mapo886's Profile

同D舊同學食飯, 原本諗住去鼎泰豐, 但超多人費事等就去隔離彩雲軒, 其實d野食都ok丫果晚冇咩人, 8點後人氣多番d幾個小菜之中最掂係脆皮牛坑腩, 配埋個咖喱醬簡直無得頂, 外面炸到脆脆地裡面肉質軟林林, 其餘d小菜都ok, 不過係牛坑腩特別出色另外一個小食黃金南瓜條都非常好食, 好香蛋黃味, 好似食緊月餅入面個蛋黃咁, 但係冇咁漏同膩, 可能加左d南瓜, 總之係食完第一舊想再食多舊其實都飽飽地, 見到隔離枱食焦糖燉蛋, ,我地都唔執輸, 貪得意幾個人SHARE一個, 都幾香, 試一試都無妨, 價錢又夠大眾化埋單時waiter問我地有冇中銀信用卡, 佢話用200分可以當$1用, 我地有用到, 減到10蚊, 哈…Read More

好耐冇食巴西燒烤, 食過兩次但未黎過尖東呢間, 7點幾已經到左, 但人好少, 出野食既速度好慢, 而且冇咩食...出面buffet d野食亦都麻麻地, 我都唔敢食佢即煮d粉麵, 有d丸&菜, 果煲湯好似一直都冇滾住, 你要先幫你煲番起, d油king晒上面, 見到都唔開胃冷盤如三文魚、螺係好新鮮, d蠔就奀左少少, 甜品就得需糕比較ok後黎人多左, d野食先出得快左同多d款色, 燒烤出黎d野食好好多, 芝士腸熱辣辣, d芝士必晒出黎, 好正！牛肋骨、雞脾、羊仔脾、黑椒腸都好好食, 燒翠肉瓜淨係食到d調味辣辣地, 而且又切得大舊wor...除左燒魷魚其他野都可以, 好似食緊rubber咁, 仲有陣怪味, 可能唔夠新鮮相比之前去過, 感覺大不如前, 以前好多野食, 氣氛好好WAITER係不斷攞食物出黎問客人要唔要, 總之好多野食, 而且又有隊BAND唱歌, 今次可能真係人太少, 感覺麻麻…Read More

好耐都冇去pizza hut食下午茶, 原來依家d下午茶set都幾ok兩個人叫左個pizza set, 一個辣肉腸薄批加兩杯drinks都係$59pizza有粟米, cheese, 青瓜, 番茄仔, 辣肉腸&桃, 材料好足架雖然都比茶餐廳貴少少, 但坐得舒服, 又唔使等位、同人搭枱…最緊要係依家飲汽水可以無限添飲, 逢星期六、日全日都係免費添飲, 正！飲下汽水傾下偈不知幾爽, 坐耐左又有少少餓, 再叫個拼盤, 我覺得雞翼叫辣會惹味D, 口渴又可以添飲搵日唔好食LUNCH, 可以再去嘆過…Read More

去完深水埗電腦節順便到附近搵野食, 增輝門面都好似幾OK第一次見到有人用johhny walker做茶壺...好搞鬼果晚非常多人, 兩層都坐滿, 所以等左好耐D野食先黎, 後加既餸亦都漏單, 不過佢地D waiter好有禮貌食物味道ok, 除左個大羊腩煲(HK$198)睇落大少少之外其他餸都比較小巧, 胡椒豬肚花甲湯味道唔錯, 材料好足, 亦都夠6個人份量好彩果道有電視睇緩和一下等食鼓譟既心情6個人叫左一湯4餸, 每人都唔使100蚊…Read More

甜蜜蜜d甜品好似幾出名, 去食個dinner順便可以試埋佢d甜品$50晚餐包飲品&是日甜品, 主菜有十幾款可以揀, 不過D款式麻麻地講真份量唔大, 勝在有甜品搭夠就啱啱好兩個人叫左兩個set1.大蝦海鮮牛油飯, 有大蝦一隻, 幾隻中蝦, 青口、蟹柳、魚塊每樣都係得一舊, 個汁配合得好好, D飯食落就冇意大利飯咁lup口, 只可惜d飯超少... 2.黑椒豬扒意粉, 感覺上份量多少少, 其實都有好多洋蔥, 不過個豬扒好好味, 煮得入味而且好林果日既是時日甜品都唔錯, 朱古力pie雪糕, 個pie其實係個蛋撻皮上面裝住舊朱古力軟蛋糕, 連個雪糕都好味過人, 因為裡面仲有朱古力碎, 正！其中一個甜品加左$30由是日甜品轉心太軟, 好好味！勁多朱古力醬流出黎, 個蛋糕又夠軟熟, 正價要$42不過佢地D service就麻麻地, 唔係太友善, 地方亦坐得迫迫地…Read More

有個Antie嫁女派帖, 約左我同阿媽食飯, 三個人去左觀塘好彩雖然唔近mtr, 但搭巴士返屋企就好方便例牌一定要叫隻燒雞, 好彩d燒雞特別好食, 個皮脆卜卜, 又唔會有雪藏味門口有個擺海鮮既魚缸, 客人可以自己揀, 不過得三個人, 連一條魚都食唔晒…只好叫碟菜、再叫左碟鮑魚仔, 半打都係每人兩隻, 鮑魚細細隻唔un都幾好味雖然我地得三個人, 佢都送左大大碟生果盤比我地, 一d都唔頽…Read More

