map係展示唔同地方嘅咖啡豆，靚之餘都好informative!我同朋友叫左spanish latte同matcha latte, matcha latte 好香嘅抹茶味，仲好滑添！奶味都好香！最欣賞係唔會太甜，小小嘅甜味正好帶出綠茶嘅香濃味☺️而spanish latte 有好濃嘅咖啡香味，雖然甜味唔多，但同時無苦澀味，每喝一口都享受到咖啡嘅香醇味！難怪眼見現場好多人都叫spanish latte啦！咖啡店設有樓上座位，坐擁180度海景，萬一樓上無位坐，亦都可以坐係店外，風景風味都是一流👍🏻在簡潔有格調的環境下吹住海風飲咖啡，真是嘆！…Read More

朋友唔講我都唔知，原來打卡聖地怪獸大厦旁有間Arabica，地點唔算起眼，但入面嘅裝修是引人入勝的！高樓底的空間中放有不少有心思又代表咖啡的擺設，飲咖啡之前已經感受到此店對於「咖啡店」的要求及精緻性了！餐牌唔算好多飲品選擇，幸好有我喜愛的熱Matcha Latte, 朋友則點了Iced Americano!Matcha Latte有好香濃的抹茶香味，但味道不會過苦，同時沒有搶了Latte的咖啡味！整杯Matcha latte口感濃郁，但不會”鞋”口！我覺得合我口味，因為不會太甜Iced Americano我亦試了朋友的Americano, 好香濃的咖啡味，比其他咖啡店的烘焙味更突出！朋友都覺得係高質的Americano呢！坐喺店內飲咖啡傾下偈，再出去出面打下卡，又過了一個好chill的下午了😉…Read More