有同事經過燊哥火煱話好抵食, 任食每位$68, 鐡板燒$118, 限時兩個鐘, 另加一服務費放左工之後去試, 我地6個人咁啱冇晒大枱要坐卡位, 卡位就比較逼, 而且只得一個爐…..清清地我地揀左個芫茜皮蛋湯底, 有order紙點菜, 但丸類、菜、菇就要自己出去拎, 我自己就覺得佢d丸幾好食, 尤其是蝦丸同牛丸, d牛肉都好新鮮雖然只係$68, 但都有好多野選擇, 食物質素都唔差, 環境又ok, 真係冇咩可以彈有酸梅湯任免費提供, 汽水就3罐$12, 如果想飲啤酒佢地亦可以代買一定唔會食唔飽…佢仲有烏冬、公仔麵比你食後黎唔係太多人, 結果我地坐左3個鐘如果要求唔高，三五知己聚一聚都OK …Read More

姑媽book左位叫我地去飲茶, 本來想唔去但又冇得推, 阿妹又冇義氣臨時縮沙, 好彩d野都好食雪山奶皇包值得試, 奶皇包食得多, 但未試過西式奶皇包, 並唔係傳統白色皮而係西式焗皮, 個皮又夠軟熟欖角排骨好特別, 食落冇油膩既感覺, 我食左幾舊都係全肉, 正！排骨上面有d欖角碎, 有少少咸咸地, 又有蜜糖味甜甜地, 所以好特別, 欖角同蜜糖好match蒜香鮮蝦長春卷 – 賣相好吸引, 連相都唔記得影就搶住食佢係用隻杯上, 每條春卷都成隻碟咁長, 一杯有4條, 仲有好似蝦片咁脆既長形配料比起傳統春卷幼d, 仲冇咁油tim台式鹵豆腐係比較平凡既菜式, 但一d都唔普通, 因為個豆腐係超滑, 必食咸水角唔會皮厚涵少, 佢用個小竹籃上更添食慾不見天韮黃蝦腸 – 有菜伴碟都好少見, 腸粉皮好軟滑又夠薄, d蝦又大隻平時食開都係品字形三條, d豉油永遠都係滲晒最底, 一條過就冇lee個問題, haha~食得叉燒包多就試下菠蘿叉燒餐包, 味道一般la姑媽同表姐都鍾意食魚, 叫左個煎黃花魚, 我就麻麻地因為望落去好似有d乾但食落去原來d魚肉都滑, 外脆內軟, 香香脆脆…Read More

男友生日都唔知去邊度慶生好, buffet又覺得貴, 又想特別d, 最後揀左間廁所主題餐廳一入去見到好多閃燈尿兜, 坐廁板食野都幾特別兩個人只係叫左兩樣野馬桶咖喱雞飯, 講真個咖喱得個辣字, d雞都唔入味跟一碗白飯、一碗冬瓜湯, 有個小食粟米, 份量都ok牛展撈麵就細左少少, 味道一般la叫左一杯綠茶, 都好大杯, 兩個人飲都夠 其實望住尿兜入面d綠茶都幾嘔心入得黎就預左, 最後我地都飲晒款款甜品都想試下, 見到好多枱都有叫甜品, 可惜其他甜品都超級巨型我地得兩個人無可能食得晒, 只好叫左個米田共chocolate ice-cream講真D野食真係一般, 但可以一試, 感覺下用馬桶、浴缸、踎廁裝住既食物都幾過癮…Read More

舅父鍾意食潮州菜, 特別上網search就佢去長沙灣廣場潮濠城先黎一碟功夫酒, 超濃味, 我舅父話正各人已經好肚餓, 二話不說已經order 潮州凍蟹 + 鹵鵝拼盆+鹵蛋凍蟹 – 新鮮, 肉質鮮甜, yummy~因為我地好鍾意食蟹, 叫多個籠仔糯米蒸花蟹, 好食喎, 個蟹固之言好食, 個飯蒸得夠林身充滿蟹味兩味蟹係唔夠滿足我地, 仲叫左個酥炸雙棗, 即係蟹丸&蝦丸, 不過不失, 好似炸蟹鉗咁唔知邊個叫羊, 我不嬲;對羊都係麻麻地, 個羊架試左一舊唔算太酥, 又ok喎~粉絲蒸元貝果d粉絲擔當左重要既角色, 索晒元貝d汁, 師傅又蒸得啱啱好, 元貝冇話蒸到老晒潮州一品煲裡面好多料, 有鵝掌,、帶子、雞肉、鮮尤、西蘭花, 抵食!酒樓送埋甜品, 個紅豆沙認係麻麻, 可能溝得太多水….不過另一個甜點就ok, 外型好似笑口棗咁, 但係軟身既, 裡面冇涵得舊粉, 煙煙韌韌好好食, 好香口叫咁多餸, 9個人$1200都唔使, 認真抵死 …Read More

一心諗住睇早場點知睇唔成變左去飲茶本來唔係去v-cuisine,行過見到就試下佢, 就係比佢門口吸引, 入面更加都係豪裝, 冇中式酒樓既感覺點心紙有中西式點心, 我地兩樣都有叫西式點心鵝肝漢堡包仔, 一口一啖, 入口好鬆軟鮮蝦手指卷 – 賣相超靚, 用紫菜包住好特色, 食落仲唔油膩奶皇包 – 個皮夠軟熟, d涵有流沙包既覺得一樣咁滑流桂花蚌蒸腸粉 – 唔係好多地方有, 唔知係咪食慣牛腸蝦腸, 感覺有d怪怪地中式點心蝦餃 – d 蝦好大隻又新鮮, 但一籠只得兩粒, 我就覺得少左d叉燒包ok, 唔會有太多肥肉見到隔離枱叫d甜品好靚, 我地唔抵得都要叫甜品每款$8, 都算係有多款選擇白芝麻mousse, 桂花糕, 芝士藍莓撻, 焦糖燉蛋, 全部都好好味, 所有都係叫一份, 我地每人share少少環境坐得好舒服, 嘆茶最啱…Read More